Успешните средби на заменик претседателот на Владата и министер за транспорт Александар Николоски со турскиот министер за трговија Омер Болат и министерот за транспорт Абдулкадир Уралоглу, резултураа со договори за воспоставување на директна авиолинија Анкара -Скопје и карго железничко поврзување меѓу двете земји, објави на својот фејсбук профил, заменик претседателот на Владата, Николоски.

Министерот за трговија на Турција на социјалната мрежа Икс ја објави информацијата за новата авиолинија и карго железничкото поврзување и напиша дека двете земји продолжуваат да работат кон остварување на целта за билатерална трговска размена од 2 милијарди долари.

„По повод Турско–Македонскиот бизнис форум, заедно со нашиот министер за транспорт и инфраструктура, г. Абдулкадир Уралоглу, остваривме средба со заменик-претседателот на Владата и министер за транспорт на Република Северна Македонија, г. Александар Николоски.

На средбата се согласивме дополнително да ја зајакнеме нашата соработка во областите на транспортот, логистиката, цивилното воздухопловство и железничкиот сообраќај. Веруваме дека директните летови на “AJet” на релација Анкара–Скопје, како и железничката соработка меѓу TЦДД и МЖ Инфраструктура ќе дадат значаен придонес за трговијата, инвестициите и поврзаноста меѓу нашите земји.

Во согласност со визијата на претседателот на Република Турција, г. Реџеп Таип Ердоган, за силна регионална соработка и економска интеграција, со решителност продолжуваме да работиме кон остварување на целта за билатерална трговска размена од 2 милијарди долари.

Во наредниот период ќе продолжиме да ги зајакнуваме транспортните коридори и да ги поддржуваме активностите на турските компании во Северна Македонија, придонесувајќи за поврзаноста, просперитетот и заедничкиот развој на Балканот.

Длабоките пријателски и братски врски меѓу нашите земји ќе стануваат уште посилни преку новите проекти што ќе се реализираат во областа на трговијата и инвестициите” , објави министерот за трговија, Омер Болат.

Средбата на министрите се реализира во рамки на турско -македонскиот бизнис форум што денеска се одржа во Истанбул.

The post АВИОЛИНИЈА СКОПЈЕ-АНКАРА И КАРГО ЖЕЛЕЗНИЧКО ПОВРЗУВАЊЕ Николоски со министри во Истанбул договори нов импулс за трговијата appeared first on plusinfo.mk.

ССМ е координирано и управувано од СДС. Целата логистика за таканаречените протести на ССМ е обезбедена од СДС, изјави денеска пратеникот на ВМРО-ДПМНЕ, Бране Петрушевски.

– До нас пристигнаа документи од свиркачи кои покажуваат кои се лицата одговорни за организирање на логистиката за протестите. Ова е тој документ. Одговорен за организирање на луѓе и превоз од Струмица и струмичкиот регион е Бранко Георгиев. Ова е Бранко Георгиев, поранешен раководител во ЈПКД Комуналец Струмица во време на СДС. Бранко Георгиев како главен теренаш на СДС сега е главен теренаш на ССМ. Целата партиска логистика на СДС за Струмица и струмичкиот регион – сега е ССМ. ССМ не постои, тоа е само СДС во синдикални маички – рече Петрушевски.

Тој најави дека во наредните денови ќе продолжи да ги објавува сите лица од СДС кои го имаат преземено ССМ.

The post ССМ Е СДС ВО СИНДИКАЛНИ МАИЧКИ Петрушевски тврди дека логистиката на СДСМ во Струмица е во служба на синдикатот appeared first on plusinfo.mk.

„Специфично за нашата држава е тоа што сме единствената земја во регионот каде се вкрстуваат Коридорите 8 и 10“.

Вака посочи министерот за надворешни работи и надворешна трговија Тимчо Муцунски говорејќи на панел-дискусија во Дубаи. Според Муцунски единствено предвидливо во новата реалност на светот е непредвидливоста, а клучот за економска отпорност е диверзификацијата.

Министерот говореше во рамки на работната посета на Обединетите Арапски Емирати. Тој се обрати на Светскиот самит за влади.

– Потребно е активно да ги прошируваме нашите опции и почесто да соработуваме меѓусебно, особено со пазари и индустрии кои можеби досега не сме ги сметале за традиционални партнери –  нагласи министерот на панелот Следниот логистички поредок: Што мора да се промени“.

Коридорите 8 и 10 се трговска артерија

Говорејќи за логистичката позиција на државата, министерот истакна дека Коридорот 8 се протега од Италија преку Јадранското и Јонското Море кон Албанија и Северна Македонија, а потоа од Бугарија до Црното Море, додека Коридорот 10 претставува клучен трговски и инфраструктурен правец што се движи од Унгарија, преку Србија и Северна Македонија, до пристаништата Солун и Пиреја.

Влог во енергетската безбедност и гасната поврзаност

Тој нагласи дека е неопходно активно инвестирање во енергетската безбедност и поврзаноста, посочувајќи дека во моментов се гради интерконектор со Грција, кој ќе овозможи пристап до течниот природен гас што пристигнува во пристаништето Александруполис.

Истовремено, во завршна фаза е подготовката за владина инвестиција во интерконектор со Србија, со цел гасот не само да пристигнува во земјата, туку и да транзитира преку неа.

Диверзификацијата како клуч

– Кога станува збор за поврзаноста – било да е енергетска, инфраструктурна или преку инвестиции во аеродромската и авио-инфраструктурата, односно отворањето нови линии – клучни се диверзификацијата и јасното разбирање на сопствената позиција во светот и на континентот, како и на потребите на пазарите. Владата има јасен пристап и уверени сме дека овие инвестиции ќе бидат од суштинско значење за долгорочната иднина на нашата држава – порача Муцунски.

Европската „хиперинфлација“ на закони

Осврнувајќи се на деловното окружување, Муцунски посочи дека во Европа често постојат потешкотии за водење бизнис поради регулаторниот пристап, оценувајќи дека континентот се соочува со своевидна „хиперинфлација“ на законодавството.

Емиратите, пример за ефикасна администрација

– Бизнисите бараат поедноставени процедури, ефикасност и брзина – истакна тој, посочувајќи ги Обединетите Арапски Емирати како пример од кој може да се учи, не само во користењето современи алатки, вклучително и вештачка интелигенција во административните процеси, туку и во креирањето прилагодливо законодавство подготвено да го поддржи бизнисот.

Притоа ја нагласи и важноста на партнерствата меѓу владите како механизам за создавање услови компаниите да бидат успешни.

The post ЕДИНСТВЕНА ЗЕМЈА СМЕ КАДЕ ШТО СЕ ВКРСТУВААТ КЛУЧНИТЕ КОРИДОРИ 8 И 10 Муцунски ја потенцираше предноста на Македонија во трговскиот поредок appeared first on plusinfo.mk.

Во строго чувана касарна во Берлин, германските генерали пред две и пол години започнале да ја кројат најамбициозната воена операција на земјата по Студената војна. Денес, нивниот план од 1.200 страници, познат како OPLAN DEU, станува оперативна рамка за можен судир со Русија, објави „Волстрит Џурнал“.

Планот предвидува мобилизација на 800.000 германски, американски и НАТО војници долж источниот фронт. Детално се означени железничките линии, мостовите, пристаништата и снабдувачките рути низ Европа, додека германските инженери веќе ја тестираат логистичката издржливост на терен.

Меѓутоа, документот не е само воена стратегија, туку и цивилно-војна доктрина. Германската влада го дефинира како „пристап на цело општество“ — синхронизиран систем што ги спојува транспортните компании, енергетските оператори и одбранбената индустрија. Според експертите, тој модел е наследник на логиката од Студената војна, но приспособен на новите опасности како сајбер-напади и дронски саботажи.

Понатаму, во планот се пресметани и временските рамки на можно сценарио: според безбедносните служби, Русија би можела да ја тестира НАТО одбраната до 2029 година. Германскиот канцелар Фридрих Мерц неодамна изјави дека Европа веќе „не живее во мирнодопски период“, предупредувајќи на растечката тензија долж источната граница.

Најновите теренски вежби, меѓу кои и „Црвена бура Браво“ во Хамбург, покажале дека германската инфраструктура е далеку од подготвена. Речиси 20% од автопатите до една четвртина од мостовите бараат итна санација, а пристаништата на Северното и Балтичкото Море мора да се модернизираат за транспорт на тешка воена опрема.

Сепак, командантите тврдат дека токму овие слабости се претвораат во лекции. Како што истакнал еден од високите офицери: „Нашата цел не е да се подготвиме за војна, туку да ја спречиме. Одвраќањето е нашето оружје.“

Од друга страна, индустрискиот гигант „Рајнметал“ веќе демонстрира што значи воена мобилност во 21 век: камп за 500 војници, изграден за 14 дена и демонтиран за седум. Германската армија го смета тоа за модел на идните мобилни бази, каде што инфраструктурата и воената логистика се спојуваат во еден единствен систем.

The post ПРОТЕЧЕ ТАЈНИОТ ВОЕН ПЛАН НА ГЕРМАНИЈА 800.000 војници може да бидат мобилизирани во војна со Русија appeared first on plusinfo.mk.

Во ек на борбата со пожарите што беснеат низ повеќе делови од земјава, волонтерите на Црвениот крст и денеска се на терен, давајќи активна поддршка на службите за заштита и спасување.

„Со несебична посветеност, нашите тимови се вклучени во логистичка поддршка, обезбедување на опрема и асистенција таму каде што е најпотребно“, соопштија од Црвениот крст. Посебно важна улога имаат базените кои се ставени на располагање за полнење со вода на хеликоптерите, со што се овозможува побрзо и поефикасно гаснење на огнените фронтови.

Од организацијата нагласуваат дека се целосно мобилизирани и подготвени да обезбедат дополнителна помош и ресурси доколку ситуацијата се влоши.

„Ова е време кога солидарноста и брзата реакција спасуваат животи и имоти. Црвениот крст ќе продолжи да биде таму каде што е најпотребно“, велат од хуманитарната организација.

The post 📽️ 📷 ВОЛОНТЕРИТЕ НА ЦРВЕНИОТ КРСТ ГО ЗАЈАКНУВААТ ФРОНТОТ Базени за хеликоптери, логистика и пожртвуваност при гаснењето на огнот appeared first on plusinfo.mk.