Полициски службеник од Тетово е повреден откако бил удрен од патничко возило бмв со косовски национални ознаки, додека вршел службена должност. Несреќата се случила на 2 октомври 2025 година, околу 20:00 часот, на регионалниот пат Пирок–Тетово, во селото Мала Речица.

Според информациите од СВР Тетово, возилото го управувал А.С. (22) од Косово, кој при движење удрил во полицискиот службеник С.А. (26) од с.Шипковица. Полицаецот обезбедувал место на претходна сообраќајна незгода, кога дошло до новиот инцидент.

Повредениот полициски службеник бил пренесен во Клиничката болница Тетово, каде лекарите ги констатирале неговите повреди.

По наредба на јавен обвинител, увид на местото извршила екипа на СВР Тетово, а истрагата за случајот продолжува.

The post СО БМВ УДРИЛ ВО ПОЛИЦАЕЦ КОЈ БИЛ НА ДОЛЖНОСТ Службеник со тешки повреди пренесен во тетовската болница appeared first on plusinfo.mk.

Членството на Вреди ќе иницира донаторска акција за купување детектор за лаги кој треба под итно да се инсталира во Мала Речица, реагира коалицијата Вреди.

„Количеството на лаги кои ДУИ ги пласира на секој нивен јавен настап е толку дрско, што со право јавноста се сомнева дека почнале да веруваат во сопствените измислици, што како синдром влегува во доменот на медицинската наука. Притоа, граѓаните и јавноста се збунети. Кога го слушаат Бујар Османи добиваат впечаток дека тој е во заблуда дека се кандидира на претседателски, а не на локални избори. А тој пустиот, бидејќи никогаш немал контакти со жителите на Чаир, а реално не му се познати надлежностите на општината, бара сламка за спас во национални теми“, соопшти Вреди.

Затоа, со многу логични прашања ќе се обидеме да разобличиме три стандардни лаги на штабот од Мала Речица, се додава во соопштението.

„Лага број 1: ДУИ е единствен легитимен претставник на Албанците! Тогаш зошто на престојните локални избори ДУИ најголемиот број на албански општини ги отстапи на други кандидати? Зошто „легитимната“ ДУИ се крие зад коалиционите партнери ? Лага број 2: Обзнанувањето на соработката на ДУИ со Левица наводно биле очајнички конструкции со кои се подготвувало членството на Вреди за пораз. Зошто Бујар Османи бара одговорност од Изет Меџити за пожарите на депониите, а свесно и со умисла ја заборави Данела Арсовска која има директна надлежност врз депониите? Чиј почесен конзул беше Данела Арсовска и каква улога имаа Никола Груевски и Блерим Беџити во нејзиниот оркестриран напад врз Чаир? Дали соработката на ДУИ и Левица во Град Скопје сега е проширена и надградена и во албанските општини?“, соопшти Вреди.

Лага број 3: Селотејп коалицијата на Ахмети, Таравари и Села е најголемото обединување на Албанците во последните 20 години, додава Вреди.

„Дали обединувањето на овие тројца исклучиво со цел затскривање на корупциските скандали со Соравија, Ѓока Констракшн и Дака Давидович и многу други афери, може некој да помисли да ги претставува како албанско обединување? Зарем Ахмети и Бујар до толку ја потценуваат интелигенцијата на Албанците на кои им е јасно дека трикот со АКИ селотејп коалицијата е да се амортизира незадоволството од криминалните афери на ДУИ? Навистина е жално да се гледа една партија како ДУИ да паѓа на вакво дереџе. Но, Македонија видела и други вакви примери, особено кога се распадна историското ПДП“, соопшти Вреди.

Со вакво поведение Бујар Османи навистина придонесува локалните избори да станат референдум – против ДУИ, се додава во соопштението.

ДУИ денеска соопшти дека премиерот Христијан Мицкоски е свесен за неминовниот пораз што го очекува неговиот политички проект и неговиот албански вазал, Вреди.

„Албанците јасно разбраа дека Вреди не е нивниот избор, туку инструмент на Мицкоски за да ги држи Албанците покорени. Кандидатите на Вреди немаат никаква легитимност, затоа што се инсталирани од ВМРО-ДПМНЕ и се само фасада на една антиалбанска политика што има за цел да ги врати Албанците назад, во периодите пред 2001 година. Вистината е дека Албанците никогаш нема да прифатат да бидат претставувани од такви вазали. Резултатот на локалните избори ќе биде толку јасен, толку недвосмислен, што ќе ја натера државата да се соочи со предвремени парламентарни избори. Мицкоски може десетици пати да го повторува спротивното – но гласот на Албанците на 19 октомври ќе го направи невозможно бегството од оваа реалност“, соопшти ДУИ.

На 19 октомври, Албанците ќе зборуваат со еден глас, ќе покажат дека единствениот референдум е слободниот глас и самите ќе ги изберат своите претставници, соопшти ДУИ.

The post „ИТНО ДА СЕ ИНСТАЛИРА ДЕТЕКТОР ЗА ЛАГИ ВО МАЛА РЕЧИЦА“ Тие веруваат во нивните лаги, ама не и Албанците, реагира Вреди appeared first on plusinfo.mk.

СВР Тетово поднесе кривична пријава против 43-годишната Ѓ.С. од с.Мала Речица, тетовско, поради постоење основи на сомнение за сторено кривично дело „малтретирање при вршење на службата”.

„На 30.05.2025 во основно училиште во Тетово, пријавената – вработена во училиштето, физички нападнала ученик во училиштето“, информираше полицијата.

The post ВРАБОТЕНА ВО ОСНОВНО УЧИЛИШТЕ ИСТЕПАЛА УЧЕНИК Насилството се случило во тетовското село Мала Речица appeared first on plusinfo.mk.

Како што соопшти полицијата, таа на 07 ноември во Тетово, му го одзела патничко возило „рено“ на сопственост  А.С., а ден потоа  со употреба на сила, влегла во патничко возило „цитроен берлинго“, сопственост на Е.С., го стартувала, а по кратко време го оставила и заминала.

The post НАСИЛНО ОТВОРИЛА „ЦИТРОЕН БЕРЛИНГО“ ГО СТАРТУВАЛА, ПА ГО ОСТАВИЛА Малолетничка крадела автомобили во Тетово appeared first on plusinfo.mk.

– Првиот столб беше дека е чесен. Со последните случувања во последните година и пол, две и скандалите, тој мит падна. Вториот беше дека прави што прави, секогаш е во Влада, еве не е – рече Николоски во гостување на Канал 5.

Тој додаде дека Ахмети ги лажел неговите членови дека за 3 или за 6 месеци ќе влезат во Владата, па ќе имало парламентарни избори заедно со локалните, но ништо од тоа не се случи.

– Третиот мит кој што веќе се руши е дека прави што прави, ги штити своите луѓе. После она што го напиша Артан Груби вчера, јасно е дека и тој мит ќе се урне. Така да, трите столба на кои што ја градеше својата политика, ако сакате и митот кој го изгради околу себе, паѓаат – појасни Николоски.

Тој додаде дека однесувањето на лидерот на ДУИ, Али Ахмети е целосно неодговорно.

– Многу е лесно да градите мит за некого, кога не се нафаќа на извршна власт. Каков е тој политичар, кој што оди на избори, како прв, и после тоа не се нафаќа на извршна власт. Пушта други таму, а тој седи во Собранието и во Мала Речица. Извинете, ама тоа е неодговорно однесување – заклучи Николоски.

The post ПРВ НА ЛИСТА НА СИТЕ ИЗБОРИ, А НИЕДНАШ ВО ИЗВРШНАТА ВЛАСТ Падна митот за Ахмети, кој неодговорно си преседе во Мала Речица appeared first on plusinfo.mk.

ДУИ е партија која ни за момент не се колеба од својата евроатланска определеност и ориентација, му порачал претседателот на ДУИ Али Ахмети на евроамбасадорот Михалис Рокас на средбата во партиското седиште во Тетово.

ДУИ соопшти дека Ахмети и амбасадорот Рокас долго разговарале за сите политички прашања во Македонија.

Ахмети порачал дека за нив евроинтеграциите се без алтернативи и дека ДУИ дава целосна поддршка за продолжување на преговорите со ЕУ и за спроведување на реформите, без никакво одлагање и со политички консензус.

„Во однос на Охридскиот договор, Ахмети потсети дека ЕУ и САД се гаранти на мировниот договор и дека меѓуетничките односи се многу оптоварени со непромислените чекори на Владата во однос на албанскиот јазик, етничката припадност, правичната и соодветна застапеност итн. Македонија и Македонците не изгубија ништо од рамноправноста со Албанците, а државата воопшто не е загрозена од спроведувањето на Охридскиот договор“, соопшти ДУИ.

Ахмети повторил дека политичкиот дијалог мора да го почитува изборниот легитимитет на легитимните претставници на етничките заедници.

„Тоа овозможува стабилност, безбедност и социјална кохезија. Ахмети повтори дека решението за оваа тешка ситуација се заедничките парламентарни и локални избори во октомври 2025 година“ соопшти ДУИ.

The post КРИЗАТА СО ЛЕГИТИМИТЕТОТ ДА СЕ РЕШИ СО ПРЕДВРЕМЕНИ ИЗБОРИ ВО 2025 ГОДИНА Ахмети му порачал на Рокас дека ДУИ не отстапува од европската определба appeared first on plusinfo.mk.

На снимката имал и означена локација во селото Доброште.

• ГИ СЛУШНАЛ КАКО ПЛАНИРААТ ДА МУ ФРЛАТ БОМБА ВО КУЌАТА Драма во Тетовско, полицијата спречи катастрофа

Кога се упатил со автомобил кон локацијата, на влезот од селото селаните веднаш го забележале како сомнително непознато лице. Лицето ги оставило бомбите покрај патот, со цел да не биде откриен, па продолжил да вози кон селото. Меѓутоа, локалните жители му го попречиле патот и го пријавиле во полиција, по што бил лишен од слобода.

Основното јавно обвинителство Тетово донесе Наредба за спроведување истражна постапка за кривично дело – Неовластено изработување, држење, посредување и тргување со оружје и експлозивни материи од член 396 став 5 во врска со став 3 од Кривичниот законик, а јавниот обвинител предложи на осомничениот да му биде определена мерка притвор.

The post СЕ СНИМАЛ СО ДВЕ КАШИКАРИ, НО СЕЛАНИТЕ ГО ФАТИЛЕ Драма во тетовското село Доброште, Обвинителството бара притвор appeared first on plusinfo.mk.

Сето ова е само мал дел од она што ни се случува низ актуелниов евроинтегративен процес и инсистирањето на некакво (невозможно) „билатерално усогласување“ со вашиот довчерашен окупатор и актуелен негатор – а има и посилни зборови, ако затреба – со нивелирањето на историските процеси во некакво „ЕУ едномислие“ коешто од наш агол најмногу наликува на невозможна мисија.

Велам невозможна зашто историјата, за среќа, или за нечија жал, е специфична наука што не е на таков начин „компатибилна“, каде што едно „правило“ или „закон“, искуство или след на настани, не важи за сите истовремено. Поинаку кажано, нема две идентични, па ни слични истории, што би можеле да се споредуваат, надополнуваат или проткајуваат. И да „учат“ едната од другата. Секоја историја на одделна држава е „приказна“ за себе. Секако, таа може да биде испреплетена со историјата на друга или на повеќе држави во дадени периоди, но тоа не ги прави идентични или слични. Уште помалку блиски. Тоа е само – привид! Испреплетените истории, или „допирните точки“ како контактни историски „зони“ во одредени периоди, никогаш и никаде не се разгледуваат како идентични туку единствено како можни споделени историски мигови со различно времетраење. И значење, секако.

Историјата е како и животот на човекот: не завршува со смртта! Животот на еден човек продолжува во меморијата на другите, а слично е и со државите и со историјата: империи и царства престанувале да постојат, но сеќавањата за нив останале во сеќавањата и во книгите; цареви и кралеви умирале, но нивните животи и (не)дела продолжувале во митовите, легендите, учебниците… Затоа историјата на една земја е бескрајна приказна, но секоја различна од другите. Допирни точки постоеле, постојат, и ќе постојат, но суштината е една, неделива и неменлива за секоја одделно.

А ние денес потполно ја оживуваме познатата мисла на Фокнер за историјата којашто вели дека „минатото никогаш не е мртво, тоа дури не е ни минато“. И тоа е една од најголемите вистини за минатото и за историјата како негово протеже зашто секој миг од нашите сегашни животи е миг од светот на минатото, на еден или на друг начин. Ние сме опколени, да не речам прогонувани, од сеќавања и остатоци од тоа минато и неговите ефекти врз нас – како единки и/или како групи, заедници, народи… и тие сеќавања, спомени и остатоци, добри или лоши, се постојано со нас и не можат едноставно да бидат избришани или поништени.

За жал, последниве три децении со нас се само лошите спомени и сеќавања, оние од Втората светска војна или неколку години порано, оние од Балканските војни и од Букурешткиот договор, оние од Сан Стефано или Версај итн. Повампирените балкански апетити будат и некакви чудни внатрешни колаборационистички манифестации, градат непринципилени коалиции и партнерства коишто уште повеќе ја засилуваат валидноста на мислата на Фокнер за историјата, односно минатото, и за сегашноста.

Зашто, на пример, погледнете ја онаа весела дружба во Мала речица, каде што се коваат некакви неприродни – или грешам? – „блиски соработки“ (божем) во поглед на некаква европска иднина и добрососедството, токму со амбасадорот на дотичната земја директно и неотповикливо заинтересирана за „процесот“. Но, патем, и за многу други нешта. Згора на тоа, се лиферуваат и соодветни на чинот памфлетни пораки дека, ете, преговарачката рамка одобрена од Европската унија е јасна и мора да се спроведе за да сме го продолжеле нашето патување кон Брисел. И понатаму, се разбира, ламентацијата за „реалноста“ на некаква „Бугарска заедница“ во Македонија којашто треба час поскоро да биде вклучена во Уставот бидејќи од тоа никој ништо не губи, туку сите добиваат. Ма немој.

Таквите „реалности“, оние што, по правило, на Прокрустовата постела ги сместуваат само другите, се дамнешен омилен рецепт на овие простори: секогаш е полесно за другите отколку за себе да ја најдете соодветната „мерка“ односно решение! Да го „развлечете“ дотичниот ако е мал, или да му ги скратите нозете, па и главата, ако стрчат вон поставените „вредности“. А „губитоците“ и/или придобивките од тие „процеси“ е логично да се остават на засегнатите, нели? Така, впрочем, повторно доаѓаме до оние страотно злонамерни и во основа безобразни пренемагања во медиумите од типот „што мислите, зошто некој би чмаел тука заедно со нас ако има боља перспектива“?

И како тоа, и зошто, ние секогаш мора да имаме разбирање, па и почит, за нечии и некакви силеџиски арбитрарни „стандарди“, занемарувајќи ја историската катастрофална штета на цел еден народ? И кој кого, всушност, „задржува“ во чмаење цели три децении? И која е таа „боља перспектива“, и за кого? И каква е таа „историска шанса Македонија да стане европска држава во вистинска смисла“ ако прво треба да легне на Прокрустовиот железен кревет да ѝ „земат мерка“, односно да ја униформираат според нечии налудничави стандарди? И какви се тие сељачки пароли за „вистински државници“, за „волјата на народот“, за некакви „државни интереси“… кога овде, едноставно, станува збор за здрав разум?! Само што високата цена на инсистирањето на исполнувањето на нечии агенди нема да ја плати оној грст клиенти кои секојдневно дуваат во мегафоните на „ЕУ оптимизмот“, туку ќе ја плаќаат идните генерации.

Но, едно останува сигурно: кај нас, веќе одамна, нема политика, уште помалку морал или цивилизиран дијалог. Доминантна е силата – онаа најгруба, простачка, недоделкана и брутална сила, многу слична на „методот“ на Прокруст, којашто меле и обезличува сѐ пред себе и којашто има верни поддржувачи. Сѐ се решава по пат на сила, притисок, закани, застрашувања… И преку создавањето непринципиелни коалиции коишто стануваат, повторно, нова реалност, само со други играчи. И со различни цели.

Извор: Теодосиевски уметност

The post Прокрустовата постела од Мала Речица appeared first on plusinfo.mk.

Замислете, на 28 ноември, на Денот на албанското знаме, националниот празник на Албанците, делегација на ВМРО-ДПМНЕ на чело со лидерот Христијан Мицкоски, да се сретне со српскиот амбасадор во Македонија. А потоа, oд средбата да биде издадено официјално соопштение, во кое ќе се каже дека владејачката партија изразила ставови идентични со позициите на Белград во спорот со Приштина.

Како би го доживеале тоа Албанците во Македонија?

Како тешка провокација што ги загрозува меѓуетничките односи во Македонија. А како поинаку?

Секој Албанец би рекол – погледнете, Мицкоски нè предаде!

Не го сакам тој тежок збор, но да – во случајот, тоа би било рамно на предавство.

Како би реагирала коалицијата Вреди, која е партнер во Владата?

Како би реагирала опозициската ДУИ?

Најостро. Во најблагата форма, би барале повлекување на изјавата и јавно извинување од Мицкоски. Но, не би било неочекувано еден таков непромислен гест да доведе и до сериозна политичка криза, па и до распад на владејачката коалиција.

Она што Мицкоски нема да го стори на 28 ноември, го стори Али Ахмети на 11 октомври, на Денот на народното востание.

11 октомври е важен датум во поновата историја на Македонија, бидејќи го означува почетокот на народното востание против фашистичката окупација во Втората светска војна. Тоа што некои луѓе во Бугарија сега велат дека 11 Октомври бил „антибугарски празник“, тоа само покажува дека тие се самоидентификуваат со марионетската фашистичка влада на Бугарија, која ја предводела окупацијата на Македонија, од 1941 година до капитулацијата на таа влада во 1944 година.

Што направи Али Ахмети?

Ден по 11 Октомври, во текот на празничниот викенд, во седиштето на Демократската унија за интеграција, претседателот на ДУИ остварил средба со новиот амбасадор на Бугарија во Скопје, Жељазко Радуков. Од партиското соопштение издадено по средбата, јасни се гледа дека во однос на спорот меѓу Македонија и Бугарија, Али Ахмети целосно застанал на страната на Софија.

Не велам дека ДУИ и нејзиниот лидер немаат легитимно право да имаат ставови различни, па дури и спротивни, од ставовите кои добија поддршка од огромното мнозинство Македонци на последните избори. Слободата на изразување и на политичко мислење е гарантирана со Уставот.

И секако не велам дека политичките лидери во Македонија не треба да се среќаваат со бугарските дипломати, на официјални и на неофицијални средби. Напротив, секој разговор придонесува за подобро разбирање на позициите на двете страни и само со жив и отворен дијалог може да се дојде до взаемно прифатливо решение на спорот.

Но, има тука едно огромно „но“…

Ова што го прави Ахмети нема врска ни со слободата на изразување – која никогаш не му била ускратена, дури ни кога се „изразуваше“ со калашникови – а ни со елементарните политички слободи.

Ова што го прави Ахмети не е дијалог, туку мешетарење.

Средбата на 12 октомври во Мала Речица беше намерна провокација кон мнозинско население во оваа земја, кон етничките Македонци, но и кон сите други народи, на кои им значи и го чуваат споменот на народното востание и на антифашистичката борба, чиј резултат е создавањето на македонската држава во 1944 година.

Меѓу нив се и Албанците, се надевам дека Ахмети го знае тоа.

Средбата во Мала Речица беше уште една порака упатена до јавноста дека во спорот меѓу Скопје и Софија, Али Ахмети е на страната на своите софиски пријатели.

Симболичното значење на таа средба е отворено и грдо предавство на македонските национални интереси.

„Репликата“ на Мицкоски на овој чин и на коминикето издадено од таа средба, за мојот вкус, е зачудувачки умерена и блага. Очигледно е дека пред своите значајни средби во Берлин, македонскиот премиер не сакал да се оптоварува со коментари кои би го дефокусирале од разговорите за иднината на пристапниот процес кон ЕУ.

Но, тоа не е причина непријателскиот гест на Ахмети кон Македонците да остане незабележан.

Најмалку што очекува македонската јавност е јавно извинување од него и од ДУИ за празничната провокација.

Ахмети треба да има предвид дека во Македонија има многу потомци на сите оние храбри луѓе кои учествувале во народното востание од 1941 до 1945 година и кои се заслужни што утре и нашите потомци во учебниците по историја ќе ја учат вистината – дека Македонците во текот на Втората светска војна немале свој фашистички марионетски режим, туку кренале востание против фашистичката окупација и биле дел од светската антифашистичка коалиција од самиот почеток на најголемата војна во историјата на човештвото.

Според соопштението на ДУИ, ни Ахмети ни Радуков не нашле ни причина ни повод, на средбата ден по 11 октомври,на граѓаните на Македонија да им го честитаат Денот на народното востание.

Невиден простаклук!

Но, од Ахмети не очекувам ништо друго.  Напротив.

Следната средба на Али Ахмети со амбасадорот Жељазко Радуков се очекува на 3 март. Тоа е денот на потпишувањето на Санстефанскиот договор, кој Бугарија го празнува како свој национален празник.

Ете идеална прилика Ахмети и другите асови на ДУИ уште еднаш да ја покажат својата приврзаност кон Бугарија, но и својот анимозитет кон Македонија – земјата во која живеат боговски, во која со години беа на власт и во која внукот на Али Ахмети се наполни ко брод.

The post На Денот на народното востание Али Ахмети покажа дека помила му е Бугарија одошто земјата во која неговиот внук се наполни ко брод! appeared first on plusinfo.mk.

– Не знам која институција е одговорна за таблите, мислам дека тоа не е институција, туку тоа е дел од планот за дестабилизација на оние криминални структури кои изминативе години се богатеа на грбот на народот, на оние политички криминалци, кои малку си играа со институциите, малку со издавање лиценци за диви видеолотарии, за онлајн лотарии, итн. Тие се сега исплашени, добиваат информации како истрагата се доближува до нив и реагираат на овој начин, прават обиди за дестабилизација на државата, ама не им успева, па сега се во уште поголема паника. И треба да се загрижени – рече премиерот.

Запрашан да ги коментира изјавите на пратеникот од СДСМ Оливер Спасовски дека функционерите на ВМРО-ДПМНЕ редовно се координираат во Мала Речица, премиерот Христијан Мицкоски денеска рече дека „Фројд работи кај луѓето и потсвеста се проектира кон другите“.

– Ако Спасовски мисли дека оние моменти кога раководството на СДСМ коленичеше во Мала Речица, кога молчеше додека министри си играа фудбалчиња, кога се понижуваа граѓаните без разлика на етничката припадност, кога тој дење приведуваше, а вечерта мораше да ги ослободува приведените затоа што од Речица некој му наредуваше, дека тоа сè уште важи – се лаже. Таквите времиња поминаа, а таквите политики се одамна поразени. Граѓаните очекуваат развој, подобра економија, нови работни места. Политичките медиокритети нека останат во политичкото мочуриште, со вакви типови на високи или ниски претстваници, а ние ќе работиме за подобри услови и стандард – рече Мицкоски.

Тој ги коментираше и обвинувањата од Спасовски дека членови на ВМРО-ДПМНЕ и Вреди ги посочи како организатори на инцидентот со црквата во Галате.

– Што очекувате од Спасовски кој на светски наркодилери им даваше пасоши. Тој се обидува да ја спаси кариерата со медиумски егзибиции, затоа што ако не е во политиката не знае што да прави. Од шеф на кабинет на градоначалник до манипулатор кој се обидува да привлече внимание, но не успева. Ја навредува интелигенцијата на граѓаните, кои имаат степен на одбивност. Треба да завршиме со такви медиокритети ако сакаме да одиме напред.

По обвинувањето на албанската опозиција дека таблите со албански јазик се отстранети од граничните премини и се заменети со нови само на македонски, англиски и на француски јазик, викендов реагираше коалицијата Вреди, дека станува збор само за табла на преминот „Блаце“ која била пуштена во употреба од поранешните директори на Претпријатието за државни патишта. Вицепремиерот Изет Меџити ова го оцени како тенденција за дестабилизација информираше дека таблата е веднаш заменета.

– Вреди го покри срамот на ДУИ. Таа табла е поставена врз основа на оние 2 километри што беа продолжени, врз основа на проектот предводен од Ејуп Рустеми. Освен што тоа што го направи компанијата што го изгради патот, тоа го направи и фирмата што го доби тендерот за сигнализација што е многу блиска до ДУИ – порача Меџити.

The post НЕ ИМ УСПЕВА ПЛАНОТ ЗА ДЕСТАБИЛИЗАЦИЈА, ПА СЕ ИСПЛАШЕНИ Според Мицкоски таблата на Блаце е дел од планот, се стега обрачот околу политичките криминалци appeared first on plusinfo.mk.