На првиот Конгрес на политичката партија Движење ЗНАМ – За наша Македонија што се одржа вечерва во Скопје е официјализирана претседателската кандидатура на Максим Димитриевски.

Димитриевски во својот говор истакна дека доколку биде избран за шеф на државата, ќе се заложи да се одредат црвените линии од кои нема отстапување.

– Политиките кои ќе се спроведуваат доколку граѓаните ни ја дадат довербата, ќе имаме модерна европска и силна држава Македонија. Силна економија и институции, владеење на правото, здравство за сите, доколку ова го оствариме ние ја имаме Европа дома – порача Димитриевски, кој пред присутните се заблагодари за довербата да влезе во трката за претседател на државата.

Прашан за коментар за предлогот претседателот на државата да се избира во Собрание, Димитриевски оцени дека тоа ќе значи намалување на капацитетот на државата и институциите.

-Ќе го намалиме капацитетот на државата и институциите на државата кои на граѓанинот можат да му гарантираат дополнителна сигурност – рече тој.

Одговарајќи на новинарско прашање дали тој би ги прифатил условите на политичките партии на Албанците што ги поставуваат пред изборите, Димитриевски нагласи дека тој по принцип е човек кој не прифаќа услови и потенцира дека ги сфаќа како предизборен политички маркетинг на албанските политички субјекти.

– Македонија досега го менуваше својот Устав неколку пати и сметам дека уставот не е обичен тефтер хартија кој што треба да се менува во континуитет. На Македонија и е потребен претседател кој ќе биде гарант на суверен на граѓанинот и воедно ќе биде гарант на Уставот и еден начин на комуникација помеѓу граѓаните и власта – рече тој.

На новинарско прашање како планира да ја обезбеди поддршката на граѓаните да гласаат за кандидат за претседател, Димитриевски истакна дека ќе ја побараат поддршката како и сите други.

– Тоа што го направивме на локално ниво, ќе го пресликаме на централно. Ќе побараме поддршка од граѓаните. Ќе обезбедиме доволен број на потписи за поддршка на кандидатурата. Ќе излеземе со квалитетни кандидати на кандидатските листи за пратеници и ќе ја побараме поддршката како и сите останати. Мислам дека Македонија веќе е свесна и бара промени, не само промени од актуелната власт туку и промени од минатото и бара да отвори нови алтернативи. ЗНАМ тоа го нуди. Вечерва тоа го докажува и потврдува и ќе продолжиме на тој начин да ја бараме поддршката од граѓаните, а конечно е нивното. Дали е дојден моментот во Македонија за такво нешто? Да! Секојдневно слушаме дека во Македонија се гласа „против“, а не „за“. Денеска граѓаните ќе имаат можност и опција да ја поддржат ЗНАМ како нова политичка најбрзо растечка сила во историјата на македонскиот плурализам. Мислам дека ќе направиме суштински промени на политичката сцена – рече Димитриевски.

The post УСТАВОТ НЕ Е ОБИЧЕН ТЕФТЕР ХАРТИЈА КОЈ ТРЕБА ЧЕСТО ДА СЕ МЕНУВА И официјално Максим Димитриевски кандидат за претседател appeared first on plusinfo.mk.

Токму европското знаменце на овие законски измени и заобиколувањето на јавната расправа кај засегнатите, граѓаните и познавачите на состојбите, предизвикува сомневање дека власта сака да скрие нешто што не се крие од јавноста, а тоа е отворањето уште една врата за корумпирање на инволвираните функционери во целиот процес.

Актуелни и поранешни пратеници, министер за финансии и општини велат дека не треба да се брза да се донесат измените на законот бидејќи само преку јавна расправа, нови предлози и идеи, може да се подобри текстот и да се донесат многу поквалитетни решенија кое нема да трпат чести измени.

Потребна е јавна расправа за да не се смета за коруптивен закон

Поранешниот министер за финансии Џевдет Хајредини смета дека проблемот е многу поголем од барањето казината и обложувалниците да бидат оддалечени повеќе од 500 метри од училишта и институции, а Владата преку прифаќање на едно граѓанско барање сака да скрие поголем проблем.

– Проблемот е многу посуштински и поболен за општеството. Се работи за голем извор на пари, а практиката покажа и непобитен е фактот дека каде што има пари мотивите се коруптивни и криминални. Таму се работи за влијание на одделни групи кои располагаат со многу пари и не случајно се споменуваат функционери како главни учесници во процесот. Затоа е потребно донесување на закон кој ќе спречи натамошно продлабочување на проблемот, ќе создаде построга контрола при издавање лиценци, утврдување локации и намалување на корупцијата и секако ќе биде во интерес на граѓаните – вели Хајредини.

За него е неразбирливо како во моменти кога се носат измени на овој закон институциите не запираат да издаваат нови лиценци на казина без да го применат она што го предлагаат.

– Еве ви најсвеж пример. Неодамна е дадена лиценца на казино во Тетово кое е во радиус од 300 метри до 4 училишта лоцирани во центарот на градот. Нашата реакција кај министерот заврши со одговор дека нема да се даде лиценца додека не се донесат измени на законот, но лиценцата е потпишана токму од министерот – додава Хајредини.

Нема основ за европско знаменце

Сличен став во врска со измените на законот за игри на среќа има и актуелниот член на собраниската Комисијата за европски прашања Антонио Милошоски од ВМРО-ДПМНЕ, кој смета дека законот не треба да се носи под закрила на европското знаменце за да се спречи некој да профитира од тоа.

– Во врска со предлог Законот за игри на среќа се насетуваат бизнис интересите на влијателни владини функционери, бидејќи истиот се предлага да се разгледува со европско знаменце, иако во ЕУ нема усогласена европска регулатива за оваа област. Односно, Ирска си има свои правила и закони за игрите на среќа, Италија си има свои, Австрија си има посебна регулатива, Полска има поинакви закони и така натаму. Поради ова нема основ за ЕУ знаменце на закон за игри на среќа и затоа писмото на амбасадорот на Австрија изгледа како една членка на ЕУ да им удрила шлаканица на владините функционери од „квази-европскиот“ фронт – вели Милошоски, член на Комисијата за европски прашања.

Европското знаменце е непотребно за овие законски измени смета и пратеничката Моника Зајкова од ЛДП, која не гледа со кои европски законски решенија се усогласува Законот за игри на среќа.

– Сметам дека не треба да брзаме при донесување на овие законски измени, бидејќи преку јавна расправа само може да се донесе поквалитетно законско решение кое ќе биде во интерес на граѓаните и нема да има потреба од негово понатамошно менување поради реакции. Има делови од предложеното кои се спорни и треба добро да се проанализираат. За нас како партија (ЛДП) треба да има регулација на овој бизнис, но притоа да се води отворена дискусија, да се видат аномалиите и предностите, да се слушнат мислењата, па да се донесе квалитетен закон – вели Зајкова.

Поранешниот пратеник Марјанчо Николов потсетува дека за секој закон кој има цел да биде во прилог на граѓаните треба да има јавна расправа со учество на поголем број засегнати.

– Јавна расправа може да се организира во рамки на собраниската комисија, надвор од Собранието во некоја институција или во здруженијата, но мора да има расправа за да се слушнат добрите и лошите страни на предложеното, но и да се слушне мислењето на граѓаните преку невладиниот сектор. Целта на секој закон е да биде во прилог на благосостојбата на сите засегнати, односно да даде најповолно, најприфатливо решение за сите инволвирани. На ваков начин ќе се одбегнат и јавните обвинувања на предлагачите на законот и владата што е лошо за имиџот на државата. Мислам дека овие измени на законот не се толку итни, па да мора да се носат без јавна расправа, а проблематично е тоа како му е залепено и европско знаменце со што се предизвика реакција на евроамбасадорот Дејвид Гир и амбасадор на една европска земја – вели Николов.

Општините сакаат да видат квалитетен закон

И општините бараат јавна расправа по законот во која ќе можат да ги кажат своите забелешки и барања, бидејќи, како што велат, проблемите и последиците од несоодветните законски решенија директно ги засегаат нивните жители.

– Државата мора да изгради механизам за да превенира социопатолошки појави како што се хазардните игри и да ги намали последиците од нив по човечките и семејните судбини кои ги гледаме секојдневно ние во општините, а не да создава услови за нивно натамошно ширење. Да, потребно е да постои ваков бизнис, бидејќи е светски тренд и го има во многу подемократски држави, но треба да се направи јасно дефинирање што е што во таа индустрија. Законот треба да биде во интерес на граѓаните – јавниот интерес, а не во интерес на поединци. Треба да создава контролни механизми кои нема да дозволат овие објекти да бидат во близина на објекти каде што престојуваат деца и млади што сега е голем проблем бидејќи рекламите ги мамат младите да влезат во објектите и да почнат еден сосема нов живот кој најчесто завршува лошо за поединецот и за семејството – вели градоначалникот на општина Куманово Максим Димитриевски.

И тој е со став дека итното донесување на законските измени предизвикува чувство дека се работи во прилог на нечии интереси.

– Ги немам погледнато измените на законот, но постои можност да се во интерес на одредени групи за преземање на бизнисот кои во државата имаат финансиска и политичка сила. Тоа треба да се елиминира со транспарентност при донесување на законските измени преку организирање јавна дебата во која свое мислење ќе дадат сите засегнати и стручни лица – вели Димитриевски.

Бизнисот не сака законот да го заобиколи

И асоцијациите на спортски обложувалници (АСОМ) и на приредувачи на игри на среќа (АПИС) подолг период бараат јавна расправа за предложените измени на Законот за игри на среќа бидејќи имаат многу забелешки на текстот.

– Овој предлог кој е доставен до Собранието е најлошиот предлог кој во историјата на државата бил предложен, а содржината, новите членови, давачките, условите за лиценцирање, монополизирањето на интернетот, оддалеченоста се целосно неприфатливи – велат тие.

Тие сметаат дека изменетиот закон е неуставен, монополски, дискриминаторски и како таков воопшто не може да биде предмет на расправа.

– Истиот бараме веднаш да се повлече и го отфрламе во целост. Неверојатно е дека и покрај сите апели на меѓународната заедница и евроамбасадорот Гир, Владата повторно насила, без дебата и спротивно на легислативата сака да донесе закон со европско знаменце. Ова се прави само со цел да се избегне редовна постапка во која би биле разобличени целите, а апсурдноста на самиот закон би излегла на виделина – велат од АСОМ.

Слични се забелешките и на организаторите на игри на среќа.

– Никој во Европа не ја прифаќа тезата дека потенцијалната зависност од игрите на среќа се решава со затворање на казината, автомат клубовите и обложувалниците, како што ни потенцијалната зависност од алкохол и никотин никаде не се решава со затворање на кафулињата, тобаката и продавниците на алкохол – изјави неодамна Горан Стоименов, претставник на Асоцијацијата на приредувачи на игри на среќа (АПИС).

Тој бара да бидат сослушани, како што предвидува вообичаената демократска практика.

– Како странски инвеститори, претставници на капитал кој доаѓа од земја членка на ЕУ, да бидеме ислушани и нашата експертиза и знаење да бидат уважени со цел изработка на одржливо законско решение во согласност со највисоките светски стандарди за организирање игри на среќа. Погрешен е впечатокот дека ние генерално сме против измени на законот за игри на среќа и забавни игри, туку сме против нелогични, погрешни, популистички и политички мотивирани измени. Апсурдно е Владата да става европско знаме на предложените измени, а истовремено да не ги следи актуелните процеси во Европа – вели Стоименов.

Плусинфо праша и во Министерството за финансии кое е предлагач на законските измени зошто не е планирана јавна расправа, како и за дилемите кои го следат донесувањето на овие измени, но и по неколку дена оттаму не добивме одговор.

The post РУСКИ РУЛЕТ СО ЗАКОНОТ ЗА ИГРИ НА СРЕЌА Божем носат нов закон, а под маса даваат лиценци за казина на 300 метри од школи appeared first on plusinfo.mk.

– Мојата партија избега во една друга насока, побегна од идеологијата. СДСМ од секогаш била државотворна партија која што ги носела клучните одлуки за оваа држава, во најтешките моменти и изнаоѓала начин како да ги преброди сите кризи. Голем број на луѓе од раководството кои што денеска се во тоа мое СДСМ всушност и никогаш не ни припаѓале во партијата, во моментов дури и биле многу поблиски со одредени други политички структури и успеаја да се наметнат во таа лоша имплементирана кадровска политика. Еве конкретен ќе бидам, Фондот во министерство за здравство го водат луѓе кои што не се блиски до СДСМ. Или да го земам (Венко) Филипче кој што никогаш не ни бил нешто во СДСМ. Мила Царовска која што дојде од невладиниот сектор – истакна Максим Димитриевски, градоначалник на Куманово во утринската емисија на телевизија 24.

Димитриевски додаде дека луѓето кои што сега ја креираат кадровската политика во СДСМ треба да бидат минато.

– Во овие избори кандидатите за градоначалници на СДСМ не доживеаја пораз, туку доживеаја политиките кои што се спроведуваат на централно ниво – заклучи Димитриевски.

Тој посочи и дека е длабоко разочаран од некои изјави искажани во текот на кампањата, а посебно е разочаран од изјавите на Зоран Заев. Димитриевски неодамна го освои вториот мандат во Куманово, а на изборите се појави како независен кандидат.

The post ФИЛИПЧЕ НЕ Е ОД СДСМ, А МИЛА ДОЈДЕ ОД НЕВЛАДИНА ОРГАНИЗАЦИЈА Максим Димитриевски разочаран од својата партија appeared first on plusinfo.mk.

– Срамни се обвинувањата на СДСМ Куманово кои се однесуваат на мојата кандидатура за градоначалник на претстојните локални избори, каде велат дека сум склучил пакт со злото. Како независен кандидат за градоначалник побарав поддршка од сите граѓани. Побарав поддршка од сите политички партии во нашата земја. Очекувам поддршка деновиве да ми даде и мојата политичка партија СДСМ, членовите и симпатизерите од ДОМ, ЛДП, Коалиција на Албанците и Алтернатива, како и сите останати политички субјекти од македонскиот и албанскиот блок – објави градоначалникот на Куманово.

Димитриевски порача дека има само една коалиција, односно дека веќе се здружил со граѓаните на Куманово.

– Јас имам само една коалиција, а тоа е коалицијата со граѓаните! Тие на 17-ти октомври се изјаснија кој заслужува да ја добие довербата во Куманово. Изминативе денови сме сведоци на невидени притисоци, злоупотреби, обиди за поткуп и дискредитација на членови од нашата граѓанска иницијатива „За наше Куманово“! Ова е недозволиво. Како актуелен градоначалник и кандидат за градоначалник ќе продолжам да работам за сите граѓани подеднакво, затоа што граѓаните заслужуваат да живеат подобро – додаде тој.

The post ОЧЕКУВАМ ПОДДРШКА ДА МИ ДАДЕ МОЈАТА СДСМ Максим Димитриевски се брани од нападите дека склучил пакт со злото appeared first on plusinfo.mk.

„Сакам да ви кажам дека многу се израдував кога ја слушнав веста дека вашиот актуелен градоначалник Максим Димитриевски се кандидира како независен кандидат. Се израдував затоа што сум човек којшто високо ја цени личноста и којшто од искуство знае дека личностите им даваат авторитет на институциите и системите, а не системите на личностите.

Максим со самата таа кандидатура веќе победи пред да почне трката за градоначалник. Јас му напишав едно писмо во кое му честитам за таа храброст. Мислам дека личноста е централна категорија на нашето живеење
и дека нашата државна независност е незамислива без силни личности. Ако се бориме за независна држава, ако имаме независни медиуми, ако бараме независни личности/мислители, тогаш е сосем нормално да имаме и независен кандидат за градоначалник. Затоа ве повикувам да ја поддржите граѓанската иницијатива „За Наше Куманово“, потенцира Венко Андоновски.

The post ВЕНКО АНДОНОВСКИ ГО ПОДДРЖА МАКСИМ Димитриевски победи уште пред да почне трката за градоначалник appeared first on plusinfo.mk.

– Реализиравме над 400 проекти. Куманово беше една од најзадолжените општини. Работиме многу домаќински, посветено, со големи заштеди. И реализиравме сериозни капитални проекти. Куманово денеска е една од најдобро осветлените општини. Не е точно фактот дека Владата го врати половина од долгот на општината, бидејќи не беше 3,9 милиони евра, туку  долгот беше многу поголем. Тука се смета основниот долг, но ние враќавме пред да дојдат тие средства и претходно. Некои општини тоа не го правеа, па затоа една општина Охрид и Тетово доби 7,8 пати поголеми средства од општина Куманово. Точно е добивме приближно 2 милиони евра, но вративме долг заедно со камати некаде околу 11ипол милиони евра – рече Димитриевски во дебатната емисија Клик плус на ТВ21.

Тој потенцираше дека има заштеди во делот на јавните набавки со над 60 отсто.

Димитриевски информираше дека во Општина последното училиште е изградено во далечната 1987 година и оттогаш до 2018 година имало само една инвестиција во основно училиште.

– Само последната година имаме инвестиции во повеќе од осум училишта, каде што се сменети покривите, фасади, врати, прозорци, нови санитарни чворови и тоа: во училишта кадешто учат сите наши ученици, Македонци, Албанци, Турци, Роми, Власи, Бошњаци и сите етнички заедници кои ги имаме во градот. Но, жално е што одредени министри кои седеа на одговорни функции во владата, на коишто во континуитет им испраќав барања, да се изнајдат средства за ова училиште, освен поранешната министерка Рената Тренеска Дескоска која што имаше сенс за овој проблем и обезбеди средства во буџетот, но не беа реализирани затоа што претходно министерството коешто е задолжено за проектирање на вакви документи немаше соодветен проект, ниту еден друг министер во континуитет нема разбирање за една ваква капитална инвестиција. На мое прашање зошто? Добив одговор од поедини министри – а кој сте вие да ги решавате албанските проблеми во Куманово? Јас сум градоначалник на сите и задолжен сум да го работам тоа – рече Димитриевски.

Независниот кандидат Димитриевски рече дека секогаш го бира граѓанскиот интерес пред партискиот интерес во однос на неговата кандидатура за градоначалник.

The post РЕАЛИЗИРАНИ СЕ 400 ПРОЕКТИ Димитриевски во актуелниот мандат изгради осум училишта appeared first on plusinfo.mk.