Секоја година, американскиот претседател одржува церемонија на „помилување на мисирки“, ритуал кој датира од средината на 20 век. Две мисирки, одгледувани специјално за оваа пригода, симболично се поштедуваат и одат на фарма или во згрижувачки центар, наместо да завршат на празничната чинија.

Иако станува збор за настан чија цел е хумор и опуштена атмосфера, претседателите често го користат за лежерни шеги или политички шеги. Во овој контекст, Трамп даде коментар кој брзо беше оценет како невкусен.

Зборувајќи пред публика во која беа и децата на потпретседателот Џ.Д. Венс, Трамп рече дека „некои од неговите најентузијастички луѓе“ предложиле наместо да бидат помилувани мисирките да бидат испратени во „Центарот за притвор за тероризам“ –  огромен затвор со висок степен на безбедност во Ел Салвадор, познат по своите екстремни услови и брутален третман на затворениците, пишува  Independent.

#BREAKING: Watch as President Donald Trump officially pardoned the Thanksgiving turkey named Gobble pic.twitter.com/qzwnjzaySd

— R A W S A L E R T S (@rawsalerts) November 25, 2025

Ова предизвика силна реакција на јавноста во САД, посебно поради тоа што кога Трамп ја даде изјавата стигна веста за два нови извештаи што ја потврдуваат тортурата врз имигрантите депортирани во Ел Салвадор дополнително ја интензивираше реакцијата на неговата шега.

Шегата е проблематична, особено затоа што доаѓа од политичар чија администрација го користела токму тој затвор за депортирани имигранти, од кои некои наводно биле мачени.

Трамп во говорот ги навреди и демократите Џо Бајден, Ненси Пелоси и Чак Шумер, а се пошегува за тоа како една жена била запалена во Чикаго и го нарече гувернерот на Илиноис Џ.Б. Прицкер „дебел кретен“.

Сепак, комбинирањето на лесна церемонија со темата за тортура врз затворениците дел од јавноста го оцени како несоодветно и повторно предизвика дебати за границите за време на разни церемонии и протоколи.

The post 🎥 НЕКОИ ОД МОИТЕ ВРАБОТЕНИ БИ ГИ ПРАТИЛЕ МИСИРКИТЕ ВО ЗАТВОРОТ ВО ЕЛ САЛВАДОР Трамп предизвика скандал на церемонија за „помилување мисирки“ appeared first on plusinfo.mk.