Тој очекува дека ако Киев биде поразен, руската армија ќе ја премине границата на една од земјите на НАТО, принудувајќи ја американската војска да се бори за сојузниците.

– Очекувам дека ако Русија ја победи Украина, нема да помине долго пред руската армија да ја премине границата, кога нашите мажи и жени во униформи ќе треба да тргнат во битка – рече Пенс во интервју за Ен-би-си Њуз.

Пенс истакна дека може да се работи за преминување на границата на „сојузниците на НАТО – Полска, Естонија, Летонија, Литванија“.

Според претседателскиот кандидат, сегашниот скептицизам меѓу Американците во однос на воената поддршка за Украина е „одраз на недовербата во претседателот Џо Бајден како врховен командант“.

– Во наш национален интерес е да ја видиме руската војска истисната од Украина, а не Џо Бајден да зборува за големи демократски цели – рече Пенс, додавајќи дека тоа исто така ќе испрати сигнал до Кина за Тајван или на друго место во азиско-пацифичкиот регион.

The post УКРАИНА ЌЕ ИЗГУБИ, САД НЕ МОЖЕ ДА ИЗБЕГНЕ ВОЈНА СО РУСИЈА! Мрачна прогноза на Мајк Пенс, можниот иден претседател на САД appeared first on plusinfo.mk.

Поранешниот потпретседател на САД, 63-годишниот Мајк Пенс, официјално ги поднесе документите за да им се приклучи на останатите републиканци во трката за претседателските избори во 2024 година.

Со ова Пенс директно му се спротивставува на Доналд Трамп во чиј четиригодишен мандат тој ја извршуваше потпретседателската функција.

Засега, Трамп убедливо води во анкетите, додека повеќето испитувања на јавното мислење го сместуваат Пенс на третото место со едноцифрен процент на поддршка, пишува Би-би-си.

Пенс му беше лојален на Трамп во поголемиот дел од нивните четири години поминати на функции, но се дистанцира од својот шеф по немирите и упадот во Конгресот во јануари 2021 година.

The post ПАК МУ СЕ СПРОТИВСТАВИ НА ТРАМП Мајк Пенс официјално влезе во претседателската трка appeared first on plusinfo.mk.

Поранешниот потпретседател на Соединетите Американски Држави Мајк Пенс сведочеше пред федералната голема порота како дел од истрагата за тоа дали поранешниот претседател Доналд Трамп се обидел да го смени резултатот од неговиот пораз на изборите во ноември 2020 година од Џо Бајден, но и дали имал удел во поттикнувањето насилство во Капитол на 6 јануари кога беа убиени пет лица.

Според Гардијан, сведочењето на поранешниот потпретседател траело околу 7 часа и се одвивало зад затворени врати, што значи дека не се познати деталите за она што тој им го кажа на обвинителите кои слушаа докази.

Пенс мораше да зборува под заклетва за неговите разговори со Трамп пред 6 јануари 2021 година.

Претходно, тимот на Трамп побара од федералниот суд да го блокира Пенс да сведочи пред големата порота за одредени прашања, повикувајќи се на извршната привилегија, а сето тоа како дел од истрагата за немирите во Капитол.

Извршна привилегија е правото на претседателот на САД да ги чува во тајност чувствителните комуникации и другите претседателски документи.

Тимот на Трамп му посочи на специјалниот советник Џек Смит, кој ги надгледува кривичните истраги на Министерството за правда против Трамп, дека сака да ја искористи извршната привилегија во случајот со сведочењето на Пенс.

The post 7 ЧАСОВИ ПЕНС СВЕДОЧЕШЕ ПРЕД ГОЛЕМАТА ПОРОТА ВО САД Што кажал ќе остане тајна appeared first on plusinfo.mk.

Доверливи документи се пронајдени во домот на поранешниот американски потпретседател Мајк Пенс, јавува Би-Би-Си. Според неговиот адвокат, Пенс побарал неговиот дом да биде прегледан откако беа пронајдени документи кај актуелниот претседател Џо Бајден. Пенс инаку беше потпретседател во времето на Доналд Трамп.

„Пенс побарал стручни луѓе за ракување со доверливи документи за да ги прегледаат документите во неговиот дом откако стана јавно дека документи со доверливи ознаки се пронајдени во резиденцијата на претседателот Џо Бајден во Вилмингтон“, се вели во писмото.

Адвокатот вели дека се работи за „мал број документи со доверливи ознаки кои беа ненамерно транспортирани во домот на Пенс на крајот на претседателствувањето на Доналд Трамп“.

Во меѓувреме, специјални советници ги разгледуваат документите најдени и кај Трамп и кај Бајден.

Во случајот со Бајден, нови шест документи беа пронајдени за време на последниот 13-часовен претрес на неговиот дом во Делавер. Неговите адвокати изјавија дека првата група досиеја биле пронајдени на 2 ноември, а втората на 20 декември во гаражата во домот.

The post ДОКУМЕНТИ НАЈДЕНИ КАЈ ПОРАНЕШНИОТ ПОТПРЕТСЕДАТЕЛ НА САД Мајк Пенс беше десна рака на Трамп, а сам ги пријавил досиејата appeared first on plusinfo.mk.

Тој за „Фокс њуз“ тврди дека за 14 месеци инфлацијата во САД е најголема во последните 40 години, а бензинот поскапел за 70 отсто.

Според Пенс, сегашната администрација правела грешки во борбата со пандемијата од коронавирусот. Тој укажа и на, како што нагласи, „катастрофалното повлекување“ на САД од Авганистан.

The post БАЈДЕН ИМ НАНЕСЕ ИСТОРИСКА ШТЕТА НА САД Според Пенс, инфлацијата е највисока во последните 40 години appeared first on plusinfo.mk.

Демократите, кои го претставуваат обвинението против поранешниот претседател на САД во Сенатот, покажаа претходно необјавено видео од упадот во Капитол Хил.

На видеото се гледа како приврзаниците на Доналд Трамп ги бараат претседателката на Претставничкиот дом, Ненси Пелоси и тогашниот потпретседател на САД, извикувајќи „Обесете го Мајк Пенс“.

На снимката се гледаат судири меѓу демонстрантите и полицијата, на околу триесетина метри од просторијата каде се наоѓа Пенс со своето семејство, каде дел од собраните поставиле бесилка.

Видео материјалите се однесуваат на периодот од околу еден час попладне на 6 јануари, кога првата група приврзаници на Трамп се појави пред Капитол Хил и подоцна насилно упадна во зградата, сè до моментот кога заврши опсадата.

Стејси Плескет, една од менаџерите за отповикувањето, за време на судењето на Трамп истакна дека учесниците на собирот „Да ја спасиме Америка“, немале дозвола да маршираат до Капитол Хил, додека, како што рече, поранешниот претседател не интервенирал, пренесува Гласот на Америка.

Конгресменот од Мериленд, Џејми Раскин, главниот демократ кој ги презентира аргументите за разрешувањето, најави дека менаџерите за отповикување ќе покажат нови вознемирувачки снимки за насилството во Капитол Хил, а особено ги предупреди родителите и наставниците за нивната содржина.

Раскин рече дека презентираните докази ќе покажат дека Трамп не бил невин набљудувач на настанот, туку дека тој се одрекол од должноста врховен командант и станал главен поттикнувач и дека неговите постапки може да го нарушат мирниот трансфер на власта, првпат во историјата.

Менаџерите, конгресмените во улога на обвинители и одбраната на Трамп имаат рок од 16 часа за два дена да ги презентираат своите докази, по што сенаторите ќе имаат вкупно четири часа да поставуваат прашања.

Демократите методички се обидуваат да докажат дека нападот врз Капитол не бил изолиран и спонтан инцидент по еден говор, туку дека тврдењата на Трамп за измама на изборите во ноември, кои тој ги презентираше пред своите приврзаници со месеци, ги поставија темелите за настаните на 6 јануари. Сенатот во вторникот гласаше со 56-44 дека целиот процес е во согласност со Уставот.

На гласањето му претходеше четиричасовно презентирање аргументи од двете страни.

Демократските конгресмени тврдат дека Трамп мора да одговара за своите постапки, додека адвокатите на поранешниот претседател посочија дека судењето за отповикување по истекот на мандатот на претседателот е неуставно.

The post Демократите објавија досега невидено видео од упадот во Капитол Хил appeared first on plusinfo.mk.

Претседателот на САД, Доналд Трамп и највисоките претставници на Белата куќа не биле многу заинтересирани за тоа како е потпретседателот Мајк Пенс и членовите на неговото семејство кои биле во Капитол кога демонстрантите упаднаа во зградата, изјави за Си-Ен-Ен извор близок до Пенс.

Пенс, придружуван од сопругата Карен, ќерката Шарлот и братот, републиканецот Грег Пенс, бил во Капитол за да присуствува на свеченото пребројување на гласовите во Конгресот, кога неколку приврзаници на Трамп упаднаа во зградата и извикуваа „Каде е Мајк Пенс?“. Тоа ги исплашило Пенс и неговото семејство, пренесува Си-Ен-Ен.

Изворот наведува дека после тоа, ниту Трамп ниту неговите соработници не го побарале на телефон за да видат како се Пенс и неговото семејство.

„Дали тој воопшто беше загрижен дека толпата што ѝ наредил да оди во Капитол може да му наштети на потпретседателот или на неговото семејство“, праша изворот.

Никој од Белата куќа не одговори на прашањата на Си-Ен-Ен на таа тема, но луѓе блиски до Пенс веруваат дека тој останал како „жртвено јагне“ што ќе ја сноси вината откако одби да го послуша Трамп и да измисли процедурален пуч што ќе го задржи на власт.

Од вторникот, Пенс, наводно, бил под постојан притисок од Трамп да ги објави резултатите од изборите. Во исто време, Трамп, наводно, го предупредил дека може да очекува значителни политички последици ако одбие да соработува, изјави изворот, додавајќи дека „пораката е повеќе од јасна“.

Медиумот додава дека по вчерашните настани, соработниците на Пенс сметаат дека Трамп го предал, како и шефот на кабинетот на Белата куќа, Марк Медоус и адвокатот Руди Џулијани.

The post Толпата викала „Каде е Мајк Пенс?“, Трамп не му се јавил да го праша како е appeared first on plusinfo.mk.

– Не почувствував ништо – рече Пенс кратко по приемот на вакцината. „Добро направено“, додаде потпретседателот, пренесе „Њујорк Тајмс“.

Вакцината ја прими и неговата сопруга Карен Пенс.

На чинот на вакцинирањето на потпретседателот присуствуваа првите луѓе на американскиот здравствен систем: Ентони Фаучи, националниот експерт за инфективни болести, Роберт Редфилд, директор на Центрите за контрола и превенција на болести и Сима Верма, администратор на Центарот за медицинска нега и услуги.

Настанот се оддржа во извршната деловна зграда Ајзенхауер, каде што лекарите од Националниот воено-медицински центар „Валтер“ Рид ја даваа вакцината.

Новоизбраниот претседател Џо Бајден, исто така на јавен настан, вакцината ќе треба да ја прими следната недела.

Актуелниот претседател Доналд Трамп не го промовираше настанот на Пенс, а на околу една минута пред почетокот на преносот, на Твитер тој напиша „руската измама станува уште поголема лага!“, пренесуваат британските медиуми.

The post Американскиот потпретседател Мајк Пенс се вакцинираше пред камери appeared first on plusinfo.mk.

– Сакам да истакнам дека она што му се случи на Џорџ Флојд е трагедија. И оваа нација, посебно на празникот Џунтин, го слави фактот дека од нејзиното основање се цени идеалот дека сите, секој еден од нас, се создадени еднакови, и прифатени од нашиот креатор со одредени неотуѓиви права. Така, во навистина реална смисла, сите животи се важни – изјави Пенс во интервјуто.

Откако водителот на програмата, Афроамериканец, даде забелешка дека тој сепак не ги изговара зборовите „Црните животи се важни“ и дека постои важна разлика, „кога тоа се кажува се дава до знаење дека црните животи имаат важност, во време кога многумина во општеството не се сложуваат со тоа“.

И покрај коментарот, потпретседателот повторно избегна да го каже слоганот, истакнувајќи дека „не се сложувам со фактот дека дел од американското општество се спротивставува на бесценетоста и важноста на човечкиот живот“.

А потоа се префрли на тема за наводните економски придобивки и подобрениот животен стандард на Афроамериканската заедница во САД под претседателот на Доналд Трамп.

The post Пенс избегна да го каже слоганот „Црните животи се важни“ appeared first on plusinfo.mk.

Американскиот потпретседател, Мајк Пенс, се држи подалеку од претседателот Доналд Трамп, откако неговиот прес секретар излезе позитивен на коронавирусот, потврди портпаролката на Белата куќа, Кејли Мекенени, јави „Гардијан“.

Пенс вчера не присуствуваше на прес-конференцијата на Трамп, ниту во саботата беше на состанокот во Белата куќа со американските воени и претставниците на националната безбедност.

Оваа реакција следеше откако прес-асистентката на Пенс, Кејти Милер, минатата недела се тестираше и се покажа позитивна на коронавирусот.

– Потпретседателот одлучи да одржува дистанца во следните неколку дена – рече Мекенени на прес-конференција во Белата куќа, додавајќи дека, сепак, Пенс ќе одлучи колку долго ќе трае ваквата ситуација.

The post Мајк Пенс се држи на дистанца од Доналд Трамп appeared first on plusinfo.mk.