Научниците конечно создадоа уникатен аудио запис за пресврт на магнетните полови на нашата планета – феномен  што се случил пред околу 41.000 години.

Геонаучниците на Европската вселенска агенција ги користеле податоците од сателитската мисија Swarm и геолошките записи. Со внимателно моделирање тие ги претвориле природните сигнали на Земјата во звучни тонови, крцкања на дрво и ритми на карпи.

Настанот познат како Лашамп е документиран низ лавинските текови на Лашамп во Франција. За време на тој пресврт магнетното поле на Земјата ослабнело на само 5 % од денешната јачина. Тоа значи дека имало огромен продор на космички зраци во атмосферата. Изотопски траги од берилиум-10, пронајдени во мразот и морските седименти, покажуваат дека нивото на овој изотоп драстично се зголемило за време на настанот, јасен знак на зголеменото сончево зрачење.

Геомагнетското поле, создадено од вртлогот на течни метали во Земјиното јадро, има клучна улога како заштитна обвивка. Ова поле им ја одзема енергијата на сончевите честички и ги чува атмосферата и живиот свет од штетни ефекти. Но, поради движењето на металите во внатрешноста на Земјата, полето не е статично и мора да прави пресврт.

Лашамповата промена траела околу два и пол века, а потоа магнетното поле уште неколку стотини години било послабо и насочено во спротивен правец. Денес научниците гледаат слични појави, како Јужноатлантската аномалија – област каде што магнетното поле е послабо и може да направи проблеми со сателитите. Сепак, тие велат дека тоа не значи дека повторно ќе се сменат половите.

Сателитската мисија Swarm од 2013 година постојано го следи магнетното поле на Земјата. Ги мери сигналите од внатрешноста на планетата, од океаните и атмосферата, за да помогне научниците подобро да разберат како се менува полето и како тоа влијае врз климата и технологијата.

Истражувањето е објавено во 2024 година од германскиот Центар за геонауки и Техничкиот универзитет во Данска. Научничката Сања Пановска од Центарот објаснила дека ваквите студии им помагаат на научниците да предвидат што може да се случува со магнетното поле во иднина и какви последици може да имаат за нашата планета.

The post 📽️ КАКО ЗВУЧЕШЕ КОГА СЕ СМЕНИЈА МАГНЕТНИТЕ ПОЛОВИ НА ЗЕМЈАТА? Пред 41.000 година се случи неверојатен феномен appeared first on plusinfo.mk.

Во срцето на вселенската темница, каде не допира ниту светлина ниту топлина, се појавил објект со димензија што ги надминува сите досегашни астрономски мерења – кружна структура со два прстена долги дури 2,18 милиони светлосни години, откриена е од тим астрономи предводен од Универзитетот Рур во Бохум.

Истражувачите конечно имаат идеја што би можело да ги предизвика овие впечатливи кругови. Магнетното поле во кругот го следи нивниот облик до најситниот свиок, што го прави ова едно од најчудните и највозбудливите радиооткрија досега, пишува НаученАларм.

Истражувачите го анализирале објектот познат како ORC J0356‑4216, откриен со помош на радиотелескопите ASKAP и MeerKAT. Станува збор за еден од ретките таканаречени необични радиокругови , астрономски феномени идентификувани првпат во 2019 година.

Не се гледаат во оптички, инфрацрвен или рендгенски спектар, туку само преку радиобранови, што ја прави нивната анализа екстремно сложена.

Во центарот на радиокруговите се наоѓа галаксија, а научниците сметаат дека таа можеби е изворот на „ударниот бран“ кој го создал кругот. Меѓу теориите се:

активност на активно галактичко јадро,

судир на галаксии,

експлозивно создавање на ѕвезди,

или дури и ерупција од супермасивна црна дупка.

„Прстенестата структура не може да биде обично ехо од галактичка експлозија, туку повеќеслоен настан кој траел милиони години“, сугерираат авторите на студијата, која засега е објавена како пред-преглед на arXiv.

Иако објектот не е првиот од својата класа, тој е првиот со ваква димензија и магнетна комплексност. Неговото постоење може да предизвика ревизија на досегашните модели на формирање на галактички структури.

Останува уште многу да се анализира, но едно е сигурно – радио вселената не е празна, туку зборува со кругови кои не се случајни.

The post 📽️ ОТКРИЕНО КОЈ ГИ ЦРТА ПРСТЕНИТЕ НА ВСЕЛЕНАТА? Круговите можеби се остатоци од црна дупка appeared first on plusinfo.mk.

„Паркер“се пробиваше низ горната атмосфера на Сонцето со околу 142 километри во секунда, земајќи примероци од честички и магнетни полиња, во одреден момент спуштајќи се на 10,4 милиони километри од површината на Сонцето. Беа потребни многу слики кои научниците ги споија во ова неверојатно видео. Во него се гледа Млечниот Пат како ѕирка позади искрите.

Но, колку блиску може „Паркер“ да се приближи за да не биде спржен, а сепак да биде на границата на Сонцето? Сонцето не е баш цврст објект и нема точна граница од каде тоа започнува. Затоа има нешто кое се вика сончева круна, регион во кој неговата радијацијата е ограничена од гравитацијата и магнетните полиња. Критичната точка која го означува крајот на сончевата атмосфера, односно круна се вика Алфвен.

Досега, научниците не беа точно сигурни каде се наоѓа Алфвен. Се проценува дека тоа е од 6,9 до 13,8 милиони километри од фактичката површинаж на Сонцето. На 28 април годинава, на 13 милиони километри над површината на Сонцето, „Паркер“ наиде на магнетни услови и услови на честички кои им кажале на научниците на НАСА дека сондата за прв пат ја преминала критичната точка Алфвен и конечно влегла во сончевата атмосфера.

The post СОНДА НА НАСА САМО ШТО НЕ ГО ДОПРЕ СОНЦЕТО Видео од искрите ќе ни открие вистина за нашата ѕвезда (ВИДЕО) appeared first on plusinfo.mk.

Зошто јадрото на нашата планета станува подебело од едната страна? Дали тоа може да го деформира јадрото и колку е ова опасно? Иако со децении ја проучуваат оваа аномалија, научниците сè уште се обидуваат да одговорат на низа прашања.

Во најновото истражување за кое пишува Лајв Сајенс, научниците го симулирале растот на јадрото на Земјата во последните милијарди години. Тие заклучиле дека причината може да биде кривото растење на внатрешното јадро, поради што на едната страна железните кристали се формираат побрзо отколку на другата, а потоа истекуваат надвор.

– Протекувањето на железо во надворешното јадро ја одведува топлината од внатрешното јадро и тоа се лади. Ова значи дека надворешното јадро изнесува повеќе топлина на исток, под Индонезија, отколку на запад под Бразил – објаснува сеизмологот Даниел Фрост од Универзитетот во Беркли.

Експертите тврдат дека овој асиметричен раст не значи дека внатрешното јадро е деформирано или дека ќе се појави некаков дисбаланс.

Радиусот на внатрешното јадро во просек расте рамномерно за околу 1 милиметар секоја година. Потоа гравитацијата го балансира асиметричниот раст на кристалите од источната страна на јадрото, туркајќи ги новите кристали на запад. Таму, кристалите се собираат во решеткасти структури кои се протегаат по оската север-југ. Овие кристални структури, распоредени паралелно со половите на Земјата, се сеизмички автопати кои овозможуваат сеизмичките бранови побрзо да патуваат во таа насока.

– Но, тешко е да се каже што ја предизвикува оваа нерамнотежа, ако не се земат предвид сите други слоеви во внатрешноста на Земјата – забележува Фрост. – На секој слој влијае она што е над него и што е под него. Внатрешното јадро полека се лади и се шири кон течното надворешно јадро, како снежна топка што се зголемува со тркалање. Надворешното јадро потоа ја лади почвата која е над него. Ако прашуваме зошто внатрешното јадро расте побрзо од едната страна, мора да се запрашаме и зошто едната страна е поладна од другата.

Исто така, прашање е дали ова ладење на јадрото од едната страна влијае на магнетното поле на Земјата.

– Магнетното поле всушност и така се создава, токму поради протокот на железо во надворешното јадро. Но, ако внатрешното јадро губи повеќе топлина од исток, тогаш по него и надворешното јадро ќе се премести на исток, а уште не знаеме дали ова влијае на јачината на магнетното поле – додава сеизмологот.

The post НАУКА Јадрото на земјата станува подебело на едната страна: Oпасно ли е тоа за човештвото? ВИДЕО appeared first on plusinfo.mk.