Асоцијацијата на автобуските превозници „Исток“ алармира дека новиот начин на евиденција во шенген-зоната сериозно ги отежнува секојдневното работење и одржувањето на меѓународните линии за превоз на патници. Од европските институции бараат фер и применливо решение кое ќе го земе предвид специфичниот карактер на професионалниот превоз на патници и стока.

Претседателот на Асоцијацијата „Исток“, Горан Трпковски, предупредува дека се подготвени на заеднички протест со камионските превозници доколку не се донесе поволна одлука која ќе обезбеди непречено функционирање на меѓународниот превоз и заштита на стопанството.

– Изразуваме длабока загриженост од начинот на кој Европската Унија го применува правилото за престој (90/180) во шенген-зоната, кое без исклучок се однесува и на професионалните возачи. Овој начин на пресметување сериозно го попречува работењето на превозниците и целокупното стопанство. Нашите компании со години вршат превоз на балкански тури и меѓународен превоз организиран од туристички агенции, а новиот начин на евиденција го отежнува секојдневното функционирање и редовното одржување на линиите – изјави Трпковски за МИА.

Трпковски додава дека статистиката покажува дека во просек секој месец во 2025 година по 100.000 туристи користеле превоз од македонските компании, а новите правила можат да предизвикаат сериозни економски последици.

– Ограничувањето на движењето на возачите не само што го попречува нивниот ангажман, туку предизвикува последици и врз фирмите и граѓаните. Очекуваме намалување на приходите во туризмот, затварање фирми, губење работни места, намалена конкурентност и загуба на странски партнери – нагласува Трпковски.

Асоцијацијата „Исток“ веќе апелира до Европскиот комитет и надлежните служби да изнајдат решение кое ќе ги третира професионалните превозници фер и применливо. Ставот е идентичен со членките на Асоцијацијата „Макам-транс“, кои исто така се подготвени на заеднички протест доколку не се донесе поволна одлука.

Камионските превозници од Македонија и нивните колеги од Србија, Црна Гора и Босна и Херцеговина веќе почнаа блокада на товарниот сообраќај кон шенген-зоната. Тие сметаат дека ЕЕС-системот ги дискриминира во однос на превозниците од ЕУ и бараат посебен статус.

Билјана Муратовска од „Макам-транс“ нагласува дека станува збор за професионална дејност, каде лицето работи и возилото е регистрирано во сопствената држава, а ограничувањето не е економски оправдано. Таа додава дека дискриминацијата е особено очигледна затоа што другите видови превоз, како бродски, железнички и јавен превоз, се ослободени од броење денови за престој.

– Не сакаме да ги заглавиме стопанските активности, туку да покажеме што може да се случи. Ако не се најде решение, ќе се бараат други форми на притисок – изјави Муратовска.

The post ЗАПИРА И МЕЃУНАРОДНИОТ АВТОБУСКИ СООБРАЌАЈ? Асоцијацијата „Исток“ најавува протест поради новите правила за престој appeared first on plusinfo.mk.

Од утре напладне камионџиите организирани преку здружението „Макам-транс“ излегуваат на протест, со целосна блокада на граничните премини за товарен сообраќај.

Како што најавуваат организаторите, ќе бидат блокирани терминалите и сообраќајните ленти за камиони на граничните премини Деве Баир, Делчево, Ново Село, Дојран, Богородица, Меџитлија, Ќафасан, Блаце и Блато. Протестот е планиран да трае до седум дена, но може да заврши и порано доколку се најде решение за проблемот.

Билјана Муратовска, генерален секретар на Асоцијацијата на здруженијата на работодавачите на превозните трговски друштва на Република Македонија, „Макам-транс“, изјави дека се свесни за последиците од блокадата, но истакнува дека ако се реализираат нивните барања, придобивките ќе бидат огромни во однос на раст и развој на економијата во државата и во Западен Балкан.

Муратовска вели дека засега нема никакви сигнали од Европската комисија за какви било преговори во однос на решавање на проблемот со евиденција на престој во шенген-зоната во согласност со правилото 90/180 дена за професионалните возачи.

– Доколку до понеделник не се добие каква било информација од ЕУ, протестот во сите четири држави ќе почне точно во 12 часот за сите возила што излегуваат од државата, а за сите возила што ќе влегуваат во државата граничните премини се затвораат во 00.00 часот со цел сите што се враќаат дома да може да влезат и да му се приклучат на протестот – изјави Муратовска.

Главното барање на превозниците е да се најде решение за престојот на возачите во шенген-зоната, како што појаснува Муратовска, да не се евидентираат денови или да ни издаваат некој вид визи што не се лимитирани со број на денови.

– Новите правила ќе значат целосен колапс на економијата во државата, односно во целиот регион на Западен Балкан, вклучувајќи ја и Турција (држави што не се членки на ЕУ и на шенген-зоната), поради прекин на синџирот на снабдување. А транспортната индустрија во која има вложен огромен капитал и обезбедува прилив на ефективни странски пари во буџетот ќе биде целосно разнишана – укажува Муратовска.

Протестот, истакнува, почнува на 26 јануари, а според реакцијата на ЕУ, ќе зависи дали ќе почне или ќе трае кратко, но сепак максимално траење на блокадите ќе биде 7 дена, што е синоним за еден просечен циклус на превоз на стока.

– Во земјава се затвораат за товарен сообраќај граничните премини: Деве Баир, Делчево, Ново Село, Дојран, Богородица, Меџитлија, Ќафасан, Блато и Блаце, а Табановце – Прешево ќе биде затворен од српската страна. Со оваа блокада свесни сме дека ќе има одредени минимални финансиски загуби за сите, но сепак придобивките од ова, ако се реализираат нашите барања, ќе бидат огромни во однос на раст и развој на економијата во државата и во Западен Балкан – вели Муратовска.

Причина за протестот е новиот систем за влез и излез што го воведе Европската Унија, според кој возачите на камиони се евидентираат како туристи. Иако тие само транзитираат низ земјите од Шенген-зоната за да достават стока, честите преминувања на границите значат брзо трошење на дозволените 90 дена престој, по што им се оневозможува да продолжат со работа.

Протестот се одржува во координација со транспортерите од Србија, Босна и Херцеговина и Црна Гора, кои исто така најавија блокади на граничните премини кон Шенген-зоната.

Од Владата за Сител велат дека се во постојана комуникација со Брисел и дека активно се работи на изнаоѓање решение што ќе овозможи нормално функционирање на транспортот и непречен проток на стоки.

– Преку дијалог со Европската Унија, партнерските земји и превозниците се бара итно решение за надминување на проблемот – велат од Владата.

Во однос на економските последици, од Владата предупредуваат дека најпогодени ќе бидат извозно ориентираните компании, како и фирмите што работат во Технолошко-индустриските развојни зони, кои остваруваат целосен девизен прилив.

– Секое блокирање на транспортот значи директен удар врз економската активност. Прекините во испораките можат да предизвикаат сериозни штети и за домашните компании и за странските инвеститори – посочуваат од Владата.

Сепак, како што информираат од Министерството за внатрешни работи, додека трае протестот нема да има прекин, односно блокада на движењето на патничките возила, автобусите и возилата кои превезуваат лекови, жива стока, опасни материи и други приоритетни пратки.

– Протестот е предвидено да трае седум дена, со можност да биде прекинат и порано, доколко во меѓувреме дојде до надминување на причините поради кои е организиран. Министерството за внатрешни работи во согласност со своите законски надлежности, ќе преземе соодветни мерки и активности за одржрување на јавниот ред и мир, како и за обезбедување безбеден и непречен сообраќај, со посебен акцент на движењето на патничките возила, автобусите и возилата кои превезуваат лекови, жива стока, опасни метрии и други приоритетни партки – велат од МВР за ТВ Сител.

Во Македонија има околу 2.700 превозници за меѓународен транспорт, а најголемиот дел од увозот и извозот се одвива по копнен пат, што дополнително ја зголемува сериозноста на најавените блокади.

The post МАКЕДОНИЈА ПРЕД ТРАНСПОРТЕН ХАОС Камионџиите од утре ќе блокираат 9 гранични премини, бараат итно решение од Брисел appeared first on plusinfo.mk.

– Превозниците имаат неповолна структура на возачи. Повеќето од нив се повозрасни. Дел од возачите се пензионираат, дел заминаа како и секаде на Балканот, да работат во Германија и во скандинавските земји, а нема замена за нив. Поради недостиг од возачи дел од возниот парк поголемиот дел од месецот е на паркинзите, а транспортот се одвива подолго, поради потребата за законски дневен и неделен одмор на возачите. Но, нашите членки најмногу се жалат на тоа дека периодот за добивање повисока возачка категорија е долг. За да се полага за потребната категорија „Ц“ потребно е да се има 21 година и возачко искуство од една година кое е потребно и за управување на камион со приколка. Дополнително, најмалку шест месеци се потребни за обука кај превозникот. Сето тоа прави дури на 23 години да може да се има потребната категорија на возачки способности за да се седне зад волан на камион. Ова е долг период кој младите не сакаат да го поминат и затоа одбегнуваат да работат како возачи – велат од Асоцијацијата.

Оттаму додаваат дека проблемот со возачи е актуелен веќе неколку години на глобален план, а со тоа голема е конкуренцијата меѓу компаниите.

– Најголем дел од возачите од Балканот и Хрватска заминаа да работат во Германија, Велика Британија и во скандинавските земји, но потреба за возачи имаат и сите други земји, па во регионот е сè поголем недостигот од возачи – велат од „Макам-транс“.

Србија денеска објави податок дека има потреба од 15.000 возачи.  И таму проблем е во тоа што долго се чека за да се полага за соодветната категорија. Во оваа земја за 3 години 700 луѓе го поминале возачкиот испот од категориите потребни за управување со камион или со автобус.

Возачи имаат сè помалку и компаниите кои се занимаваат со автобуски транспорт. За возење автобус потребно е прво да се вози камион, па потоа се полага за управување со автобус. Старосната граница за да се управува автобус е 24 години и најмалку две години да се поседува возачка дозвола од категоријата „Ц“.

– Ретко кој сака да полага за возење автобус бидејќи лесно се наоѓа работа со „Ц“ и со „Е“ категорија, односно за возење камиони, зашто многу се бараат. Посебно се осипува кадарот во летната сезона кога дел од возачите сакаат да заработат повеќе – вели Ленин Јовановски од „Слобода превоз“.

Дека има потреба од возачи покажуваат и огласите за вработување каде што доминира побарувачката на возачи со „Ц“ и со „Е“ категорија, кои се бараат за управување камион со приколка. Преку овие огласи се бараат возачи од компании во земјава, но има и огласи за вработување во странство.

Интересни се и фиксните плати кои одделни компании им ги нудат на кандидатите за возење товар во земјава и во странство. Тие се движат од 45.000 до 90.000 денари. Но и покрај ваквите плати дел од работните места стојат непополнети бидејќи во странство се нудат двојно поголеми плати.

The post ВО МАКЕДОНИЈА НЕМА ВОЗАЧИ НА КАМИОНИ И АВТОБУСИ Искусните заминаа во странство, младите не сакаат да полагаат со месеци appeared first on plusinfo.mk.

– Државата беше тука да плати кога беше тешко за транспортерите. Дефинитивно 3,5 денари нема да влијаат ништо посебно, имајќи предвид дека сите рамноправно и секој соодветно понесува дел од обврската за зелената агенда и заштитата на здравјето на граѓаните. Убеден сум дека со тоа што, сепак, цената на нафтата е најевтна на европскиот континент е сериозен аргумент за сите. Вчера на владина седница донесовме одлука за помош на меѓународниот транспорт од пакетите мерки, подготвени се конечните списоци, даден е налог да се вбризгаат парите во транспортерите, пред сѐ во патничкиот сообраќај како најпогоден, но истовремено транспортерите треба да знаат колку државата е проевропска и помодерна, толку ќе дава и поголеми економски можности, меѓу кои и за нив – објасни Заев.

Од транспортната асоцијација Макам-транс велат дека не се сигурни дека вчерашната владина одлука ќе важи и за транспортерите, бидејќи како што е објавено таа е наменета за меѓународниот превоз на патници не и за превоз на стоки.

The post Заев до транспортерите: Државата плати кога беше тешко, сега вие треба да понесете обврски за зелената агенда appeared first on plusinfo.mk.

Според „Макам-транс“, протестот ќе биде согласно сите мерки за безбедност кои се во сила со оглед на состојбата со коронавирусот поради којашто се намали обемот на работа и во патничкиот и во товарниот превоз.

Секој од учесниците во протестот, според најавата, ќе биде изолиран во возилото (влекач, пикап, автобус, патничко возило и сл.). Како што најавија, нема да прават какви било блокади, ниту пак ќе има собирање на маса на луѓе. Колоната од возила ќе се движи по определена маршрута. Почетната точка е клучката Хиподром, а при движењето низ центарот на Скопје ќе подзастанат пред зградите на Владата и на Собранието каде ќе се движат бавно и ќе ги вклучат сирените за да испратат порака. Ќе се движат по една коловозна лента за да не предизвикаат застој на сообраќајот на улиците на главниот град.

„Макам-транс“ предлага 0,5 проценти данок на доход за сите правни субјекти кои лани имале добивка од 100.000 до 10.000.000 денари, еден процент данок на доход за тие со добивка од 10.000.001 до 200.000.000 денари и два проценти данок на доход за сите кои оствариле добивка за 2019 година над 200.000.001 денари.

– Со оваа мерка ќе се опфатат подеднакво сите правни субјекти во државата, а особено и големите стопански субјекти, банките, осигурителните компании, телекомуникациите и сите мали, средни и микро фирми како и невладиниот сектор каде се вбројуваат и сите асоцијации, СИЗ, Стопански комори и други здруженија на граѓани, со што навистина ќе имаме солидарност и секој ќе го даде својот придонес според големината и постигнатите финансиски резултати во претходната година. За разлика од оваа мерка, со зголемената акциза товарот во првите 2-3 месеци ќе биде само на превозниците, дистрибутери во внатрешниот превоз, граѓани и мал број други правни субјекти кои работат, а до крајот на годината сите – велат од „Макам-транс“.

Намалената цена на погонското гориво, дополнуваат тие, е единствената мерка која ја имаат превозниците, а за која не треба дополнително да се задолжуваат (камати) и да ги враќаат земените средства согласно мерките кои ги спроведува Владата.

Останатите мерки кои ги бараат се поврзани со намалување на трошоците, регистрација на возен парк, враќање на ДДВ, компензации со поврат на патна такса и новите обврски за регистрација на возилата, одложување без камата на надоместоци за автоодговорност и зелен картон минимум 6 месеци, враќање на дел од акцизата по принципот на ДДВ, со можност за реципрочно враќање на и од другите држави и воспоставување на реципроцитет за враќање на ДДВ од сите држави. Тие бараат и подобрување на законската материја која го регулира превозот со заштитни елементи на лиценцирани превозници, како и ревидирање на Уредбата за распределба на меѓународни дозволи (распределба на ЕКМТ дозволи), која со измените од 2018 година, како што тврдат, продуцира нефер и нетранспарентна распределба на сите меѓународни дозволи.

Од СИЗ Македонија сообраќај АМЕРИТ, пак, кои обединуваат товарни и патнички превозници соопштија дека 80 проценти од 1.000 транспортни фирми што ги контактирале изминатиот период рекле дека нема да поддржат протест затоа што сметаат дека тоа нема да помогне за излез од економската криза поради коронавирусот. Сепак, потенцираа оттаму, ова повлекува барање за подетално образложение на ефектите од оваа мерка во јавноста, на транспарентен начин, но и гаранции за намената на собраните средства и нивна распределба онаму каде што е потребно, не изоставувајќи го товарниот транспорт, но и патничкиот превоз, кој бележи 100 проценти пад од почетокот на пандемијата.

– Во состојба со која се соочуваме првпат треба да бидеме општествено одговорни. Да помогнеме каде што можеме и да бараме помош кога ни треба. Со оглед на загубите кои ги трпи и ќе ги трпи секторот, владата би можела да придонесе со поопширни и поконкретни мерки на дневна основа следејќи го текот на настаните. Очекуваме Владата да донесе нов сет на мерки, со кои би се ставил мораториум на кредитите на транспортните фирми додека трае вонредната состојба, да се укинат субвенците за авионскиот превоз и железничкиот превоз, и конечно да се реши проблемот со дивите превозници, а со тоа и ќе се зголемат средствата во буџетот – наведоа од АМЕРИТ.

Според министерот за транспорт и врски Горан Сугарески, зголемувањето на акцизата на горивата е антикризна мерка, а не мерка за да им се направи товар на граѓаните.

The post Протест на пладне, транспортерите бараат да се укине акцизата на горивата appeared first on plusinfo.mk.