Велислава Петрова – Чамова, новата министерка за надворешни работи на Бугарија. За нега малку се знае освен дека е креаторкаа на содржината на францускиот предлог од 2022 година. Како заменик-министерка во владата на Кирил Петков, таа беше директно вклучена  во изработката на овој документ со кој се блокираа евроинтеграциите на Македонија.

Преговарачката рамка беше усвоена во јуни 2022 година  и предвидуваше внесување на Бугарите во преамбулата на Уставот.

The post МИНИСТЕРКАТА НА РАДЕВ ГО КРОЕЛА ФРАНЦУСКИОТ ПРЕДЛОГ Чамова ќе ја води бугарската дипломатија appeared first on plusinfo.mk.

Министерството за надворешни работи и надворешна трговија во реакција на соопштението на бугарското МНР, изрази жалење што „оваа институција сè почесто се позиционира како рецензент на изјави на македонски политички претставници, наместо како партнер во суштински и европски ориентиран дијалог“.

„Во врска со денешното соопштение објавено на веб-страницата на Министерството за надворешни работи на Република Бугарија јасно нагласуваме дека ниту имаме намера, ниту потреба да бидеме дел од внатрешнополитичките или изборните процеси во Бугарија, ниту преку коментари, интерпретации, ниту преку вклучување во дневнополитички наративи“, се наведува во реакцијата на македонското Министерство.

МНР ги повика бугарските институции да се водат од принципите на добрососедство, взаемна почит, предвидливост и на институционална комуникација, принципи кои воедно претставуваат темелни европски вредности и стандарди.

„Затоа што Европа се гради со доверба и со резултати, не со етикетирања и со политички квалификации“, се додава во реакцијата.

Бугарското МНР денеска преку соопштение изрази длабоко разочарување од, како што наведе, „континуираниот неконструктивен пристап на официјално Скопје и недостигот на отвореност во комуникацијата со јавноста“. Според бугарското МНР, манипулативна е изјавата на министерот за надворешни работи Тимчо Муцунски за иницијативата на поголеми и повлијателни земји членки на ЕУ да се организира состанок меѓу него и неговиот бугарски колега.

„Ова не е првпат Македонија официјално да изнесува вакви нејасни и манипулативни тврдења. Европскиот консензус од 2022 година беше едногласно усвоен од сите земји членки на ЕУ, како и од самата Република Северна Македонија. Во оваа смисла, уште еднаш го нагласуваме фактот дека дијалогот е институционален помеѓу земјата кандидат и ЕУ. Единствено и исклучиво од Скопје зависи да ги спроведе сите мерки наведени во консензусот, со цел да се унапреди процесот на европска интеграција“, соопшти бугарското МНР.

Во соопштението од Софија се додава дека Бугарија секогаш е подготвена за отворен дијалог за сите други прашања.

„За жал, министерот Муцунски покажа неподготвеност да се вклучи не само со зборови, туку и во пракса, во водењето на таков отворен дијалог. Најнов пример за ова е одбиената покана за неговата посета на Софија на 25 ноември 2025 година, за да се одбележи делото на Свети Климент Охридски – значајна историска личност од заедничката историја на двете земји“, соопшти бугарското Министерство.

Во врска со предлозите и оцените дадени од министерот Муцунски за пристапот на Бугарија кон презентираниот нацрт-план за правата на заедниците, од бугарското МНР потсетуваат дека тој бил отфрлен од бугарската заедница во Македонија како неприфатлив „поради отсуство на фундаментални принципи за гарантирање на заштитата на човековите права“.

„Очекуваме да бидат слушнати легитимните барања на нашите сонародници во Северна Македонија“, соопшти бугарското МНР.

Министерот Муцунски вчера посочи дека во текот на минатиот месец имало сериозни иницијативи од неколку земји членки на Европската Унија за организирање средба помеѓу него и неговиот бугарски колега Георг Георгиев. Иницијативите, како што рече Муцунски, дошле од „поголемите и повлијателните“ членки на ЕУ, но од соседна Бугарија немало позитивен одговор.

– Кога ја добивме таа понуда како Влада бевме прашани да предложиме неколку датуми. Рековме не, определете го датумот, нашата делегација ќе биде присутна на такви разговори. За жал, од страна на соседна Софија немаше позитивен фидбек. Тоа што би можел да го кажам е дека и деновиве повторно од Брисел има иницијатива за организирање средба. И повторно ќе кажам, ние сме на располагање – истакна Муцунски во гостување на Сител.

ПОВТОРНО ИМА ИНИЦИЈАТИВА ОД БРИСЕЛ ЗА СРЕДБА MAКЕДОНИЈА-БУГАРИЈА Членки на ЕУ го поздравиле Акцискиот план за заштита на малцинствата

The post БУГАРСКОТО МНР СЕ ПОЗИЦИОНИРА КАКО РЕЦЕНЗЕНТ НА ИЗЈАВИ, НАМЕСТО КАКО ПАРТНЕР Не се вклучуваме во дневнополитичките наративи на Софија appeared first on plusinfo.mk.

Европската Унија го поздрави потпишувањето на Договорот за подготовка, изградба и оперативност на меѓуграничниот железнички тунел на Коридор 8 меѓу Македонија и Бугарија, што се случи вчера на Железничката станица Ѓуешево.

Претседателот на Европскиот совет, Антонио Кошта на мрежата Икс напиша дека изградбата на железницата е поттик во регионалниот развој, соопштија од Министерството за транспорт.

„Го поздравувам потпишувањето на договорот за прекуграничниот тунел на Коридорот 8 меѓу Бугарија и Северна Македонија – голем чекор напред во соработката меѓу двете земји и промоција на добрососедските односи. Освен што развива билатерални врски, новата железница ќе го поттикне регионалниот просперитет и ќе ја зајакне нашата заедничка безбедност“, објави претседателот на Европскиот совет.

И еврокомесарката Марта Кос го поздрави потпишувањето на Договорот.

„Бугарија и Северна Македонија се согласија да ја продолжат работата на Коридорот 8. Клучен проект што ги поврзува Јадранското Море и Црното Море преку пат и железница. Ова е важен чекор за градење доверба преку регионална поврзаност, заеднички просперитет и комуникацијата меѓу луѓето“, напиша еврокомесарката Кос.

Договорот за изградба и оперативност на железничкиот тунел на Коридор 8, вчера во Ѓуешево го потпишаа заменик претседателот на Владата и министер за транспорт Александар Николоски и заменик претседателот на Владата и министер за транспорт и врски на Република Бугарија, Гроздан Караџов.

„Пругата на Коридорот 8 покрај економското значење за Македонија, за регионот и за Европа, има и безбедносно значење од аспект на НАТО“, велат од Министерството за транспорт.

Валентина Суперти, директорка на Директоратот за Западен Балкан на ЕК, вчера на церемонијата во Ѓуешево порача дека двете соседни држави може да сметаат на поддршката од Европската комисија.

– Од заедничкото работење на прекуграничните проекти не губат добрососедските односи коишто се од суштинско значење, особено кога станува збор за членството во ЕУ – укажа Суперти.

Тој посочи дека ЕК е мошне е задоволна што обврските коишто беа преземени на 16 јули во Брисел се исполнуваат и резултираат со потпишувањето на овој договор.

ЕУ, посочи тој, го поддржува зацврстувањето на соработката меѓу вашите земји и заедно со партнерите ЕУ обезбедува значителна финансиска помош за овој проект.

– Сметаме на вашето лидерство, а она на  што сведочиме денес ни е потребно за договорот да биде навремено спроведен – рече Суперти.

Изградбата на тунелот на Коридорот 8 како дел од трансевропската мрежа, како што оцени таа, е иницијатива за отворање пат којшто ќе донесе социјална и економска полза во регионот, со подобрени транспортни услуги и подобар пристап до ЕУ и глобалните пазари.

– Тоа е одржлив транспортен систем со којшто ќе се поткрепи конкурентноста за целиот регион. Коридорот 8 е механизам за посилна регионална соработка и го покрива инфраструктурниот јаз на балканскиот регион. Од стратешка важност е за безбедноста и тоа е всушност нашата заедничка безбедност. ЕУ е целосно посветена на поддржување на спроведувањето на овие важни проекти и затоа сум тука денес – рече претставничката на Европската комисија.

Проценките на институците се дека со изградбата на пругата Скопје-Софија ќе се зголеми товарниот превоз за над 30 проценти, а патничкиот сообраќај за 20–25 проценти.

Македонија и Бугарија, по повеќемесечен застој на крајот на јуни на министерско ниво постигнаа договор за придвижување на работите за железничкото поврзување. Следуваше состанокот на делегации на двете држави на 16 јули во Брисел на кој беа идентификувани приоритетите меѓу кои и повторно објавување на тендерот за работите на железничкиот дел помеѓу Крива Паланка и влезот на прекуграничниот тунел до крајот на годинава од страна на Македонија.

The post ГОЛЕМ ЧЕКОР ВО СОРАБОТКАТА МЕЃУ МАКЕДОНИЈА И БУГАРИЈА Кошта и Кос го поздравија договорот за железничкот тунел appeared first on plusinfo.mk.

Ова се клучните пораки што ги испрати академикот на Бугарската академија на науките Димитар Атанасов, експерт за балканска историја, во интервју со Ицо Најдовски Перин за австралиското радио на македонски јазик.

– Левата тоталитарна идеологија стана државна идеологија во Бугарија. Според тој национален комунизам Македонците не постојат, тие се Бугари и државата треба само да им удри два шамара на Македонците, како на мали деца, за да не прават беља. Таа работа не бива. Секој е слободен да се определи онака како што сака и слободно да може да каже дали е Бугарин, Македонец или… Овие права треба да бидат гарантирани. Бугарската политика тоа не го разбира. Постои таа инерција од комунизмот. Од друга страна, пак, според бугарскиот Устав во Бугарија не се признаваат малцински, групни права. Ова го елиминира односот кон малцинствата. Бугарско граѓанство значи и нација, која не е само едноетнична. Македонците во Бугарија треба да бидат третирани адекватно како културна автономија, а такви опции се можни според бугарското законодавство. Мнозинството треба да се запознава со таа култура. Апелирам да почнеме со тоа – вели Атанасов.

Во интервјуто за македонското радио во Австралија, бугарскиот академик смета дека оваа тензија меѓу Македонија и Бугарија најмногу ѝ одговара на бугарската националистичка партија ВМРО која прави сѐ да го одржува конфликтот.

– Тоа за нив е најсилната карта. Националистите од двете страни на границата си прават услуги. Им одговара оваа антибугарска или антимакедонска политика. Народите не се караат, се караат политичките лидери кои го потхрануваат конфликтот. Па видете кои се членови на бугарскиот дел од историската комисија – Наум Кајчев е од бугарското ВМРО, Ангел Димитров е длабоко поврзан со бугарскиот национализам, таму има луѓе на Божидар Димитров… Бугарската комисија е дадена на концесија на ВМРО. Лошото е што бугарскиот претседател Румен Радев ја зазема истата позиција заради московската врска. Повеќе од јасно е дека Радев нема веќе да биде претседател. Тогаш и Русија ќе биде во многу полоша позиција отколку сега. Ќе дојде прозападен претседател. Историчарите се на една крајно ретроградна позиција. Тое не е европска позиција. Во француско-германската и германско-полската комисија Германците ја признаа грешката. Бугарија била соработник на Третиот рајх и тука треба да се стави точка. Режимот бил профашистички. Бугарија е соучесник во протерувањето на Евреите во Македонија. Депортацијата е извршена со потписи на виши бугарски чиновници. Тоа е неспорно. Така треба и бугарската и македонската страна да кажат, ајде да си ги признаме грешките и тоа да биде почетната позиција – вели Атанасов.

Тој додава:

– На 1 март 1941 година има ли потпишан договор? Има! Бугарија е потписничка со Третиот Рајх и точка по тоа прашање. Факт е дека во 1943 година се издава наредба за депортација на Евреите од Македонија. Заради тоа, да. Бугарија учествува во холокаустот во Македонија. Нема никаков спор. Бугарија треба да го признае тоа по примерот на Германија. Да, бугарските институции должат извинување – вели бугарскиот академик.

Според Атанасов, Македонците треба да признаат за убиствата на Бугарите за време на титова југославија.

– Вината треба да се признае и да се ослободиме од неа. Не треба да се извини бугарскиот народ, македонскиот народ, туку треба да се извинат македонските и бугарските институции. Така како што дејствуваат комисиите меѓу Германија и Франција и Германија и Полска. Тие комисии работат веќе десетици години. Работата на тие комисии прерасна во работа на големи проекти – вели Атанасов.

The post МАКЕДОНЦИТЕ СЕ МАКЕДОНЦИ И ТОЧКА Бугарскиот академик Атанасов не се согласува со бугарската политика (ВИДЕО) appeared first on plusinfo.mk.