Министерот за економија Крешник Бектеши денеска на својот фејсбук-профил објави дека заштедата на електрична енергија кај домаќинствата и малите потрошувачи само во декември изнесува 17 отсто, во ноември заштедата изнесувала 18 отсто и во октомври заштедата изнесувала 17 отсто.

„Тоа значи дека во последните три месеци домаќинствата и малите потрошувачи имаат над 14 отсто заштеда на електрична енергија, што беше препорака од мерките на Владата“ напиша Бектеши.

Министерот додава  дека мерките за штедење  даваат  резултати, потенцираќи дека имаме повеќе од 15 отсто заштеда кај домаќинствата и кај малите потрошувачи, а тоа помага за справување со енергетската криза.

The post ЗА 3 МЕСЕЦИ ДОМАЌИНСТВАТА И МАЛИТЕ ФИРМИ ЗАШТЕДИЛЕ 14 ОТСТО СТРУЈА Бектеши се пофали со резултатите од мерките за штедење appeared first on plusinfo.mk.

Повод за ова како што изјави Ковачевски е тоа што 7.000 фирми се затворени поради виосоката цена на струјата.

– Владата прави напор во делот на малите потрошувачи да има намалување на цената. Тоа се 65.000 субјекти, а имаме информација дека 7.000 правни субјекти веќе затвориле. Треба да се помогне на таа категорија на потрошувачи, тука ќе има значително намалување на цената – рече Ковачевски.

И од Регулаторна комисија за енергетика претходно најавија дека за малите потрошувачи кои плаќаат индустриска струја се подготвува тарифен систем сличен на оној за домаќинствата.

Првиот човек а ЕСМ рече и дека се размислува за намалување на цената на струјата за домаќинствата кои штеделе струја односно се во првите две тарифи.

-Како ЕСМ задно со Владата правиме пресметки цената која ЕСМ ќе ја дава кон ЕВН Електродистрибуција и кон МЕПСО заедно со онаа кон ЕВН Хоум да не предизвикаат зголемување на цените, односно дури да може да има намалување на цената за крајните потрошувачи – рече тој.

Ковачевски изјави дека за потребите на ЕВН Хоум ќе достават табела од сегашната цена од 48 евра за мегават час па нагоре, а Владата на затворена седница одучува која цена ќе биде препорачана и во затворен плик ќе ја достави на денот на тендерот на ЕВН Хоум.

ЕСМ денеска треба да ја достави цената по која Електродистрибуција ќе ги покрива загубите во системот, утре треба да биде доставена цената за ЕВН Хоум, а во понеделник за покривање на загубите во системот на МЕПСО.

Се очекува од вторник, па до крајот на следната недела Регулаторната комисија за енергетика и водни услуги – РКЕ да ја донесе одлуката за цената на електричната енергија што ќе важи од 1 јануари идната година за да може навреме ЕВН да ги подготви софтверите.

Засега се знае дека по 1 јануари ќе се зголеми ДДВ-то за потрошената електрична енергија од сегашните 5 на 10 отсто, но сепак ќе остане со повластена стапка до јули идната година кога согласно одлуката на Владата треба да се врати на вообичаените 18 отсто.

The post ЗАТВОРЕНИ СЕ 7.000 ФИРМИ МАЛИ ПОТРОШУВАЧИ НА СТРУЈА Ковачевски вели дека и за нив ќе се намали цената на струјата appeared first on plusinfo.mk.