Директорот и еден социјален работни од Меѓуопштински центар за социјални работи во Македонски Брод и покрај тоа што биле известени по телефон, молчеле и не презеле ништо за силување на дете, кое било во згрижувачко семејство.

Како што информира МВР, пријавени се Р.С. (38), директор на ЈУ Меѓуопштински центар за социјални работи Македонски Брод, и К.В. (44), социјален работник во истата институција. На 7 март годинава тие добиле телефонска пријава за полов напад и силување врз дете сместено во згрижувачко семејство. И покрај тоа, двајцата не презеле никакви службени дејствија ниту, како што е законска обврска, го пријавиле делото.

„Свесно пропуштиле да пријават кривично дело за кое дознале при вршење на службената должност“, соопшти полицијата, посочувајќи дека со своето молчење создале услов за повторна виктимизација на детето-жртва.

Против нив е поднесена кривична пријава до Основното јавно обвинителство Кичево за кривично дело „непријавување кривично дело или сторител“ по член 364 од Кривичниот законик.

Инаку во овој случај против 64-годишниот Б.С. од Македонски Брод е поднесена кривична пријава под сомнение дека извршил силување врз малолетно девојче. Судија на претходна постапка му изрече 30-дневен притвор, а осомничениот е спроведен во Затвор Битола.

СИЛУВАЊЕ НА ДЕТЕ ВО МАКЕДОНСКИ БРОД 64-годишен маж во притвор, случајот бил пријавен, но институциите не реагирале

The post МОЛЧЕЛЕ ДОДЕКА ДЕТЕТО БИЛО ЗЛОСТАВУВАНО Кривична за социјалните работници од Македонски Брод кои не пријавиле силување appeared first on plusinfo.mk.

Статистиката за присилниот брак на малолетниците, па дури и нивната продажба, укажува дека состојбата во БиХ е алармантна, а повеќето од нив се од сиромашни заедници, заедници кои живеат на работ на егзистенција или оние кои се на некој начин дискриминирани, кои не се интегрирани во општеството.

Александра Марин Диклиќ од Институцијата на Народниот правобранител за човекови права на Босна и Херцеговина посочи дека законодавната рамка во Босна и Херцеговина, особено во Федерацијата Босна и Херцеговина, бара итни промени со цел да се подобри заштитата на малолетниците. Таа укажа на важноста од усогласување на кривичното законодавство на Федерацијата Босна и Херцеговина со меѓународните стандарди, како што е Конвенцијата Ланзароте, која веќе е имплементирана во Република Српска, објави Телеграф.

Случаите кои укажуваат на итноста на социјалната реакција кога станува збор за принудните бракови во БиХ се многубројни, а девојчињата се продаваат преку договорени бракови за најмногу 15.000 конвертибилни марки (7.500 евра).

Мирсада Бајрамовиќ, експерт за детска заштита од Тузла, вели дека во пракса веќе се сретнале со голем број малолетнички бракови.

– Некои од најекстремните се тоа што 12-годишно девојче беше продадено за „голф двојка“ преку тој таканаречен малолетнички брак. Имавме и случај кога девојче беше продадено за жал за 1.500 конвертибилни марки. Цените за девојчиња преку овие договорени бракови се движат од 600 KM до 15.000 KM – рече Мирсада Бајрамовиќ.

Според Александра Марин Диклиќ, одговорноста е пред сѐ на училиштата, но не може целосно да се префрли на нив.

– Покрај образовниот систем, мора да се вклучат и безбедносните структури, полицијата и центрите за ментално здравје – нагласи таа и посочи дека има разлики меѓу урбаните и руралните училишта.

Но, таа посочи дека одговорноста не може да се остави само на училиштата.

The post ЈА ПРОДАЛ 12-ГОДИШНАТА ЌЕРКА ЗА СТАР „ГОЛФ 2“ Загрижува статистиката за присилни бракови во БиХ appeared first on plusinfo.mk.

– Комуналните редари на град Скопје на локација Вардариште затекнаа малолетно лице кое врши спалување на кабаст отпад. Повикани се службеници од МВР кои веднаш постапија согласно нивните надлежности. Продолжуваат засилените контроли од страна на Инспекторатот на град Скопје – велат од Инспекторатот.

The post ФАТЕН НА ДЕЛО Малолетник палел кај депонијата Вардариште appeared first on plusinfo.mk.