Светскиот тенисер број еден, Србинот Новак Ѓоковиќ, е елиминиран во осминафиналето на турнирот во Монте Карло од Италијанецот Лоренцо Музети, 21. на АТП листата.

Мечот заврши со 6:4, 5:7, 4:6 за Италијанецот. Нервозниот српски тенисер имаше сѐ во свои раце, сет предност и водство од 4:2, но не успеа да победи по три часа борба.

Иако го држи рекордот со 38 титули на Мастерс 1.000, Ѓоковиќ само двапати победил на тлото на Монако во 2013 и 2015 година и оттогаш не се пласирал во четвртфиналето.

Музети за пласман во финалето ќе се соочи со сонародникот Јаник Синер.

Ѓоковиќ беше нервозен, а кога го загуби сервисот при крајот на вториот сет, целосно збесна. Кога се приближуваше до клупата, со сета сила го згазна рекетот што стоеше таму, го скрши и го фрли.

Беа забележани 14 брејка во првите два сета, само еден во третиот.

Временските услови беа тешки за двајцата играчи. Дуваше силен ветер, а на почетокот на третиот сет имаше еден час пауза поради дожд. Ѓоковиќ на теренот се појави со преврзан лакт, што веројатно му го отежна сервирањето.

The post (ВИДЕО) ПОРАЗЕНИОТ ЃОЌОВИЌ ЗБЕСНА, ГО ЗДРОБИ РЕКЕТОТ! Елиминиран е од Лоренцо Музети, 21. на АТП листата appeared first on plusinfo.mk.