Давид Санчез, братот на шпанскиот премиер Педро Санчез денеска седнува на обвинителна клупа во Бадахоз. Давид Санчез е обвинет дека добил јавна функција преку политички врски и влијание. Скандалот доаѓа откако сопругата на премиерот беше обвинета за скандал со тендери.

Според шпанската телевизија RTVE, судењето на Диего Санчез ќе започне до 4 јуни. Обвинителите тврдат дека работното место за координатор на активностите на окружните музички конзерваториуми било создадено токму за Давид Санчез. Под сомнеж е целиот процес.

10 кандидати биле одбиени

Позицијата била отворена во Бадахоз кратко откако Педро Санчез ја вратил контролата врз Социјалистичката партија во 2017 година. Давид Санчез, кој тогаш бил невработен музичар, потпишал договор два 2 месеци подоцна. Совпаѓањето отвори сомнежи.

Според RTVE, 10 кандидати претходно биле одбиени за работното место. Десничарски организации и опозициски партии тврдат дека позицијата била создадена специјално за братот на премиерот. Скандалот доби политичка тежина.

Меѓу обвинетите има и поранешни функционери на Социјалистичката партија во Бадахоз. Случајот го презеде локален суд. Рочиштата веќе почнаа.

„Сè се темели на претпоставки“

Одбраната на Давид Санчез ги отфрла обвиненијата. Адвокатите тврдат дека нема кривично дело и дека случајот се темели на „претпоставки и хипотези“. Семејството негира вина.

Во меѓувреме, притисокот врз Педро Санчез расте и поради други истраги поврзани со неговото семејство и со владејачката партија PSOE. Шпанската опозиција бара одговорност.

Проблематичните тендери на Бегона Гомез

Сопругата на премиерот, Бегона Гомез, е обвинета за фаворизирање компании и претприемачи додека била ко-директор на постдипломски курс на Универзитетот во Мадрид. Таа тврди дека е невина.

Во средата полицијата изврши рација и во седиштето на PSOE во Мадрид. Истражителите барале документи и податоци поврзани со сомнежи за корупција и нелегални финансиски шеми. Аферата се шири.

Педро Санчез изјавил дека неговата партија соработува со истражителите и повикал на презумпција на невиност. Тој ги отфрлил барањата на опозицијата за предвремени избори.

The post ОДБИЛЕ ДЕСЕТМИНА ЗА ДА ГО ВРАБОТАТ БРАТОТ МУЗИЧАР НА САНЧЕЗ Скандал ја тресе владата во Мадрид  appeared first on plusinfo.mk.

Повеќе илјадници луѓе денеска излегоа на улиците во центарот на Мадрид, протестирајќи против растот на цените на кириите и сè потешката достапност до станови. Протестите доаѓаат во момент кога Шпанија се соочува со продлабочена станбена криза која погодува сè поголем број граѓани.

Под слоганот „Домувањето нè чини живот“, демонстрациите ги организираше Синдикатот на потстанари на Мадрид, со поддршка на повеќе синдикати и граѓански организации, пренесува РТВЕ.

Портпаролката на синдикатот, Алисија дел Рио, изјави дека актуелниот систем на домување ги турка луѓето во тешка состојба и го претвора домувањето во средство за профит, наместо основна човечка потреба.

– Издавањето на голем број недвижности ги зголемува цените и ги блокира животните планови на луѓето. Тоа ги уништува градовите и создава несигурност – изјави Дел Рио.

Таа повика на граѓанска непослушност како, како што рече, единствен начин за отпор кон „диктатурата на рентиерството“, додавајќи дека потстанарите нема да прифатат притисоци од сопствениците на станови.

Дел Рио упати критики и кон институциите, обвинувајќи ги дека дозволуваат профитирање на сметка на основно човеково право, и повика на заеднички синдикален притисок, па дури и генерален штрајк.

На протестот учествуваа и претставници на големите синдикати Работнички комисии и УГТ, како и политички фигури од левицата, меѓу кои Ионе Бељара и Ирене Монтеро, како и претставници на Социјалистичката партија на Мадрид.

Поддршка дадоа и организации на пензионери, феминистички, еколошки и антирасистички движења, како и синдикатот ЦГТ и здруженија на станари.

Протестот во Мадрид е вовед во поширок бран демонстрации кои до крајот на јуни ќе се одржат во 24 градови низ Шпанија, меѓу кои Барселона, Валенсија, Малага и Лас Палмас.

The post „ДОМУВАЊЕТО НÈ ЧИНИ ЖИВОТ“ Масовни протести во Мадрид против високите кирии appeared first on plusinfo.mk.

Белоруската тенисерка Арина Сабаленка се осврна на поразот од Американката Хејли Баптист синоќа во четвртфиналето на Опен турнирот во Мадрид — 6:2, 2:6, 6:7 (6:8).

– Не беше крајот што го очекував, но сум горда на работата што ја завршив. Тукушто ја започнуваме сезоната на земјени терени. Ви благодарам, напиша Сабаленка на социјалните мрежи.

Во полуфиналето на Мастерсот во Мадрид, Баптист ќе се соочи со Русинката Мира Андреева.

The post НЕ Е КРАЈОТ ШТО ГО ОЧЕКУВАШЕ Сабаленка го напушта Мадрид по пораз во четвртфиналето appeared first on plusinfo.mk.

Белоруската тенисерка Арина Сабаленка коментираше за стомачниот вирус што ги принуди неколку играчи да се повлечат од турнирот во Мадрид. Според прелиминарните извештаи, тие можеби биле отруени од такос со ракчиња.

– Досега кај мене сè е во ред. Слушнав дека треба да ги избегнувам тие такос. Се држам до истата диета, истите јадења што ги јадев од почетокот на турнирот – пилешки гради, ориз и салата – изјави Сабаленка за „ESPN“.

Дваесет и седумгодишната Арина додаде дека се обидува да помине што е можно помалку време во тенискиот комплекс „Каха Махика“.

– Се обидувам да не се држам предолго. Витамин Ц и мултивитамински додаток, и се надевам дека сум подготвена да излезам на теренот – рече Сабаленка.

Во четвртфиналето на Мастерсот 1000 Белорусинката вечерва од 20 часот ќе се соочи со Американката Хејли Баптист.

The post СЛУШНАВ ДЕКА ТРЕБА ДА ГИ ИЗБЕГНУВАМ ТАКОСИТЕ Сабаленка јаде само пилешко во Мадрид appeared first on plusinfo.mk.

Повеќе тенисери на престижниот турнир, кој во моментов се игра во Мадрид, се пожалија на стомачни болки, а дел од нив повраќаа дури и за време на натпреварите, најверојатно како последица на расипана храна што им се служела во ресторанот за играчите, јави медиумот „Тенис ченел“.

Голем број учесници се повлекоа од натпреварите поради болки во стомакот и исцрпеност, така што натпреварите се презакажуваат. Според медиумите, кои разговарале со играчите, изворот на инфекцијата најверојатно се такосите со ракчиња што се служат во ресторанот на играчите.

Најтешките сцени се случија за време на натпреварот помеѓу Коко Гоф и Сорана Кирстеа. Во еден момент, американската ѕвезда почна да повраќа среде теренот, но некако најде сила да „преживее“ и да го добие натпреварот, иако беше видливо исцрпена.

Ни Ига Швионтек не се снајде подобро. Полјачката го напушти натпреварот од Ен Ли во солзи, а по напуштањето на теренот, лекарите мораа итно да ги проверат нејзините витални параметри.

На листата на „скратени“ натпревари се најде и Марин Чилиќ, кој го загуби натпреварот без борба, како и Људмила Самсонова и Медисон Кис. Некои тенисери имаа корист од прекинатите мечеви, како Линда Носкова, која ја победи Самсонова која имаше проблеми со стомакот.

Иако првично се сомневаше на вирус, теоријата за труење со храна добива сè поголема веројатност. Организаторите сè уште официјално не ги коментираа овие обвинувања, но очигледно е дека во Мадрид луѓето во моментов повеќе гледаат во чинијата отколку во топката.

Слична ситуација се случи минатата година во Акапулко, кога половина од натпрецварите завршија со сериозни проблеми со стомакот поради лоша храна.

The post ТЕНИСЕРИ ПОВРАЌААТ ПО ТЕРЕНОТ, НАТПРЕВАРИ СЕ ПРЕКИНУВААТ Tруење со храна го наруши турнирот во Мадрид appeared first on plusinfo.mk.

Георгина Родригез моментално престојува во Шпанија со своите деца откако го напушти Ријад поради растечките тензии на Блискиот Исток.
Партнерката на Кристијано Роналдо отпатува во нејзината татковина со приватен авион, а по пристигнувањето во Мадрид одлучи да помине некое време подалеку од гламурот и јавните настани.

Позната по тоа што често ја нагласува својата католичка вера, Георгина со своите деца отишла на миса и го сподели ова со своите следбеници. По излегувањето од црквата таа сподели дека тоа била најубавата миса на која некогаш присуствувала, со што им даде до знаење на следбениците колку ѝ значат ваквите моменти.

Нејзиното пристигнување во Шпанија е поврзано со новите безбедносни околности на Блискиот Исток, кои ја принудија привремено да го напушти својот дом во Ријад.

Георгина и Кристијано Роналдо живеат во Саудиска Арабија во последните неколку месеци, каде што фудбалерот игра за Ал Наср, но моменталната ситуација очигледно влијаела на нивните семејни планови.

Во Мадрид, Георгина сега се посветува на своите деца и семејните обврски, а сè уште не е познато колку долго ќе остане во Шпанија.

Наместо луксузните излегувања и модните настани на кои се навикнати нејзините следбеници, Георгина сега се фокусира на потивки и поинтимни содржини.

 

View this post on Instagram

 

A post shared by Georgina Rodríguez (@georginagio)

The post ГЕОРГИНА ГО НАПУШТИЛА РОНАЛДО И НИВНИОТ ДОМ Партнерката на  познатиот  фудбалер со децата се засолнила во Мадрид appeared first on plusinfo.mk.

Приватниот авион на Кристијано Роналдо го напуштил Ријад во текот на ноќта и слетал во Мадрид, што веднаш предизвика шпекулации дека фудбалската суперѕвезда се повлекува од Саудиска Арабија поради влошената безбедносна ситуација во регионот.

Според податоците од следење на летови објавени на интернет, неговиот „Bombardier Global Express 6500“ полетал од Ријад околу 20 часот и по речиси седумчасовен лет пристигнал во шпанската престолнина нешто по полноќ. Полетувањето доаѓа во период кога бројни странски државјани го напуштаат Блискиот Исток, а дел од летовите кон Ријад се пренасочуваат или откажуваат.

Во меѓувреме, Ријад, градот каде што 41-годишниот напаѓач живее со партнерката Џорџина Родригез и нивните деца, беше погоден од ирански напади во четвртиот ден од борбите, што дополнително ја зголеми загриженоста за безбедноста.

Роналдо, кој настапува за саудискиот клуб Ал-Наср, моментално е надвор од терените поради повреда. Тој мораше предвреме да го напушти натпреварот против Ал Фајха, што отвори прашања дали ќе биде подготвен за претстојните предизвици.

Луксузниот авион вреден милиони

Ѕвездата го напуштила Ријад со својот „Bombardier Global Express 6500“, приватен авион што го купи во 2024 година за околу 70 милиони евра, откако се раздели со постариот „Gulfstream G200“.

Луксузниот авион собира до 15 патници и располага со повеќе одделни простории, дневна соба со софи, спална со двоен кревет и бања со туш. Леталото е целосно персонализирано и украсено со логото на фудбалерот.

Засега нема официјална потврда дали заминувањето на Роналдо е привремена мерка или најава за подолг престој надвор од Саудиска Арабија.

The post 📽️ РОНАЛДО СРЕДЕ НОЌ КИДНА ОД РИЈАД Луксузниот авион на Португалецот по ескалацијата слета во Мадрид appeared first on plusinfo.mk.

Гостувањето на полскиот Лех Познањ на стадионот „Кампо де Ваљекас“ во Мадрид се претвори во мал фудбалски театар со горчливи забелешки и воздишки. Видео што го објави менаџерот на клубот ја покажа соблекувалната на Рајо Ваљекано – просторија што повеќе наликува на носталгичен музеј отколку на современа спортска база, јави Вечер.

– Прво наидовме на ѕид од картонски кутии. Внатре имаше шишиња со вода. Потоа најдов куп крпи, невообичаено за вакви стадиони. Оваа соблекувална мириса на стар фудбал. Малку е тажна и малку страшна – изјави функционер на Лех, притоа снимајќи го просторот каде што, според него, „времето застанало уште во 1980-тите години“.

Меѓутоа, коментарите на Полјаците предизвикаа бес во шпанскиот табор. Претседателот на Рајо возврати со остра порака дека стадионот ги исполнува сите стандарди на УЕФА и дека омаловажувањето е непочитување кон клуб со богата историја.

This is the away dressing room at @RayoVallecano

It’s giving off strong council leisure centre changing room vibes.

Again shows just how much this Rayo team is achieving with so much against it off the pitch pic.twitter.com/Yx1InxGIyD

— La Liga & Beyond (@laligaandbeyond) November 5, 2025

– Ова е одвратно. Роналдо и Меси се пресоблекувале овде и никој не се пожалил. Не е луксузно, но е пристојно. Смеата на другите само создава поделби, а не обединување – нагласи претседателот за шпанскиот весник „Марка“.

Сепак, видеото остана вистинска сензација на социјалните мрежи, каде што многумина ја нарекоа соблекувалната на Рајо „носталгичен споменик на старата школа на фудбалот“.

The post 📽️ТАЖНА И СТРАШНА СОБЛЕКУВАЛНА НА РАЈО ВАЛЕКАЊО ВО МАДРИД Полјаците снимија необично видео appeared first on plusinfo.mk.

Следната недела во Мадрид ќе се одржи строго доверлив состанок на европските сојузници на Украина, јави шпанскиот весник „Ел Мундо“.

Организаторите побарале „максимална тајност“ за средбата закажана за вторник, 4 ноември. Делегатите од 35 земји ќе мора да ги остават своите мобилни телефони во посебна просторија и да се воздржат од споделување информации на социјалните мрежи. Целта е да се усогласат нови пакети воена и финансиска помош за Киев, но и дополнителен притисок врз Русија.

Според документите што ги виделе шпанските медиуми, ќе се разговара и за безбедносни гаранции за Украина и за начините на долгорочна координација меѓу западните партнери. На состанокот, според најавите, ќе присуствува и шпанскиот министер за надворешни работи, Хозе Мануел Албарес.

Од друга страна, вниманието на медиумите го привлече и одложувањето на личната средба меѓу американскиот претседател Доналд Трамп и рускиот лидер Владимир Путин во Будимпешта. Причините за одложувањето не се соопштени, но дипломатските извори во Вашингтон наведуваат дека состанокот ќе се одржи „кога условите ќе бидат соодветни“.

Состанокот доаѓа во момент на засилени тензии меѓу Москва и Западот. Кремљ претходно овој месец тврдеше дека украинските сили не би можеле да изведуваат напади врз енергетски цели во длабочината на Русија без директна поддршка од западните разузнавачки служби. Москва истакна дека воената помош од Запад само ќе го продолжи конфликтот, без суштинска промена на фронтот.

The post ТАЈНА СРЕДБА ВО МАДРИД, ЌЕ СЕ ДОГОВАРА ПОМОШТА ЗА УКРАИНА Делегатите од 35 земји ќе состанчат во посебна сала без мобилни телефони appeared first on plusinfo.mk.

Три лица се повредени, а петмина се водат како исчезнати по делумно уривање на зграда во Мадрид, објавија шпанските медиуми. Несреќата се случила денеска за време на реновирање на зградата.

Шпанскиот државен радиодифузер ТВЕ јави дека пожарникарите и службите за итни случаи продолжуваат да трагаат по петмината исчезнати. Противпожарната служба соопшти дека се урнале „неколку ката“ од објектот, а полицијата е присутна на местото на настанот.

#Internacional | Caos en el centro de Madrid tras el derrumbe parcial del forjado de un edificio en obrashttps://t.co/KyEzuUsdCH pic.twitter.com/JvcL5tfAws

— W Radio Colombia (@WRadioColombia) October 7, 2025

Во објавено видео од службите за итни случаи на социјалната мрежа „X“, се гледа фасадата на зградата покриена со церада, која обично се користи при градежни и реновирачки активности на стари објекти.

Засега официјални информации за состојбата на повредените лица и идентитетот на исчезнатите не се потврдени, а службите продолжуваат со пребарувањето на урнатините.

The post 📽️ 📷 СЕ УРНА ДЕЛ ОД ЗГРАДА ВО МАДРИД Дронови и кучиња бараат исчезнати лица, некои се сериозно повредени appeared first on plusinfo.mk.