Голем дел од граѓаните на Струга и околните села сѐ уште ги чекаат сметките за потрошена електрична енергија од минатиот месец. Додека долговите се таложат, стружани стравуваат дека, иако не по нивна вина, ќе бидат принудени да се соочат со исклучување и плаќање камати.

До редакцијата на Плусинфо пристигнаа бројни поплаки од револтирани жители, кои се жалат дека сѐ уште не знаат колкав долг за струја имаат за минатиот месец, бидејќи фактурите физички никогаш не пристигнале до нив.

Се обративме до двете клучни институции одговорни за овој процес – ЕВН Македонија и Македонска пошта, со цел да дознаеме каде „заглавиле“ фактурите.

Од ЕВН Македонија тврдат дека сметките се уредно издадени. Велат дека од нивна страна процесот на фактурирање се одвива тековно и без застој. Од компанијата апелираат дека, доколку сметката физички не стигне до домот на корисниците, тие имаат повеќе можности да ја обезбедат преку различни канали.

– Фактурите за електрична енергија се изготвуваат и навремено се предаваат за достава во рамки на предвидените законски рокови. Доколку корисници во одредени реони се соочуваат со доцнење на доставата на хартиените фактури, потсетуваме дека можат да ги проверат и платат преку платформата „Мој ЕВН Хоме“, без да ја чекаат физичката достава. Дополнително, корисниците може да се пријават за услугата „Е-фактура“ за да ги добиваат фактурите директно на нивната електронска адреса, со што се избегнуваат ваквите ситуации поврзани со физичката достава – ни одговорија од ЕВН.

Оттаму додаваат дека корисниците може да се обратат и во Корисничките енерго центри или телефонски на 02 3205 000.

Со прашање се обративме и до Македонска пошта, но засега нема одговор зошто жителите на Струга и околината се соочуваат со проблеми во доставата на сметките за електрична енергија. Веднаш штом ќе добиеме одговор, ќе го пренесеме нивниот став во врска со овој проблем.

Додека се чека системско решение за овој, како што велат граѓаните, „стар проблем“, се препорачува користење на услугите што ги нуди ЕВН како најсигурен начин за навремено информирање и плаќање, со што би се избегнале дополнителни трошоци за камата или повторно приклучување.

The post СТРУЖАНИ БЕЗ СМЕТКИ ЗА СТРУЈА Цел месец сандачињата празни, граѓаните стравуваат од камати appeared first on plusinfo.mk.

Премиерот Христијан Мицкоски најави нов почеток за АД Македонска пошта, откако Владата набави 100 нови возила за потребите на компанијата, оценувајќи дека станува збор за инвестиција која треба да ја подобри ефикасноста на поштенските услуги.

– Денеска зборуваме за една важна инвестиција, која не значи само нови возила, туку значи нов почеток, нова енергија и нова функционалност за еден систем кој со години беше оставен да се справува сам со предизвиците –  изјави Мицкоски на промоцијата на новиот возен парк за потребите на АД Македонска пошта.

Тој нагласи дека Владата преку Министерство за транспорт реализира набавка на 100 нови возила, оценувајќи дека одлуката е донесена врз основа на реалните потреби на компанијата.

– Ова не е случајна одлука, ова е одговор на реална потреба. Просечната старост на возилата со кои досега работеше Македонска пошта е околу 15 години, тоа значи застарена опрема, чести дефекти, зголемени трошоци и намалена ефикасност. Тоа значи доцнење на пратките, незадоволство кај граѓаните и намалена доверба на системот. Решивме да ставиме крај на тоа – рече Мицкоски.

Премиерот додаде дека набавката е дел од поширока стратегија за модернизација на јавниот сектор.

– Оваа набавка е дел од поширока стратегија, да ги обновиме институциите, да ги модернизираме јавните услуги и да ги направиме функционални за граѓаните затоа што институциите постојат за да служат, а не да бараат оправдување – посочи тој.

На промоцијата на новиот возен парк на АД Македонска пошта се обратија и вицепремиерот и министер за транспорт Александар Николоски, како и директорот на компанијата.

The post 📽️ КРАЈ НА ДОЦНЕЊАТА, ПОШТА ДОБИ 100 НОВИ ВОЗИЛА Мицкоски најави нов почеток на компанијата appeared first on plusinfo.mk.

„Македонска пошта“ идниот месец ќе добие 100 возила како донација од Владата, со што значително ќе се подобрат условите за работа и испорака на поштенските услуги низ државата.

Вицепремиерот и министер за транспорт Александар Николоски, обраќајќи се на 24-тиот јавен состанок на Агенцијата за пошти, информираше дека од вкупниот број возила, 90 ќе бидат помали комбиња, а 10 големи комби возила, наменети за зголемување на оперативната ефикасност на компанијата.

Николоски истакна дека Владата има јасна обврска и крајна цел – заштита на државниот капитал и негов развој.

Во таа насока, тој најави законски измени и консултации со сите чинители на поштенскиот пазар, кои веќе се во тек. Како што посочи, целта е да се подобрат условите за работа во „Македонска пошта“, да се подигне квалитетот на услугите кон граѓаните и да се овозможи раст и напредок на државната компанија.

– Многу е лесно да се земе профитабилниот дел од пазарот, а „Македонска пошта“ да ја носи целата општествена одговорност – да го однесе писмото и таму каде што никој друг не сака. За ова ќе разговараме во наредниот период, затоа што состојбата не може да остане ваква. Или сите подеднакво ќе го носат товарот, или ќе носиме други одлуки. Мојата намера е „Пошта“ да се издигне, а не да пропаѓа – рече Николоски.

Тој нагласи дека Агенцијата за пошти има клучна улога во регулацијата и обезбедувањето квалитет на поштенскиот пазар, како и во заштитата на конкуренцијата и правата на корисниците.

– Во моментов на пазарот функционираат 29 правни лица, што укажува на високо ниво на конкуренција. Во постојниот закон се имплементирани сите директиви на Европската Унија, со што Македонија континуирано ја следи европската пракса за регулација на поштенските услуги. Сепак, тоа понекогаш создава сериозни предизвици, имајќи предвид дека сме Влада која сака да го штити државниот капитал и да им овозможи напредок на државните компании – додаде Николоски.

На крајот, тој најави дека ќе се работи на зголемување на ефикасноста на услугите преку намалување на трошоците до 15 проценти, како и подобрување на индикаторите за профитабилност за ист процент.

The post 100 ВОЗИЛА ЗА „МАКЕДОНСКА ПОШТА“ Државата влегува во реформа на поштенскиот пазар appeared first on plusinfo.mk.

Ова го истакна вицепремиерот Александар Николоски на поткастот „Бизнис Муабети“.

– Пошта мора да преживее. Тоа ми е огромна битка иако многумина не сакаат. Пошта има околу 1.900 вработени, планираме да ја рационализираме на 1.400 вработени со еден план што го работиме, но мора да преживее затоа што има големи приватни интереси кои сакаат Пошта да колабира. Тоа се приватните пошти. Но, нема да дозволиме – истакна вицепремиерот Николоски.

The post МАКЕДОНСКА ПОШТА МОРА ДА ПРЕЖИВЕЕ Владата ќе се бори против интересите на некои приватни компании appeared first on plusinfo.mk.

Според Николоски, целта на претходното раководство не била приватизација на Македонската Пошта, туку уништување на компанијата и отворање на неколку приватни пошти.

– Нивната намера беше Пошта да пропадне, а не да ја приватизираат – изјави Николоски.

Тој побара од надлежните институции, вклучувајќи го Државниот завод за ревизија и Обвинителството, да го испитаат делувањето на Агенцијата за пошти, која според него не функционира како регулаторно тело, туку како нешто сосема поинакво.

Министерот истакна дека треба да се проверат лиценците за приватни пошти кои работат, според него, невообичаено, понекогаш дури и од подрумски простории.

Извештајот од ревизорите веќе е предаден во Републичкото обвинителство и му е доделен на јавен обвинител. Сите резултати од истрагата ќе бидат испитани од Обвинителството под чија надлежност е евентуалната кривична одговорност за злоупотреби.

Ревизорите утвдија дека иако Пошта тоне во долгови и загуби, директорите лани си ги зголемиле платите. Според извештајот, работата тргнала надолу во 2017 година и оттогаш постојано има загуби. Најлоша година била 2022, кога Пошта влегла во минус речиси 4 милиони евра.

Лани едвај 60% од пратките биле доставени на време. Над 70% од фирмите и 40% од граѓаните биле незадоволни од поштенските услуги поради нередовна и несоодветна достава.

The post ПОШТА ТРЕБАЛО ДА СТАНЕ КАБАРЕ Николоски откри како претходното раководство планирало да ја уништи appeared first on plusinfo.mk.

Како што најави министерот, таа ќе има намена за мултифункционален комплекс којшто ќе биде подготвен и за потребите на Скопје „Европска престолнина на културата“ за 2028 година.

– Ние веќе разговаравме со амбасадорот на ЕУ, Дејвид Гир, пред тој да замине од функцијата. Разговаравме неколку пати, бидејќи седум години имало тенденција Министерството за култура да ја преземе Пошта и таа да стане друг комплекс, односно да има друга намена. Разговаравме и со министерот за транспорт и врски Александар Николовски и донесовме одлука на Влада дека таа ќе биде реновирана и ќе има друга намена, ќе има намена за мултифункционален комплекс – изјави денеска Љутков за време на посетата на НУ Национална опера и балет, во одговор на новинарско прашање.

Како што рече, формирана е работната група и треба да почне да работи. Работната група е сочинета од претставници и од Европски комисија, од Министерство за транспорт и врски и од Министерство за култура и туризам.

На новинарско прашање во врска со креативните индустрии, Љутков најави дека ќе следува посебен конкурс, на којшто во моментов се работи и набргу ќе биде објавен.

The post ПОШТАТА ВЕЌЕ НЕМА ДА БИДЕ ПОШТА Објектот ќе се реновира и ќе добие друга намена – мултифункционален комплекс appeared first on plusinfo.mk.

Граѓаните се предупредуваат да не кликаат на дадените линкови и да не даваат лични податоци за да не станат жртви на измама.

Линкот вообичаено води до место каде што треба да ги оставите вашите лични податоци како име, презиме и број на трансакциската сметка од каде за момент измамниците ќе ви одземат пари.

При ваков случај препораката е да не го отворате линкот, веднаш да ја блокирате пораката и да го известите вашиот телеком оператор.

Од Македонски пошти досега неколку пати се огласија дека тие не се испраќачи на наведените пораки и апелираа до граѓаните да не ги отвораат пораките за да не наседнат на измамите.

Еве како изгледаат пораките пратени синоќа.

The post ЛАЖНИ СМС ПОРАКИ ИСПРАТЕНИ ОД ВИЕТНАМ И ОД ИНДИЈА, НЕ ГИ ОТВОРАЈТЕ! Нова измама во името на Македонска пошта appeared first on plusinfo.mk.

„Вашиот пакет не може да биде доставен поради грешка во адресата, ве молиме да ја адаптирате адресата правилно за да ја олесните нашата нормална испорака, ви благодариме на соработката“, вака гласат лажните СМС пораки кои повторно се појавија, а кои наводно пристигнуваат од Македонска пошта.

И пред неколку месеци имаше една ваква слична појава каде најпрво беше реагирано на социјалните мрежи за подоцна телефонските оператори да ги блокираат овие броеви.

Малку е нејасно како телефонските оператори дозволуваат оваа појава да се повторува, а граѓаните да бидат постојано мета на вакви измами. За оние коишто не знаат на вашиот мобилен телефон ви пристигнува порака со линк од наводниот сајт на Македонска пошта која е речиси идентичен со оригиналниот што значи дека некој многу се потрудил да ја направи оваа измама поуверлива.

Линкот ве води до место каде што ви ги бараат да ги оставите вашите лични податоци како име, презиме и број на трансакциската сметка каде за момент измамниците ќе ви одземат илјадници денари од вашата сметка.

При ваков случај препораката е да не го отворате линкот, веднаш блокирајте ја пораката и известете го вашиот телеком оператор.

The post АКО ДОБИЕТЕ ВАКВА СМС ПОРАКА, НЕ ЈА ОТВОРАЈТЕ! Нова измама кружи со логото на Македонска пошта appeared first on plusinfo.mk.

Во претпријатието работат 2.200 вработени.

Бараат да им биде исплатена септемвриската плата и да не се доцни во иднина со исплатата на платите. Тие бараат да се подобрат нивните услови за работа, државата да ги користи нивните услуги и да не ангажира приватни пошти, со цел да се зголемат нивните приходи.

The post СЕПТЕМВРИСКАТА ПЛАТА ФАЛИ И ВО „МАКЕДОНСКА ПОШТА“ Ако вработените не ја добијат, во вторник ќе излезат на штрајк appeared first on plusinfo.mk.

Вработено лице во една од многуте пошти во земјава во изјава за КУРИР вели дека дефинитивно ќе стапат во штрајк доколку владата и овој пат остане нема на нивните барања.

– Платите се мизерни и не се покачени со години, бараме покачување кое е нужно во ова време кога се е покачено, од цените во маркетите, до горивата, па се до кризата и војната која се случува во Европа. Се надеваме дека овие барања на нашите синдикални здруженија ќе родат со плод, ако не за 10 дена колку што е законскиот рок почнувајќи од денес ние стапуваме во штрајк – вели добро упатен извор вработен во Македонска пошта.

The post МАКЕДОНСКА ПОШТА ПРЕД ШТРАЈК Се бара линеарно покачување на платите appeared first on plusinfo.mk.