Различни видови тумори можат успешно да се лекуваат доколку се откријат на самиот почеток. Затоа е многу важно да посетите лекар кога ќе ги забележите првите симптоми, а важни се и редовните лекарски прегледи, како и самопрегледите.

Постојат намирници кои содржат бројни витамини и минерали кои можат да го зајакнат телото и да го намалат ризикот од развој на оваа болест.

Овие намирници можете лесно да ги најдете, а тие можат да ве заштитат од натамошен развој на ракот, но исто така и да бидат одлична превенција.

Повеќе за ова побарајте на „Арт кујна“.

The post ОВИЕ НАМИРНИЦИ МОЖАТ ДА ВИ ПОМОГНАТ ВО БОРБАТА СО РАКОТ За превенција, но и за борба со малигните болести appeared first on plusinfo.mk.

Благодарение на изобилството на витамин Ц и други хранливи материи, празот го чисти организмот и спречува некои болести. Старите Египќани и Грци го ценеле и како храна и како лек.

Тој е одамна популарен меѓу оние кои сакаат да ослабат или да го исчистат телото од токсини, а во него можеме да уживаме во текот на целата година. Се јаде целото растение, бидејќи листовите се особено богати со бета-каротин и витамин Ц, кој се губи при готвење или печење, па затоа се препорачува листовите да се јадат почесто сирови, на пример, во салата.

Повеќе за ова на порталот „Арт кујна“.

The post НЕ ГО ИСФРЛАЈТЕ ОД ИСХРАНАТА Корисен е за превенција од малигни болести, ги чисти желудникот и цревата и го намалува притисокот appeared first on plusinfo.mk.

– Најголем број од иновативните лекови имаат примена кај малигните болести на крвта, и тоа со јасно подобрена ефикасност. Треба да постои цврста определба на следење на светските достигнувања во што побрз временски рок, а ние сме во ситуација во која позитивната листа на лекови не е обновена цели 17 години. Освен тоа, хендикеп е што не стануваме дел од т.н. клинички студии, кои нудат опција за третман со иновативни лекови кога тие се во фаза на клиничко испитување, а тоа е една од основните препораки на светски релевантните професионални здруженија, за пациентите кои станале отпорни на стандардните прифатени протоколи за лекување – наведуваат од Здружението.

Правото на здравствена заштита е едно од основните, а граѓаните треба да знаат дека имаат можности да бараат ова право да биде соодветно регулирано и остварено. Здруженијата на пациенти се гласноговорници на пациентите и тие честопати ја преземаат иницијативата за подобрување на условите и можностите за нивно успешно лекување.

Во рамките на кампањата од Здружението ХЕМА изработиле видео спотови од кои едниот е подготвен со ФФМ и нашите фудбалски репрезентативци, како и инфографици со пораки до граѓаните за подигнување на свеста за малигните болести на крвта (леукемии, лимфоми и миеломи) и пристап до современа терапија.

The post 17 ГОДИНИ НЕ СЕ ОБНОВЕНИ ЛЕКОВИТЕ ЗА БОЛЕСТИ НА КРВТА Пациентите бараат пристап до иновативните лекови appeared first on plusinfo.mk.

Огромна студија во која биле тестирани над 29 милиони луѓе открила дека 14 пати поверојатно е вашата крв да се згрутчи многу поверојатно од инфекција од корона, одошто од вакцините „Фајзер“ или „Астра Зенека“. Ризикот од смрт или несакани последици по примањето на вакцина е неверојатно мал за разлика кај луѓето кои прележале корона, пишува IFL Science.

Истражувањето објавено во BMJ кое било спроведено од Универзитетот во Оксфорд во соработка со други универзитети во Велика Британија во периодот од минатиот декември до април годинава им ги помати водите на антиваксерите. Но, научниците не ја отфрлаат можноста за несакани ефекти и од вакцинирањето. После сѐ, оваа студија треба токму да ни помогне да ги разбереме смртните случаи во светот кои се случија откако некои поединци беа вакцинирани.

„Луѓето треба да бидат свесни за овие зголемени ризици по вакцинацијата против корона и веднаш да побараат медицинска помош доколку развијат симптоми, но исто така да бидат свесни и дека ризиците се значително повисоки во подолг временски период ако се заразат со САРС-КоВ-2 “, пишува Јулија Хипсли-Кокс, професорка по клиничка епидемиологија и општа пракса на Универзитетот во Оксфорд и главен автор на студијата.

Последиците по вакцинирањето, најчесто не се од самата вакцина

Од 29 милиони учесници во експериментот, 19,6 милиони ја примиле вакцината „АстраЗенека“, 9,5 милиони ја примиле “Фајзер“, а 1,75 милиони биле невакцинирани луѓе кои се позитивни на корона. Од сите вакцинирани лица, 122.475 биле примени во болница со некаква форма на васкуларни или хематолошки последици по вакцината, а 8.456 починале, 28 дена по убодот.

Важно е да се напомене дека овие настани не се директно поврзани со вакцината и се снимање на специфични настани по доза. Некои пациенти имале претходни состојби што можеле да влијаат на резултатите.

Се чини дека и двете вакцини се слични во ризик, при што вакцината „АстраЗенека“ е малку повисока во некои реакции, а „Фајзер“ претставува поголем ризик за добивање на исхемичен мозочен удар или „друг редок артериски тромботичен настан“.

До 14 пати повисок ризикот за тромбоза кај позитивните невакцинирани пациенти

Сепак, короната носеше значително поголем ризик од истите настани. По инфекцијата, пациентите со корона покажале 14 пати зголемен ризик од тромбоцитопенија (низок број на тромбоцити во крвта), во споредба со ризикот од 1,33 пати по вакцината „АстраЗенека“.

За венски тромбоемболизам (згрутчување на крвта во вените), ризикот бил 13,78 пати по инфекцијата со корона, во споредба со само 1,1 пати по вакцината. Конечно, со артериска тромбоемболија (згрутчување во артериите), ризикот бил 6,55 пати по голем за инфицираните со корона, во споредба со 1,06 пати за вакцинираните.

Во комбинација, овие резултати истакнуваат значајна предност при примањето на вакцината во споредба со заразувањето со вирусот, но им даваат увид на истражувачите за какви било негативни настани кои вакцината може да ги предизвика.

„Вакцинирајте се за да ја спречиме тромбозата“

„Оваа огромна студија, користејќи податоци за над 29 милиони вакцинирани луѓе, покажа дека постои многу мал ризик од згрутчување и други нарушувања на крвта по првата доза на вакцинација против корона. Иако е сериозен, ризикот од истите овие резултати е многу поголем по САРС-КоВ-2 инфекција “, пишува Азиз Шеик, професор по истражување и развој на примарна нега и директор на Институтот Ашер на Универзитетот во Единбург и коавтор на трудот, во изјавата.

Професорот Шеик смета и дека вакцината е начин како да го избегнеме згрутчувањето на крвта.

„Рамномерно, оваа анализа затоа јасно ја нагласува важноста од вакцинирање за да се намали ризикот од овие згрутчување и крварење кај индивидуите, и поради значителната придобивка за јавното здравје што ја нудат вакцинациите против корона“, заклучува Шеик.

The post ЗГРУТЧУВАЊЕ НА КРВТА Многу поверојатно е дека ќе го предизвика короната, одошто вакцината! appeared first on plusinfo.mk.

Тоа, посочи министерот, е една патологија што означува малигни заболувања на коскениот систем и ексклузивно се лекува тука на Клиниката за ортопедија.

Филипче потенцира дека благодарение на Германската амбасада која ја опреми Клиниката и со посебните специјални фрижидери, една форма на коскена банка, сега ова е веќе нов квалитет и отвора нова димензија.

– Изминатиот период многу разговаравме за тоа како да се унапредат условите, да се подобри квалитетот на здравствената услуга. Со реновирањето на едното крило и до крајот на годината практично и другиот дел од Клиниката за ортопедија значајно се подобруваат условите за лекување на пациентите кои се лекуваат и од овие малигни заболувања. Клиниката е позната по големиот број експерти кои огромен број години наназад се познати по своето искуство, знаење коешто го имплементират во делот на клиничката пракса, односно хируршкиот третман на овие заболувања за што заслужуваат секаква пофалба – рече Филипче.

Директорот на Клиниката за трауматологија, ортопедски болести, анестезија, реанимација и интензивно лекување и ургентен центар (ТОАРИЛУЦ), асистент д-р Александар Трајковски рече дека се залага колегите кои се занимаваат со онколошката патологија за сѐ да ја имаат неговата поддршка.

– Оваа година се набавени туморски протези и за време на ковид-19 функциониравме, пациентите со малигни болести беа третирани, беа имплантирани три туморски протези на колено. Беше извршена и првата трансплантација. Пациентката се чувствува добро и таа два месеци оди на штаки. За мене како директор тоа е големо задоволство, затоа што се заложивме сѐ помалку пациенти да се испраќаат на лекување во странство и да ја добиваат таа соодветна помош на Клиниката – додаде д-р Трајановски.

Раководителот на Клиника за ортопедија, д-р Далип Јахја рече дека од минатата недела е отворен реновираниот оддел на Клиниката, каде се сместени пациенти со малигни заболувања на остеоартикуларниот систем.

– Работиме на тоа да се зголеми бројот на кревети за тие пациенти. Работиме сè што треба и ретки се случаите кои одат во странство. Имаме коскена банка и новиот фрижидер дониран од Германската амбасада – додаде д-р Јахја.

Раководителот на Одделот за ортопедска онкологија со коскено зглобна трансплантација, проф. д-р Милан Самарџиски истакна дека лекуваат саркоми, односно малигни тумори на сврзните ткива, како и метастази на коски од карцином. Саркомите, посочи, се многу смртоносни и ако не се лекуваат во рок од две-три години сто отсто од пациентите ќе починат.

Тој потенцира дека во нивната дијагностика и третман учествуваат ортопед, ортопедски хирург, патолог, онколог, радиолози и се намалува грешката односно пропустите во лекувањето и се зголемува ефикасноста.

– Во дијагностичкиот дел најважната работа е биопсијата која не треба да си дозволи секој да ја прави без да биде соодветно подготвен за тоа. За жал, во третманот на саркомите и карциномите не постои превенција. Раното откривање, правата дијагностика и упатување на соодветно место е од најголема важност – додаде д-р Самарџиски.

The post Пресадувањето коски дава надеж за пациентите со малигни болести appeared first on plusinfo.mk.