Кошаркарот на Лос Анџелес Лејкерс, Лука Дончиќ е суспендиран и ќе го пропушти следниот натпревар на неговиот тим. Причината за суспензијата е 16. техничка грешка што ја доби сезонава што автоматски значи еден натпревар пауза.

Словенечкиот репрезентативец ќе го пропушти дуелот на неговиот тим против Вашингтон, а ќе може да игра против Кливленд. Тој техничката грешка број 16 ја доби на натпреварот со Бруклин во саботата, кога постигна 41 поен.

Дончиќ и претходно имаше добиена една техничка грешка која му беше поништена. Тој е играчот со најмногу технички грешки сезонава. Ист број има добиено и кошаркарот на Феникс Дилон Брукс, а по 12 имаат Дрејмон Грин од Голден Стејт и Ајзеја Стујарт од Бостон.

The post ЛУКА ДОНЧИЌ Е СУСПЕНДИРАН Има најмногу технички грешки сезонава appeared first on plusinfo.mk.

Лука Дончиќ потврди дека ја прекинал врската со својата свршеница Анамарија Голтес и оти води правна битка за старателство над нивните две ќерки, потврди ѕвездата на Лос Анџелес Лејкерс за „ЕСПН“.

– Ги сакам моите ќерки повеќе од сè. Направив сè што можев за да бидат со мене во САД во текот на сезоната, но тоа не беше можно. Неодамна донесов тешка одлука да ја прекинам мојата врска. Сè што правам е за среќата на моите ќерки. Секогаш ќе се борам да бидам со нив и да им го дадам најдобриот можен живот – изјави словенечкиот кошаркар.

Претходно, „Ти-ем-зи“ (TMZ) објави дека Голтес побарала од Лука Дончиќ алиментација и судски трошоци. НБА-ѕвездата и неговата свршеница беа 12 години во врска, и имаат две ќерки: Габриела и Оливија. Извор запознаен со случајот пренесува дека едната ќерка на Дончиќ минала само три дена со својот татко минатата пролет, додека другата никогаш не била во САД, каде што моментно живее словенечкиот кошаркар.

Според изворот, Лука Дончиќ, кој во август минатата година потпиша тригодишно продолжување на договорот со Лос Анџелес Лејкерс во вредност од 165 милиони долари, отсекогаш го издржувал своето семејство и ги плаќал сите трошоци на своите ќерки.

Првата ќерка, Габриела, е родена во ноември 2023 година, додека малата Оливија е родена во декември 2025 година.

Дончиќ изразил желба да ја однесе Габриела во САД на почетокот на декември. Во тоа време, имало несогласувања со Голтес. Таа повикала полиција, но како што се наведува, „не се утврдени елементи на кривично дело или прекршок“ од страна на Дончиќ. Кошаркарот се појавил во болницата во Крањ на денот кога се родило второто дете, а оттогаш наводно не ја видел ниту новородената Оливија ниту неговата (веќе поранешна) свршеница.

На крајот на февруари, тој поднел барање до судовите во Словенија барајќи итна средба со Габриел и Оливија.

Инаку, Дончиќ ѝ предложил брак на Анамарија Голтес во јули 2023 година. Тие се во љубовна врска од 2016 година. Гласините за прекинување на свршувачката се појавија во многу медиуми во последните денови, а сега самиот славен кошаркар го потврди разделувањето.

The post ЛУКА ДОНЧИЌ ЈА ПОТВРДИ РАЗДЕЛБАТА ОД СВРШЕНИЦАТА Сега се бори за старателство врз ќерките appeared first on plusinfo.mk.

Жесток судир на легендите во студиото на ЕСПН ја разниша НБА сцената. Шдкил О’Нил и Чарлс Баркли, двајца поранешни џинови под обрачите, влегоа во бурна расправија околу тоа кој е најдобар играч во лигата – Србинот Никола Јокиќ или француското чудо Виктор Вембањама, јави ЕСПН.

Баркли, познат по директност, го пофали српскиот ас:

– Оно што го прави Јокиќ во моментов е неверојатно. Тој е најдобриот кошаркар во светот. Лесно постигнува трипл-дабл, и каков трипл-дабл! Не со 10 поени и 10 асистенции, туку со 25, 16 и 17 – истакна легендата на „Феникс“.

О’Нил веднаш возврати:

– Го мразам кога го правиш ова. Не го дискредитирај Вемби – реплицираше Шек, видливо вознемирен.

Поранешниот центар на Хјустон не попушти:

– Вемби игра одлично, но не е исто. Тие не се истото животно – дециден беше Баркли.

Врвната точка на напнатост настапи во моментот кога Баркли се истрча со изјавата.

– Јокиќ би те убил – му рече тој на О’Нил, додека на двата панела ги разгледуваа најдобрите потези на сезoната во НБА.

Шекил не остана должен:

– Сан Антонио има 8-2, а Денвер исто така 8-2 – подвлече тој.

Баркли повторно возврати:

– Ако денес се доделуваше МВП, би го избрал Џокер, потоа Лука, па Вемби.

О’Нил му одговори кратко:

– На тенки нозе си.

Никола Јокиќ, според официјалната статистика, моментно има просек од 28,8 поени, 13,1 скок и 10,9 асистенции, додека Вембањама бележи 26,2 поени, 13 скока и 4 асистенции.

Расправијата уште еднаш покажа колку српскиот центар го подели светот на кошарката, меѓу оние кои веруваат дека е најдобар на планетата и оние кои сметаат дека новата генерација веќе го стигнува.

The post ЈОКИЌ БИ ТЕ УБИЛ, МУ РЕЧЕ БАРКЛИ НА ГОЛЕМИОТ O’НИЛ Шек го става Вембењама пред српскиот ас appeared first on plusinfo.mk.

Кошаркарите на Чикаго го отворија ноември со брилијантен настап против Њујорк, победувајќи со 135-125 и освојувајќи ја петтата последователна победа од стартот на сезоната. Тимот го повторува духот од ерата на Мајкл Џордан, со најдобар сезонски почеток по 1996 година.

Џош Гиди одигра партија од соништата, постигнувајќи 32 поени – негов личен рекорд, а Никола Вучевиќ додаде 26 поени, контролирајќи го ритамот на играта. Мечот донесе офанзивен спектакл, со голема енергија и бројни атракции на паркетот во „Јунајтед центар“.

Меѓутоа, вечерта не помина без возбудување и на други арени. Словенечкиот ас Лука Дончиќ се врати по пауза од три натпревари и го предводеше Лос Анџелес Лејкерс до триумф над Мемфис со 117-112. Дончиќ беше незапирлив, завршувајќи со 44 поени, 12 скокови и шест асистенции.

Понатаму, дербито меѓу Филаделфија и Бостон заврши со минимална предност за „Селтикс“ од 109-108, додека Кливленд не успеа да ја задржи предноста против Торонто, губејќи со 101-112.

Резултати од останатите натпревари:
Индијана – Атланта 108-128,
Феникс – Јута 118-96,
Мемфис – ЛА Лејкерс 112-117,
ЛА Клиперс – Њу Орлеанс 126-124,
Портланд – Денвер 109-107.

Сепак, вечерта ја обои Чикаго – градот каде кошарката повторно доби енергија што потсетува на славните деведесетти.

The post ЧИКАГО СЕ РАЗБУДИ, НАНИЖА 5 ПОБЕДИ Најдобар почеток на сезона по славната 1996 appeared first on plusinfo.mk.

Кошаркарот на Лос Анџелес Лејкерс, Лука Дончиќ, ја купи куќата на поранешната светска тенисерка број еден, Марија Шарапова, во Менхетен Бич, објави „Basket Infos“.

Дваесет и шестгодишниот Словенец платил 25 милиони долари за луксузниот имот. Дончиќ ја избрал куќата како свој нов дом во Калифорнија, еден од најпривлечните крајбрежни региони во САД.

– Менхетен Бич е едно од најубавите места во Калифорнија и совршено се вклопува во мојот животен стил. Среќен сум што ја најдов оваа куќа – изјави Дончиќ за медиумите.

Претходно беше објавено дека Шарапова ја ставила куќата на продажба затоа што поголемиот дел од времето го поминува на друго место со својот сопруг, британскиот бизнисмен Александар Гилкес.

Со купувањето на оваа куќа, Дончиќ дополнително ја зацврсти својата позиција како една од најголемите спортски ѕвезди на светско ниво, не само на теренот, туку и во светот на луксузниот имот.

The post ДОНЧИЌ ЈА КУПИ ЛУКСУЗНАТА КУЌА НА МАРИЈА ШАРАПОВА Словенецот плати 25 милиони долари за вилата во Менхетен Бич appeared first on plusinfo.mk.

По елиминацијата на Италија од Евробаскетот селекторот Џанмарко Поцеко поднесе оставка. Тој на прес конференцијата по дуелот беше емотивен и со солзи во очите изјави дека повеќе нема да седи на клупата на Италија.

–  Ова беше мој последен натпревар со италијанската репрезентација. Сакам да им се заблагодарам на сите кои беа дел од тимот, како и на менаџерот на репрезентацијата и на претседателот на федерацијата. Вечерва сум тажен, не заради поразот туку дека ги гледам дека сите се во жалост. Може да најдат нов тренер како мене, но нема да најдат некој што ќе ги сака повеќе од мене – изјави Поцеко.

Италија вечерва во осминафиналето загуби од Словенија со 77:84. Оваа репрезентација остана без четвртфинале за првпат по 2013 година.

Poceko se rasplakao nakon poraza Italije i napustio konferenciju: Je*e mi se kakav sam trener!#pozzecco #eurobasket #italy pic.twitter.com/7dU80DOl5O

— Sportal.rs (@SportalSrbija) September 7, 2025

The post 📽️ ПОЦЕКО ВО СОЛЗИ ПО ПОРАЗОТ ОД СЛОВЕНИЈА Италијанскиот селектор поднесе оставка appeared first on plusinfo.mk.

Кошаркарот на Лос Анџелес лејкерс, Лука Дончиќ донираше голема сума пари за да помогне во обновувањето на муралот во чест на легендата на тимот Коби Брајант.

Вандали го осквернавија и оштетија муралот во чест на поранешниот кошаркар, на кој тој беше претставен заедно со неговата ќерка Џиџи. Еден ден подоцна, Дончиќ префрлил 5.000 долари за да плати за реставрација на ѕидот, пишува „Лос Анџелес Тајмс“.

– Коби е Лос Анџелес. Тој и Џиџи значат многу за овој град, за организацијата на Лејкерс и за мене лично. Среќен сум што правам сѐ што можам за да го почитувам нивниот спомен – рече Дончиќ.

Брајант и неговата ќерка загинаа во хеликоптерска несреќа во 2020 година.

 

View this post on Instagram

 

A post shared by ESPN (@espn)

The post 📷 ВАНДАЛИ ГО ОШТЕТИЈА МУРАЛОТ НА КОБИ Лука Дончиќ со емотивен гест ја враќа честа на легендата appeared first on plusinfo.mk.

The post 🎥 НА ДОНЧИЌ МУ ДОЈДЕ ПРЕКУ ГЛАВА ВО ЗАВРШНИЦАТА СО МЕМФИС Бурно реагираше на грубиот фаул appeared first on plusinfo.mk.

„Драг Лука, сите знаат дека си фудбалер од светска класа. Но, мојот внук Дуле, кому му си пример и инспирација, исто така виде дека си прекрасен човек. Ти благодарам што израдува едно момче од Белград со овој потпишан дрес”, напиша Неда покрај снимката од нејзиниот воодушевен внук на Инстаграм.

Модриќ на својот дрес додаде и посвета за малиот Душан.

Неда Украден има три внуци, близначките Александра и Неда и внукот Душан. Тие се деца на нејзината единствена ќерка Јелена, која Неда ја имаше во бракот со покојниот режисер Милан Билби.

 

View this post on Instagram

 

A post shared by Neda Ukraden (@neda.ukraden)

The post 📽 ДОНЧИЌ ПОТПИША ДРЕС ЗА ВНУЧЕТО НА НЕДА УКРАДЕН Пејачката му заблагодари на Инстаграм appeared first on plusinfo.mk.

Дебито на Лука Дончиќ за Лос Анџелес Лејкерс помина во голем стил, но тој самиот призна дека му било малку непријатно и имал трема.

Дончиќ го одигра првиот натпревар во дресот на „езерџиите“ по трејдот, против Јута. Во своето деби за својот нов клуб, тој постигна 14 поени, забележа пет скока и четири асистенции, додека Л.А. го совлада противникот за шестата последователна победа (132:113).

– Леле, многу луѓе. Тоа беше нешто посебно. Кога ги гледав момците на теренот на последните натпревари, само мислев дека сакам да играм со нив – рече Лука Дончиќ при пристигнувањето на прес-конференцијата по долгоочекуваното деби за Лос Анџелес Лејкерс.

Дончиќ во дебито постигна 14 поени, но шутот не му одеше најдобро. Тој погоди 5 од 14 обиди од поле по долгото лекување на повредата на глутеалниот мускул, а последен пат играше на Божиќ.

– Бев малку нервозен. Тоа не ми се случило пред натпревар долго време. Не сум играл долго време. Ова е нов тим за мене. Но, беше забавно на теренот, призна словенечкиот репрезентативец и додаде: „Ова е нов тим, ново сè. Ми се допаѓа начинот на кој ми помогнаа – моите соиграчи, Роб (Пелинка, ГМ), Џини (Бас, сопственик). Чувствував голема поддршка. Беше очигледно… Кога дојдов во салата, ги видов сите дресови „Лука“. Надреално чувство“.

 

View this post on Instagram

 

A post shared by Los Angeles Lakers (@lakers)

Пред натпреварот го охрабри и Леброн Џејмс кој му порача да биде тоа што е.

– За Леброн да каже нешто такво ми дава дополнителна самодоверба. Се наежив. Посебно е. Тој ја гледа играта поинаку од многу луѓе, неговата интелигенција е луда. И знаете, имајќи двајца такви момци на теренот, мислам дека тоа ќе му помогне на целиот тим – рече Дончиќ.

Натпреварот го следеше и Дирк Новицки, легендата на Далас Маверикс.

– Многу ми значи. Дека дојде. Тој е мој голем пријател, секогаш сум го гледал, тој е одличен ментор. Фактот што се појави, што долета од Далас е неверојатно и јас навистина, навистина го ценам тоа – додаде Дончиќ.

Luka Dončić’s first game as a Laker is in the books!

14 PTS | 5 REB | 4 AST | 6th straight Lakers W

Just getting started on his new era in Los Angeles pic.twitter.com/hsW0Nxao4F

— NBA (@NBA) February 11, 2025

The post 📽️ „ЛЕЛЕ МНОГУ НАРОД, ОДАМНА НЕ СУМ ИМАЛ ТРЕМА“ Дончиќ дебитираше за Лејкерс, а фановите добија подарок дрес appeared first on plusinfo.mk.