Селекторот на италијанската фудбалска репрезентација, Џенаро Гатузо, изјави дека е целосно фокусиран и „опседнат“ со целта да обезбеди пласман на Светското првенство 2026, откако Италија ги пропушти двата последни мундијалски турнири.

Италија не успеа да избори директен пласман на Мундијалот, но ќе добие нова шанса преку европскиот плејоф. Во март, во Бергамо, „аѕурите“ ќе играат полуфинален натпревар против Северна Ирска, додека во другото полуфинале ќе се соочат Велс и Босна и Херцеговина. Победниците од овие дуели ќе се сретнат во финалето, каде ќе се решава патникот на Светското првенство.

Гатузо посебно се осврна на болното искуство од 2022 година, кога Италија беше елиминирана од македонската репрезентација.

– Не смееме да ја повториме истата грешка како пред четири години против Македонија. Во модерниот фудбал нема лесни натпревари и секој противник заслужува максимален респект – изјави италијанскиот селектор.

Италија нема настап на Светско првенство повеќе од една деценија. По неуспехот да се квалификува за СП 2018, „аѕурите“ во 2022 година беа запрени токму од Македонија, која славеше со 1-0 во бараж-натпреварот одигран во Палермо.

– Мојата опсесија е Италија повторно да игра на Светско првенство. Мораме да се вратиме таму каде што припаѓаме. Тоа мора да го сакаме по секоја цена и да не дозволиме стравот и притисокот да нè вратат назад – порача Гатузо.

The post МАКЕДОНИЈА СÈ УШТЕ Е КОШМАР ЗА ИТАЛИЈАНЦИТЕ Гатузо со јасна порака, нема лесни натправари во баражот appeared first on plusinfo.mk.

Заклучно со 2024 година, во земјата функционираат вкупно 1.494 електроцентрали на обновливи извори со комбинирана инсталирана моќност од 1.663 MW, што претставува 56% од вкупната инсталирана електроенергетска моќност во државата, изјави денеска министерката за енергетика  Сања Божиновска на  Бизнис форумот „Италија – Северна Македонија“.

Според неа, особено е забележителен порастот на фотонапонските централи, чиј удел во производството постојано расте.

Божиновска најави изградба и на повеќе проекти во енергетиката – изградбата на сончева електрана од 200 MW, нов ветерен парк во Миравци од 100 MW, проширување на ветерниот парк „Богданци“ како и новите приватни инвестиции, меѓу кои ветерниот парк на „Алцазар Енерџи“ со капацитет од 400 MW и соларниот парк „Стипион“ на „Акуо Енерџи“ од Франција со планирани 360–400 MW.

-Без силна и модерна енергетска мрежа, капацитетите од обновливи извори нема да можат да се интегрираат. Затоа инвестициите во преносната и дистрибутивната мрежа се наш апсолутен приоритет – рече Божиновска, најавувајќи нов 10-годишен план за развој на мрежата и воведување на батериски системи за складирање на енергија како задолжителен дел за сите нови капацитети.

На форумот се дискутираше и за нови можности за италијанските компании во областа на енергетиката и инфраструктурата, а беа отворени теми за регионално поврзување, заеднички проекти и засилување на јавните и приватните партнерства во духот на зелената транзиција.

Во рамки на пленарната сесија и панелот посветен на енергетската транзиција и циркуларната економија, министерката Божиновска ги презентираше плановите и резултатите на Македонија во доменот на обновливите извори на енергија, укажувајќи дека земјата веќе е препознаена како лидер во регионот со над 1000 MW инсталирани капацитети.

The post МАКЕДОНИЈА ЛИДЕР ВО РЕГИОНОТ ВО ЗЕЛЕНА ТРАНЗИЦИЈА Изградени електрани со инсталирана моќ поголема од 1000 мегавати appeared first on plusinfo.mk.

Економската соработка меѓу Македонија и Италија е на високо ниво, но потенцијалот не е доволно искористен, посебно во делот на енергетската транзиција, циркуларната економија, инфраструктурата, поврзувањето и технолошките иновации. Компаниите од двете земји треба да ги интензивираат директните контакти и заеднички да придонесат за јакнење на долготрајните деловни врски, порачаа учесниците на денешниот бизнис форум во Скопје.

Форумот го отворија министерот за надворешни работи и надворешна трговија, Тимчо Муцунски и заменик-министерката за надворешни работи и меѓународна соработка на Италија,  Марија Триподи.

Муцунски напомена дека економската дипломатија е стратешки приоритет на Владата, а Италија останува многу важен партнер, особено во доменот на инвестициите.

– Акцентот на форумот го ставаме на јакнење на соработката во делот на енергетската транзиција, инфраструктурата, технолошките иновации и дигитализацијата, но и на користењето на финансиските инструменти за интернационализација. Верувам дека во блиска иднина ќе ги видиме првите практични резултати на овој план – истакна Муцунски.

Според него, нивото на трговска размена со Италија лани било околу 685 милиони евра.

– Очекуваме дека ваквиот тренд ќе продолжи, со тенденција на негово натамошно зголемување – рече министерот.

Тој изрази очекување дека ќе продолжи квадрилатералната соработка со Италија, Албанија и Бугарија за Коридорот 8.

Триподи која во обраќањето се фокусираше на економските односи, искажа и поддршка за македонските евроинтеграции. Констатира дека се недоволно искористени потенцијалите за соработка во циркуларната економија, енергетската транзиција, инфраструктурата, поврзувањето и технолошките иновации.

По форумот е предвидена билатерална средба меѓу министерот Муцунски и заменик-министерката Триподи.

The post КОРИДОРОТ 8 Е ВАЖЕН ЗА ПОИНТЕНЗИВНА ЕКОНОМСКАТА СОРАБОТКА СО ИТАЛИЈА Но треба да се соработува и во циркуларната економија и напредните технологии appeared first on plusinfo.mk.

Го почнавме натпреварот доста дефанзивно, а ниту очајниот терен на нашата национална арена не помогна многу. Италија доминираше и имаше четири добри шанси за гол, а најблиску беше Сандро Тонали, кој ја погоди стативата од голот на Столе Димитриевски. Најдобрата ситуација за гол за Македонија ја имаше Бојан Миовски во 19.минута, кога со глава биеше крај голот на Џанлуиџи Донарума.

Второто полувреме почна лошо за нашиот тим, бидејќи Италија поведе преку Чиро Имобиле во 47.минута. Капитенот на „аѕурите“ реализираше на одбиена топка откако Николо Барела ја погоди пречката.

Овој гол ја разбуди Македонија, која почна да игра многу поофанзивно и похрабро. Тоа резултираше со изедначување во 81-та минута. Елиф Елмас изнуди прекршок надвор од шеснаесетникот, а капитенот Барди мајсторски погоди од слободен удар во мрежата на Италија.

Најискусната фудбалска репрезентација на Македонија одигра нерешени 1-1 (0-0) против големиот фаворит Италија, во натпревар од квалификациите за Европското првенство. Гостите поведоа со голот на Имобиле, но резултатот го израми  капитенот Барди со гол од слободен удар.

Го почнавме натпреварот доста дефанзивно, а ниту очајниот терен на нашата национална арена не помогна многу. Италија доминираше и имаше четири добри шанси за гол, а најблиску беше Сандро Тонали, кој ја погоди стативата од голот на Столе Димитриевски. Најдобрата ситуација за гол за Македонија ја имаше Бојан Миовски во 19 минута, кога со глава биеше крај голот на Џанлуиџи Донарума.

Второто полувреме почна лошо за нашиот тим, бидејќи Италија поведе преку Чиро Имобиле во 47 минута. Капитенот на „аѕурите“ реализираше на одбиена топка откако Николо Барела ја погоди пречката.

Овој гол ја разбуди Македонија, која почна да игра многу поофанзивно и похрабро. Тоа резултираше со изедначување во 81-та минута. Елиф Елмас изнуди прекршок надвор од шеснаесетникот, а капитенот Барди мајсторски погоди од слободен удар во мрежата на Италија.

За три дена Македонија гостува на Малта во рамки на 6 коло од квалификациите.

The post ГОЛЕМО РЕМИ ЗА МАКЕДОНИЈА Барди со еврогол ги расипа очекувањата на „азурите“ appeared first on plusinfo.mk.

Актуелниот светски и европски првак се покажа пресилен противник за избраниците на селекторот Јошко Миленкоски, кои и пред почетокот на натпреварот ставија до знаење дека натпреварот со Италија ќе биде за уживање и круна на нивните кариери.

Италијанците го добија првиот сет со 25-20, вториот со 25-12, а третиот го решија во своја корист со 25-15.

За македонските одбојкари ова беше трето и најуспешно учество на европските првенства.

Во рамки на групната фаза, која се играше во Скопје, македонските одбојкари го освоија четвртото место во групата Ц и прв пат во историјата обезбедија осминафинале и пласман меѓу 16 најдобри европски селекции.

The post ПОРАЗ ВО ОСМИНАФИНАЛЕТО НА ЕП Италија се покажа како пресилен противник за македонските одбојкари appeared first on plusinfo.mk.

Селекторот на македонската фудбалска репрезентација Благоја Милевски оцени дека „црвено – жолтите“ не се аутсајдери против Италија, иако актуелниот европски првак е фаворит во полуфиналната пресметка во мундијалскиот бараж.

– Во денешниот фудбал аутсајдери има само на хартија. Сето она што се случува на терен е сосема друга приказна. Според рејтингот, Италија е фаворит, но на терен за исходот на мечот во голема мера ќе се прашуваме и ние. Покажавме во текот на квалификациите дека имаме квалитет, како и сите други учесници во баражот и ќе се потрудиме тоа да го потврдиме – изјави Милевски во својата прва реакција на вечерашната жрепка за мундијалскиот бараж во седиштето на ФИФА во Цирих.

Натпреварот ќе се игра на 24 март, а Италија ќе биде домаќин.

– Македонија покажа дека без разлика дали игра на домашен или на гостински терен може да се спротивстави на секој противник, се разбира дека ќе ни недостасува поддршката од публиката, но околностите не можеме да ги менуваме – посочи Милевски.

Македонскиот селектор додаде дека неговите избраници неслучајно се во мундијалскиот бараж и во дуелот против Италија ќе се обидат да го потврдат својот квалитет.

– Италија е актуелен европски првак. Имаме голема почит за противникот и за нивниот селектор. Многупати сум напоменал дека го ценам како селектор и како тренер. Сметам дека е најзаслужен за европската титула на Италија. Под негово водство, сведоци сме на една нова, модерна фудбалска Италија која ги надминува стереотипите базирани само на дефанзива. Играат сосема поинаков фудбал, тоа ги отежнува работите за сите нивни противници, сега и за нас се разбира, но мора да се приспособуваме на предизвиците. Македонија има свои квалитети, нè случајно сме во баражот и ќе се потрудиме да бидеме конкурентни и на овој натпревар – изјави Милевски.

Селекторот на италијанската фудбалска репрезентација Роберто Манчини ја оцени како неповолна жрепката за мундијалскиот бараж, која на актуелниот европскиот првак во полуфиналето за противник им ја донесе македонската репрезентација.

Италија ќе биде домаќин на избраниците на македонскиот селектор Благоја Милевски на 24 март, а победникот во финалето ќе му гостува на поуспешниот од дуелот меѓу Португалија и Турција.

– Ова е многу тешка жрепка за нас. Северна Македонија е многу добар тим, и доколку победиме ќе играме на гостински терен со победникот меѓу Португалија и Турција – истакна Манчини во првата реакција по вечерашната жрепка во седиштето на ФИФА во Цирих.

The post ИТАЛИЈА Е ФАВОРИТ, НО МАКЕДОНИЈА НЕ Е АУТСАЈДЕР Селекторот Милевски ветува битка на теренот appeared first on plusinfo.mk.