The post ВО СРБИЈА НЕМА ДА СЕ СЛУЧИ МАКЕДОНСКО СЦЕНАРИО Вучиќ ја спореди Шарената револуција со настаните во Грузија appeared first on plusinfo.mk.

Од Македонското еколошко друштво информираат дека угинатиот царски орел бил донесен во скопската зоолошка градина во многу лоша состојба и за жал не преживеал. Оттаму истакнуваат дека на Македонија и недостига центар за рехабилитација на центар за диви животни.

Како и во минатото, овој понеделник Македонското еколошко друштво добило дојава за повреден царски орел на локалитетот Пониква.

„Станувше збор за млада единка, најдена од доброволното пожарникарско друштво. МЕД ги упати пожарникарите во Зоолошката градина во Скопје, каде што орелот беше згрижен, но за жал набрзо почина. Самиот факт што пожарникарите доброволци успеале да го фатат орелот, зборува за тоа во колку лоша состојба се наоѓал. Резултатите од рентген снимките покажаа дека не бил жртва на огнено оружје, и немал скршеници“, велат од друштвото.

Оттаму додаваат дека тие од граѓаните ширум државата често пристигнуваат дојави за пронајдени повредени диви животни.

„Нашиот тим многупати досега направил се што може за да им помогне, во рамките на нашите познавања и ресурси, иако тоа е многу поразлично од нашите редовни обврски. За жал, можеме да издвоиме ресурси само за единки кои припаѓаат на исклучително засегнати видови (со мала бројност во земјата). Во неколку наврати изминативе години МЕД и Зоолошката градина во Скопје помогнале да закрепнат единки на белоглави мршојадци, штркови и други видови, единки кои потоа биле успешно вратени во природата“, велат од МЕД.

Стапката на смртност на младите грабливи птици е многу голема во природата. Кај конкретниот вид, само 10-20% од сите пролетани млади птици ќе дочекаат возраст за репродукција (3-4 години старост). И покрај тоа, заради долговечноста на возрасните единки, доколку заканите се мали, популацијата се одржува стабилна, или расте, како што тоа беше случај во Македонија до пред неколки години. За жал, во последниве неколку години има благо намалување на бројноста, што најверојатно се должи на промените во живеалиштата, намалувањето на изворите на храна, колизиите и струјните удари со енергетската инфраструктура, но првенствено на опасноста од отровни мамки поставени за труење на волци и кучиња. Непознати остануваат ризиците од пестицидите кои се користат во земјоделството, и од конзумирањето на оловни сачми останати во телата на животни кои биле цел на лов.

„Во отсуство на центар за рехабилитација на центар за диви животни, Зоолошката градина во Скопје ги има најдобрите услови за закрепнување на ваквите животни, затоа ги поздравуваме нејзините напори за да помогне. Македонскиот систем не е подготвен соодветно да реагира на случаи во кои се повредени диви животни. За разлика од кај нас, во Бугарија и Грција постојат специјализирани центри за рехабилитација на диви животни. Кога на Шар Планина беше пронајдено повредено мече, нашиот тим најпрво го згрижи во Скопе, а потоа издејствува и транспорт на мечето во Грција, каде што тоа и покрај што беше со неподвижни задни екстремитети, со помош на специјализирана нега живееше уште шест години. Во 2017 година, кога добивме дојава за повредено младо од рис во Кичево, нашиот тим издејствува тоа да биде згрижено во Зоолошката градина во Скопје. И покрај големите напори, тоа беше во премногу лоша состојба и по само една недела угина“, додаваат од МЕД.

Телото на орелот моментално е предадено на Факултетот за ветеринарна медицина при УКИМ, каде што каде што ќе биде извршена обдукција, а резултатите ќе ги споделиме со јавноста и релевантите институции.

Односот меѓу Зоолошката градина во Скопје и Македонско еколошко друштво низ годините претставува пример за соработка меѓу државните институции и граѓанскиот сектор.

ВО ЗОО „СКОПЈЕ“ УГИНА ЦАРСКИ ОРЕЛ Спасен во пожар на Пониква, немаше среќа да поживее и да се врати назад во природата

The post „ЦАРСКИОТ ОРЕЛ БЕШЕ ВО МНОГУ ЛОША СОСТОЈБА“ На Македонија ѝ треба центар за рехабилитација на диви животни, велат од еколошкото друштво appeared first on plusinfo.mk.

Извесен Изет Шулку, кој е албански државјанин според профилот на Фејсбук, пред 2 дена со група планинари го отстраниле македонското знаме и го закачиле албанското.

„Кораб е на Албанија и таму нема место за македонското знаме“, напишал Шулку на својот фејсбук-профил и го објавил видеото.

Се очекува официјалната реакција на МВР за овој инцидент.

The post 📽 АЛБАНСКИ ПЛАНИНАРИ ГО ТРГНАЛЕ МАКЕДОНСКОТО ЗНАМЕ ОД КОРАБ Закачиле албанско знаме и се сликале за на Фејсбук appeared first on plusinfo.mk.

 

View this post on Instagram

 

A post shared by macedoniangifts.com (@macedoniangifts)

The post 📽 МАКЕДОНСКО ОРО ГО ПРОБИ ЛЕДОТ Снимка од смел трубач стана хит на Инстаграм appeared first on plusinfo.mk.

Во виното е вистината кога се конзумира умерено, а општо познато е дека чаша црвено вино е здраво и препорачливо.

Со посебна гордост го промовираме овој нов македонски бренд, па затоа со секој ковид-19 PCR тест, брз антигенски тест или биохемиска анализа, полнолетните граѓани добиваат гратис флаша преубаво црвено вино од новата и урбана винарија „Парагон“.

Промоцијата ќе трае од утре 12 април до 3 мај 2022 година на следните локации  на „Никоб Лаб“ во државата,  Кисела Вода, Табановце, Велес, Кавадарци, Прилеп, Богородица, Кочани и Струмица.

The post ГРАТИС ВИНО „ПАРАГОН“ ЗА СЕКОЈ КОВИД-ТЕСТ Никоб Лаб со гордост ги промовира домашните брендови appeared first on plusinfo.mk.

– При редовниот преглед на пратка храна од растително потекло при увоз, надлежниот инспектор извршил земање мостри за лабораториска анализа со цел да испита остатоци од пестициди, соопшти Инспекторатот на Р. Српска, пренесува РТРС.

Врз основа на извештајот за лабораториска анализа издаден од „Институтот за вода“ во Бјелина, во кој е испитано присуството на 180 активни супстанции, во анализираниот примерок откриено е зголемено присуство на пестициди „фосмет“ над вредностите пропишани со Уредбата за максимално ниво на остатоци од пестициди во и на храна и храна за животинско и растително потекло.

Постапувајќи по резултатите од анализата, инспекторот донесе решение со кое се забранува увоз и нареди враќање на спорната пратка на испраќачот или уништување под надзор на надлежен инспектор.

Од Инспекторатот потсетија дека овој месец поради зголеменото присуство на пестициди беше забранет увозот на 6.842 килограма трпезно грозје од Албанија и 660 килограми свежа краставица од Северна Македонија, додека увозот на 24 тони компири со потекло од Полска беше забранет поради утврдено присуство на економски штетен организам.

The post СТОП ЗА МАКЕДОНСКОТО ГРОЗЈЕ ВО Р СРПСКА Инспекцијата открила дека било полно со пестициди appeared first on plusinfo.mk.

Позитивниот шок беше засилен бидејќи првата личност што ја здогледав во просториите на македонското друштво беше Илија Џувалековски. Тогаш во продукција на Шведската телевизија се снимаа сцени од играната серија „Македонија“ (1990), во која бардот на македонското глумиште ја играше главната улога. Во истите простории неколку фолклорни групи буквално се туркаа борејќи се за место додека вежбаа познати ора. Се одржуваше и настава по мајчин јазик, многумина го прелистуваа „Македонски весник“ што се печатеше во тоа време, се одржуваше и шаховски турнир, а од некој агол се појави и фудбалска екипа што се подготвуваше за тренинг. Позитивниот впечаток беше надополнат и со тоа што бев во простории на македонско друштво, а никој не ме праша за моите политички погледи и сфаќања, ниту пак што мислам за една или друга политичка партија во Македонија. Така беше во тоа време, иако, за волја на вистината, имаше и такви кои се обидуваа во редовите на дијаспората да внесат тензии и политизирање на атмосферата.

Но интензитетот на определбата за афирмација на културата сепак беа посилни и нудеа сврзно ткиво околу кое мнозинството можеше да се обедини и да го прифати како заедничка неспорна алтернатива. Следуваа и други позитивни изненадувања за еден новинар што се преселил од Македонија, па така, далечината што остана зад мене во татковината, полесно се премостуваше со доаѓањето на истакнати македонски писатели кои учествуваа на традиционалната манифестација Денови на македонската поезија во Шведска, се одржа и отворање на меѓународната манифестација „Гоцеви денови“ (на иницијатива на тогашниот министер за култура Слободан Унковски), а се организираше и масовно посетениот Фестивал на македонски народни игри и ора, како и турнеи во голем број европски земји, во Австралија и Канада.

Таква беше „личната карта“ со која беше препознатлива дејноста на една македонска заедница во светот. Матицата на иселениците имаше значајна, и пред сè конструктивна улога во напорите што се правеа за поддршка и унапредување на културниот живот „меѓу нашите во странство“, сè додека не беше деградирана и потисната на маргините во вителот на општата политизација на општеството и деструктивните поделби што ја следат бескрупулозната борба на македонските политички партии за гола власт.

Денес од обемот на погоре опишаната дејноста во редовите на македонската заедница во Шведска е останато можеби само уште десетина проценти. И тоа уште пред пандемијата, која само го засили процесот на пасивизација и „поместување“ во сферата на политикантството, за сите можни прашања со кои се соочува и измачува Македонија. Напоредно на тој процес на општа ступидизација на дебатата во дијаспората, главно на социјалните мрежи, веќе подолго време нема ни некаков абер што би дошол од Македонија, на пример од страна на Агенцијата за иселеништво. Интересирањето во Македонија за организираниот живот во дијаспората полека се сведува на нула.

Дефетизмот и неверување во успех со сопствени сили, проследено со високо ниво на отсуство на смисла на организирано дејствување, почна да се шири далеку пред корона вирусот, или, на пример, пред ширењето на катастрофалните пожари што ги уништуваат не само имотите и шумите, туку, преку една невидена неорганизираност и неодговорност на политичките партии за злоупотреба на медиумскиот простор и поттикнување на омраза и нетрпеливост, уште повеќе го зацврстуваат веќе ниското ниво на морално расудување на луѓето. И во Македонија, и во дијаспората.

Македонските политички партии, пред сè во режимските години на ВМРО-ДПМНЕ, ѝ пријдоа на дијаспората грубо и недоделкано, третирајќи ја како некаква аморфна, инфериорна маса, и обидувајќи се да наметнат некакви свои примитивно поставени задгранични комитети. Нивната улога најмногу дојде до израз во обезбедувањето гласачи за парламентарните избори во странство, преку неовластено легитимирање и идентификување на македонските избирачи во дијаспората, и тоа со целосно одобрување на таквите предизборни активности од страна на владејачката македонска партија. Ништо од полза не доби тука дијаспората, освен пренесување на партиските кавги и поделби од Македонија на свој терен. Добитокот го инкасираше само ВМРО-ДПМНЕ, преку бонусот од тројца пратеници од дијаспората, како засилување на сопствената гласачка машинерија во Собранието. Подоцна и СДСМ правеше напори да формира свои партиски разграноци меѓу иселениците, но впечаток е дека тие не успееја да предизвикаат некакви позабележливи бранувања.

Дилемата што денес се поставува е мошне јасна. Со кого да контактира дијаспората? Во јули во Скопје се одржа средба со дијаспората на иницијатива на МНР и министерот Османи, која буквално беше дочекана на нож на социјалните мрежи. Еден цел куп дрвени адвокати продефилираа на Фејсбук, толкувајќи ги состојбите во дијаспората и советувајќи ги фрустрираните поединци да му свртат грб, меѓу другите, на Македонскиот сојуз во Шведска, чиј претседател се „дрзнал“ да присуствува на средбата со „северџанскиот“ министер за надворешни работи. Се јавија дури и од Австралија, „нашинци“ новинари, кои сигурно би требало да се помачат за да најдат каде се наоѓа Шведска на географската карта, и повикаа на бојкот, тврдејќи дека од „тие во Македонскиот сојуз во Шведска и не може друго да се очекува“, бидејќи се „предавници“ што „соработуваат со Заев“ (!?). Некому, или, всушност, на многумина, Господ навистина треба да им прискокне напомош. Па, ако треба, и сосе Заев.

А со кого да контактира дијаспората, ако не со претставници на македонскиот државен врв и со официјалните институции и агенции? И дали, за да ја „исперат“ својата предавничка улога, оние во дијаспората, осомничени дека „скршнале“ од патот на борбата за заштита на македонскиот идентитет и историја, треба да ги прекинат своите контакти со татковината? На бројните дрвени адвокати во дијаспората може само да им се порача дека одговорот на вака поставеното прашање бара, ако ништо повеќе, малку повисоко ниво на информираност, и, се разбира, малку повеќе интелигенција.

The post Дрвени адвокати во дијаспората appeared first on plusinfo.mk.

– Денешниот настан како прв чекор кон продлабочување на соработката, претставува одлична можност за вмрежување на претставници од компаниите од двете земји, а истовремено и можност за воспоставување соработка на полето на размена на искуствата од романските компании и нивната економија во пристапувањето на земјата кон Европската Унија – истакна во поздравното обраќање, извршниот директор на Стопанската комора на Северна Македонија, м-р Антони Пешев.

Романија е значаен трговски партнер на Република Северна Македонија што се потврдува и со податоците за остварената вкупна трговска размена на Република Северна Македонија со Романија. Во првите 4 месеци од 2021 година, трговската размена меѓу двете земји достигна вредност од 134,5 милиони американски долари што и покрај здравствено економската криза покажува раст од 26,32 отсто во однос на истиот период од претходната година.

– Нашите заложби за во иднина се засноваат на продлабочување на соработката и иницирање на што поголем број на активности кои значително ќе придонесат за раст на надворешно-трговската размена и зајакнување на партнерскиот однос меѓу Северна Македонија и Романија. Токму во таа насока, изразуваме благодарност на амбасадорот на Република Северна Македонија во Романија, господин Габриел Атанасов за искажаната иницијатива по одржаната средба во Стопанската комора на Северна Македонија, да воспостави комуникација со претседателот на романската комора, господин Михаи Дарабан, што резултираше со денешната одлука за потпишување на договор за соработка меѓу најголемите бизнис асоцијации од двете земји, Стопанската комора на Северна Македонија и Трговско-индустриската комора на Романија. На тој начин и официјално ќе се постави рамка за унапредување на соработката – истакна Пешев.

Потпретседателот на Трговско-индустриската комора на Романија, Аурелиан Гогулеску, во своето обраќање истакна дека од страна на романската бизнис-заедница постои голем интерес за соработка со македонските компании но и за инвестирање во Република Северна Македонија.

Со потпишувањето на договорот за соработка меѓу двете комори, ќе се постават заеднички цели, приоритети и активности што ќе придонесат за интензивирање на соработката на институционално ниво но и на ниво на бизнис заедниците.

– Договорот има за цел размена на позитивните искуства и подобрување на соработката особено во доменот на клучните економски сектори, чиишто претставници се присутни и на денешниот форум – додаде Гогулеску.

Во своето поздравно обраќање, Н. Е Моника Аксинте, амбасадорка на Романија во Северна Македонија, изрази поддршка на настанот и им порача на стопанствениците да ги искористат деловните средби за вмрежување и отпочнување на долгорочни партнерствата кои во иднина би имале позитивен ефект на економиите и од двете земји.

Во рамки на настанот, пред присутните стопанственици од страна на директорот на Дирекцијата за технолошки индустриски развојни зони, Јован Деспотовски, беа презентирани и можностите и условите за инвестирање во Република Северна Македонија. Тој посочи дека од годинава Дирекцијата има нов концепт за привлекување странски инвестиции кој вклучува надграден „one-stop shop“ систем, се фокусира на инвестиции со поголема додадена вредност, и предвидува индивидуализирани пакети со поволности во зависност од десетгодишните проекции на потенцијалните странски инвеститори.

На форумот присуствуваа претставници на дваесет романски компании од различни сектори, како што се: градежништво, туризам, енергетика, информатичките технологии и управувањето со отпад, коишто имаа можност да се сретнат и да остварат билатерални средби со триесеттина претставници на домашни компании од земјоделско-прехранбениот сектор, животната средина, туризмот и индустријата.

The post Македонско-романски економски форум: Можност за раст на надворешно-трговската размена appeared first on plusinfo.mk.

Кај претседателот Мета по првпат се одржува ваква средба по повод Меѓународниот ден на културниот диверзитет и дијалог, за која посебен простор отстапуваат и домашните медуми.

– Овој ден ни нуди одлична можност да ја промовираме културната разновидност и да ги разбереме неговите вредности. Да се промовира и поттикне културниот дијалог со истакнување на богатството на малцинските култури во нашата земја, да се живее заедно во мир и хармонија и да се почитуваат правата на сите граѓани и заедници кои живеат и работат во Албанија – рече Мета на средбата.

Посочи дека почитувањето и заштита на националните малцинства, како нераскинлив дел од албанското општество, е зацртано со Уставот, со признавање на правото на слободно изразување без попречување или принудување на зјаснувањето на нивната етничка, културна, верска и јазична припадност и правото да ги зачуваат и развиваат, да учат и да се учи на нивниот мајчин јазик.

На средбата присуствуваше и седумчлена делегација на македонското друштво „Илинден“ предводена од Елса Џелили, координаторка за округот Елбасан.

Моментот кога претставниците на македонското друштво „Илинден“ го игра македонското оро со песната „Бисер балкански“ започнува од 34 минута во видеото објавено на „Фејсбук“ профилот на претседателот Мета.

The post „Бисер балкански“ ечеше од резиденцијата на претседателот Мета (ВИДЕО) appeared first on plusinfo.mk.

Во образложението за одлуката на Министерството се наведува: „1. Лицето што побарало регистрација на здружението АМКЕ „Крсте Мисирков“ е присутно во грчкиот судски систем во повеќе случаи; 2. Организацијата не обезбедува привилегии на ниту еден потенцијален корисник; 3. Организацијата никогаш не поднела барање за владин грант од Министерството за култура“.

И покрај Преспанскиот договор, кој Македонија го спроведува и пред роковите набележани во него, грчката држава ја повлече регистрацијата и на македонската организација „Свети Кирил и Методиј – локално друштво Серес“. Таа во својот весник објави дека се залага за изучување на македонскиот јазик во Грција и зборува за постоењето македонски херои одделни од грчките.

The post По само еден ден од регистрацијата, Грција го избриша македонското здружение „Крсте Мисирков“ appeared first on plusinfo.mk.