„Благодарение на брзата реакција на Владата на Република Северна Македонија, Министерството за земјоделство, шумарство и водостопанство, АД Водостопанство, професорите од Градежниот факултет во Скопје, изведувачот како и поддршката од локалната самоуправа, за многу кус период од месец и половина изнајдено е решение за дефектот на системот за наводнување“, велат од Владата.

Оттаму посочуваат дека на една од минатите владини седници било задолжено Министерството за земјоделство, шумарство и водостопанство да достави Предлог измена на Програмата за водостопанство, со што се обезбедени потребните над 1,3 милиони евра за санација на проблемот.

„Се работи за непристапен терен, за систем за наводнување кој е оставен на забот на времето над 50 години. Со цел да им се надомести штетата, за земјоделците од Росоман и Градско, предвидено е обештетување за настанатите штети на овошните насади поради дефектот на системот за наводнување Макарија“, се наведува во соопштението.

Земјоделците деновиве треба да се пријават во општинските комисии за проценка на штети од сушата и неостварените приноси, а потоа врз основа на тие податоци, Владата ќе донесе одлука за обештетување.

Од Владата потсетуваат дека земјоделците од Росоман навреме ги добиле субвенциите, односно 290 милиони денари, во еден ден биле префрлени на сметките на 10.604 производители кои се занимаваат со овоштарство.

„Оваа година за прв пат започнува авансната исплата на субвенциите, со што производителите на праски до крај на годината ќе добијат уште една финансиска поддршка од 12.000 денари по хектар како дел од новиот модел на брза и ефикасна исплата на субвенциите. Наместо во 2024 година овие пари земјоделците ќе ги добијат до крајот на 2023 година“, се вели во соопштението и се додава дека во најскоро време, ќе се дистрибуираат и картичките за зелена нафта како дополнителна поддршка при што производителите на праски добиваат околу 6.000 денари по хектар финансиска поддршка за зелена нафта.

The post САНИРАН ПРОБЛЕМОТ СО СИСТЕМОТ ЗА НАВОДНУВАЊЕ МАКАРИЈА Од утре земјоделците од Росоман ќе имаат вода appeared first on plusinfo.mk.

Учесниците на протестот за МИА велат дека се револтирани поради проблемот со каналот за наводнување. Бараат итна санација и алтернативен начин за наводнување, додека се врши санацијата, затоа што, како што нагласуваат, загрозени им се земјоделските култури.

Најавуваат нови протести од понеделник, со зголемување на времетраењето на блокадите, додека не се надмине проблемот.

Градоначалникот на Росоман, Стојан Николов во изјава за МИА вели дека треба да се причека до понеделник, затоа што интензивно се работи на техничкото решение за отстранување на дефектот.

Пред неколку дена, АД Водостопанство информираше дека на 27 мај е детектирано оштетување на сифонот Макарија на хидромелиоративниот систем Тиквеш, поради што привремено е прекинат дотокот на вода која се користи исклучиво за наводнување на земјоделските површини.

– Извршен е увид и во моментов интензивно се работи на изнаоѓање технички решенија за ургентна интервенција и санација во најбрз можен рок, а сѐ со цел враќање на системот во првобитна состојба. Дополнителни информации, граѓаните од регионот можат да добијат во подружницата АД Водостопанство – Тиквеш. За сите понатамошни активности пак, поврзани со санацијата, јавноста ќе биде навремено информирана – соопштија тогаш од АД Водостопанство.

The post НА НАСАДИТЕ ИМ СЕ ЗАКАНУВА СУША Се бара итна поправка на системот за наводнување appeared first on plusinfo.mk.