Наградата „Кромид“ за најдобар долгометражен документарен филм на 16. издание на фестивалот „МакеДокс“ ја освои „Земја и крилја“ на Стефан Малешевиќ, македонско-српска копродукција. Жирито, составено од Марк Едвардс, Џејмс Берклаз-Луис и Маргарита Арсова, ја пофали прецизноста на дистанцата, маѓепсувачката кинематографија и неочекуваната перспектива за родова еднаквост во рурална заедница. Наградата ја прими продуцентката Ивана Шекуткоска, која се заблагодари на жирито и на публиката.

Наградата „Млад кромид“ ја освои хрватскиот филм „Фиуме или смрт!“ на Игор Бежиновиќ, додека посебно признание доби „Ниедна друга земја“ на Басел Адра, Хамдан Балал, Јувал Абрахам и Рејчел Зар – филм кој беше пофален за својата храброст и искреност во прикажувањето на палестинската реалност. Овој филм ја доби и Наградата за најдобри етички идеи, заради неговата моќна порака за истрајност и човечка поврзаност во услови на насилство и угнетување.

Во категоријата кратки документарни филмови, наградата „Сечкан кромид“ ја доби „Машина за шиење“ на Уло Пиков, кој преку 17 минути раскажува епска приказна за женска истрајност низ историјата. Почесно признание доби „Во свој филм“ на Инес Јокош, заради неговата топла и духовита интерпретација на семејната блискост и креативната соработка меѓу режисерот и протагонистот.

Наградата „Кокарче“ за најдобар студентски филм ја доби „Исповед“ на Ребека Бижубова, кој преку интимна визуелна и звучна поставеност успеа да претвори лично трауматично искуство во колективна приказна што силно одекнува кај гледачите.

Статуетките за наградените автори се дело на Јасмина Главинче.

Фестивалот се одржа од 21 до 28 август на повеќе локации низ Скопје, меѓу кои Куршумли ан, платото пред Музејот на Македонија, Сули ан, МКЦ и „Лабораториум“, под мотото „Кому му е гајле за реалноста?“. На последниот фестивалски ден вчера, во Куршумли ан, беа доделени традиционалните пет награди: „Кромид“, „Млад кромид“, „Сечкан кромид“, „Кокарче“ и Награда за најдобри етички идеи.

Покрај фестивалот, од 25 до 27 август се одржа и седмото издание на МакеКоПроДокс форумот во МКЦ, кој ги обедини филмските автори, продуценти и експерти од Балканот и Европа. Презентирани беа девет проекти во развој, а беа доделени пет награди. Проектот „You Little Box“ на Мерт Каја и Дениз Инал од Турција ги доби наградите на „Image Fantǒme“ и FIPADOC, „No offence“ на Луција Марчец, Ида Барач и Ема Миколаци од Хрватска ги доби наградите на Институтот за документарен филм и Документарната асоцијација на Европа, додека „Dreams covered in chrome“ на Трнделина Халили и Совран Нрецај од Косово ја доби наградата на „Sunny Side of the Doc“.

The post „ЗЕМЈА И КРИЛЈА“ НА СТЕФАН МАЛЕШЕВИЌ ЈА ОСВОИ ГЛАВНАТА НАГРАДА НА МАКЕДОКС Со „Млад кромид“ награден хрватскиот филм „Фиуме или смрт!“ на Игор Бежиновиќ appeared first on plusinfo.mk.

Со краткиот филм „Бардо” на чешката авторка Вјера Чакањова и долгометражниот дански „Само на земјата” на Робин Петре, синоќа во Куршумли ан во Скопје, започна шеснаесеттото издание на Фестивалот на креативен документарен филм МакеДокс. Отворањето беше збогатено со изложба на фотографии од Томислав Георгиев, создадени во рамки на Патувачкото кино на МакеДокс во Кочани.

„Оваа година, Касинос Австрија Интернешанал Македонија со гордост е партнер на фестивалот, кој ќе трае до 28 август и ќе се одржува на повеќе локации: Куршумли ан, Музеј на Македонија, Сули ан, МКЦ и „Лабораториум”. Фестивалската програма е поделена во шест категории: Главна програма, Нови автори, Земја во фокус: Австрија, Кратки документарци, Студентска програма и Програма за деца и млади“, информираат од компанијата.

Под мотото „Кому му е гајле за реалноста?”, публиката ќе има можност да погледне 75 документарни филмови. Особено значајно ќе биде културното случување на 26 август во Сули ан – изложба на фотографии од Киро Урдин создадени во Долината Омо во Африка, проследена со специјална проекција на неговиот филм „Вода и оган”.

„Нашата поддршка за МакеДокс е повеќе од спонзорство – таа е дел од нашата посветеност за развој на културата, поддршка на уметниците и вложување во вредностите кои го збогатуваат нашето општество“, велат од Касинос Австрија.

The post КУЛТУРНА ПОДДРШКА ОД КАСИНОС АВСТРИЈА Фестивалот Македокс стартуваше вчера со чешки и дански филм appeared first on plusinfo.mk.

Сто странски гости се потврдени на фестивалот на креативен документарен филм „Македокс“, чие 16. издание ќе се одржи од 21 до 28 август. Во тој период, ќе може да се погледнат 75 документарни остварувања на пет фестивалски локации, информираа на денешната прес-конференција во Скопје, извршниот директор на фестивалот Дарко Набаков, програмскиот координатор Петрула Вељановска и раководителот на индустри – програмата, Сара Феро.

Набаков информираше дека мотото годинава е „Кому му е гајле за реалноста“.

– Во овие осум фестивалски денови ќе погледнеме 75 документарни остварувања на пет фестивалски локации. „Куршумли ан“, Младински културен центар, Музеј на Македонија, „Сули ан“ и „Лабораториум“ во Скопје. Програмата е подредена во пет натпреварувачки категории. Овие филмови ќе се борат за стандардните пет награди. Наградата „Кромид“ за главната програма, наградата „Млад кромид“ за програмата на нови автори со прво и второ документарно остварување, „Сецкан кромид“ – наградата за кратки документарни филмови, „Кокарче“ – наградата за студентската програма и специјалната награда на „Македокс“ – наградата за етички идеи. Веќе се потврдени 100 странски гости – додаде Набаков.

Програмската координаторка Вељановска соопшти дека одлучиле фестивалот да го отвори филмот „Бардо“ на словачката режисерка Вјера Чаканјова.

– Ќе следува „Само на земјата“ на режисерот Робин Петре. Филмот не е случајно одбран за отворање на фестивалот, затоа што зборува за пожарите што се случуваат насекаде во светот – па и кај нас и како човекот, па и животните, се справуваат со нив. Затворањето на фестивалот е резервирано за хрватскиот филм „Фиуме или смрт“ на хрватскиот режисер Игор Безиновиќ – додаде Вељановска.

Земја во фокус програмата оваа година е Австрија и традиционално ќе се отвори на вториот ден од Фестивалот со два австриски документаци од поновата австриска продукција.

Одговарајќи на новинарски прашања, Набаков изјави дека фестивалот оваа година има зголемена поддршка од 50.000 денари од Агенцијата за филм, но ја изгубил поддршката од Министерството за култура, која минатата година изнесувала 800.000 денари.

The post КОМУ МУ Е ГАЈЛЕ ЗА РЕАЛНОСТА, ГЛЕДАЈТЕ ФИЛМОВИ Фестивалот „Македокс“ ќе се одржи од 21 до 28 август appeared first on plusinfo.mk.

The post МАКЕДОКС ПО 14. ПАТ ГО НАПОЛНИ КУРШУМЛИ-АН Почна фестивалот на креативен документарен филм во Скопје appeared first on plusinfo.mk.

На „МакеДокс“ се доделуваат пет награди – „Кромид“ за најдобар филм во главната програма, „Млад кромид“ за најдобар филм на нов автор, „Сечкан кромид“ за најдобар краток филм, „Кокарче“ за најдобар студентски филм и Награда за филм со најдобри етички идеи, а во комисиите за наградите членуваат 15 интернационални професионалци од документарниот свет.

Наградата „Кромид“ за најдобар филм во главната програма ја доби документарниот филм „Затемнување“ (Норвешка, 2022, 110 мин.) на Наташа Урбан. Комисијата во состав Џон Апел, Кармен Греј и Јана Цисар го даде следното образложение: „Повеќеслојно, софистицирано дело на рекултивација на меморијата, што го поврзува минатото со сегашноста и личното со политичкото, со изразено чувство за поетски детали и посветеност на интегритетот на историското сведоштво, ’Затемнување‘ претставува значаен придонес за пресметката на балканскиот регион со војната, раселувањето и идентитетот.“

Специјално признание „Кромид“ доби филмот „Вознемирена земја“ (Шпанија, Босна и Херцеговина, 2021, 71 мин.) на Кумјана Новакова и Гиљермо Карерас – Канди со образложение: „Филмот претставува поетски есеј за еден ’пејзаж на вината‘. Овој филм создава едно кинематографско искуство на тишина и време, на трауматично минато кое едвај се крие во сегашноста.“

Наградата „Млад кромид“, за која одлучуваше комисија во состав Даниел Вадоцки, Наталија Јефимкина и Жоан Гонзалес, ја доби филмот „Братство“ (Чешка, Италија, 2021, 97 мин.) на Франческо Монтанер со образложение: „Авторот прецизно и чувствително ја долови комплексноста, како и сложеноста на односите во едно целосно машко семејство. Како гледачи, имаме можност да се нурнеме во младешки свет полн со строги правила и обврски, без оглед на присуството на родител-авторитет. ’Братство‘ отвора поголем контекст на двојноста на современиот свет и традицијата. Блискоста и природноста на ликовите во силните филмски слики го прават брилијантно дело, полно со суптилност и убавина.“

Специјално признание „Млад кромид“ доби „Невидливи демони“ (Финска, Германија, Индија, 2021, 70 мин.) на Рахул Џаин.

Наградата „Сечкан кромид“ за најдобар краток филм ја доби „Бабајања“ (Хрватска, 2022, 14 мин.) на Анте Златко Столица. Комисијата во состав Марион Чарни, Ангелики Вергу и Сузан Нодал истакна: „Филмот нè воодушеви со своите неверојатни визуелни прикази и оригинален начин на мешање на духовите од детството со тешките реалности. Преку воспоставување на фиктивни елементи во документарен наратив, детската перспектива полека се менува во една истрага на возрасен човек, кој се обидува да ја најде жената што го прогонувала во соништата и што била претворена во чудовиште од нејзините соселани поради својата другост“.

Специјално признание „Сецкан кромид“ добија филмовите „Се обидувам да се сетам“ (Чешка, Иран, 2021, 15 мин.) на Пегах Ахангарани и „По течението на зборот“ (Холандија, 2021, 22 мин.) на Илејн Естер Ботс.

За наградата „Кокарче“ одлучуваше комисијата во состав Алба Чакали, Златко Ѓелески и Невена Милашиновиќ, и ја доби студентскиот филм „Чичко ми Тудор“ (Белгија, Унгарија, Португалија, 2021, 20 мин.) на Олга Луковникова со образложение: „Овој филм е моќен исказ на еден храбар, млад режисер кој се враќа назад и се соочува со чудовиштето во куќата. Филмот остава дамка во умот на гледачите што не може да се избрише, правејќи ги заложници на злосторствата сторени од блиски роднини, а сепак остава доволно простор да се замислат суровите дела кои не треба да се повторат, никогаш, никому, никаде.“

Специјално признание „Кокарче“ доби филмот „Стадо“ (Израел, 2021, 37 мин.) на Омер Даида.

Во конкуренција за Награда за филм со најдобри етички идеи влегуваат сите филмови од натпреварувачките селекции, а одлучуваше комисија во состав Артан Садику, Борче Стаменов и Сашка Цветковска. Наградата ја доби филмот „Куќа од раски“ (Данска, Финска, Шведска, 2020, 86 мин.) на режисерот Сајмон Леренг Вилмонт.

Образложение: „Куќа од раски“ е одличен пример за моќта на филмот да ги открие сложените човечки чувства и реакции во многу интимна и деликатна ситуација на несреќните деца на украинскиот пропаднат општествен систем. Филмот ни покажува како етиката на понижување на едно општество влијае на неговите најранливи членови. Иако ова е тажна и трогателна приказна за деца со неизвесна иднина, таа се разголува во своето највистинско присуство, без форсирање на елементите и наративот. Да се снима документарен филм со деца кои ги доживуваат своите најдлабоки трауматски моменти во животот, бара постојан етички фокус, чувствителен пристап и грижа да не се навлегува во нивниот веќе нарушен живот. Сето тоа со цел да се доближи нивната несреќна приказна пред очите на светот, очите кои се поштедени од неволјите низ кои минала филмската екипа.

На последниот фестивалски ден на 13. „МакеДокс“ на 25 август, програмата содржи шест документарни филмови, чии проекции ќе се одржат во Куршумли-ан и на платото пред Музеј на РСМ.

Тринаесеттото издание на „МакеДокс“ е поддржано од Агенцијата за филм на Северна Македонија, Програмата МЕДИА на „Креативна Европа“, Националната фондација за демократија од Вашингтон, Институтот „Јунус Емре“ – Скопје, Чешката Амбасада во Скопје, Чешкиот културен цeнтар во Софија, Сивус Скопје – Групација „Арикома“, Грчкиот културен центар, МЕДИА деск МК, Музеј на РСМ, Археолошки музеј, Музеј на современата уметност, такси „Глобал“.

Медиумски покровители на 13. „МакеДокс“ се: Слободен печат, Нова Македонија, МТВ – Прв програмски сервис, МКД.мк, УМНО, СДК.мк (Сакам да кажам.мк), Плус Инфо, Окно, Офф.нет, Е-магазин, Лице в лице, Радио МОФ, Радио Џез ФМ, Радио Канал 103, Радио Антена5, Радио Бубамара, Лајф Радио, Его, Поп-ап, Види Вака, Гледај.мк, Кајгана Медиа и Еспресо.мк.

The post ВЕЧЕРВА ЗАВРШУВА МАКЕДОКС Доделени наградите на 13. Фестивал на креативен документарен филм appeared first on plusinfo.mk.

Пред присутните во Куршумли-ан, на отворањето на фестивалот се обратија Сара Ферро и Павле Игновски од екипата на „МакеДокс“. Ферро потсети дека мотото доследно ќе ја води публиката низ целата фестивалска програма, додека Игновски истакна дека отворањето на фестивалот е со посвета на еден прерано починат соборец од екипата на фестивалот – Љубиша Ивановски – Лепи.

Филмската програма беше отворена со белгискиот краток документарен филм „Иднината е водена палата“ на режисерката Хуанита Онзага, која по проекцијата се поклони пред публиката и даде дополнитени објаснувања за својата водена и надреална филмска авантура. Потсети и дека по вторпат нејзин филм се прикажува на „МакеДокс“.

Од главната програма беше прикажан документарниот филм „Сѐ што дише“ на режисерот Шаунак Сен, филм кој е индиско-британска копродукција. Вечерта беше затворена со концерт на групата „Баклава“, која изведе песни од својот репертоар, но и нови песни посветени на Скопје.

На втората фестивалска вечер, на 19 август, почнува програмата Земја во фокус, која оваа година носи осум нови документарни филмови од Чешка, а програмата ќе биде отворена во Куршумли-ан со филмот „Рене – затвореник на слободата“ на почесната гостинка Хелена Тшештикова, мајката на „тајм-лапс документарецот“, која ќе биде присутна на проекцијата. Следниот ден (20 август) Тшештикова ќе одржи и мастерклас во „Europe House Скопје“ за тоа како ги развива своите идеи и како ги доведува до целосно филмско дело.

На 19 август се става во функција и втората сцена на платото пред Музеј на РСМ, што значи дека во текот на вечерта ќе се одржат проекции на четири краткометражни и четири долгометражни филмови со паралелни термини во програмата.

Меѓу значајните сегменти на фестивалот се „Разговорите под смоквата“, кои ќе се одржуваат секој ден од 19 до 25 август, во 18 часот, во Куршумли-ан. На 21 август, во 12 часот на пладне, ќе биде отворена фото-изложбата „Спојка“ на Доријан Миловановиќ. За време на фестивалот ќе се одржи вториот дел од едногодишната работилница „Докуникулци“, на која учествуваат 10 млади од целата држава, како и неколку концерти и диџеј-сетови.

Билети можат да се набават онлајн преку продажната мрежа на мк.тикетс (www.mktickets.mk). Целовечерен билет за проекциите во Куршумли-ан чини 200 денари, а билет за втората проекција во Куршумли-ан чини 150 денари. Единечен билет за проекциите на платото на Музеј на РСМ може да се набави по цена од 100 денари. Билетите за церемонијата на отворање на 18 август и церемонијата на доделување награди на 24 август се со цена од 300 денари. Единечен билет за проекциите во МКЦ е 50 денари, а за деца под 10 години билетите се бесплатни.

The post ГОЛЕМ ИНТЕРЕС ЗА „ЛУПЕЊЕ ИДЕИ“ Почна 13. издание на „МакеДокс“ appeared first on plusinfo.mk.

Во рамки на програмата Земја во фокус е Чешка, а почесен гостин на фестивалот е познатата чешка документаристка Хелена Тшештикова, која ќе одржи и мастерклас на кој низ разговор со Туе Стен Милер ќе ги сподели своите тајни за тоа како ги снима своите документарци, чие снимање понекогаш трае и по 20 години.

Програмата ќе почне со проекција на филмот „Рене – затвореник на слободата“ на Тшештикова, една од најзначајните авторки во чешката документаристика и „мајка на тајм-лапс документарецот“.

Програмата Земја во фокус ќе се одвива со тематски наслов „Чешки филмски експеримент – два, нула, два, два“ и ќе опфати осум долгометражни и неколку кратки, анимирани и доку-анимирани филмови кои ќе ја претстават најновата чешка документаристичка сцена, доловувајќи ѝ ги на публиката на „МакеДокс“ атмосферата и темите што ги интересираат авторите на чешките документарни филмови, нивниот начин на работа, како и односот кон протагонистите и развојот на првичната идеја до филм како целосно дело.

Време на промени, историски и политички превирања, пандемии, научни откритија, експерименти, авантури – се теми што ги обработуваат најновите чешки документарни филмови. Интересен е фактот што најголем удел при продукцијата на овие чешки документарни филмови има Чешката национална телевизија, која очигледно сè уште покажува особен интерес за презентирање на овие социјални и општествени проблеми и настани на граѓаните и се јавува како главен продуцент во најголем број од документарните филмови.

The post ПОЧНУВА МАКЕДОКС Ќе се отвори со филмот „Рене – затвореник на слободата“ од Хелена Тшештикова appeared first on plusinfo.mk.

Од 21 часот, “Исцелител”, на режисерот Ѓорче Ставрески ќе се емитува на “Кино на отворено“, пред Домот на Култура “Билјана Беличанец”. Како и за сите досегашни проекции, влезот е бесплатен, а половина час порано, за најмладите се прикажуваат анимирани филмови од архивата на Македокс.

Летниот филмски фестивал на отворено во организација на Општина Кисела Вода, кој со поддршка од МакеДокс се одржува од вторникот, завршува утре.

The post „ИСЦЕЛИТЕЛ“ НА ОТВОРЕНО Летно кино во Кисела Вода appeared first on plusinfo.mk.

Во рамки на Патувачкото кино, ќе се одржи и првата сесија од четвртата генерација на школата за млади документаристи „МакеДокс“ – „ДокуНикулци“. На Патувачкото кино тие ќе се запознаат со документарниот филм, ќе развиваат свои приказни, ќе работат на нив во текот на годината и ќе ни ги прикажат на следното издание на фестивалот „МакеДокс“.

– Пристигна оној дел од годината посветен на најубавите, безгрижни летни распусти кај баба на село. Ќе го натовариме нашето магаренце со приказни и ќе се упатиме во прегратките на Беласица и Огражден, да здробиме малку кромид со најпознатите пиперки. Почнуваме од селото на две реки, Турија, на исток, и Струмица на запад. Продолжуваме во подножјето на Еленица, помеѓу Плавуш и Смрдеш во некогашно Палеокастро, каде се плетеле кошници и печеле грнени садови. Одиме во зелен спокој каде ќе уживаме во румени домати, лубеници, дињи, но и во праз на кој му е посветен еден цел фестивал во комшии. Продолжуваме во селото на војводите, „селото на осамената куќа“, комшија на Еднокуќево, а по него кај Босилко. По течението на Гарлиева чешма крај ендемските папрати ќе завршиме со приказните крај водопадите, во селската идила крај чардаците со Габровчани – велат организаторите.

Магаренцето ќе носи приказни, но и ќе собира. Ќе собира приказни од правнуците на комитите на југоистокот чии прадедовци ги предизвикале светските медиуми да пишуваат за Македонија со месеци уште во првата година од XX век. Ќе собира приказни за мравјалниците, блатото, ендемската флора, но и за одекот на македонскиот петвековен крик – приказната за првото модерно киднапирање во светот.

Распоред на проекции:

18.07. – Пиперево

19.07. – Вељуса

21.07. – Моноспитово

22.07. – Босилово

23.07. – Габрово

Проекциите се бесплатни и почнуваат во 21 часот.

Патувачкото кино на „МакеДокс“ 2022 е поддржано од Агенцијата за филм на Република Северна Македонија, Националната фондација за демократија од Вашингтон, Општина Струмица, Општина Босилово и Општина Василево.

The post ПРОЕКЦИИ НА МАКЕДОКС ПОД ОТВОРЕНО НЕБО Годинава патувачкото кино оди во Струмица и во Преспа appeared first on plusinfo.mk.

Отворениот повик за работилницата со Туе Стен Милер е наменет за режисери и продуценти со кратки или долгометражни креативни документарни проекти во развој што се продуцирани или копродуцирани во Северна Македонија, Албанија, Босна и Херцеговина, Бугарија, Грција, Косово, Романија, Словенија, Србија, Турција, Хрватска и Црна Гора.

Работилницата ќе се одржи од 20 до 22 август и ќе содржи групна сесија и мастерклас, индивидуални сесии и групна сесија и презентација на проектите. Сите сесии од работилницата ќе се одржат во живо во Скопје, на англиски јазик. Работилницата е бесплатна. Учесниците треба сами да си ги покријат трошоците за пат и сместување.

Пријавата за учество се пополнува преку формулар објавен на веб-страната на „МакеДокс“, а рокот за пријава е до 15 јули 2022.

Отворениот повик за проекти на МакеКоПроДокс форум 2022 е наменет за продуценти/автори со долгометражни креативни документарни проекти.

– Форумот има за цел да развие стратешки план за зајакнување на копродукциите на документарниот филм помеѓу земјите од Балканот. На форумот ќе присуствуваат претставници од 12 регионални филмски агенции, документарни филмски професионалци и 10 проекти во различна фаза на продукција. Четвртото издание на МакеКоПроДокс форумот ќе се реализира во хибридна форма на 22 и 23 август – велат од „МакеДокс“.

За учество на форумот може да аплицираат продуценти/автори на документарни филмови со аудиовизуелни проекти во фаза на продукција или постпродукција од Северна Македонија, Албанија, Босна и Херцеговина, Бугарија, Грција, Косово, Романија, Словенија, Србија, Турција, Хрватска и Црна Гора.

Менторскиот дел за проектите се состои од работилница за пичинг со Бриџид O’Шеа, основач на Документарната асоцијација на Европа, како и пичинг сесии и еден-на-еден состаноци.

Изборот на доставените проекти ќе го изврши комисија за проценка, земајќи ги предвид критериумите за подобност. Резултатите ќе бидат објавени преку електронска пошта и на веб-страната на „МакеДокс“ не подоцна од 1 август.

Фестивалот на креативен документарен филм „МакеДокс“ ќе се одржи од 18 до 25 август во Скопје, фокусот на тринаесеттото издание на „МакеДокс“ е ставен на развој на идеи.

The post ЈАВЕН ПОВИК НА МАКЕДОКС ЗА РЕЖИСЕРИ, ПРОДУЦЕНТИ, АВТОРИ Ментори се Туе Стен Милер и Бриџид O’Шеа appeared first on plusinfo.mk.