Неопходна е посилна соработка меѓу институциите за поефикасно справување со финансискиот криминал и со прекуграничните криминални активности, порача директорот на Бирото за јавна безбедност (БЈБ), Александар Јанев. кој денеска учествуваше на Билатералната вежба Северна Македонија – Грција за меѓусебна правна помош во случаи на финансиски криминал, организирана со поддршка на Мисијата на ОБСЕ во Скопје.

Како што соопшти МВР, вежбата е насочена кон унапредување на практичната соработка меѓу надлежните институции од двете земји преку размена на искуства, информации и најдобри практики во постапувањето со случаи поврзани со финансиски криминал.

– Безбедноста нема граници. Затоа и нашата соработка не смее да има граници – истакна Јанев, нагласувајќи дека криминалот не познава граници, а криминалните мрежи и финансиските текови често се протегаат низ повеќе држави.

Според него, одговорот на институциите треба да биде заеднички, навремен и координиран преку директна размена на информации, ефикасна меѓусебна правна помош, финансиски истраги, следење на сомнителни трансакции и размена на податоци од значење за истрагите.

Јанев оценил дека Македонија и Грција, како соседни држави, имаат посебна одговорност во јакнењето на безбедносната соработка и воспоставувањето механизми што ќе им овозможат на институциите да бидат чекор пред криминалот.

– Нашата цел не е само да реагираме кога криминалот ќе се случи. Целта е заеднички да бидеме чекор пред него преку навремено споделување информации, координирани постапки и ефикасна правна помош – порача директорот на БЈБ.

Тој нагласи дека ваквите вежби имаат особено значење бидејќи овозможуваат практично тестирање на механизмите за соработка и унапредување на процедурите за постапување во сложени прекугранични случаи.

– Таму каде што криминалот гледа граница како можност за криење, ние треба да гледаме можност за уште посилна соработка. Силни институции, тесно поврзани партнери и заедничка одговорност се основата за побезбедни граѓани и постабилен регион – истакнал Јанев.

The post МАКЕДОНИЈА И ГРЦИЈА ВЕЖБАА МЕЃУСЕБНА ПРАВНА ПОМОШ ПРИ ФИНАНСИСКИ КРИМИНАЛ Посилна соработка за побезбеден регион appeared first on plusinfo.mk.

– Секогаш ги охрабруваме нашите сојузници и партнери да се придржуваат до договорите и да ги остават билатералните спорови и несогласувања надвор од НАТО Алијансата, за да се осигура дека има соработка и регионална стабилност во вашиот регион – рече Бјуланд.

Тој истакна дека ако има билатерални проблеми кои се надвор од контекстот на Алијансата, САД, се разбира, би поддржале дипломатија за надминување на тие разлики, но Алијансата останува фокусирана на одбрана и одвраќање.

Тој кажа и дека државите од Западен Балкан треба да ги направат потребните реформи за влез во ЕУ, како и дека долгиот процес на интеграција може да доведе Русија и други малигни актери да го искористат незадоволството на народот.

Гласот на Америка на македонски на 19 јуни го праша Стејт департментот дали премиерот Христијан Мицкоски со употреба на две имиња за државата, дома Македонија, а во странство Северна Македонија, се обидува да создаде лажен впечаток дека се придржува до Договорот од Преспа.

Од прес-службата тогаш за Гласот за Америка одговоријле:

– Изјавата на мандатарот Мицкоски дека ќе го користи уставното име на државата во сите официјални контексти е во согласност со Договорот од Преспа“.

The post ОСТАВЕТЕ ГО СПОРОТ НАДВОР ОД НАТО Пентагон упати порака до Македонија и Грција appeared first on plusinfo.mk.