Во Полициската академија во Идризово денеска свечено беа промовирани 496 нови полициски службеници од генерацијата 2025/2026, кои по завршувањето на обуката дадоа свечена заклетва и официјално станаа дел од Министерството за внатрешни работи.

На свеченоста, министерот за внатрешни работи Панче Тошковски им порача на новите полицајци дека носењето на униформата не претставува само професионална обврска, туку и голема чест и одговорност кон граѓаните.

– Со денешната заклетва не добивате само работно место, туку преземате голема одговорност и чест да ја носите униформата која граѓаните ја препознаваат како симбол на редот, законот и безбедноста – истакна Тошковски.

Тој нагласи дека полициската професија бара многу повеќе од исполнување на службените задачи и дека таа е животен избор кој подразбира храброст, чесност, смиреност и човечност.

– Полициската професија не завршува со истекот на работното време. Таа бара постојана посветеност и одговорност пред граѓаните – порача министерот.

Тошковски посочи дека силните институции се основа за стабилна држава, а безбедноста е предуслов за економски развој, правна сигурност и подобар квалитет на живот.

Тој информираше дека Министерството за внатрешни работи продолжува со процесот на модернизација на полицијата преку реконструкција и изградба на полициски објекти, набавка на нова опрема и возила, подобрување на условите за работа и дигитализација на услугите.

– Македонија денес има најнизок криминалитет во последните 20 години. Тоа е резултат на посветената работа на полициските службеници, но и на реформите и модернизацијата што ги спроведуваме – рече Тошковски.

Министерот додаде дека новата генерација за време на обуката покажала висок степен на дисциплина и професионалност, а процесот за првпат се реализирал во целосно обновени услови.

Тој посочи дека Центарот за обука во Идризово прераснува во Полициска академија со меѓународна акредитација.

Помошник-министерот на Полициската академија, Влатко Митковски, истакна дека ова е првата генерација обучена според новиот модел на основна полициска обука, која се реализирала преку три специјализирани модули – општа надлежност и сообраќај, гранични работи и специјални полициски операции.

Тој нагласи дека кандидатите, покрај професионалните знаења, покажале и општествена одговорност преку учество во хуманитарни акции, донации и крводарителски активности.

– Полициската униформа не е само службено обележје, туку симбол на доверба. Таа доверба се заслужува секој ден со професионално, законито и достоинствено постапување – порача Митковски.

На свечената промоција присуствуваа министерката за образование и наука Весна Јаневска, претставници на Министерството за внатрешни работи и Полициската академија.

The post 496 НОВИ ПОЛИЦАЈЦИ ЌЕ СЕ ГРИЖАТ ЗА БЕЗБЕДНОСТА НА ГРАЃАНИТЕ Тошковски им порача дека униформата е чест, но и голема одговорност appeared first on plusinfo.mk.

Eден од двајцата уапсени членови на криминалната група Беланоца уапсени во Драч, во aкција на македонската полиција и Интерпол, бил баран за убиство на офицер на АРМ, јавува Телма во сопствен прилог.

Џавит Муса со години бил во бегство и се бараше за повеќе тешки кривични дела, меѓу кои и убиството на офицерот на АРМ Агим Муареми во Батинци. Тој бил осомничен за уште едно убиство во Батинци во 2024 година, а според истрагата, ликвидацијата била нарачана од Беланоца и нејзиниот лидер Фатљум Ајети-Тоте.

Пред да избега, Муса издржувал затворска казна за нелегално поседување оружје во затворот Скопје.

Сенафи Нуредини, кој исто така беше уапсен во Драч, е член на Беланоца баран за криумчарење мигранти, убиство, нелегално оружје и злосторничко здружување. Се поврзува и со напад во Студеничани во 2021 година, кога, според сомневањата, избодел младо момче. Истражителите го поврзуваат и со убиството на Камбер Идризи во Бутел во 2021 година, припадник на ривалска криминална група.

Во акцијата е приведено и трето лице со иницијали Џ.Р., осомничено дека им обезбедувало фалсификувани документи на двајцата бегалци.

ПАДНАА ДВАЈЦА ЧЛЕНОВИ НА „БЕЛАНОЦА“ Осомничените за убиства се уапсени во Драч, по нив трагаше Интерпол

The post EДЕН ОД УАПСЕНИТЕ ОД „БЕЛАНОЦА“ БИЛ БАРАН ЗА УБИСТВО НА ОФИЦЕР НА АРМ Другиот се поврзува со убиство во Бутел и напад во Студеничани appeared first on plusinfo.mk.

По барање на полицискиот синдикат, МВР дозволи уредни бради и одредени видови тетоважи, со услов да не го нарушуваат професионалниот изглед на службениците.

Полицајците во Македонија повеќе нема да мора задолжително да бидат избричени. Со измените на правилникот на МВР, униформираните службеници добија дозвола да носат уредни бради и одредени видови тетоважи, под услов да не го нарушуваат професионалниот изглед и угледот на службата.

Од Министерството за внатрешни работи потврдија дека измените биле направени по предлог на Гранскиот независен синдикат на полицијата, кој побарал усогласување со практиките што веќе се применуваат во повеќе европски држави.

„По разгледување на доставениот предлог, истиот беше прифатен. На полициските службеници кои носат униформа им се дозволува да носат брада, но исклучиво доколку истата е кратка, уредна и редовно одржувана“, соопштија од МВР.

Брадата мора да биде уредна

Според новите правила, полицискиот службеник и натаму мора да биде уредно потстрижен. Доколку носи брада, таа треба да биде кратко и рамномерно потстрижена, со јасно дефинирани контури на образите и вратот.

Брадата не смее да го нарушува службениот изглед, ниту да ја попречува употребата на службената опрема, вклучително и заштитната маска.

Мустаќите, пак, не смеат да ја надминуваат линијата на горната усна.

Дозволени се и тетоважи

Измените носат новини и за тетоважите кај униформираните службеници.

Тетоважи ќе бидат дозволени на горните екстремитети, доколку не содржат навредлива, расистичка или вулгарна содржина што би можела да предизвика вознемиреност кај граѓаните или да го наруши угледот на Министерството.

На останатите видливи делови од телото и натаму ќе важат ограничувања.

Синдикатот ја поздрави одлуката

Од Независниот синдикат на полицијата ја поздравија одлуката, оценувајќи ја како чекор кон модернизација на полициската служба.

„Еден можеби мал чекор за Министерството и синдикатот, но многу значаен во насока на подготвеноста за спроведување реформи и слух за потребите на колегите“, соопштија од синдикатот.

Оттаму потсетуваат дека истовремено е прифатено и барањето за укинување на забраната за користење мобилни телефони за дел од полициските служби.

Новите правила веќе се во сила и претставуваат дел од пошироките промени насочени кон модернизирање на условите за работа во полицијата.

The post УРЕДНИ БРАДИ И УРЕДНИ ТЕТОВАЖИ ВО УНИФОРМА Полицијата се усогласува со праксата во европските држави appeared first on plusinfo.mk.

Денеска во нашата земја беше екстрадиран Флорим Лимани (33), кој беше баран со меѓународна потерница. Лимани е осуден на три години и шест месеци затвор за недозволено изработување, држење и тргување со оружје и распрскувачки материи, дело казниво според член 396 став 1 од Кривичниот законик.

Ова е прва екстрадиција на лице од Обединетите Арапски Емирати кое се бара со меѓународна потерница од страна на македонската полиција. Лимани веднаш по пристигнувањето е предаден на надлежните институции за да ја издржи преостанатата казна.

Преку соработката со властите во Дубаи, македонската полиција ја реализираше оваа постапка, која претставува важен пример за меѓународна правна соработка и борба против криминалот.

The post ПРВА ЕКСТРАДИЦИЈА ОД ОАЕ Флорим Лимани пристигна од Дубаи, ќе ја издржува казна за трговија со оружје appeared first on plusinfo.mk.

Пет возачи под дејство на алкохол беа приведени во неколку градови низ Македонија во текот на ноќта меѓу 24 и 25 јануари, при редовни сообраќајни контроли на полицијата. Кај еден од нив е измерено дури 3,15 промили алкохол во крвта.

Најтешкиот случај е регистриран во Велес, каде 38-годишен возач од Неготино, управувајќи „мазда“, изгубил контрола на улицата Партизанска и удрил во објект, по што избегал од местото на несреќата. Возилото и возачот подоцна биле пронајдени на улицата 4 Јули, а алкотестот покажал 3,15 промили алкохол. Тој веднаш бил лишен од слобода.

Неколку часа подоцна, во Куманово, полицијата го привела 39-годишниот Д.К., кој управувал „лада нива“ со 1,62 промили алкохол во крвта. Возачот бил запрен на улицата 3 Македонска Ударна Бригада.

Во Штип, пак, бил уапсен 62-годишен возач на „југо“, кај кого било утврдено присуство на 2,74 промили алкохол. Контролата била извршена доцна вечерта на 24 јануари.

Две приведувања се регистрирани и во гевгелискиот регион. На булеварот Гевгелија бил лишен од слобода 46-годишен возач од село Селемли, кој управувал „фолксваген“ со 1,54 промили алкохол. Нешто подоцна, на регионалниот пат кај браната Паљурци, полицијата го привела и 46-годишниот Д.Т.М. од Гевгелија, возач на „мерцедес“, кај кого биле измерени 1,52 промили алкохол.

Од Министерството за внатрешни работи информираат дека по целосно документирање на сите случаи, против возачите ќе бидат поднесени кривични пријави за „безобѕирно управување со моторно возило“, согласно член 297-а од Кривичниот законик.

The post СО 3,15 ПРОМИЛИ УДРИЛ ВО ОБЈЕКТ И ПОБЕГНАЛ Пет лица уапсени поради возење под дејство на алкохол appeared first on plusinfo.mk.

Поранешниот градоначалник на Чашка, 47-годишниот Г.С., свесно ја ангажирал раководителката да извршува работни задачи подолго од утврденото работно време, иако имала решение за скратено работно време поради здравствени причини, се вели во полицискиот билтен.

Со тоа, според соопштението, биле прекршени одредбите од Законот за работни односи кои забрануваат прекувремена работа за лица со скратено работно време.

М.А., и покрај известувањето од Фондот за пензиско и инвалидско осигурување, прифатила дополнителен ангажман, за што ѝ биле исплатени 50.109 денари. Средствата, според полицијата, се исплатени на штета на буџетот на општина Чашка.

Во пријавата се наведува дека со овие постапки двајцата сториле злоупотреба на службената положба и овластување, дело предвидено и казниво според член 353 од Кривичниот законик.

The post СКАНДАЛ ВО ЧАШКА Ексградоначалник и вработена договориле накнадна работа за 800 евра appeared first on plusinfo.mk.

Денеска во кругот на Министерството за внатрешни работи беа промовирани 120 нови возила за потребите на македонската полиција. На настанот присуствуваа премиерот Христијан Мицкоски и министерот за внатрешни работи Панче Тошковски и директорот на БЈБ Александар Јанев.

Министерството за внатрешни работи набави 120 нови автомобили „Peugeot 408 Allure 1.6 PureTech 215 KS EAT8“ за речиси 4 милиони евра, односно 239.068.000 денари. На веб-страницата за јавни набавки е објавен договор склучен на 18.08.2025 година.

Возилата се наменети исклучиво за униформираната полиција и ќе бидат распределени рамномерно низ полициските организациски единици во целата држава, со посебен фокус на Скопје како најголем град со најголеми безбедносни потреби.

– Безбедноста и расчистувањето на криминалот и корупцијата во државата се наш врвен приоритет како Влада, а Министерството за внатрешни работи е нераскинлива алка во тој процес – истакна премиерот Мицкоски на промоцијата.

Премиерот им честиташе на вработените во МВР и истакна дека Владата ќе продолжи да ги поддржува ваквите проекти.

– Би сакал да им честитам на вработените во Министерството, на министерот, на луѓето коишто го водат ова Министерство, за успешно завршената набавка, за успешно завршениот проект и она што е многу важно – се подобрува мобилноста на припадниците на Министерството за внатрешни работи. Владата ќе продолжи да ги поддржува ваквите проекти – рече премиерот.

Мицкоски им посака на вработените возилата да се користат што е можно помалку, нагласувајќи дека тоа ќе значи помалку криминал и криминалци на улиците.

Министерот Панче Тошковски појасни дека распределбата на возилата ќе биде рамномерна на национално ниво, со приоритет на градовите со поголеми безбедносни потреби, при што Скопје ќе добие поголем број возила за поефикасно и побрзо извршување на секојдневните полициски задачи.

– Ова е уште еден чекор кон модернизација на полицијата и подобрување на безбедноста за сите граѓани – додаде министерот.

The post 📷 НОВИ ПОЛИЦИСКИ „ЧУДА“ НА УЛИЦИТЕ Македонија доби 120 супермоќни „Peugeot 408“ за брза борба со криминалот appeared first on plusinfo.mk.

По седум години во бегство, на граничниот премин Деве Баир на влез во Македонија од Бугарија на македонските власти се предаде Дејан Давидовски-Дешо, објави Канал 5 телевизија

По седум години во бегство, на граничниот премин Деве Баир на влез во Македонија од Бугарија на македонските власти се предаде Дејан Давидовски-Дешо кој беше баран со меѓународна потерница за настаните со упадот во Собранието од 27 април. Тој е осомничен за терористичко загрозување на уставниот поредок и безбедноста.

Давидовски пред пет години беше уапсен во Шведска, но потоа и ослободен од шведскиот Врховен суд кој го одби барањето на Македонија за негова екстрадиција.

The post ДЕЈАН ДАВИДОВСКИ СЕ ПРЕДАДЕ НА ДЕВЕ БАИР Дешо беше во бегство 7 години поради настаните на 27 април appeared first on plusinfo.mk.

Плакети им беа доделени на Мисијата на ОБСЕ, Делегацијата на ЕУ и на амбасадите на Хрватска, НР Кина, САД, Унгарија, Словенија и Чешка, како и на повеќе вработени во МВР.

– Македонската полиција не само во контекст на актуелните кризни случувања, туку и пошироко во сите други домени на своето работење ќе остане непоколеблив гарант во заштита на уставно-правниот поредок на спроведувањето на законите, на личната и имотна сигурност на секој наш човек. Денешниот празник го обележуваме во едни поинакви околности коишто ни даваат јасен увид за значењето и улогата на полицијата и во кризни состојби како што е впрочем актуелната пандемија со ковид-19 – рече министерот за внатрешни работи Наќе Чулев во поздравното обраќање.

Тој посочи дека повеќе од јасен показател за потенцијалите и кредибилитетот на македонската полиција е демонстрираната организираност, исполнителност, законска дисциплинираност и пожртвуваност на полициските службеници и на сите други припадници на МВР во исполнувањето на сите зададени обврски и задачи во справувњето со пандемијата и примарно во зачувувањето на човечките животи како бесценета вредност на секое општество.

– Полициската работа колку што е чест истата е ако не и поголема одговорност, зашто во наши раце согласно законите и Уставот ставена е безбедноста и сигурноста на сите наши граѓани. Тоа е би рекол света и благородна обврска кон која што мора да се стремиме и да имаме безусловна почит. Тука нема простор за калкулации, компромиси, селективности. Ние сме сервис на граѓаните, институција посветена и подредена исклучиво на мотото да чува и штити и во таа насока треба според мое длабоко убедување да продолжиме да се развиваме и во годините пред нас – посочи Чулев.

Тој нагласи дека интегративниот процес во ЕУ и членството во НАТО подразбира дека МВР ја има клучната улога.

– Тоа значи засилена и неселективна борба против организираниот криминал и корупцијата. Целосната реализација на оваа важна обврска е возможна доколку кон нејзината реализација пристапуваме обединети и доколку ги надминеме сите препреки кои го попречуваат професионалното извршување на нашите задачи и доколку МВР го ослободиме од сите форми на влијанија кои би можеле на некој начин да фрлат сенка врз неговата работа. Во остварувањето на оваа цел сите сме на иста страна, односно се согласуваме дека со бескомпромисната борба против корупцијата и криминалот можеме да го подигнеме нивото на доверба во нашата институција, а со тоа нашето општество да го направиме подобро место за живеење – рече Чулев.

Модерна институција, додаде тој, подготвена за членство во меѓународните организации подразбира професионални полициски службеници со висок интегритет кои во својата работа ќе постапуваат согласно законот.

Министерот за внатрешни работи истакна дека во сите изминати децении на раст и развој МВР помина низа фази на реформи во сите сфери на полициското работење и тоа во нормативната, во сфера преку носење на законски одредби што ќе не доближат до европските стандарди во полициското работење, техничко-технолошки, кадровски и структурални и организациски промени, односно надградби.

– Сето тоа како во насока на континуирано следење на трендовите во полициското работење, така и во насока на максимална ефективност и ефикасност во функционирањето на тој сложен систем врз којшто почива МВР. Периодот од почетокот на деведесеттите наваму за македонската полиција е период исполнет со исклучително динамични и турбулентни промени во сите сегменти на работата. Години во кои со многу напор, вложување, но и откажување со саможртви, со бројни примери на подготвеност да се положи сопствениот живот на олтарот на слободата полициските припадници покажаа дека се достојни за униформата што ја носат и за заклетвата дадена во името на мирот и безбедноста на граѓаните – потенцира Чулев.

На свеченоста присуствуваа и допплнителниот замени-министер Славјанка Петровска, заменик-министерот Агим Нухиу и државниот секретар Магдалена Несторовска.

The post Одбележан Денот на македонската полиција appeared first on plusinfo.mk.