Вториот круг нека биде нашата јасна победа. Не само во бројки, туку победа во свеста. Македонија ќе оди напред. Скопје ќе биде гордост на сите. И победата ќе биде победа на народот, истакна претседателот на ВМРО-ДПМНЕ, Христијан Мицкоски, на завршниот митинг во центарот на Скопје пред гласањето в недела на вториот круг од локалните избори.

Тој порача дека граѓаните не гласаат само за градоначалник или советник, туку гласаат „за ред, за достоинство, за иднина“.

За кандидатот за главниот град, Орце Ѓорѓиевски, Мицкоски рече дека со него „Скопје добива градоначалник кој ќе работи неуморно, вреден борец, посветен, човечен, личност која ќе направи да се гордееме сите, но и кој е свесен дека резултатите и испорачаните проекти се обврска исто како и довербата“.

– Орце Ѓорѓиевски е доказ дека можат да се направат промени кога некој работи со срце. Човек што не ветува без да е сигурен дека може да исполни, и кој испорачува за граѓаните. И кога гледам што Орце направил за Кисела Вода, знам дека истиот дух, истата енергија и истата совесност ќе ја донесе во Скопје. И Скопје ќе влезе во една нова фаза на предвидливост и извршување на обврските. Орце е сериозен, присебен, прилично методичен карактер. Тој ќе го направи Скопје повторно да живее слободно и да дише слободно. Град каде што јавниот превоз нема да е изговор и да се прекршува врз суети и изговори, туку систем; каде што пешачките премини значат безбедност, а не се руски рулет; каде што отпадот е ресурс, а не срам и загаденост. Скопје бара управување, не експеримент. За Орце, Скопје е мрежа на животи. И сега му треба вашиот јасен мандат за Скопје да стане град на ред, чистота, култура, лесно движење, рамно развиени општини и чесна локална економија – истакна лидерот на ВМРО-ДПМНЕ.

Мицкоски повика да се гласа и за нивните кандидати во скопските општини Карпош, Аеродром, Шуто Оризари и Центар, како и во блиската општина Чучер Сандево, затоа што тоа е, рече, вистинскиот избор.

Нагласи и дека на овие избори постои историска шанса за Кичево, каде што, рече, „дваесет години таму немало градоначалник што ја носи нашата програма, нашите вредности, немало човек кој гледа за сите, туку гледал само за себеси“.

– Дваесет години градот беше под управување кое често ги делеше луѓето по вера, народност или партија. Вечерва испраќам порака од овде, од Скопје, до сите кичевчани, и Македонци, и Албанци, и Турци, и Власи, и Роми, Срби, Бошњаци: во недела да гласате за човекот што ќе биде градоначалник на сите. Да се обединиме околу идејата дека Кичево може да биде симбол на соживот, а не на поделби. Да ја направиме историјата вистина: првпат по две децении, Кичево да има градоначалник кој не прашува „чиј си?“, туку „што можеме да направиме заедно?“ Тоа ќе е заедничка историска победа на сите граѓани на Кичево, а ние како влада ќе го помагаме Кичево максимално во свои напори да го подобри животот на сите негови граѓани – порача Мицкоски.

Како што рече, „тука нема етничка приказна, туку сосема човечка димензија“.

– Ова не е повик за етничко гласање, туку за гласање за човек, за човек Македонец со сопруга Албанка, кои се пример за вредности и сила, човек кој ќе работи за сите, за своите кичевчани, ќе биде градоначалник буквално за сите, за Македонците, Албанците, ќе работи и за Турците, Ромите, Власите, Бошњаците, за сите кои таму живеат, без разлика на партија, етникум и верска определба. Тој е човек и ќе работи за Кичево – додаде лидерот на ВМРО-ДПМНЕ.

The post МИЦКОСКИ СО МОЌНА ПОРАКА ПРЕД ВТОРИОТ КРУГ Ова ќе биде победа на народот и на иднината на Скопје appeared first on plusinfo.mk.

Кандидатот за градоначалник на Град Скопје од коалицијата предводена од ВМРО-ДПМНЕ, Орце Ѓорѓиевски, вечерва се заблагодари на коалицискиот партнер Вреди за, како што рече, „огромната поддршка и заедничката енергија“ во вториот круг од локалните избори.

Настанот се одржа во Општина Чаир, на покана на градоначалникот Изет Меџити, а според Ѓорѓиевски, токму таму се почувствувала сплотеноста и мотивацијата што води кон „историска победа“.

– Масовноста и енергијата што ја почувствувавме вечерва овде се најдобриот доказ дека победата ќе биде историска! Од срце ви благодарам! Градот Скопје нема да ве заборави, напротив, ќе биде вистински партнер на Чаир и на сите негови граѓани – изјави Ѓорѓиевски.

Тој најави конкретни проекти кои, како што нагласи, ќе значат вистински развој за општината.

– Ќе го прошириме булеварот Цветан Димов, ќе изградиме катна гаража кај „Чаирчанка“, ќе вложиме во чист и зелен град, во нови површини за одмор и рекреација, и во многу други проекти кои ќе значат подостоинствен живот за секој чаирчанец – порача кандидатот на ВМРО-ДПМНЕ.

Ѓорѓиевски додаде дека неговата визија за Скопје е град без поделби, по етничка, верска или која било друга основа.

– Кај мене, почитувани, нема поделби ниту по етничка, ниту по верска, ниту по која било друга основа. Ви го давам мојот збор – градот Скопје ќе има рамномерен развој и еднаков пристап за сите. Заедно чекориме кон голема победа – порача тој.

The post 📷 ВРЕДИ СО СИЛНА ПОДДРШКА ЗА ОРЦЕ Сплотени за историска победа во Скопје! appeared first on plusinfo.mk.

СДСМ ќе настапи со свој кандидат на претстојните локални избори во Скопје, а името ќе биде објавено до крајот на јули. Во игра се Мишко Ралев и Каја Шукова, но според лидерот на партијата Венко Филипче, има и уште двајца други потенцијални кандидати.

Во вечерашното гостување во емисијата „Само интервју“ на Канал 5, Филипче истакна дека не сака да шпекулира со број на гласови кои би ги добила СДСМ или со број на советнички мандати и градоначалници, туку целта е да се понудат квалитетни и кредибилни личности.

– Даваме сè од себе да ги промовираме најдобрите кандидати, да ги увериме граѓаните дека нашите кандидати ќе работат чесно и транспарентно. На скопјани сакам да им порачам дека предлогот ќе биде човек што ќе обединува – посочи Филипче.

Тој истакна дека СДСМ ќе стапи во коалиции со албанските партии во општините со мешано население, но врз основа на принципиелност, заемно почитување, компатибилност на кандидатите и потребите на жителите.

Филипче потенцираше дека фокусот на СДСМ ќе биде ставен и на листите за советници, како еднакво важен елемент на локалната власт.

Во однос на Струмица, тој информираше дека Марјан Даскаловски има поголема поддршка од партиското членство во однос на поранешниот градоначалник Костадин Костадинов.

Филипче во интервјуто објави и дека лидерот на Алијанса за Албанците, Арбен Таравари, побарал поддршка од СДСМ за локалните избори.

– Со Ахмети не сум се сретнал, а со Таравари имавме средба пред неколку недели кога тој сè уште не беше кандидат. Побара поддршка и сега разговараме со нашите членови во општинската организација. Ќе ја донесеме најдобрата одлука – рече тој.

На прашањето околу неговото име на списокот на лица кои добиле „златна виза“ за Дубаи, Филипче повторно не откри со која болница преговарал, но нагласи дека има легитимно право да заработува од својата струка – неврохирургијата.

– Не ви откривам ни сега. Треба да бидам професионален. Дали тоа ќе влијае на моето реноме или не, или како ВМРО-ДПМНЕ ќе се однесува, не е важно. Не е точно дека сум добил возило на подарок. Немам бизниси, легитимно е да заработувам од струката за која сум вложувал целиот живот. Среќен сум што добив шанса – ретко кој добива таква можност. Има точно наведени струки за кои може да добиете виза во Емиратите, како лекари, инженери – рече Филипче.

Во врска со поранешниот премиер Зоран Заев, тој изјави дека односите со него се исклучиво приватни.

– Заев не сака веќе да се занимава со политика, ниту има намера да се меша во какви било одлуки. Тој целосно се повлече – нагласи Филипче.

The post ШУКОВА И РАЛЕВ НАЈСЕРИОЗНИ, НО ИМА УШТЕ ДВАЈЦА Филипче откри детали за новиот кандидат на СДСМ за Скопје appeared first on plusinfo.mk.