Расел Бренд, осуден на 10 години и шест месеци затвор за силување и три сексуални напади, би можел да биде преместен од лондонскиот затвор Вандсворт во затворот Вејкфилд во Западен Јоркшир. Според британскиот „Сан“, неговиот случај е предмет на проценка за преместување, а извор близок до затворската служба тврди дека трансферот би можел да се случи во наредните денови или недели.

Вејкфилд е затвор од највисока, А-категорија на обезбедување, во кој се сместени некои од најозлогласените осуденици во Англија. Во октомври 2025 година таму беше избоден до смрт Ијан Воткинс, поранешниот пејач на Lostprophets, осуден на 29 години затвор за сексуални злосторства врз деца. Еден месец подоцна во истиот затвор беше убиен и осудениот убиец на дете Кајл Беван.

Затворот го носи и мрачниот прекар „Monster Mansion“ поради големиот број затвореници осудени за убиства и сексуални престапи. Според податоците наведени во извештај од инспекција во 2025 година, во тој период таму имало 630 затвореници, од кои околу две третини биле осудени за сексуални кривични дела. И покрај насилните инциденти, изворите на „Сан“ велат дека Вејкфилд се смета за побезбедна опција за Бренд поради поголемиот број и подобрата обученост на затворските службеници.

Доколку биде преместен, Бренд најверојатно првично ќе биде одвоен од другите затвореници. Според изворите на весникот, неговата слава и природата на кривичните дела за кои е осуден би можеле да го направат цел на напади. Затворските власти веќе направиле проценка на ризикот поврзан со делењето ќелија, по која тој бил сместен сам во Вандсворт.

Во меѓувреме, поранешен затвореник од Вандсворт, Крис Аткинс, кој таму поминал осум месеци поради даночна измама, го опиша затворот како „пекол на земјата“. Тој вели дека првиот месец е најтежок поради психичкиот шок, изолацијата и наглото губење на слободата. Според него, за Бренд дополнителен товар ќе биде и реакцијата на другите затвореници поради кривичните дела за кои е осуден.

Бренд беше прогласен за виновен на почетокот на ноември за силување на една жена и сексуални напади врз три други жени, во периодот од 2004 до 2009 година. Беше ослободен од обвиненијата за уште две силувања и за обид за непристоен напад. На 9 ноември судот во Лондон му изрече казна од 10 години и шест месеци затвор. Според важечките правила, по отслужување две третини од казната, односно по седум години, би можел да биде пуштен на условна слобода, со обврски што ќе мора да ги почитува до истекот на казната.

Затворската служба одбила да коментира за евентуалното преместување на затвореникот.

The post НА РАСЕЛ БРЕНД МУ ПРЕТСТОЈАТ ПЕКОЛНИ ГОДИНИ Британскиот комичар би можел да заврши во озлогласениот затвор Вејкфилд appeared first on plusinfo.mk.

Затворениците во машкиот затвор „Вејкфилд“ наводно го зеле 46-годишниот Воткинс како заложник пред брутално да го претепаат и избодат, пренесува „Дејли мејл“. Извори тврдат дека Воткинс на многу затвореници не им се допаѓал и дека има мета на грбот.

Музичарот бил нападнат во саботата додека затворениците чекале ден кога ќе има помалку персонал. Ситуацијата ескалирала толку многу што морало да се чека тим од специјално обучени полицајци да се справат со ситуацијата, пренесува „Сан“.

Тие фрлиле шок-бомби во ќелијата за да го ослободат Воткинс од другите затвореници откако упаднале во крилото на затворот. Според странските медиуми, осудениот педофил врескал од страв за својот живот, а целото крило на затворот во Западен Јоркшир брзо било затворено.

Нападот, кој започна околу девет часот во саботата, траел шест часа, додека полицијата не го ослободиле Воткинс. Друг извор рекол за „Мирор“ дека Воткинс бил претепан пред да биде избоден и дека болничарите биле видени надвор од затворот како му даваат медицинска помош за да му го спасат животот.

Да потсетиме, поранешниот рокер во 2013 година беше осуден на 35 години затвор за 13 злосторства врз деца, меѓу кои и обид за силување на 11-месечно бебе. Тој, исто така, призна заговор за силување дете, три точки по обвинението за сексуално злоставување на деца, седум точки за снимање, правење или поседување непристојни фотографии на деца и една точка за поседување екстремна порнографска фотографија со сексуален чин врз животно.

The post ПОЗНАТИОТ МУЗИЧАР ПЕДОФИЛ ПРЕТЕПАН И ИЗБОДЕН ВО ЗАТВОР Шест часа го држеле како заложник appeared first on plusinfo.mk.