Четириесет и деветгодишна жена од Солун е уапсена откако полицијата открила дека на балконот од нејзиниот стан чувала три мачки врзани со јаже.

Според грчките медиуми, случајот бил откриен вчера попладне, по што полицијата веднаш интервенирала и ја привела жената.

Покрај апсењето, против неа биле изречени и административни казни во вкупен износ од 17.600 евра поради прекршување на Законот за заштита на животните.

Жената ќе биде изведена и пред надлежен јавен обвинител, кој ќе одлучува за понатамошната постапка.

Грција во 2021 година усвои построг закон за заштита на животните и домашните миленици, со кој се предвидени високи парични казни и кривична одговорност за случаи на злоупотреба и малтретирање на животни.

The post НА БАЛКОН ЧУВАЛА МАЧКИ ВРЗАНИ СО ЈАЖЕ Жена од Солун уапсена и казнета со 17.600 евра appeared first on plusinfo.mk.

Риалити ѕвездата Клои Кардашијан се најде на мета на критики откако призна дека хируршки ги отстранила канџите на нејзините мачки. Таа зборуваше за тоа во нова епизода од нејзиниот подкаст, каде што рече дека денес длабоко жали за оваа одлука. Клои објасни дека во тоа време не знаела колку контроверзна била постапката и тврди дека добила лош совет. Постапката е нелегална во Калифорнија од оваа година, освен за медицински цели.

Кардашијан рече дека нејзините две руски сини мачки, Греј Кити и Бејби Кити, имаат проблеми со однесувањето за кои таа верува дека се поврзани со отстранувањето на канџите.

– Навистина бев погрешно информирана во врска со отстранувањето на канџите. Никогаш не сум имала мачка. Дури и не знаев дека тоа се прави. Се чувствувам навистина, навистина ужасно што го направив тоа. Мислам дека моите мачки се несреќни и тоа е моја вина – рече таа и додаде дека мачките носат AirTags затоа што се плаши дека, без канџи, ќе бидат целосно незаштитени ако побегнат од дома.

Операцијата предизвика негодување кај организациите за заштита на животните
Контроверзната процедура, позната како онихектомија, вклучува отстранување на задната коска од прстот на секоја мачка за да се спречи растот на канџите. Поради последици како што се болка, проблеми со рамнотежата и стрес кај животните, бројни здруженија со години бараат нејзина забрана.

Луѓето за етички третман на животните (PETA) остро реагираа на признанието на Клои. Вишиот потпретседател на организацијата, Дафна Нахминович, рече дека процедурата им предизвикува на мачките „доживотно страдање и болка“ и ги повика сопствениците наместо тоа, да користат гребалки и редовно да ги сечат канџите.

Признанието предизвика лавина од негативни реакции и на социјалните мрежи. Многу корисници напишаа дека отстранувањето на канџите е нехумано и сурово и дека се шокирани што Кардашијан не ги истражила последиците од процедурата пред да се согласи на неа. Некои коментираа дека таквата практика треба да се забрани насекаде, додека други го критикуваа ветеринарот кој се согласил да ја изврши процедурата.

The post 🎥 КЛОИ КАРДАШИЈАН ИМ ГИ ОТСТРАНИЛА КАНЏИТЕ НА НЕЈЗИНИТЕ МАЧКИ „Мислам дека се несреќни и тоа е моја вина“ appeared first on plusinfo.mk.

Во еден од најнеобичните урбани „хитови“ на социјалните мрежи, галеб во Турција стана вистинска интернет-сензација откако бил снимен како користи изненадувачки „стратегиски“ метод за да добие храна, се преправа дека е мачка.

Сцената се одвива околу автомат за храна за улични животни, поставен во градско подрачје и наменет првенствено за скитници. Наместо да се однесува како типичен галеб, птицата се приближува до машината и почнува да испушта звуци што неверојатно потсетуваат на мјаукање.

Според очевидци, галебот секогаш стои покрај уредот и внимателно ги следи минувачите, како да им „сугерира“ да го притиснат копчето за да излезе храна.

Мештаните велат дека сцената изгледа речиси комично, птица која јасно сфатила дека однесувањето како мачка ѝ носи поголеми шанси за оброк отколку класичното барање храна.

Видеото брзо се прошири на социјалните мрежи, каде корисниците се шегуваат дека „урбаната адаптација“ на галебот е доказ дека животните во градовите стануваат сè поинтелигентни и снаодливи.

The post 📽️ ГАЛЕБ НАУЧИ КАКО ДА „МЈАУКА“ ЗА ДА ПРЕЖИВЕЕ Птицата се преправа дека е мачка за да добие храна appeared first on plusinfo.mk.

Претставници на Европскиот парламент и на Советот на ЕУ синоќа постигнаа договор околу предлог-законот на Унијата кој воспоставува правила за спречување на злоупотребите, ограничување на суровите деловни практики и за заштита на здравјето на мачките и на кучињата.

Станува збор за прв законски текст што на ниво на ЕУ ги утврдува стандардите за одгледување, сместување, регистрирање, увоз и за згрижување на мачки и кучиња.

Со законот се предвидува на кучињата и мачките во ЕУ да им се вградуваат микрочипови и тие да бидат регистрирани во интероперабилни национални бази на податоци.

Продавачите, одгледувачите и засолништата на животни ќе имаат рок од 4 години да почнат да ги применуваат овие правила. За сопствениците на кучиња тој „грејс период“ ќе важи во следните 10 години, а на мачки – 15 години.

Исто така, се забранува размножување на мачките, односно на кучињата, со нивните потомци, со потомците на нивните потомци, како и меѓу самите потомци.

Законот забранува дресирање или одгледување на кучиња или мачки на начини кои би довеле до ризици по нивното здравје. Ќе биде забрането нивно врзување за предмет, освен кога тоа е потребно за медицински третман, како и употреба на огрлици без вградени безбедносни механизми.

Кучињата и мачките увезени во ЕУ од трети земји заради продажба, ќе мора да бидат чипирани уште пред нивниот влез во Унијата, а потоа и регистрирани во националната база на податоци.

Сопствениците на домашни миленици што се носат во ЕУ ќе бидат обврзани да го регистрираат своето чипирано животно во базата на податоци најмалку 5 работни дена пред влегувањето во Унијата.

За да стапи во сила предлог-законот, кој Комисијата го предложи во декември 2023 година, сега треба да биде одобрен и од Европарламентот и од Советот на ЕУ.

Според статистичките податоци, 44 отсто од жителите на ЕУ имаат домашни миленичиња, а 74 проценти од нив веруваат дека благосостојба на овие животни треба да биде подобро заштитена.

Во последните неколку години се бележи значително зголемување на обемот на трговијата со кучиња и со мачки во ЕУ, од која годишно се остварува промет од околу 1,3 милијарда евра. Според Комисијата, околу 60 отсто од сопствениците на кучиња или мачки ги купуваат своите миленичиња преку интернет, во отсуство на стандарди за благосостојба на животните во земјите на ЕУ.

The post ВО ЕУ ЌЕ БИДЕ ЗАБРАНЕТО ДА СЕ ВРЗУВААТ КУЧИЊАТА И МАЧКИТЕ Усогласен е законот за заштита на овие миленици appeared first on plusinfo.mk.

Грчки суд донел историска пресуда против 68-годишен маж од островот Евбеја, кој затворил 58 мачки во трошна зграда и ги оставил без храна и вода. Сите животни биле во критична состојба, некои и со повреди, кога полицијата влегла во просторијата по пријава од случајни минувачи, јави Катимерини.

Обвинетиот, кој се обидел да објасни дека ги „собирал скитниците од сочувство“, бил прогласен за виновен за суровост кон животните. Судот го осудил на парична казна од 1,7 милиони евра, највисока досега изречена во Грција за ваков случај.

Неговите адвокати тврделе дека тој бил ментално болен, но судските експерти заклучиле дека бил целосно свесен за своите постапки.

Понатаму, судот земал предвид и негови претходни дела – злоставување на кучиња – што влијаело на тежината на пресудата.

– Ова е значаен чекор за заштита на животните и пример дека правдата може да биде строга кога е неопходно – изјавиле претставници од Сојузот за заштита на животните, кој сега се грижи за спасените мачки.

The post МИЛИОНСКА ГЛОБА ВО ГРЦИЈА ЗА ЧОВЕКОТ КОЈ ИЗМАЧУВАШЕ 58 МАЧКИ Бил целосно свесен за своите постапки appeared first on plusinfo.mk.

Според новото истражување презентирано на Конгресот на Европското респираторно друштво во Амстердам, децата кои биле повеќе изложени на кучешки алергени во првите месеци од животот имале 48% помал ризик од развој на астма до петгодишна возраст.
Истражувачот Џејкоб Мекој од Болницата за болни деца во Торонто истакнува:

– Откривме дека изложеноста на кучешки алергени ја подобрува функцијата на белите дробови и го намалува ризикот од астма, додека алергените од мачки не покажаа ист ефект.

Како е спроведено истражувањето?

Научниците анализирале примероци од прашина од домовите на 1.050 канадски бебиња на возраст од 3 до 4 месеци. Прашината била тестирана за три алергени:

Can f1, протеин што се наоѓа во кучешко крзно и плунка
Fel d1, протеин што се наоѓа во мачкино крзно и плунка
ендотоксин, супстанца што се наоѓа на површината на бактериите.

Кога децата наполниле пет години, истражувачите повторно ја тестирале нивната белодробна функција и присуството на астма.

Повеќе за ова прочитајте на порталот „Мајка и дете“.

The post НОВО ОТКРИТИЕ ЗА ДОМАШНИТЕ МИЛЕНИЦИ Кучињата ги штитат децата од честа болест – мачките, за жал, не! appeared first on plusinfo.mk.

Важат за тивки миленичиња коишто всушност го подобруваат здравјето на нивните сопственици. Мачката го намалува стресот. Галењето со миленичето, се вели, ослободува хормони на среќа коишто го намалуваат стресот. Дополнително, луѓето, кои чуваат мачка, имаат понизок крвен притисок и помала опасност од кардиоваскуларни болести, пишува порталот Кликс.

Тука се наведува и предењето коешто емитува фреквенција од 25 – 150 херци и, исто така, има терапевтски ефект врз здравјето на човекот, според „Кетс лав ас“ (Cats Luv Us). Овие фреквенции се сметаат за лековити бидејќи ублажуваат болки и ја стимулираат регенерацијата на коските.

Мачките имаат важна улога и во намалувањето на чувството на осаменост. Луѓето со маче, како домашно милениче, честопати имаат подобра емоционална состојба бидејќи животното благотворно влијае на анксиозноста и на депресијата.

За крај, се истакнува дека мачките создаваат емотивна врска, корисна за менталното здравје, а тоа ги прави совршени миленици за современиот начин на живот.

The post АКО ЧУВАТЕ МАЧКА, ЌЕ ИМАТЕ ПОМАЛ ПРИТИСОК И ПОЗДРАВО СРЦЕ Науката покажува дека предењето има лековит ефект appeared first on plusinfo.mk.

„Со задоволство сакам да објавам една нова мерка, а тоа е субвенционирање на граѓаните за стерилизација на домашните миленици. Ова е уште една мерка која ја реализираме како одговорна локална самоуправа во насока на системско решавање на проблемот со бездомните миленици на долг рок. Придобивките од стерилизацијата на милениците се многубројни и подеднакво важни за здравјето на миленикот и за околината. Стерилизацијата е најдобро решение за контрола и за намалување на популацијата на бездомни животни, а со сеа се намалува и нивната агресивност“, напиша градоначалникот на Гази Баба, Бобан Стефковски на Фејсбук.

Јавниот повик и условите за учество се објавени на веб-страната на Општина Гази Баба.

The post ГАЗИ БАБА ЌЕ ПЛАЌА ЗА СТЕРИЛИЗАЦИЈА НА ДОМАШНИТЕ МИЛЕНИЦИ Нова мерка за помалку бездомни кучиња и мачки appeared first on plusinfo.mk.

Не постои бремена жена, љубителка на мачки, која не ги слушнала приказните за токсоплазмозата и потенцијалната опасност што оваа болест ја претставува за нејзиното бебе.

Често се случува луѓето да се откажат од своите долгогодишни миленици кога очекуваат бебе, токму поради стравот од инфекција.

Сепак, не е сѐ така црно и стравот може да се надмине со разбирање на болеста и начинот на кој таа се пренесува и се развива.

Што е токсоплазмоза и кој може да заболи?

Токсоплазмозата е болест предизвикана од едноклеточен организам – паразитот Toxoplasma gondii. Може да зарази голем број цицачи, но и луѓе. Голем број луѓе сигурно во одреден период од животот ќе дојдат во контакт со овој паразит, но нема да се разболат.

Причината за тоа е што телото на здрава личност успешно го потиснува овој паразит и го спречува развојот на болеста. Сепак, исклучок се лицата со намален имунитет и трудниците, кај кои се препорачува дополнителна претпазливост.

Повеќе за ова прочитајте на порталот „Мајка и дете“.

The post ДАЛИ ТРУДНИЦИТЕ ТРЕБА ДА СЕ ПЛАШАТ ОД МАЧКИ? Што е токсоплазмоза и како да се заштитите? appeared first on plusinfo.mk.

„Во ред Тејлор…ти победи…ќе ти дадам дете и ќе ти ги чувам мачките жими мене“.

Вака ѝ напиша познатиот техномилијардер и еден од најбогатите луѓе на планетата, Илон Маск, на познатата пејачка Тејлор Свифт, играјќи мајтап со нејзината поддршка на претседателската кандидатка и актуелан потпретседателка на САД, Камала Харис.

Коментарот на Маск дојде веднаш откако заврши претседателскиот дуел меѓу Камала Харис и нејзиниот соперник Доналд Трамп, со, како што проценуваат аналитичарите, убедлива победа на Харис.

Маск јавно кажа дека е поддржувач на Трамп, а неговиот коментар со детето и мачките се однесуваше на претходниот твит на Тејлор Свифт во поддршка на Камала Харис, кајшто Свифт се потпиша како „Дамата без деца, а со мачки“.

Свифт, всушност, со тоа му одговори на републиканскиот сенатор Џeјмс Дејвид Венс кој ја опиша партијата на Демократите на Камала Харис како партија на „бездетни жени мачкарки“. Венс се трка како кандидат за потпретседател на САД од страната на Републиканците и многумина го нарекоа „десната рака на Трамп“.

Венс во понеделникот на Икс тврдеше дека постојат индиции дека имигрантите од Хаити јадат мачки во државата Охајо. Тој потоа мораше да ја испегла изјавата, велејќи дека можно е да се работи за шпекулација. Венс сепак ги охрабри своите поддржувачи да објавуваат мемиња (сатирични фотомонтажи) од мачки.

Конечно, истата шпекулацијата за мачките во Охајо ја спомна Трамп на дуелот со Камала Харис. Модераторите на дебатата го исправија Трамп, велејќи дека тоа е лага.

Додека аналитичарите велат дека Камала победи во оваа прва претседателска дебата поради гневот на Трамп, твитот на Тејлор Свифт доби милион прегледи, па некои ја анализираат можност Тејлор Свифт да влијае на исходот на претседателските избори во САД.

Од друга страна, Илон Маск е татко на 12 деца, а се бори за старателството на две од нив со поранешната сопруга Грајмс. Три од децата ги има со вработена во неговата компанија „Неуралинк“. Во своите интервјуа тој неколкупати досега ја повторуваше тезата дека светската популација, всушност, ќе се намалува.

Во 2020 година, тој на шега рече дека тој „си го врши својот дел од работата“ кога станува збор за човечката репродукција.

НИ ТРЕБА ВОИН ДА ГИ БРАНИ ПРАВАТА И КАУЗАТА Тејлор Свифт кажа за кого ќе гласа на претседателските избори во САД

The post ЌЕ ТИ ДАДАМ ДЕТЕ И ЌЕ ТИ ГИ ЧУВАМ МАЧКИТЕ Маск ја подбра Тејлор Свифт за нејзината поддршка за Камала appeared first on plusinfo.mk.