Тој рече дека компанијата може „да го види светот без цигари“, а всушност, колку побрзо тоа се случи, толку подобро за сите.

– Цигарите треба да се третираат како бензинските автомобили, чија продажба треба да биде забранета од 2030 година – рече Олчак.

Тој смета дека Владата може да ја запре конфузијата кај пушачите, од кои некои сè уште сметаат дека „алтернативите се полоши од цигарите“.

– Со правилни регулативи и информации, во некои земји проблемот со пушењето може да се реши еднаш и засекогаш за 10 години – рече тој.

„Филип Морис“ неодамна објави дека се стреми половина од својот промет да бидат производи за непушачи, и се претвора во „компанија за здравствени и велнес услуги“, чија нова мисија е свет без цигари. Како и да е, компанијата се најде на удар на кампањите против пушењето, кои ја обвинија за лицемерие откако таа поведе понуда за преземање на британската фармацевтска компанија „Вектура“ за инхалатори за астматичари.

The post „Филип Морис“ повика на забрана на цигарите, вклучително и на „Марлборо“ appeared first on plusinfo.mk.