Лина Ѓорческа го заврши настапот во квалификациите за УС Опен уште во 1. коло. Најдобрата македонска тенисерка загуби од Јапонката Маи Хонтама со 0-2 во сетови.

Првиот сет донесе најголема борба. Хонтама поведе со 2-0, но Ѓорческа успеа да се врати и да го однесе сетот во тајбрејк.

Јапонката таму беше убедлива со 7-1 и го освои сетот со 7-6.

Хонтама потоа го доби вториот сет со 6-3 и обезбеди пласман во следното квалификациско коло. Мечот се одигра на теренот број 16.

Поразот во Њујорк доаѓа само 2 месеца по историскиот настап на Ѓорческа на Вимблдон.

Македонката во јуни мина 3 квалификациски кола. Во решавачкиот меч ја совлада Италијанката Лусија Бронцети со 6-1 и 6-2.

Со тоа стана првата македонска тенисерка со пласман во главната поединечна конкуренција на Вимблдон. Успехот беше уште поголем бидејќи стана и првиот македонски тенисер со настап во сингл на главен турнир од грен слем серијата.

Претходно Александар Китинов настапувал во двојки.

The post ЃОРЧЕСКА ЗАПРЕНА НА ПРВАТА ПРЕЧКА ВО ЊУЈОРК Поразот од Хонтама го заврши македонскиот настап во квалификациите за УС Опен appeared first on plusinfo.mk.

Македонската тенисерка Лина Ѓорческа денеска го започнува настапот на годинашниот УС Опен, а прва противничка во квалификациите ќе ѝ биде Јапонката Маи Хонтама.

Хонтама има 26 години и моментално се наоѓа на 171 место на ВТА-листата. Највисок пласман во кариерата ѝ е 105. место, до кое стигнала на 5 август 2024 година.

Мечот меѓу Ѓорческа и Хонтама е втор на програмата на теренот број 16. Првиот натпревар е закажан за 17 часот, па македонската тенисерка на терен би требало да излезе по неговото завршување.

За Ѓорческа ова е првиот чекор кон пласман во главната ждрепка на еден од четирите гренд слем-турнири. Македонската тенисерка ќе се обиде со победа да го започне квалификацискиот настап и да продолжи кон следната рунда.

The post ЛИНА ЃОРЧЕСКА ТРГНУВА ПО ГЛАВНАТА ЖДРЕПКА НА УС ОПЕН Прва пречка е 171 тенисерка во светот appeared first on plusinfo.mk.