Вчера, откако со колешката се одвоивме од групата со која бевме да запознаеме дел од интегрираните туристички понуди за развој на активен, одржлив и рурален туризам во Брегалничкиот регион, се прошетавме низ Владимирово. Многу брзо стасавме до центарот на сите случувања, локалната продавница каде што владимирчани се снабдуваат со основните прехранбени продукти, но откако се затворил локалниот ресторан и единствено место каде што можете да седнете и да се напиете вода и кафе или барем да помуабетите со неколкумината останати повозрасни жители на ова село кои веднаш ќе ви ги објаснат приликите во родното огниште.

Прочитајте го целиот текст на порталот „Арт кујна“.

The post ДАЛИ НЕКОГАШ СТЕ БИЛЕ ВО ВЛАДИМИРОВО, НЕГРЕВО И ПЕХЧЕВО? Ако ве носи патот натаму, задолжително посетете ги овие локални херои appeared first on plusinfo.mk.

– Ние сме натурализирани Беровци веќе девет години живееме, егзистираме и работиме во Берово, а инаку сме преселени од Скопје, корените си влечат. Свекорот ми е Беровец, Малешевец  отселен уште во млади денови во Скопје. Но, ние секогаш при посета на Берово бевме воодушевени и еден ден одлучивме со семејството да се вратиме и да го продолжиме животот таму – вели Пехчевска.

Емилија има мала семејна компанија, а со нејзиниот сопруг низ живопсната и се уште недопрена природа во Малешевскиот регион собираат капини, малини,шумски  јагоди, рибизла, рибизла, аронија од кои прават џемови и сокови, а исто така собираат и билки. Своите производи го прадава преку социјалните мрежи, а страницата и е насловена „Беровски еколошки производи”. Таа не се жали на својата работа, туку со гордост и леснотија ја работи.

– Секоја работа си има своја тежина, не можам да кажам дека е лесно. Физички е напорно, исцрпувачко не е само таа работа, дополнително има и друга работа, не е само собирањето, туку и се она што носи таа работа, преработка, амбалажирање, продажба. Ова почна сосема случајно, кога ние се преселивме и се движевме низ прекрасните предели, собирајќи шумски плодови за наши потреби, за нашите дечиња и така се појави самата иницијатива да еден дел што ќе го собереме да го преработиме – вели Пехчевска.

Меѓу успешните приказни во Рурална коалиција е и на студентката Кристина Тодорова од Неготино. Студира на Земјоделскиот факултет при Универзитетот „Свети Кирил и Методиј” во Скопје, категорична е дека по студирањето ќе се врати во своето родно место, каде што имаат мал бизнис за производство на печурки.

– Јас секако дека ќе се вратам во мојот роден крај. Ние работиме со производство на печурки и мојот бизнис проект е инкубатор за печурки. Со години се занимаваме со производство и како агроном во оваа криза што се наоѓаме многу е важно да се произведува здрава храна и да биде достапна во маркетите – вели Тодорова.

Кристина со љубов го работи производството на печурки, а нејзината визија е да го прошири производство на повеќе видови на печурки, а кои ќе бидат произведувани од страна на млади невработени лица. Посочи дека мал е интересот за студирање на нејзиниот факултет, но смета дека преку ваквите успешни приказни на младите може да им се даде поттик да се запишат на Земјоделскиот факултет.

Претседателката на Рурална коалиција, вели  дека согласно податоците кои ги имаат од Заводот за статистика жените на нива, но и во фармите и бачилата работат рамо до рамо со мажите.

– Имаме над 170.000 земјоделски стопанства кои се регистрирани или евидентирано, во зависност од тоа дали земаат субвенции или не и во речиси во сите од нив жените работат рамноправно со мажите, кога говориме само за жените тогаш говориме за бројка од повеќе од 38.000, коишто се регистрирани како индивидуални земјоделци и какошто ви кажав нивната бројка е поголема, бидејќи не сите се регистрираат во Министерството за земјоделство, шумарство и водостопанство, Тука и беше и нашата цел да ги испромивираме и тие жени, кои се надвор од системот, но произведуваат храна, или прават различни преработки, какошто се џемови слатка, колачи, торти, декорации, традиционални украси – вели Јоноска.

Продажбата на земјоделски производи освен на пазарите, стана хит и на социјалните мрежи

Македонските потрошувачи се враќаат на купување на домашните производи на пазарите, но хит станаа и социјалните мрежи, каде што има платформи и групи кои ги нудат своите производи, од млеко, сирење, урда, печурки, преработка на овошје и на шумски плодови. Јоноска од Рурална коалиција вели дека производителките на храна ги обидинуваат во „Наша тезга”.

– Конкретно ние го отворивме првиот женски рурален е пазар „Наша тезга”, којшто на 3 декември ќе слави една година од своето постоење, ако ви кажам дека почнавме со 40 жени, сега имаме над 150, кој се дел од овој пазар и којшто успешно ги промовираат и исто така ги продаваат и своите производи. Ако можам да кажам дека нешто позитивно се случи од Ковид кризата и од она што во моментот ни се случува, тоа е токму поддршката на овие жени и менувањето на навиките да купуваме исклучиво од пазар. Всушност ние сакавме да направиме еден таков он лјан пазар, каде што секоја од жение си има буквално своја тезга, па може да се запознаете со неа, да ја прочитате нејзината приказна и традиција на производство, да видите нејзините производи и буквално да си изберете производ од која жена ќе го купите – вели Јоноска.

Пехчевска од Берово успешно ја прави продажбата на своите производи, токму преку социјалните мрежи, каде што ги и промовира своите преработки од шумски плодови. Но смета дека во овој простор има нелојална конкуренција.

– Она што е наша определба е да бидеме уникатни во квалитетот, а со тоа се разбира дека и цената треба да биде соодветна. Луѓето не знаат, мислат дека ако најдат за 50 до 100 денари поевтин производ го купиле она вистинското. Значи за тоа е потребно многу време и труд и да се создаде круг на лојални конзументи, со којшто може да се продолжи соработката – вели Пехчевска.

Рурална коалиција промовира 25 жени, кои успешно ја поминаа првата Меѓународна академија за жени-претприемачки од руралните средини.

The post КОИ СЕ МАКЕДОНСКИТЕ ХЕРОИНИ? Во руралните средини рамо до рамо со мажите 38.000 жени произведуваат храна appeared first on plusinfo.mk.

Зафатени се повеќе од 50 хектари деградирана букова и дабова шума од пожарот што го зафати малешевскиот крај, на границата меѓу селата Митрашинци и Будинарци. За среќа, пожарот се движи ниско по земјата, и очекуваме во текот на денот да имаме целосна контрола врз пожарот, најдоцна до утре, изјави за МИА директорот на Центарот за управување со кризи (ЦУК), Стојанче Ангелов кој денеска присуствуваше на опожареното место.

– Пожарот се појави во текот на попладневните часови вчера, а се разгори во доцните попладневните часови. Зазема голема површина и се закануваше да прерасне во исклучително опасен пожар. Првична проценка е дека се зафатени повеќе од 50 хектари деградирана букова и дабова шума, дел од шумата која што е зафатена е од претходно исечена има доста расфрлени гранки – потенцираше Ангелов.

Како што посочи, поголем дел од високите дрвја од буковите и дабовите дрва преживуваат, не се оштетени.

Ангелов информираше дека рано утрово веднаш после 5 часот со дејство започна еден полициски хеликоптер, којшто исклучително прецизно со неговото ведро ја истураше водата онаму каде што е најпотребно и успеале во раните утрински часови да го совладаат првиот огнен удар и да воспостават делумна контрола.

– Од пред неколку минути почна со дејство и еден авион од ДЗС, кој исто така со исклучително прецизно фрлање на водата го погоди местото каде што имавме уште едни поголеми пламени јазици – рече директорот на ЦУК.

Ангелов упати благодaрност и честитки до македонските пилоти, но и на пожарникарите кои учествуваат во гаснење на пожарот.

– Најпрви на лице место излегоа пожарникарите од ТППЕ од Берово заедно со пожарникарите од Национални шуми од Берово, 30 луѓе, коиш први почнаа со воспоставување на контрола. Денеска рано наутро на нив им се придружија пожарникари од Виница, Кочани, Радовиш, Струмица, но и тимови на ДЗС. Сите овие пожарникари успеале да воспостават, би рекол делумна контрола на пожарот. Очекуваме во текот на денот да имаме целосна контрола врз пожарот – посочи Ангелов.

Гаснењето, како што рече, најверојатно ќе трае подолго, бидејќи на некои места догоруваат трупци, договоруваат дебели дрва на кои е тешко да се изгаснат, а и треба повеќе време истите да согорат.

Ангелов потенцираше дека на прво место е безбедноста на граѓаните и на пожарникарите.

– Иако вчера најавивме рано наутро дека ќе полетаат два хеликоптери и еден авион, потоа имавме поинаква процена дека ќе биде доволно за почеток еден полициски хеликоптер. Пред некое време почна со дејство и авионот. Сега хеликоптерот ќе повлече во Скопје да се заврши смена на посадата. Ќе продолжи содејство авионот, а потоа по потреба ќе се врати полицискиот хеликоптер, со тоа што цело време на располагање имаме и еден армиски хеликоптер којшто до колку се појави неопходна потреба за кратко време ќе дојде овде – додаде Ангелов.

Хеликоптерот, како што рече, водата ја црпи од Беровското езеро. Посочи дека е зафатена површина нешто повеќе од 50 хектари, но целото подрачје не е со висока шума, има, потенцираше, и ниско стеблести растенија, грмушки, тревнати површини, како и површини кои претходно се исечени на кои што има само остатоци од трупци или гранки кои останале од пожарите.

– Проблемот е што на некои места огнот се распалува и потоа повторно доаѓа до негово ширење, но сметам дека ќе воспоставиме во текот на денот целосна контрола. За гаснење ќе ни треба сигурно најмалку уште еден ден. Повторувам високите температури прават дополнителни проблеми – рече Ангелов.

Посочи дека штетата од овој пожар од ниту еден аспект не може да се спореди со штетата од минатогодишниот пожар и испрати апел до граѓаните да бидат исклучително внимателни.

Директорот на Дирекцијата за заштита и спасување (ДЗС), Беким Максути кој денеска заедно со Ангелов присуствуваше на опожареното место, нагласи дека дека постои добра соработка меѓу институциите, пред се со ЦУК, со локалната самоуправа но и со доброволни друштва кои се вклучени во згаснување на пожарот.

Тој во изјава за МИА напомена дека и во моментов дејствува авионот, и истиот ќе дејствува се до изгаснување на овој пожар, кој сега е ставен под контрола, а целосно ставање под контрола, според неговите проценки, ќе биде во текот на денот, најдоцна до утре.

Максути упати апел до граѓаните да бидат повнимателни за да не дојде до избувнување на пожар, но и да пријавуваат доколку забележат нешто сомнително или пак, како што рече, и тие самите да се вклучат во доброволното згаснување на пожарите заедно со сите чинители кои се на терен.

The post ГОРИ ПОВЕЌЕ ОД 50 ХЕКТАРИ ШУМА Се очекува пожарот во Малешевијата да биде под контрола до крајот на денот appeared first on plusinfo.mk.

Согласно својата стратегија за општествено одговорно делување, а во насока на промоција на одржливоста и еколошкиот пристап во работењето и заштита на животната средина, во кампањата која Банката ќе ја реализира во текот на декември се става посебен акцент на дигитално дадена изјава за согласност, без користење хартиени формулари, како и на информирање од Банката за сите новини и поволности преку дигиталните канали.

За таа цел, за секоја дадена изјава преку онлајн формата на веб-страницата на Бaнката www.nlb.mk вo текот на декември 2021 година, Банката ќе обезбеди по една садница за обнова на шумскиот фонд во Малешевскиот регион кој летово беше зафатен со големите шумски пожари.

Покрај дигиталниот начин, на што секако се дава предност, клиентите можат да ја дадат својата изјава за согласност и на телефонскиот број 02/15 600 или во најблиската експозитура.

НЛБ Банка поттикната од серијата пожари кои летово предизвикаа огромна штета на шумскиот фонд во земјава, во септември годинава донираше опрема на Територијалната противпожарна единица во Берово, која беше посочена како неопходна за превенција и справување со пожари.

The post ПОШУМЕТЕ СО ЕДЕН КЛИК За секоја дигитална изјава, НЛБ Банка донира садница за Малешевијата appeared first on plusinfo.mk.

The post Земјотрес во Пијанечко-малешевскиот регион appeared first on plusinfo.mk.