Кина денеска првпат по речиси три години повторно ги отвори своите граници и ги укина мерките за карантин за меѓународните посетители, иако земјата се бори со порастот на бројот на заразени луѓе со коронавирус. На меѓународните посетители сепак ќе им треба негативен ПЦР тест направен 48 часа пред патувањето.

Повторното отворање на земјата доаѓа на почетокот на првиот период на патување за време на Лунарната Нова година, при што се очекува да патуваат две милијарди луѓе, двојно повеќе од минатата година.

Во изминатите три години, Кина имаше една од најстрогите здравствени политики во светот, што резултираше со бројни ограничувања, чести барања за тестирање, а самата политика имаше значително влијание врз економијата на земјата.

Владата неодамна отстапи од таа политика по масовните протести низ целата земја, предизвикани од пожар во висококатница во регионот Ксинџијанг, при што загинаа 10 лица поради тогашните тековни ограничувања на движењето.

The post КИНА ГИ ОТВОРА ГРАНИЦИТЕ ЗА СТРАНЦИ ПО ТРИ ГОДИНИ ЛОКДАУН За влез ќе биде потребен негативен ПЦР-тест appeared first on plusinfo.mk.

На почетокот на декември, поради зголеменото незадоволство на населението, Кина без претходна најава ги откажа повеќето строги здравствени мерки спроведени како дел од политиката „нулта ковид” што ја спроведуваше од 2020 година. Укинати се карантините и ограничувањата за патување, кои исто така значително се одразија на кинеската економија.

„Откако кинеската влада ги укина практично сите мерки за заштита од корона вирусот, се случи токму она што многумина го предвидоа: само мал број кинески граѓани беа воопшто вакцинирани, а ефективните mRNA вакцини од Европа или САД никогаш не стигнаа ни во Кина. Тоа значи дека многу луѓе се разболуваат, а уште повеќе одат на боледување од страв дека може да се заразат“, се вели во анализа на Дојче веле.

Од укинувањето на мерките се случи експлозија на инфекции со ковид-19, а голем дел од населението е оставено само на себе, во време кога има недостиг од антипиретици и тестови поради огромниот пораст на побарувачката. Низ целата земја, градските власти се обидуваат да се справат со повторното појавување на инфекцијата, која ги испразни полиците во аптеките и ги наполни болниците, а крематориумите се чини дека се преполни, јавија западни медиуми.

Кинеската Национална здравствена комисија (НХЦ) oд денеска престанува да објавува дневни податоци за ковид-19, чија веродостојност беше доведена во прашање откако бројот на случаи на инфекција нагло се зголеми поради олабавување на мерките.

„Важни информации за ковид-19 ќе бидат објавени од Кинескиот центар за контрола и превенција на болести (ЦДЦ) заради референци и истражување”, соопшти комисијата, но не ги наведе причините за промената или колку често ЦДЦ ќе објавува податоците.

Кина ја смени дефиницијата за смртни случаи од ковид-19, регистрирајќи ги само оние кои починале од пневмонија или респираторна инсуфициенција, што предизвика неодобрување кај глобалните здравствени експерти.

Ерфинити (Airfinity), компанија за здравствени податоци со седиште во Велика Британија, минатата недела процени дека Кина се соочува со повеќе од милион случаи на инфекција и 5.000 смртни случаи секој ден.

The post ПОЛОВИНА МИЛИОН ЛУЃЕ ДНЕВНО СЕ ЗАРАЗУВААТ Кина нема да објавува бројки од короната, нема локдауни, но светот стравува appeared first on plusinfo.mk.

Со бел лист во раката која преставува „сѐ што не смеат да кажат“ протестираат младите кинески студенти и граѓани во најмалку 10 градови низ земјата. Ова се луѓе се изморени од тримесечните локдауни, а дури и тие што остануваат во становите се гладни, пишува Кристијан Котарсски, вонреден професор од Факултетот за Политички науки  на Хрватска за Данас. Синоќа беше претепан новинар на Би-Би-Си „за негово добро, да не се зарази со ковид“, а Ројтерс дознава дека кинеските власти трагаат по организаторите на протестот кој изби викендов.

Денеска протестите стивнаа бидејќи полицијата остана на улиците по градовите. Двајца демонстранти изјавиле за Ројтерс дека луѓе кои се идентификувале како полицајци од Пекинг побарале од нив да се пријават во полициска станица во вторник со писмени извештаи за нивните активности во неделата вечерта. Еден студент, исто така, рече дека луѓето биле прашани од нивниот колеџ дали биле во областа каде што се случил протестот и да дадат писмен извештај.

Blank sheets of paper have become an iconic item during China Covid protests

Many are now referring to the movement as the “white paper revolution” or the “A4 revolution”

Follow latest

— BBC News (World) (@BBCWorld) November 28, 2022

– Сите ние очајно ја бришеме нашата историја на разговори (од нашите телефони) – изјавило друго лице кое било сведок на протестот во Пекинг, а кое сакало да остане анонимно.

Лицето рече дека полицијата ги прашувала како слушнале за протестот и кој бил нивниот мотив да одат. Но, останува нејасно како властите ги идентификувале луѓето за да ги испрашаат за нивното учество во протестите, а исто така не е јасно колку такви луѓе имаа намера да испрашаат.

„Сакаме демократија, а не диктатура“, се извикуваше на протестите и се носеа транспаренти со бели А4 листови.

Дури работите отидоа дотаму што еден голем производител на хартија во Пекинг мораше да ги негира гласините дека престанал да продава  А4 хартија поради националната безбедност.

The post „СЀ ШТО НЕ СМЕЕМЕ ДА КАЖЕМЕ ЗА ЛОКДАУНОТ“ Кинезите гневни, протестираат со бели А4 листови, полицијата апси appeared first on plusinfo.mk.

Снимка од протестот го обиколи интернетот. Градот Ксинџијанг Урумчи имаше еден од најдолгите локдауни во земјата, дури 100 дена без излегување од дома. Но, без разлика на тоа, градот пријавил 100 нови случаи вкупно во последните неколку денови.

More Covid protests pic.twitter.com/6zyhZhx23R

— China Uncensored (@ChinaUncensored) November 25, 2022

Ксинџијанг е дом на 10 милиони Ујгури, малцинската група муслимани чии права се погазени во Кина. Групите за права и западните влади долго време го обвинуваат дека ги принудува Ујгурите на работа во логори за интернација. Кина силно ги отфрла таквите тврдења.

За пожарот се огласија и властите во градот. Тие утринава пред новинарите негираа дека мерките за ковид-19 го попречиле бегството од зградата и спасувањето, но рекоа дека дополнително ќе го истражат случајот.

Едно од официјалните лица рече дека жителите би можеле да избегаат побрзо ако подобро ја разбрале безбедноста од пожари.

Кина регистрираше 34.909 дневни локални случаи, што е ниски според глобалните стандарди, но во земјата е трет рекорд по ред, при што инфекциите се шират во повеќе градови, а со тоа и заклучувањата.

The post СТАНЕТЕ СИТЕ ВИЕ ШТО НЕ САКАТЕ ДА СТЕ РОБОВИ Кинезите протестираат против локдаунот (ВИДЕО) appeared first on plusinfo.mk.

 Големите плати биле понудени бидејќи фабриката претходниот месец изгуби многу работници кои едноставно почнале да не одат на работа исплашени поради растечкиот број на случаи со ковид-19 во градот. Потоа, дошле новите работници. Според изјава на еден од вработените, на новите работници им биле сменети дтоговорите за да не можат да ги добијат ветените субвенции, истакнувајќи дека биле ставени во карантин без храна.

Trabajadores de Foxcon y apple en china protestando contra las medidas x covid. https://t.co/poXUkeaBbH

— ALEX (@Goticana01) November 23, 2022

Компанијата „Фокскон” која е добавувач на производи за „Ејпл” денеска објави соопштение со извинување за настаната „техничка грешка во процесот на исплата“. Компанијата уверува дека платите на новоангажираните работници се соодветни на договореното односно како што било посочено во официјалниот оглас за вработување во компанијата.

 Според немилосрдно спроведената политика „нулта ковид“ на Кина, дури и најмал скок на инфекции доведува до затворање на цели градови и задолжителен карантин за секој што ќе биде позитивен на коронавирусот. За повеќето луѓе, оваа стратегија предизвикува замор, отпор и незадоволство.

Дали Кина го направи овој потег за да го сопре протестот на работниците? Земјата го пријави својот најголем досега број нови случаи на ковид-19 во четвртокот со 31.444 нови инфекции. Официјалниот број на загинати во Кина остана низок на нешто повеќе од 5,200 смртни случаи од почетокот на пандемијата.

The post КИНА ГИ ЗАМОЛЧИ РАБОТНИЦИТЕ ВО ЖЕНГЖУ СО ЛОКДАУН? Шест милиони луѓе во градот ќе бидат затворени поради новите случаи appeared first on plusinfo.mk.

Кина прекуноќ затвори индустриски град со девет милиони жители, информирајќи денеска за над 4.000 случаи позитивни на коронавирус. Кинеската стратегија „нулта-ковид“ се соочува со бран на варијантата омикрон, јавија локални медиуми.

Со нови 4.770 инфекции ширум земјата, синоќа се донесе одлука, градот Шенјанг да биде под „локдаун“.

Во Шенјанг регистрирани се 47 нови случаи на вирусот. Сега на жителите им е забрането да излегуваат без 48-часовен негативен резултат на тестот за ковид.

Покрај „локдаун“, Кина во борбата со вирусот користи и масовно тестирање и затворања на посебни области во градови. Во саботата, беше соопштено дека во земјата се евидентирани два смртни случаја со ковид-19, за првпат по повеќе од година дена.

The post ВО ЛОКДАУН ОДИ ГРАД ОД 9 МИЛИОНИ ЖИТЕЛИ Регистрирани се 47 новозаразени appeared first on plusinfo.mk.

И покрај предупредувањата на Кери Лам, шефицата на градот дека целосен локадун на градот би било неизводливо поради тоа што многу од граѓаните живеат во мали станови, претседателот веќе најавува нови мерки.

– Градот мора да ги преземе сите неопходни активности за да се осигураат безбедноста и здравјето на жителите на Хонг Конг – изјавил Си.

Неговата изјава весниците ја толкуваат како предупредување дека претседателот нема да толерира неуспех на нулта-ковид политиките. Си нагласи дека градот мора да ги „мобилизира сите можни сили и ресурси“ за да го заштити здравјето на жителите и да ја одржи социјалната стабилност.

Хонг Конг има околу 7,5 милиони жители, а болниците веќе се преполнети. Најмалку две болници ги сместија пациентите во кревети надвор од нивните влезови. Се наполнија и државните карантински кампови, па владата мораше да ги искористи социјалните станови и 10.000 хотелски соби за да ги сместува и изолира блиските контакти на луѓето кои биле заразени.

The post ХОНГ КОНГ ВЛЕГУВА ВО ТЕЖОК ОМИКРОН-БРАН Драконските мерки на Си Џинпинг не даваат резултати appeared first on plusinfo.mk.

Според истражувачите од Универзитетот „Џонс Хопкинс“, ограничувањата наметнати во пролетта 2020 година, поради коронавирусот, имале мал ефект врз смртноста во САД и во Европа. Но, доведоа до сериозни економски и социјални штети.

Ограничениот пристап до отворени простори, особено паркови и плажи, ги натера луѓето да се состануваат во затворени простории, каде што ризикот од инфекција е многу поголем, сметаат истражувачите. Научниците критикуваат мерки, како што е задолжителната самоизолација – мерката ја намали смртноста од Ковид-19 за само 2,9 отсто, а во некои случаи, напротив, ја влошува ситуацијата.

– Задолжителната самоизолација може да го остави пациентот опкружен со своето семејство, каде што ризикува да пренесе поголемо вирусно оптоварување на своите роднини, а тоа да доведе до посериозна болест – нагласуваат авторите.

Сепак, тие забележуваат дека стопирањето на несуштинските активности на фирмите, имало позитивно влијание, бидејќи ја намалило смртноста за 10,6 отсто.

Експертите велат дека „затворањето“ има негативно влијание врз социо-економската ситуација во САД и во европските земји. Конкретно, зголемени се стапките на невработеност, семејното насилство, како и предозирањето со дрога. Дополнително, се влошил и квалитетот на образовниот процес.

Експертите заклучуваат дека политиките за „заклучување“, не се од суштинско значење и не треба да се спроведуваат за време на пандемија.

The post ЗА ЏАБЕ СЕДЕВМЕ ДОМА Локдаунот имал мал ефект на смртноста appeared first on plusinfo.mk.

Но, и покрај тоа што омикрон-сојот ги урива досегашните рекорди на заразеност некои европски земји навистина се „опуштаат“. Британија, Шпанија и Португалија веќе ги симнуваат маските и поголемите ковид-рестрикции, во надеж дека пролетниот бран ќе биде последен во кој „природниот“ имунитет ќе надвладее и вирусот ќе стане како обичен грип. Сепак, тоа се земји кои се приближуваат до посакуваната вакцинираност од 80 отсто, за разлика од Македонија каде процентот се движи околу 40 отсто.

Дури и Австрија реши да го укине локдаунот за невакцинираните, а Полска размислува за „нова стратегија“. Германија уште строго се бори со короната, а во Париз изби скандал во однос на тоа дали оние кои одбиваат вакцина треба да продолжат да добиваат државно здравство. Во срцето на Европа во Брисел, над 50.000 Белгијци протестираат против мерките. Насилство има и во Канада, каде камионџиите заедно со некои полицајци најавуваат големи демонстрации.

Што од мерките треба да биде укинато? Епидемиолозите имаат различни мислења. Сите велат дека доаѓа крајот, но не баш. Можно е да има нови соеви. Таков е и новиот БА. 2 кој веќе прошетал во над 40 земји.

А, еве како различните земји се справуваат со вирусот.

Италија

Во Италија, бројот на дневни случаи на ковид-19 паѓа шест последователни дена, бидејќи здравствените власти во земјата ги зајакнаа своите антивирусни мерки во последните недели, во обид да го задржат ширењето на варијантата омикрон. Сепак, земјата се спрема за олабавување.

– Како што забележа и Светската здравствена организација, се приближуваме до врвот на инфекции. После тоа, ќе мора да ги приспособиме нашите правила и нашиот модел на новата фаза на пандемијата со која се соочуваме – признава италијанскиот министерот за здравство Роберто Сперанза.

Хрватска

Во Хрватска на референдум со популарни потписи се бара укинување на сертификатот за имунизација против ковид-19. Според предлагачите, целта е да се укинат дискриминаторските нелогични потврди за вакцинација, како и да се спречи малтретирање на граѓаните и преоптоварување на здравствениот систем во земјата.

Финска

Финска ќе почне постепено да ги ублажува ограничувањата наметнати поради ковид-19 веќе на 1 февруари наместо во средината на февруари, како што беше првично планирано, во услови на забележано растоварување на болничкиот систем, соопшти синоќа Владата. Работното време ќе се врати до 21, наместо до 18 часот, а ќе бидат отворени јавните објекти.

Финска има само 1.919 смртни случаи, а население од 5,5 милиони жители.

Франција

Шефот на болничкиот систем во Париз предизвика жестока дебата за тоа дали луѓето кои одбиваат да се вакцинираат против ковид-19 треба да продолжат да добиваат бесплатно болничко лекување, јавија француските медиуми. На ова се побунија десничарите, а не се согласи на градоначалничката Ан Идалго.

Францускиот здравствен систем го покрива лекувањето на сите пациенти примени на одделенијата за интензивна нега, при што трошоците за еден ден престој во такво одделение се проценуваат на 3.000 евра, а третманот обично трае од една недела до десет дена.

Полска

Учениците од петто одделени и погорните класови во Полска се враќаат на учење од далечина откако земјата објави рекорден пораст на случаи на новозаразени со коронавирус, втор ден по ред. Во изминатите 24 часа бројот на заболени е зголемен за 57.659, соопшти Министерството за здравство. Во истиот период во Полска, која има 38 милиони жители, починале 262 лица.

Германија

Германскиот канцелар Олаф Шолц се изјасни против олабавувањето на мерките за контрола на пандемијата, бидејќи инфекциите со ковид-19 во Германија продолжуваат да растат и достигнаа нов рекорд оваа недела.

– Секако дека не е соодветно да се релаксираат правилата општо среде бранот омикрон. Не ни треба корекција на курсот – рече Шолц.

И покрај тоа, Германија има 60 милијарди евра во буџетот наменети за короната, кои ќе ги пренамени за инвестирање во зелена енергија и дигитализација. Оваа одлука на Бундестагот беше осудена од опозицијата.

Канада

Премиерот на Канада Џастин Трудо се изолирал откако дознал дека бил во контакт со лице заразено со ковид-19. Информацијата ја објави Трудо на својот Твитер профил. Во државата има над 250 илјади активни случаи на заразени. Со две дози е вакцинирано 87 отсто од населението во Канада.

Во меѓувреме, конвој камионџии што треба да дојдат во Отава во знак на протест против вакцинацијата за возачи кои преминуваат граница ја поттикна канадската полиција да се подготви за можно насилство. Се смета дека и дел од полицајците се на страната на камионџиите.

Холандија

Во Холандија, има сè поголеми повици за олеснување на ограничувањата за рестораните и културните места, без разлика што новите инфекции со ковид-19 достигнаа рекордно ниво во последните денови.

Според холандската индустрија за ресторани и угостителство, ограничувањето на секторот нема да ја постигне целта за потчинување на пандемијата, туку ќе го отежне одржувањето на рестораните и баровите.

Какви се вкупните бројки во светот?

Сајтот worldometers.com нуди и вкупни бројки по земја. Тоа е бројот на случаи кои го пријавила земјата.

Па така, по новозаразени, САД пријавиле 71.812.665 лица, потоа Индија (40.371.500), Бразил (24.311.317), Франција (17.252.793) и Велика Британија (16.149.323).

САД пријавиле и најголем број смртни случаи – 866.039, следат Бразил (623.843) и Индија (491.700), Русија (328.770) и Мексико (303.776).

Оваа статистика е различна од бројката смртност и новозаразени мерено на 1 милион жители, според која Перу е на прво, а Македонија на шесто место во светот.

The post ОМИКРОН БЕСНЕЕ, СВЕТОТ „ОЛАБАВУВА“ Македонија пак на шестото место по смртност на милион жители appeared first on plusinfo.mk.

The post БОРИС ЏОНСОН ГО ГОНАТ ЗА КОРОНА ЗАБАВИ На својот роденден се журкал само 10 минути на Даунинг стрит appeared first on plusinfo.mk.