Матурантите кои не ја положија државната матура во јуни денеска ќе го полагаат првиот, задолжителен екстерен испит – мајчин јазик и литература. На 14 август (четврток), пак, е полагањето на вториот, изборен екстерен испит од државната матура во августовската испитна сесија.

Според податоците на Државниот испитен центар (ДИЦ), за двата испитни дена вкупно се пријавени 1.118 ученици. Тестот по мајчин јазик денеска ќе го полагаат:  352 –  македонски јазик, 225 – албански јазик и девет кандидати – турски јазик.

За полагањето задутре се пријавени: за англиски јазик –  779, еден ученик ќе полага француски јазик, двајца – германски јазик, 27 – математика и еден матурант е пријавен да го полага испитот по естетика.

Според видот на образование, од гимназиско ќе полагаат 265 ученици, средно стручно – 835 и 18 матуранти од средно уметничко образование. Испитите во августовскиот рок кандидатите ќе ги полагаат во простории на факултетите.

МОН и ДИЦ минатата недела ги соопштија резултатите од спроведената државна матура во јуни кои се подобри од минатата учебна година. Посечната оценка на успехот од полагањето на двата екстерни испита во јунската сесија е 3.69 и е повисок од минатата година кога средната оценка беше 3.26. Поголем успех е забележан кај мајчините јазици и кај други предмети, а особено по математика за кој средната оценка е 4.14.

Пријавени за полагање во јунскиот рок беа 15. 004 ученици. Поради обиди за препишување, употреба на електронски уреди и други неправилности, поништени биле тестовите на 172 ученици и тие  ќе може повторно да полагаат во августовскиот испитен рок.

The post 1.118 СРЕДНОШКОЛЦИ ЈА ПОЛАГААТ ДРЖАВНАТА МАТУРА Денеска се полага задолжителниот предмет appeared first on plusinfo.mk.

Нухиу рече дека двајцата градоначалници го прекршуваат членот 137 од Кривичниот законик со тоа што им оневозможуваат на учениците да учат на мајчин јазик и ризикуваат казни од 6 месеци до 5 години затвор.

– Ние мислиме дека треба да ги користиме и инструментите од кривично правен карактер, тоа е член 137 од Кривичниот законик, кој го санкционира прашањето за еднаквост и недискриминација. Било кој градоначалник, па и тој на Гази Баба, кога ќе се покрене кривична, кога ќе му ставаат лисици за кривично дело, казниво од 6 месеци до 5 години, кога ќе му ставате лисици на секој градоначалник кој дискриминира дури и едно дете Албанец, праќаме друга порака, дека институциите на системот работат и не само со политички битки и да играме цртан филм „Томи и Џери“ – изјави Агим Нухиу, заменик министер за образование.

Учениците Албанци во Велес се жалат дека се дискриминирани бидејќи се спречени да се образуваат на мајчин јазик. 16 млади Албанци неколку дена протестираа пред гимназијата „Кочо Рацин“ во Велес откако не успеаа да се запишат во оваа училиште, со истите критериуми кои според нив важеле за македонските ученици. Од вчера овој проблем е решен, но имаат и други поплаки, меѓу кои велат дека во паралелките на албански јазик само 2 до 4 предмети се изучуваат на албански, останатите на македонски.

Во меѓувреме 13 деца од Идризова, општина Гази Баба, се жалат дека не можат да го посетуваат училиштето „Његош“ бидејќи оваа право им е ускратено од VI-IX одделение.

The post ВО ВЕЛЕС И ВО ГАЗИ БАБА УЧЕНИЦИТЕ АЛБАНЦИ БИЛЕ ДИСКРИМИНИРАНИ? Заменикот министер Нухиу најави кривични пријави за двајцата градоначалници appeared first on plusinfo.mk.

Дека таа појава за која зборуваме, односно, тоа што сè повеќе деца прозборуваат на англиски, зборуваат англиски, а својот мајчин јазик го зборуваат на англиски акцент, е навистина присутна, потврдува и логопедот Богдановски со примери од својата пракса,

„Точно е, зголемен е бројот на деца кои проговоруваат на англиски јазик, а сè уште доцнат во усвојувањето на мајчиниот јазик“, вели Богдановски, а причините за ова ги лоцира во тоа што уште од најмала возраст, додека ги хранат, родителите им пуштаат на децата да гледаат цртани на странски јазик. Затоа, вели, тој не треба да се чудат зошто детето не јаде самостојно и зошто детето говори на странски јазик, а не на својот мајчин јазик.

„Детето на три години и постара возраст треба само да се храни користејќи лажица, да внесува тврда храна, а најмалку да биде изложено на модерна технологија во тој период, кој во суштина и е најзначаен за говорно – јазичниот развој кај детето.

Во секојдневјето секој од нас се среќава со мали деца од четири – пет години кои одлично говорат англиски јазик, а својот мајчин јазик скоро и да не го употребуваат, а ако го употребуваат тој е аграматичен и исполнет со странски зборови. Родителите оваа состојба ја сметаат за одлична, сметаат дека нивното дете е екстра талентирано, дека е напредно и дека живее таман како што треба во 21-от век, додека логопедските кабинети ги надминуваат своите капацитети и не постигнуваат со работа, токму поради овие состојби“, тврди Богдановски.

Целиот текст побарајте го на порталот „Мајка и дете“.

Фото: Unsplash

The post Деца на 4 години јадат само блендирано, и тоа исклучиво пред телевизор или мобилен appeared first on plusinfo.mk.

Оливера сподели видео од емисијата во која беше гостин и зборуваше што значи јазикот за неа.

Нејзината тема е поврзана со Меѓународниот ден на мајчиниот јазик, а во нејзината објава, таа посочи една важна работа, а тоа е зачувување на нашите корени, како и на самиот јазик.

„Живееме во чудни времиња. Она што е далеку секој ден, се чини уште подалеку. А она што е близу до нас е сè поблизу и поблиску до нас. Во хаосот на ова искривено огледало на пандемија и апсурд, кои сме ние ако не се стремете кон вредностите“, започнала таа под видеото.
Најдлабокото, оние што се влече од нашите корени и тивко, со шепот нè потсетуваат, кои сме. Затоа, му должиме и на Денот на мајчиниот јазик, ако има нешто, барем благодарност. Што не предупредува да не забораваме. Корените. Мајките. Бабите. Самите себеси.

Меѓутоа, не можам да не се прашувам, дали е мајчин јазик оној што нè учат нашите мајки или е тој со кој ги учиме нашите деца?

За жал, мајка ми немаше. Растејќи во некои други времиња, таа засекогаш остана без тој изворниот, кој ги пишува нашите први приказни. Или можеби и таа го имаше тоа, само не го знаеме неговото име? Во секој случај, среќа е што планетите имаат свој јазик. И да се разбираат. Тие се пак тајно и непогрешливо поврзани, светови за себе. Различни, а исти.

За мене беше чест и одговорност да кажам неколку зборови по повод 20-от Меѓународен ден на мајчиниот јазик. Оние од најоддалечените агли на душата, како што се случува кога од нас проговорува дете на воен сирак, кое пораснало токму тука во Ковачица. Ми шепнаа од мојата Планета, за да ви кажам да не заборавате. Туку, да се сеќавате“, порачала Оливера.

 

View this post on Instagram

 

A post shared by Olivera Balašević (@olivera.balasevic)

ФОТО: Инстаграм

The post Оливера првпат се огласи по смртта на Ѓорѓе Балашевиќ ВИДЕО appeared first on plusinfo.mk.

„Првиот вицепремиер пред присутните рече дека поддршката за употребата на мајчините јазици од страна на државата е од особено значење. Уставот на земјата, но и Законот за јазици овозможува официјална употреба на централно и локално ниво на некои мајчини јазици и заедно со образовниот процес што се одвива на повеќе јазици е најдобриот показател дека ние како општество имаме преземени чекори напред во зголемувањето на вредноста на мајчините јазици“, се вели во соопштението од кабинетот на Груби.

Првиот вицепремиер Груби нагласил дека Министерството за политички систем и односи меѓу заедниците сè повеќе зазема централна улога во креирањето на јазичните политики и интеграцијата на етничките заедници во јавниот живот на земјата. Се разбира, потенцирал Груби, многу важен елемент е соработката со другите институции што се создадени во духот на спроведувањето на Охридскиот рамковен договор.

На оваа дебата, како што соопштија од неговиот кабинет, освен Груби, присутни биле и директорот на Агенцијата за спроведување на јазикот, Илбер Села, директорот на Агенцијата за остварување на малцинските права во РСМ, Еран Куртиш, државниот секретар во Министерството за образование и наука, г. Селатин Белули, директорот на Управата за образование, Милутин Станчиќ, директорот на Управата за култура, Адмир Ујкановиќ, директорот на инспекторатот за упореба на јазиците, Фатмир Исени и заменик министерот во Министерството за политички систем, Илхан Рахман.

The post Груби: Мајчиниот јазик има скапоцена вредност за нашата заедничка држава appeared first on plusinfo.mk.