Европската комисија предложи воведување на такса од 2 евра за секој мал пакет што влегува во Европа, од кој огромното мнозинство доаѓа од Кина.

– Зборуваме за 2 евра по пакет, што би ги платила платформата (која го испраќа пакетот) – изјави европскиот комесар за трговија Марош Шефчовиќ.

Лани во ЕУ биле увезени околу 4,6 милијарди пакети.

Според Шевчовиќ, идејата е да се финансираат контролите, за кои се очекува да бидат зајакнати поради приливот на пакети со ниска вредност испратени од Азија, преку платформи како што се Шеин или Тему.

Мерката ја побара Франција, која на крајот на април предложи наплата на „такса“ за секој мал пакет што влегува во ЕУ.

The post СЕ ВОВЕДУВА НОВА ТАКСА ВО ЕВРОПСКАТА УНИЈА Ќе се наплаќа по 2 евра за мали пратки appeared first on plusinfo.mk.

САД од денеска воведуваат казнени царини за мали пратки од Кина и Хонгконг, особено оние што содржат евтина облека од гигантите за онлајн-продажба „Шеин“ и „Тему“.

Новата мерка, дел од тековната трговска војна меѓу двете економски сили, со што се укинува досегашното ослободување од царина за пратки во вредност до 800 долари. Тоа ослободување им овозможи на кинеските е-комерц компании експанзија на американскиот пазар.

Според Белата куќа, досега секојдневно во САД влегувале над четири милиони пратки што биле ослободени од царина. Со новата политика, пратките испратени преку приватни курири, како ФедЕкс и Ју-Пи-Ес, ќе бидат предмет на царина од 145%. За оние што се испраќаат преку поштенски услуги, ќе се применува царина од  120%, односно најмалку 100 долари, а од 1 јуни и 200 долари.

Вашингтон тврди дека одредени кинески компании го злоупотребувале повластениот режим за да испраќаат нелегални материи, како хемиски прекурзори за синтетички дроги, вклучувајќи фентанил.

Минатата недела Франција предложи слична мерка – т.н. такса за управување со мали пратки надвор од ЕУ, што би се применувала од 2026 до 2028 година, со можност за укинување на царинското ослободување за пратки до 150 евра.

The post ТРАМП ВОВЕДЕ КАЗНЕНИ ЦАРИНИ ЗА „ТЕМУ“ И „ШЕИН“ Еве колку ќе ги чини Американците производот примен по пошта appeared first on plusinfo.mk.