Агенцијата за храна и ветеринарство, преку Секторот за инспекциски надзор ПЕ – Берово, денеска донесе решение со кое се забранува користење на водата од водоводната мрежа во Берово за пиење и готвење.

Јавното претпријатие за комунални работи „Услуга“ информира дека според решението, водата од јавниот водовод што ја одржува ЈПКР „Услуга“ Берово може да се користи исклучиво како техничка вода, сè додека не се доведе во безбедна состојба и не ги исполнува стандардите за вода за пиење.
Забраната е воведена поради отстапувања во физичко-хемиската анализа на водата, односно утврдена зголемена концентрација на манган, што е спротивно на вредностите пропишани со Правилникот за вода за пиење.

На ЈПКР „Услуга“ Берово му е наложено да преземе соодветни мерки за преработка и прочистување на водата со цел нејзино усогласување со стандардите за безбедност.

Општината апелира до граѓаните водата од водоводната мрежа да ја користат само за технички цели, додека лабораториските анализи од акредитирана лабораторија не потврдат дека квалитетот е во границите пропишани со правилникот.

Состојбата ќе трае до добивање на резултати кои ќе ја потврдат исправноста на водата за пиење. 

The post ВОДАТА ВО БЕРОВО ЗАБРАНЕТА ЗА ПИЕЊЕ И ЗА ГОТВЕЊЕ! Презаситена е со манган appeared first on plusinfo.mk.

По објавената информација за забрана на пиење на водата во Берово поради зголемено количество на манган, од утре до сите граѓани во Берово ќе биде доставена вода со цистерни која ќе се полни од соседно Делчево, информираа од комуналното претпријатие во Берово.

Во разговор со надлежните, како што информираат, ќе бидат испратени примероци од вода до неколку лаборатории во државата и во зависност од добиените резултати, граѓаните дополнително ќе бидат известени за состојбата со користење на водата за пиење.

Од вчера во Берово водата е дозволена да се користи само за техничка употреба, откако анализите покажаа зголемено присуство на манган.

Дозволеното нормално присуството на манган во водата за пиење треба да изнесува 0,5, додека во добиените резултати за водата во Берово е зголемена на 0,11, што е нешто што првпат е констатирано по анализите на водата од водоводниот систем во Берово.

„Сепак не треба да се крева паника, иако во текот на вчерашниот ден, граѓаните за кратко време ги испразнија маркетите во градот и масовно купуваа вода за пиење. Упатуваме апел до сите стопанственици и сопственици на маркети, да бидат општествено одговорни и доколку сакаат да помогнат на граѓаните со бесплатна флаширана вода, бидејќи секој не може да си дозволи секојдневно да купува“, се вели во соопштението од надлежните.

За распоредот и доставата на вода по реони во градот од претпријатието ќе излезат со дополнително соопштение во текот на денот.

The post НАЈДЕН МАНГАН ВО БЕРОВСКАТА ВОДА Беровчани да бидат внимателни, цистерни со чиста вода од Делчево пристигнуваат! appeared first on plusinfo.mk.

Тој наведува дека резултатите на Инстиутот за јавно здравје се побиени.

„Анализите од Агенцијата за храна и ветеринарство, од три акредитирани приватни лаборатории и од Центарот за јавно здравје Струмица ги побија резултатите на Институтот за јавно здравје, кои нè измачуваа сите нас како струмичани“, пишува Костадинов.

Тој им се заблагодари на надлежните од АХВ што го потпишале решението за укинување на забраната за пиење на водата од струмичкиот водовод.

„Благодарам на професионалците од АХВ што се одважија и го потпишаа решението за укинување на забраната! На сите кои се ситевте, во овие за нас струмичани тешки и мачни денови, ви простувам од дното на мојата душа. Останува да се седне повторно со надлежните институции и да се изнајде решение за проблемот на браната Турија. Народе мој благодарам на истрајноста, трпението и поддршката која ми ја дававте мене и на професионалците од ЈПКД Комуналец, во оваа битка за Струмица. Борбата продолжува.“, вели Костадинов.

Водата за пиење во Струмица и шест населени места беше забранета за употреба пред еден месец заради зголемено присуство на манган и во последните мерења заради зголемено присуство на колиформни бактерии.

The post МОЖЕ ДА СЕ ПИЕ ВОДАТА ВО СТРУМИЦА Костадинов објави дека забраната е укината, водата од водоводот е безбедна appeared first on plusinfo.mk.

Водата за пиење во градскиот водовод во Струмица, која доаѓа од оваа акумулација, не е безбедна за пиење!

Каско што е познато, по инспоекциот надзор на 4 октомври, АХВ објави дека филтерната станица, резервоарите и главна водоводна мрежа, повеке години не се механички чистени и хиперхлорирани, иако јавното комунално претпријатие има обврска тоа да го прави еднаш годишно, а за време на елементарни непогоди и зачестено. Тогаш беше утврдено дека во моментов целиот систем е контаминиран, поради што беше наредено да се спроведе мерката за механичко чистење и хиперхлорирање и повторно вршење на лабораториски анализи по спроведувањето на мерките.

АХ сега потврдува дека ниту една од осумте мостри земени на 4 октомври, анализирани во лабораториите на ЈЗУ Институт за јавно здравје на Република Македонија, не одговараат на параметрите за безбедност во однос на испитаните параметри од физичко–хемиската анализа.

Мострата вода после таложник, земена од фабриката за обработка на вода Струмица, не е безбедна поради утврдена зголемена содржина на амонијак и манган, исто како и земените мостри од ЈКПД Комуналец Стопански двор Струмица и мострата од резервоар Св. Петнаесет – Струмица.

Поради зголемени вредности на параметрите матност и присуство на амонијак не е безбедна ниту сировата вода земена од фабриката за обработка на вода –Струмица, а поради зголемена матност, присуство на амонијак над дозволените граници и утврдено значително зголемено присуство на манган, небезбедна е и мострата вода која е земена фабриката за обработка на вода од ЈКПД Комуналец Струмица земена пред таложник.

Зголемена содржина на манган е утврдена и кај анализираните мостри вода земени после филтри од ЈКПД Комуналец Струмица, фабрика за обработка на вода, површинска вода – зафатна вода од акумулација Турија, кај која е утврдено и зголемена матност. Согласно резултатите од ЈЗУ Институт за јавно здравје, ниту овие две мостри не одговараат на законските и стручни прописи во однос на испитаните параметри од физичко–хемиската анализа.

Поради небезбедност, на сила останува изречената забрана од Агенцијата за храна и ветеринарство за употреба на водата за пиење од водоводната мрежа на ЈКПД Комуналец од Струмица, стои во соопштението од АХВ.

The post ВОДАТА ЗА ПИЕЊЕ ВО СТРУМИЦА Е ЗАГАДЕНА СО АМОНИЈАК И СО МАНГАН Целиот водоводен систем не бил чистен и хиперхлориран appeared first on plusinfo.mk.