Во Србија од 1 јануари 2028 година ќе биде задолжително во џемовите, мармаладите и желеата да има поголем задолжителен удел на овошје. Според новиот Правилник за квалитет на овие производи во килограм производ ќе треба да има најмалку 450 грама овошна каша или пире, што е зголемување во споредба со сегашното правило од 350 грама. За екстра џемовите, пак, правилото предвидува 500 грама овошје во килограм производ.

Правилникот е усвоен од Министерството за земјоделство.

Исклучок од правилото се исклучени одредени видови овошје, како што се црвени и црни рибизли, шипки, дуња, ѓумбир и маракуја.

Новата регулатива стапува на сила на 10 октомври, но нејзината целосна имплементација започнува на 1 јануари 2028 година.

Според српското министерство за земјоделство преодниот период е неопходен за да можат производителите да го прилагодат производството на новите барања.

Како што е наведено, промените вклучуваат име на цитрус мармалад, производи со намалена содржина на шеќер, употреба на концентрирани сокови и означување на производите.

Во претходниот правилник, минимумот за производство на килограм џем беше 350 грама овошна каша или пире.

Претходно спакуваните и декларираните производи можат да останат во продажба најдоцна до 30 јуни 2028 година.

Ова правило ќе ги засегне и македонските производители кои извезуваат во Србија, бидејќи кај нас според Правилникот за квалитет на овие производи е 350 грама овошје на 1 килограм производ. Кај екстра џемот правилото е да има 450 грама овошје на 1 килограм производ.

Според официјалните статистички податоци за надворешната трговска размена, производите како џемови, мармалади, пиреа и други преработки од овошје и јаткасти плодови спаѓаат под пошироката категорија „Преработки од зеленчук, овошје и јаткасти плодови“, чиј извоз кон Србија само во 2025 година изнесуваше околу 34,33 милиони долари.

The post ЏЕМОВИТЕ И МАРМАЛАДИТЕ ВО СРБИЈА ОД 10 ОКТОМВРИ ЌЕ СОДРЖАТ 450 ГРАМА ОВОШЈЕ Македонските извозници ќе треба да се приспособат на ова правило до јули 2028 година appeared first on plusinfo.mk.