Омар Артан, судијата од Сомалија кој деновиве стана светска вест откако беше запрен на аеродромот во Мајами, добил забрана за влез во САД поради сомнежи за врски со членови на терористичка организација.

Така тврдат американските власти, кои првпат ја објаснија причината за инцидентот што предизвика реакции и во фудбалската јавност и во Сомалија.

Артан во понеделникот бил задржан на аеродромот во Мајами и покрај тоа што поседувал дипломатски пасош и еднократна американска виза.

Што соопшти Вашингтон?

Според американската администрација, при дополнителните проверки биле откриени информации што го прават неподобен за влез во земјата.

„По понатамошна проверка беа откриени навредливи информации, вклучително и врски со осомничени членови на терористички организации“, соопштија американските власти.

Во истото соопштение се наведува дека администрацијата на Доналд Трамп нема да дозволи безбедносни закани да влезат во земјата.

Од аеродром во Мајами до херојски пречек

Случајот предизвика големо внимание бидејќи Артан требаше да биде дел од Светското првенство и да стане еден од ретките сомалиски судии на такво натпреварување.

По враќањето во татковината, му бил приреден херојски пречек.

Артан претходно тврдеше дека е само фудбалски судија кој поседува валидна документација за влез во Соединетите Држави.

The post 📽️ ПОЗНАТО ЗОШТО СУДИЈАТА ОД СОМАЛИЈА БЕШЕ ВРАТЕН ОД МУНДИЈАЛОТ Го дочекаа дома како херој appeared first on plusinfo.mk.

Горајн Славески уште еднаш го развеа македонското знаме во САД. Борецот со македонско потекло ја забележа осмата победа во борење со голи раце, откако во Мајами го совлада Џони Тељо со едногласна одлука на судиите.

За оваа борба, Славески настапи со специјално дизајнирани боксерски патики изработени од македонскиот бренд RVR Brand. Станува збор за уникатен рачно изработен модел, создаден во тесна соработка со самиот борец и инспириран од темата „Тивко е на ножот“.

FOTN! GOGO SLAVESKI IS MADE OF STEEL! #BKFCHOLLYWOOD | Live NOW on BKFC+ pic.twitter.com/0NsYb9pBH3

— Bare Knuckle FC (@bareknucklefc) June 5, 2026

Македонецот беше подобар во текот на целата борба. Во неколку наврати го испрати Тељо во нокдаун, но неговиот противник успеа да остане на нозе и да го дочека последниот гонг.

Славески го контролираше темпото од почетокот до крајот и не им остави многу дилеми на судиите при конечната одлука.

 

View this post on Instagram

 

A post shared by BKFC (@bareknucklefc)

Иако Тељо издржа до крајот на мечот, нокдауните и доминацијата на Македонецот беа доволни за убедлив триумф.

За Славески ова беше деветти настап во кариерата во БКФЦ и осма победа, со што продолжува да се вбројува меѓу најуспешните борци во организацијата.

Неговиот претходен триумф беше во декември минатата година.

The post 📽️ ТРИУМФИРАШЕ ВО МАЈАМИ, НОСЕШЕ ПАТИКИ СО МАКЕДОНСКИ НАТПИС Славески го собори Џони Тељо со голи раце appeared first on plusinfo.mk.

51-годишната модна дизајнерка Викторија Бекам, објави на својот Инстаграм стори провокативна фотографија со својот сопруг, поранешниот фудбалер Дејвид (50).

На фотографијата – селфи направено преку  прозорецот, Викторија привлече внимание во елегантен црн костим за капење додека позира покрај Дејвид кој е без маица.

Во описот на објавата, таа напиша: „Среќна недела. Бакнежи од Мајами“.

Објавата доаѓа откако нивниот син Круз потврди дека Викторија повеќе нема тетоважи, пренесува „Дејли мејл“.

Поранешната Спајс Грлс, која стана модна дизајнерка, претходно имаше шест тетоважи по телото, вклучувајќи и хебрејска поема на грбот.

За време на Q&A сесија на Инстаграм, нејзиниот син Круз одговорил на прашање дали мајка му има тетоважи: „Не, веќе не.“

Меѓу другите тетоважи на Викторија, биле и иницијалите на Дејвид и датуми важни за нивниот брак на зглобот. Меѓу нив биле и зборовите „Заедно, засекогаш, вечно“, како и датумот на обновување на брачните завети.

На долниот дел од грбот имала пет ѕвезди што ги симболизирале неа, Дејвид и нивните три сина, а не е познато дали подоцна додала уште една за ќерката Харпер.

За отстранувањето на тетоважите Викторија зборувала уште во 2022 година, објаснувајќи дека со текот на времето престанале да ѝ се допаѓаат и дека сакала поедноставен изглед.

Ласерското отстранување на тетоважи користи зраци од обоена светлина за да го разгради мастилото на ситни фрагменти, кои потоа можат да се апсорбираат во крвотокот и да се излачуваат преку црниот дроб и дигестивниот систем. Приватните клиники наплаќаат околу 150 фунти по сесија за мала тетоважа и до 800 фунти за поголема.

Обично се потребни осум до 10 сесии за големи тетоважи.

Постапката може да предизвика привремена непријатност, создавање меури и црвенило, а тетоважата речиси никогаш не исчезнува целосно. Бројките покажуваат дека речиси една петтина од Британците имаат барем една тетоважа.

Иако Викторија ги отстранила своите тетоважи, нејзиниот сопруг сè уште се гордее со десетици по целото тело, а нејзините синови сега исто така носат многу тетоважи.

The post ПИШИ БРИШИ Викторија Бекам објави фотографија во костим за капење и без ниту една тетоважа appeared first on plusinfo.mk.

Повеќе од 600 беспилотни летала и 30 проектили ги нападнаа Киев и енергетската мрежа на Украина, а најамлку три лица загинаа, меѓу кои и дете. Се работи за најмасовниот руски напад во последните месеци.

– Овие напади пред Божиќ, кога луѓето само сакаат да бидат дома со семејствата, покажуваат што му е приоритет на Путин – рече Зеленски.

Зеленски предупреди дека Москва подготвува нов бран напади по празниците, велејќи дека тоа е „нормално за Русија“. Недостигот од системи за воздушна одбрана, како што посочи, ја прави ситуацијата уште потешка.

Russia bombed Ukrainians into darkness before Christmas. Overnight, 650+ drones and 30+ missiles targeted energy and civilian infrastructure in multiple regions. At least three civilians were killed, including a 4-year-old child, and multiple people were injured as homes and… pic.twitter.com/1yaYHmP9OQ

— Kyiv. The City of Courage (@Kyiv) December 23, 2025

Тревогата за воздушен напад била активна во речиси цела Украина. Министерството за енергетика воведе вонредни рестрикции во неколку региони, вклучувајќи го и Киев, каде што делови од градот останале без струја.

Полска објави дека подигналa авиони за да го заштити својот воздушен простор.

Украина го слави Божиќ на 25 декември според новиот календар, иако дел од населението сè уште го празнува и на 7 јануари, како во Русија.

Во вечерното обраќање, Зеленски најави враќање на украинската делегација од Мајами, каде што се одржаа мировните разговори со американскиот специјален претставник Стив Виткоф. Тој оцени дека разговорите биле „конструктивни“, но без конкретен напредок.

Синоќа Украина нападна голема нафтена постројка во Ставропол, која го управува рускиот енергетски гигант „Лукоил“.

УКРАИНСКИ ПОГОДОК, ГОРИ НАФТЕН ГИГАНТ ВО СТАВРОПОЛ Русите возвратија, Полска крена авиони

The post НАГРНАА 600 РУСКИ ДРОНОВИ, РУСИТЕ УДРИЈА ПРЕД БОЖИЌ Зеленски очекува уште напади по празниците appeared first on plusinfo.mk.

Американскиот претседател Доналд Трамп изјавил дека разговорите за прекин на војната во Украина се „блиску до нешто“. Тој го повикал Киев да реагира побрзо, нагласувајќи дека секој пат им треба „предолго време“.

Трамп ја притиска Украина да реагира побрзо

Трамп, зборувајќи пред новинарите во Овалната соба, рекол дека се надева на побрза реакција од украинската страна. Неговиот тим, Стив Виткоф и Џеред Кушнер, планира средба со руската делегација во Мајами овој викенд. Според Белата куќа, тие ќе се обидат да изнудат договор што би ставил крај на инвазијата.

Виткоф и Кушнер веќе се сретнале со украинските претставници во Берлин, каде што разговорите, според американски извори, се движеле во „позитивна насока“, иако најспорно останува прашањето за руското барање да добие украинска територија во секое можно решение.

За Зеленски предлогот за поделба на Запорожје е неправеден

Украинскиот претседател Володимир Зеленски изјавил дека Соединетите Држави предложиле компромис според кој нуклеарната централа Запорожје би била поделена меѓу три страни – Украина, САД и Русија.

– Разговаравме за ова детално и им кажав дека тоа го сметам за неправедно – рекол Зеленски, објаснувајќи дека проблемот не е само во сопственоста на централата, туку и во безбедносните ризици и милитаризацијата на објектот. Тој додал дека централата е во тешка состојба и нема пристап до основни ресурси како вода и електрична енергија.

Мајами како сцена за тивок дипломатски пресврт

Состанокот во Мајами, според изворите на „USNews“ и РИА Новости, ќе биде прв директен обид за конкретен мировен нацрт од страна на администрацијата на Трамп. Американскиот претседател ја опишал ситуацијата како „критична точка“ и изразил уверување дека „се приближуваат кон решение“.

Дипломатскиот притисок од Вашингтон се интензивира, додека Москва и Киев остануваат далеку во ставовите за територијалните прашања.

The post БЛИСКУ СМЕ ДО….НЕШТО Трамп се надева на брзо „да“ од Украина appeared first on plusinfo.mk.

Кремљ денеска соопшти дека Русија се подготвува за контакти со САД за да добие детали за нивните разговори со европските сили и со Украина за евентуален договор за прекин на војната во Украина.

Претходно, американското издание Политико објави дека се очекува американски и руски претставници да се сретнат во Мајами во текот на викендот и дека руската делегација ќе го вклучува и претставникот на рускиот претседател Владимир Путин за инвестиции, Кирил Дмитриев.

Кога беше прашан за медиумските извештаи за состанок во Мајами, портпаролот на Кремљ, Дмитриј Песков, им рече на новинарите дека се планирани контакти со САД.

– Навистина, подготвуваме одредени контакти со нашите американски колеги за да добиеме информации за резултатите од работата што Американците ја завршија со Европејците и со Украина – рече Песков.

САД водеа разговори со Русија, а одделно со Киев и европските лидери, за предлози за прекин на војната во Украина, но не е постигнат договор.

Путин вчера изјави дека Русија ќе заземе повеќе територија во Украина со сила ако Киев и европските политичари, кои ги нарече „млади прасиња“, не се вклучат во предлозите на САД за мирно решавање на конфликтот.

The post РУСКА ДЕЛЕГАЦИЈА ВИКЕНДОВ ЌЕ ЛЕТА ЗА МАЈАМИ? Кремљ сака да види до каде е планот на Трамп appeared first on plusinfo.mk.

Американскиот претседател Доналд Трамп, за прв пат ја коментираше победата на Зохран Мамдани на изборите за градоначалник на Њујорк, обвинувајќи ги демократите за „екстремизам“ и тврдејќи дека резултатот го покажува она што, според него, Демократската партија сака да направи со земјата.

Зборувајќи во Мајами на Американскиот бизнис форум, Трамп рече дека победата на Мамдани, кого го нарече „комунист“, ги одразува политиките на демократите во Конгресот.

– Ако сакате да видите што демократите во Конгресот сакаат да направат со Америка, само погледнете ги резултатите од вчерашните избори во Њујорк, каде што нивната партија постави комунист за градоначалник на најголемиот град во земјата – рече Трамп.

– Се сеќавате кога реков дека никогаш нема да имаме социјалист на која било функција во нашата земја? Тоа е она што го реков … ги прескокнавме социјалистите, ги поставивме комунистите – додаде тој.

Трамп, сепак, рече дека е „отворен“ за соработка, иако претходно се закани дека ќе го намали финансирањето на градот.

– Ќе видиме како ќе испадне. И ќе им помогнеме. Ќе им помогнеме. Сакаме Њујорк да биде успешен. Можеби ќе им помогнеме малку – додаде тој.

Новите изјави на Трамп доаѓаат откако тој предупреди пред изборите дека, ако Мамдани победи, може да го ограничи федералното финансирање на неговиот роден град „на апсолутниот минимум што е законски потребен“.

Трамп додаде дека „Мајами наскоро ќе биде прибежиште за луѓето што бегаат од комунизмот во Њујорк“, тврдејќи дека демократите се „толку екстремни“.

Неговите коментари се првиот јавен одговор на изборниот резултат откако Мамдани ги победи републиканецот Кертис Слива и поранешниот гувернер Ендрју Куомо, кој овој пат влезе во трката како независен кандидат. Трамп јавно го поддржа Куомо еден ден пред затворањето на гласачките места.

Новоизбраниот градоначалник Мамдани, по победата изјави дека неговата администрација ќе застане во одбрана на градот против Трамп. Тој рече дека негова цел ќе биде Њујорк да стане град што луѓето ќе можат да си го дозволат.

Мемдани најави зголемување на даноците за најбогатиот еден процент жители на Њујорк, вклучувајќи и рамен данок од два проценти за секој што заработува повеќе од еден милион долари годишно. Тој, исто така, планира да го зголеми корпоративниот данок на 11,5 проценти, што е горната граница во соседниот Њу Џерси. Според неговите тврдења, ова би собрало околу 9 милијарди долари.

Кога го прашаа дали ова ќе ги избрка работодавците од градот, Мамдани рече дека работниците веќе се принудени да си заминат поради превисоките трошоци за живот, особено трошоците за грижа за деца, што им отежнува на компаниите да ги задржат вработените.

The post НАСКОРО ОД КОМУНИЗМОТ ВО ЊУЈОРК ЌЕ БЕГАТЕ ВО МАЈАМИ! Трамп за прв пат го коментираше изборот на Зохран Мамдани за градоначалник appeared first on plusinfo.mk.

Триесет и две лица беа спасени кога јахтата „Ламборџини“ почна да тоне во близина на Мајами Бич, Флорида, во текот на викендот, соопшти американската крајбрежна стража.

Во соопштението се вели дека јахтата долга 19 метри испловила од островот Монумент во Флорида во саботата, а спасените патници биле однесени во марина во Мајами Бич, објави АП.

Властите објавија дека причината за потонувањето на јахтата сè уште не е позната, додека на социјалните мрежи се наведува дека потонувањето е предизвикано од премногу луѓе.

The post 📽 ПОЧНАЛА ДА ТОНЕ ВО БЛИЗИНА НА МАЈАМИ 32 лица биле спасени од јахтата „Ламборџини“ appeared first on plusinfo.mk.

Новак Ѓоковиќ беше поразен во финалето на мастерсот во Мајами од Чехот Јакуб Меншик со 2:0, по сетови 7.6 (4), 7:6 (4).

Новак, и покрај тешкиот пораз, ја покажа својата големина со тоа што му се поклони на ривалот и призна дека тој е подобар во овој момент. Тој истакна дека Меншик има комплетна игра, со моќен и прецизен сервис, одличен бекхенд и со значително подобрен форхенд. Ѓоковиќ додаде дека е уверен дека Меншик ќе биде еден од најдобрите играчи во светот во иднина, објави Ројтерс.

– Не сакам многу да зборувам, но некои работи морам да ги кажам. Ова е моментот на Јакуб, неверојатен турнир, прв од многу, како што рече тој. Морам да признаам, моментално си подобар, одлично се трудеше во тешки моменти, за младите играчи тоа е многу важно. Ти посакувам сѐ најдобро, можеби ќе ми дозволиш следниот пат да победам, ти имаш повеќе време и години пред себе – кажа Ѓоковиќ.

Ѓоковиќ, исто така, спомена дека денот бил необичен поради доцнењето, предизвикано од дождот и од други околности, но нагласи дека не сака да бара изговори за поразот. Тој изрази благодарност за поддршката од публиката и задоволство од искуството во Мајами, истакнувајќи дека турнирот му донел многу радост и добри чувства на и надвор од теренот.

Со оваа победа, Меншик ја освои својата прва АТП титула и стана вториот најмлад шампион на Мастерсот во Мајами, по Карлос Алкараз кој го освои турнирот во 2021 година на 18-годишна возраст.

ЃОКОВИЌ НЕ УСПЕА ДА СТИГНЕ ДО СТОТАТА ТИТУЛА Младиот Меншик го победи најдобриот тенисер во историјата

The post ВО МОМЕНТОВ СИ ПОДОБАР ОД МЕНЕ Ѓоковиќ се скрши по поразот во Мајами, но му оддаде почит на Меншик appeared first on plusinfo.mk.

Најдобриот светски тенисер на сите времиња, Новак Ѓоковиќ, беше поразен во финалето на Мајами од Чехот Јакуб Меншик со 2:0, по сетови 7:6 (4), 7:6 (4).

Тоа беше можност најдобриот тенисер на сите времиња да ја освои 100-та титула во кариерата, но ќе мора да почека.

Од друга страна, пак, Меншик ја освои својата прва титула во кариерата. Чехот е роден во 2005 година.

ЃОКОВИЌ ГО ЧЕКА ФИНАЛЕТО СО МОДРИНКА НА ДЕСНОТО ОКО Ќе му биде ли тоа проблем во дуелот со Меншик?

The post 🎥 ЃОКОВИЌ НЕ УСПЕА ДА СТИГНЕ ДО СТОТАТА ТИТУЛА Младиот Меншик го победи најдобриот тенисер во историјата appeared first on plusinfo.mk.