Врховниот суд ја отфрли жалбата на Вишото јавно обвинителство и ја потврди ослободителната пресуда на Апелацискиот суд Скопје за новинарот Марјан Стаменковски.

Апелација во септември 2025 година го ослободи Стаменковски од обвинението за уценување и за изнуда, односно дека како сопственик на интернет порталот ДоказМ се обидел да прибави противправна имотна корист, со закана дека ќе објави текст, компромитирачки фотографии, документи, аудио и видео снимки со кои ќе му наштети на угледот на оштетениот Роберт Петров, вработен во Царинската управа, како семеен човек, и со тоа се обидел да го присили да стори нешто на штета на својот имот.

На 10 февруари 2023 година, Стаменковски беше притворен и во притвор помина 4 месеци за овој предмет.

„Почитувани, со горчлив вкус, сепак среќен што правда сепак има, ве известувам дека со одлука на Врховниот суд се потврдува пресудата донесена од Апелациониот суд со која јас, Марјан Стаменковски, сопственик на згаснатиот портал ДоказМ, сум ослободен од обвиненија за рекет, уцена и за изнуда, подигнати од Основното обвинителство по барање на цариник во февруари 2023 година. После 4 месеци притвор и скоро 28 месеци робија, правдата чукна и на мојата врата“, објави Стаменковски.

Задоцнета правда за мене е неправда, додаде тој.

„Инаку, три пати Основниот суд ме осудуваше, а три пати Апелација го враќаше предметот на повторно судење. За на крај тие да изведат судење и да ме ослободат. По жалба на Вишото јавно обвинителство до Врховен суд, добив и пресуда од Врховниот суд дека не сум уценувач и рекетар, затоа што и не сум. Оваа правна голгота ме чинеше здравје и лоши денови за моето семејство. Сакам да се заблагодарам на сите пријатели и луѓе од медиумите кои ми дадоа поддршка, уште повеќе за сите оние кои, евидентно на „Гугл“, ме правеа рекетар – отвори, пиши „Марјан Доказ“ и сè ќе биде јасно“, вели Стаменковски.

Се надевам дека мојов пример ќе биде доволен доказ дека јавноста ќе има желудник и за малку поинаков став и новинарски израз, а судот нема да уништува судбини, посебно во првостепените постапки каде јавноста отсекогаш очекувала крв, додава Стаменковски.

„И да се разбереме – поранешната власт ми го стокми ова со име и презиме. Ним нема да им простам никогаш. Тоа го должам на моето семејство“, порачува новинарот.

The post НОВИНАРОТ МАРЈАН ДОКАЗ НЕ Е ВИНОВЕН ЗА УЦЕНА И ЗА ИЗНУДА Врховниот суд ја потврди ослободителната пресуда на Апелација Скопје appeared first on plusinfo.mk.

Првиот човек на вишото јавно обвинителство, Мустафа Хајрулахи во изјава за Канал 5 истакна дека, по неодамнешните наводи на сопственикот на Доказ.М, Маријан Стаменковски за наводна инволвираност на обвинители во неговите текстови, поднел дисциплински и информација во форма на кривични пријави против двајца колеги.

– После јавната седница закажана на 17 мај, и откако сегаосудениот Марјан Стаменковски, ги обзнани информациите дека наводно некои од јавните обвинители во Вишото јавно обвинителство Скопје контактирале, односно му брифирале за наводните случувања во Вишото јавно обвинителство Скопје, затоа потенцирам наводните случувања во Вишото јавно обвинителство. Јас како виш јавен обвинител на ова обвинителство се обратив и побарав писмена информација од ОЈО каде што се води предистрага за предметот за финансиските средства на Стаменковски и имаат запленети мобилни телефони, компјутерите и веќе се извештачени побарав детална информација од страна на шефот на ОЈО и истиот ми одговори на побараните информации – вели Хајрулахи во изјава за Канал 5.

Тој додава дека од информациите кои што ги добил поднесол предлог за дисциплинска одговорност против двајца обвинители до Комисијата за дисциплинска одговорност на јавните обвинители.

Покрај предлогот за дисциплинска одговорност, Хајрулахи поднесол и известување во форма на кривична пријава до Јавниот обвинител, сè со цел да се определи друго ОЈО надвор од надлежноста на Вишото јавно обвинителство.

– За едниот јавен обвинител поднесов кривична пријава за можно сторено кривично дело „злоупотреба на службена положба и овластување“ и „злоупотреба на личните податоци“. А за другиот јавен обвинител поднесов кривична пријава за „злоупотреба на личните податоци – порача Хајрулахи.

The post МАРЈАН ДОКАЗ ЌЕ „ИЗГОРИ” ДВАЈЦА ОБВИНИТЕЛИ? Хајрулахи поднел и дисциплински и кривични пријави appeared first on plusinfo.mk.

На седницата одржана на 19 мај во Апелациониот суд Скопје, Јавното обвинителство побара повисока казна, а одбраната повторување на постапката за случајот.

На обвинетиот М. С., како што е посочено во соопштението, му се изрекува и „забрана за вршење професија, дејност или должност поврзани со кривичните дела“, односно забрана да врши регистрација на домеин и да се јави како регистрант или сопственик на портал за време од шест години и престанок на регистрацијата на сите регистрирани домејни во кои обвинетиот се јавува како сопственик на портал.

„Пресудата на Основниот кривичен суд Скопје К.бр.429/23 од 04.04.2023 година, во делот за кривичното дело „уцена“ од член 259 став 1 в.в. член 19 од КЗ, ја укина и предметот во тој дел го врати на првостепениот суд на повторно судење, од причина што првостепениот суд не ги утврдил со сигурност решителните факти кои се од влијание за правилна примена на материјалното право, по однос на елементот од битието на кривичното дело „уцена“, се наведува во соопштението.

Од Апелациониот суд Скопје информираат дека Одлуката ќе биде објавена во целост на веб страната на судот во рокот определен со Законот за управување со движењето на предметите во судовите.

Стаменковски се товареше дека преку веб-порталот во негова сопственост, како средство за извршување, сторил повеќе кривични дела: две кривични дела – Ширење на расистички и ксенофобичен материјал по пат на компјутерски систем, едно кривично дело – Уцена, едно кривично дело – Пиратерија на аудиовизуелно дело и кривично дело – Злоупотреба на лични податоци.

Предметот беше оформен по поднесени кривични пријави против обвинетиот од повеќе жртви во текот на 2022 и од почетокот на 2023 година, а во врска со објавени содржини на веб порталот во негова сопственост. Пријавите беа од две новинарки и еден владика.

The post АПЕЛАЦИЈА МУ ЈА НАМАЛИ ЗАТВОРСКАТА КАЗНА НА МАРЈАН „ДОКАЗ“ Жалбата на обвинителството беше одбиена како неоснована appeared first on plusinfo.mk.

На изминатата расправа во Апелација обвинетиот Стаменковски, побара изземање на обвинителот Рајчев, бидејќи, според него, тој соработувал со него на дел од предметите за кои што му се суди.

По поднесеното барање одлучуваше Јавното обвинителство на Република Северна Македонија, бидејќи, вишиот јавен обвинител од Вишото јавно обвинителство Скопје Мустафа Хајрулахи, исто така, беше споменат во барањето.

На Марјан Стаменковски, сопственик на порталот „Доказ М“ Основниот кривичен суд Скопје му изрече единствена затворска казна во траење од три години и еден месец. Стаменковски се товареше за пет кривични дела, односно за две дела ширење расистички и ксенофобичен материјал по пат на компјутерски систем, уцена, пиратерија на аудиовизуелно дело и за злоупотреба на лични податоци.
Освен затворската на Стаменковски му беше изречена и парична казна од 5 000 евра заради злоупотреба на лични податоци, како и забрана за вршење професија или дејност поврзана со кривичните дела, односно му се забранува регистрација на домен за портал за период од 10 години, а му престанува регистрацијата на домените кои што тој ги регистрирал.

При претрес на домот на сега осудениот полицијата запленила документација, електронски уреди и 90.000 евра. За оваа сума пари Обвинителството се сомнева дека потекнуваат од други кривични дела и за нив е отворена нова истражна постапка.

The post ОДБИЕНО БАРАЊЕТО НА МАРЈАН ДОКАЗ Обвинителот Сашо Рајчев нема да биде изземен од случајот на Стеменковски appeared first on plusinfo.mk.

Според обвинетиот Стаменковски, сопственик на порталот „ДоказМ“, кој побара изземање, јавниот обвинител Рајчев соработувал со него на дел од предметите за кои што му се суди, додека обвинителот ги отфрли овие наводи како невистинити.

Обвинителот Рајчев изјави дека воопшто не го познава обвинетиот Стаменковски, сопственик на порталот „ДоказМ“.

–  Ниту го познавам обвинетиот Марјан Доказ, ниту сум имал контакти лични и какви било, ниту сум имал каква било комуникација, така што наводите изнесени денеска од негова страна на седница ги отфрлам како целосно невистинити. Наводите ги документирав со писмена изјава која што ја доставив до обвинителството и сметам дека денеска даденото барање е еден од начините да се одолговлекува постапката и да се прават сензации како што се правеа сензации и во текстовите коишто тој ги објавуваше секојдневно и коишто се предмет на оваа кривична постапка – изјави Рајчев.

Во врска со прашањето дали ќе поднесе тужба, имајќи предвид дека тврдењата на обвинетиот Марјан Стаменковски може да се сметаат како клевета, тој одговори потврдно.

– Земав записник од денеска изнесените невистини против мене и тие невистини кои што упатуваат на клевета согласно позитивните прописи претставуваат основ за поднесување тужба. Така што, да ги прочитам убаво и во скоро време ќе биде изреагирано за тоа – рече тој.

Денешната седница во Апелациониот суд Скопје беше одложена за 19 мај поради барање за изземање на јавниот обвинител Сашо Рајчев од случајот „ДоказМ“. За барањето за изземање ќе одлучува јавниот обвинител на Република Северна Македонија.

На Марјан Стаменковски, сопственик на порталот „Доказ М“ Основниот кривичен суд Скопје му изрече единствена затворска казна во траење од три години и еден месец. Стаменковски се товареше за пет кривични дела, односно за две дела ширење на расистички и ксенофобичен материјал по пат на компјутерски систем, уцена, пиратерија на аудиовизуелно дело и за злоупотреба на лични податоци.

Освен затворската на Стаменковски му беше изречена и парична казна од 5 000 евра заради злоупотреба на лични податоци, како и забрана за вршење професија или дејност поврзана со кривичните дела, односно му се забранува регистрација на домен за портал за период од 10 години, а му престанува регистрацијата на домените кои што тој ги регистрирал.

При претрес на домот на сега осудениот полицијата запленила документација, електронски уреди и 90.000 евра. За оваа сума пари Обвинителството се сомнева дека потекнуваат од други кривични дела и за нив е отворена нова истражна постапка.

The post ЌЕ ГО ТУЖИ МАРЈАН ДОКАЗ ЗА КЛЕВЕТА Обвинителот Рајчев негира дека соработувал со Стаменковски appeared first on plusinfo.mk.

Како по однос на жалба на пресудата, одбраната, исто така, најави и жалба на решението со кое е продолжен притворот на Стаменковски.

– Навистина му е влошена здравствената состојба и има добиено шеќер. Веќе влегува во некоја група на инсулинска терапија, каде што дефинитивно третманот не може да биде соодветен во условите каде што моментално се наоѓа – изјави бранителката на Стаменковски, адвокатката Марија Петрезанова.

Петрезанова, исто така, посочи дека во однос на тоа дека постојат елементи за чисти навреди и клевети, од страна на оштетените не биле поднесени соодветни граѓански постапки за граѓанска одговорност.

– Конкретно за овие оштетени, кои се јавуваат во оваа постапка не претходеа претходно постапки за граѓанска одговорност, а за останатите не сме запознаени – изјави Петрезанова.

Стаменковски, доби единствена казна затвор од три години и еден месец и парична казна од 5.000 евра за вккупно пет дела кои му се ставаат на товар.

Судот денеска објави дека Стаменковски е виновен затоа што преку веб порталот во негова сопственост, како средство за извршување, со намера да прибави за себе лична корист по пат на закани и уцени кон повеќе лица, ширел расистички и ксенофобичен материјал во јавноста.

За секое од делата „ширење на расистички и ксенофобичен материјал по пат на компјутерски систем“, „уцена“,  „пиратерија на аудиовизуелно дело“ и за „злоупотреба на лични податоци“, Судот му одреди по една година затвор односно вкупно четири години затвор, но согласно закон му одреди една единствена казна затвор од три години и еден месец, во која се засметува и времето поминато во притвор.

Судот, исто така, му изречеи казна забрана за вршење дејност во период од 10 години за регистрација и водење на домен. Оштетените во случајот, кои преднајавија штета, Судот ги упатува во граѓански спор.

Стаменковски се наоѓа во притвор во КПУ Затвор Скопје од средината на февруари годинава.

Предметот беше оформен по поднесени кривични пријави против обвинетиот од повеќе жртви во текот на 2022 и од почетокот на 2023 година, а во врска со објавени содржини на неговиот веб портал. Јавноста во случајот беше исклучена од главната расправа заради заштита на приватниот живот на оштетените и сведоците.

The post ОВА НЕ Е КОНЕЧНАТА ПРЕСУДА, КАЗНАТА Е ПРЕВИСОКА Одбраната на Марјан Доказ најави жалба appeared first on plusinfo.mk.

Иако одговорните во Клиниката инсистирале да го задржат Стаменковски на лекување, од засега непознати причини тој тоа го одбил и решил да се врати во затворот во Шуто Оризари.

Стаменковски бил префрлен со возило на брза помош ноќеска околу 3 часот, откако се пожалил на болки во градите и други тегоби.

Откако итно е испитан, лекарите утврдиле дека има потреба да биде задржан на Клиниката поради проблеми со срцето. Но, Стаменковски тоа не го прифатил и на негово инсистирање е вратен во затворот.

Судскиот процес против Стаменковски е во тек.

The post МАРЈАН ДОКАЗ СЕ ВРАТИЛ ВО ШУТКА НА СВОЕ ИНСИСТИРАЊЕ Лекарите не го убедиле да остане на Кардиологија appeared first on plusinfo.mk.

Стаменковски е сопственик и уредник на порталот ДоказМ.

Полицијата врши комплетен претрес во домот на Стаменковски, во обид да најде докази за извршени противзаконски дејствија.

Во моментов, не се знае точно што бара полицијата. Според сознанија на Плусинфо, можно е претресот да е поврзан со написи на Марјан Стаменковски за полицијата и за Јавното обвинителство.

Стаменковски има помош од адвокат, но МВР засега не соопштува ништо за настанот. Засега дознаваме дека претресот се врши по налог од судија на претходна постапка.

The post ПОЛИЦИЈАТА ГО САРДИСА ДОМОТ НА МАРЈАН ДОКАЗ Новинарот Стаменковски пред апсење? appeared first on plusinfo.mk.