– Здравјето е колективна и индивидуална одговорност на сите жители на државата. Овој случај се јавил на доктор завчера и веднаш била остварена комуникација со инфектолози и епидемиолози, по што е поставено и сомневањето и му било понудено тестирање кое тој го одбил – рече д-р Петличковски.

Тој додаде дека инфектолог од Битола два пати бил во местото на живеење на суспектното лице, каде е разговарано и со членовите на семејството и објаснето им е дека тестирањето е во интерес на сите. Петличковски додаде дека немаат законска моќ некого да присилат да биде тестиран.

The post МАЈМУНЛАЦИ СО МАЈМУНСКИТЕ СИПАНИЦИ Кичевецот одбива да се тестира, никој не може да го натера appeared first on plusinfo.mk.

– Во последните 24 часа на Клиниката за инфективни болести не е примен пациент со таква симптоматологија – вели д-р Стевановиќ.

Таа додава дека доколку се случи такво нешто, во заедничка координација со Министерството за здравство, како и со вработените на клиниката, ќе се организираат, со цел прием на пациенти со мајмунски сипаници.

Oд Министерството за здравство за Плусинфо информираат дека на Клиниката за инфективни болести нема хоспитализиран пациент суспектен за мајмунски сипаници.

– Во врска со пациентот кој се споменува во медиумите, според информациите од кичевската болница станува збор за суспектен пациент кој е во добра здравствена состојба и со уредни лабораториски резултати, кај кого е дадена препорака за тестирање. Во моментов се организира епидемиолошки тим кој ќе спроведе епидемиолошка анкета – информираат од МЗ.

Оттаму додаваат дека до овој момент не е доставен материјал за тестирање во Институтот за јавно здравје и во државата нема потврден случај на мајмунски сипаници.

Инаку, во текот на вчерашниот ден телевизија Алфа објави дека според неофицијални информации во земјава има прв сомнителен случај на мајмунски сипаници.

Според изворите на телевизијата, најавен е прием на пациент сомнителен на мајмунски сипаници на Инфективна клиника во Скопје. Пациентот бил од Кичево, а се очекувало вчера да пристигне на Инфективна клиника. Кичевската брза помош одбила да го пренесе, па тој со сопствено возило се упатил кон клиниката во Скопје.

The post НЕМА МАЈМУНСКИ СИПАНИЦИ ВО МАКЕДОНИЈА Директорката на Инфективна вели дека не е примен сомнителен случај appeared first on plusinfo.mk.

Сите потврдени случаи се кај мажи од 22 до 59 години, а 38 отсто, односно 12 од заразените пријавиле патување во странство во периодот на инкубација на болеста.

Од ЕОДИ соопштија дека пациентите веќе оздравеле или оздравуваат во генерално добра клиничка состојба.

Додаваат дека во Европа, до 26 јули 2022 година, се регистрирани 13.043 случаи на мајмунски сипаници во 37 различни земји.

Првиот случај во Грција беше регистриран на почетокот на јуни.

The post МАЈМУНСКИ СИПАНИЦИ ВО ГРЦИЈА Потврдени вкупно 32 случаи, сите се мажи appeared first on plusinfo.mk.

Европската комисија (ЕК) денеска ја одобри вакцината Имванекс против вирусот на мајмунски сипаници во Европската Унија (ЕУ), и употребата ја прошири и во Норвешка, Исланд, Лихтенштајн, јави ДПА.

Портпарол на ЕК ја потврди одлуката откако фармацевтската компанија, Баваријан Нордик, информираше за одобрувањето на вакцината.

Потегот следува откако Европската медицинска агенција (ЕМА) во петокот препорача Имванекс да се употребува и против мајмунски сипаници. Всушност, извршната власт на ЕУ го следи советот на ЕМА.

Претходно, вакцината беше одобрена на ниво на ЕУ за заштита на возрасни лица од морбили.

ЕК неодамна соопшти за два договора за купување вкупно 163.620 дози од вакцината на Баваријан Нордик. ЕУ купи 110.000 во јуни, со тоа што 25.000 се веќе дистрибуирани во шест земји членки.

Унијата ги засилува плановите за јавното здравје за справување со вирусот, како што Светската здравствена организација (СЗО) го прогласи избивањето на мајмунски сипаници во над 50 земји, за „вонредна состојба од меѓународна загриженост“.

Прогласувањето вонредна состојба е највисокиот аларм на СЗО за здравствени закани, но, нема непосредни последици. Целта е да се алармираат властите за да преземат дејствија со што ќе го заштитат своето население.

Медицински лица тврдат дека се чини оти појавувањето на сипаниците е најмногу кај машките лица кои имале хомосексуален однос, но, секој може да се зарази.

Болеста што се лечи, е карактеристична по осипот што наликува на мозолчиња или плускавци. Вообичаено лезиите прво се појавуваат на лицето, за потоа да се формираат и на други делови од телото.

The post ЕК ЈА ОДОБРИ ВАКЦИНАТА ПРОТИВ МАЈМУНСКИ СИПАНИЦИ Данската Имванекс веќе е во оптек во некои земји од ЕУ appeared first on plusinfo.mk.

СЗО предупредува дека 200 случаи на мајмунски сипаници регистрирани во изминатите недели во светот, надвор од земјите каде што често циркулира вирусот, би можеле да бидат само почеток, пишува лондонскиот дневен весник „Гардијан“.

– Не знаеме дали само го гледаме врвот на ледениот брег, односно дали има уште многу случаи кои не се откриени, истакна Брајан на вчерашниот брифинг.

Откако Велика Британија првпат потврди случај на мајмунски сипаници на 7 мај, речиси 200 заразени лица се пријавени во СЗО од држави кои се оддалечени од земјите каде што вирусот е ендемичен, а Европскиот центар за превенција и контрола на болести процени дека има 219 такви случаи.

Случаи на инфекција со вирусот на мајмунски сипаници ненадејно се откриени во повеќе од 20 земји во светот, вклучувајќи ги САД, Австралија, Обединетите Арапски Емирати и уште речиси десетина земји од ЕУ.

Шпанското Министерство за здравство вчера соопшти дека досега се потврдени 98 случаи, додека во Велика Британија во моментов има 90 откриени инфекции.

Португалија, пак, регистрирала 74 случаи, соопштија вчера здравствените власти на земјата, додавајќи дека сите инфекции се откриени кај мажи, главно на возраст под 40 години.

Аргентина вчера ги потврди првите два случаја на мајмунски сипаници во Латинска Америка.

– Сè уште сме на самиот почеток на ова случување, знаеме дека ќе имаме повеќе случаи во наредните денови, им порача Брајан на претставниците на земјите-членки кои присуствуваат на собранието на СЗО во Женева, нагласувајќи дека нема простор за паника. г

The post ПОТРЕБНИ СЕ ПРАВИЛНИ МЕРКИ Ширењето на мајмунските сипаници може да се спречи appeared first on plusinfo.mk.

Од ЕОДИ кусо соопштија дека туристот, заедно со неговата придружничка, која е  без симптоми, се хоспитализирани во атинска болница, а резултатите од земените примероци и испратени во лабораторија ќе бидат достапни утре.

Според грчките медиуми, 29-годишниот Англичанец, заедно со неговата пријателка биле на одмор на Кефалониа, каде што и му се појавиле првите симптоми, меѓу кои и осип на кожата и од локалниот здравствен центар, со авион бил пренесен во атинската болница „Атикон“.

Националната организација за јавно здравје на Грција во петокот преку соопштение информираше дека во соработка со европските организации, но и СЗО внимателно ја следат ситуацијата и на граѓаните им препорача да ги следат упатствата на лекарите во случај на осип или невообичаено оштетување на кожата.

Објаснија дека болеста се пренесува од човек на човек преку контакт со кожни лезии, телесни течности и/или контаминирани предмети на пациентот, како и преку респираторни капки по продолжен близок контакт на кратко растојание, а симптомите вклучуваат треска, главоболка, исцрпеност, а најчесто се појавува и карактеристичен осип еден до пет дена по почетокот на симптомите.

„Иако не постои специјална терапија, повеќето пациенти целосно закрепнуваат во рок од неколку седмици. Појавувањето случаи во Велика Британија без претходно патување, како и појавувањето спорадични случаи во други европски земји укажуваат на тоа дека болеста најверојатно се шири во заедницата. Се нагласува дека врз основа на досегашните епидемиолошки податоци, опасноста за општата популација е низок, бидејќи болеста е обично лесна и се самоограничува, со релативно мало ширење“, соопштија во петокот од Националната организација за јавно здравје на Грција.

The post МАЈМУНСКИТЕ СИПАНИЦИ СТИГНАА ВО ГРЦИЈА Англиски турист и неговата придружничка добиле осип на кожата appeared first on plusinfo.mk.

Светската здравствена организација (СЗО) за денеска свика итна средба на своите врни експерти заради зголемувањето на бројот на заболени од мајмуни сипаници, пренесува британскиот весник „Индипендент“.

Британскиот министер за здравство, Саџид Џавид, изјави дека Агенцијата за здравствена безбедност на Обединетото Кралство (УКХСА) денеска потврдила уште 11 случаи на мајмунски сипаници во земјата, а повеќето од пациентите имаат благи симптоми, пишува британскиот весник. Во Велика Британија се регистрирани вкупно 20 случаи.

Се верува дека главни теми на разговор ќе бидат начинот на ширење на вирусот, невообичаено високата стапка на инфекција кај геј и бисексуалните мажи и ситуацијата со вакцинацијата, пишува британскиот весник.

Германија денеска го потврди првиот случај на мајмунски сипаници, а нови случаи на зараза претходно пријавија и Италија, Шпанија, Франција и Велика Британија. Медицинската служба на германските вооружени сили денеска соопшти дека го потврдила првиот случај на мајмунски сипаници.

„Институтот за микробиологија на германските вооружени сили во Минхен сега, исто така, несомнено го откри вирусот на мајмунски сипаници, за прв пат во Германија на 19 мај 2022 година, кај пациент со карактеристични кожни лезии“, соопшти медицинската служба.

Германскиот министер за здравство Карл Лаутербах изјави дека врз основа на достапните информации, тој претпоставува дека вирусот не се пренесува така лесно и оти неговото ширење може да се спречи доколку здравствените власти брзо дејствуваат.

Италија денеска потврди уште два случаи на инфекција со вирусот на мајмунски сипаници, регионалните власти во Мадрид пријавија уште 14 случаи, а Велика Британија 11 новозаразени. И Франција денеска го потврди првиот случај на мајмунски сипаници.

Случаи на мајмунски сипаници се откриени и во Португалија, Шведска, Белгија како и во САД и Канада. Болеста досега вообичаено беше концентрирана во Централна и Западна Африка.

Групата најразвиени земји Г7 денеска постигнаа договор за зајакнување на епидемиолошките системи за рано предупредување и откривање на заразни болести кои можат да предизвикаат пандемија.

Германскиот министер за здравство Карл Лаутербах, кој беше домаќин на дводневниот состанок на Г7 во Берлин оваа недела, рече дека веќе постоечката канцеларија на Светската здравствена организација (СЗО) во Берлин би можела побрзо да собира и анализира податоци.

Лаутербах рече и дека Г7 сака долгорочно да ги зголеми задолжителните финансиски придонеси за СЗО за 50 отсто, за да може да ја извршува својата глобална функција. Тој додаде дека земјите од Г7 се согласиле подобро да го заштитат светското население од влијанието на глобалното затоплување врз здравјето, вклучително и промените во делот на медицинската обука што се занимава со климатските промени.

Министрите за здравство на Г7 се согласија да дадат поголема поддршка за развојот на нови антибиотици, кои би можеле да помогнат во лекувањето на резистентни соеви на бактерии кои убиваат милиони пациенти секоја година.

Членки на Г7 се САД, Канада, Велика Британија, Франција, Италија, Германија и Јапонија.

The post МАЈМУНСКИ СИПАНИЦИ ВО ГЕРМАНИЈА, ИТАЛИЈА, БРИТАНИЈА….Светската здравствена организација свика итен состанок appeared first on plusinfo.mk.