Но, во еден момент додека зборуваше, тој ги тргна рацете од колената, па од десната рака му испадна мало парче хартија, кое најверојатно требало да му помогне со одговорите на прашањата што му ги поставува новинарот Џејк Тапер.

Ова не е прв негов гаф од ваков тип. Пред неколку месеци новинарите го разоткрија Бајден кога објавија фотографии од упатствата што ги имал за време на средбата со водечки луѓе од енергетскиот сектор во Белата куќа.

Фоторепортерите го снимиле како држи лист хартија со упатства што да прави и што да каже за време на средбата.

Во продолжение, погледнете го видеото:

WATCH: Joe Biden drops his cheat sheet during his interview with CNN’s Jake Tapper. pic.twitter.com/XDHKrSpjBA

— Steve Guest (@SteveGuest) October 12, 2022

The post БАЈДЕН ПАК СЕ ИЗБРУКА ПРЕД КАМЕРА Ги испушти ливчињата со одговорите за време на интервјуто (ВИДЕО) appeared first on plusinfo.mk.

Државната изборна комисија за вториот круг ангажира над 400 лица за техничка поддршка на избирачките места и надминување на проблеми од употребата на апаратите за отпечаток од прст.

– Лично сметам дека вториот круг ќе се реализира во најдобар ред и побрзо. Намалената динамика на избирачкиот процес на одредени избирачки места во првиот круг, предизвикана од новата технологија и употребата на фингерпринт во вториот круг ќе биде подобрена за што ДИК спроведе дополнителна обука. Но, ние за вториот круг ангажиравме над 400 лица кои ќе ги има на гласачките места и ќе бидат задолжени за техничка поддршка и помош со цел да нема пречки во процесот на гласање. Првото искуство ни овозможи во вториот круг да влеземе по подготвени, а и избирачкиот материјал е помал – изјави Александар Даштевски, претседател на ДИК.

Во печатницата АД „Киро Дандаро“- Битола за една недела овој пат се испечатени 1,6 милиони ливчиња од доверливиот избирачки материјал кој во текот на денот ќе го преземат општинските изборни комисии во општините каде в недела ќе има гласање.

– Печатницата го изработи материјалот за првиот круг без никаква грешка, и избирачките ливчиња беа дистрибуирани во најкус можен рок. За вториот круг има помалку материјал кој исто така е исклучително квалитетен со 20 видови заштита и без можности за фалсификување – посочи Даштевски.

АД печатница „Киро Дандаро“- Битола од 2002 година континуирано го изработува и печати избирачкиот материјал за различни изборни циклуси во земјава, беше истакнато на прес конференцијата во овој град.

The post 1,6 МИЛИОНИ ГЛАСАЧКИ ЛИВЧИЊА ЗА ВТОРИОТ ИЗБОРЕН КРУГ Даштевски го презеде изборниот материјал од печатницата во Битола appeared first on plusinfo.mk.

Изборниот штаб на американскиот претседател Доналд Трамп денеска поднесе барање да прекине броењето на гласачките ливчиња на претседателските избори во сојузната држава Мичиген.

„Денеска поднесовме барање пред судот во Мичиген да престане броењето додека не ни се овозможи пристап“, се наведува во соопштението на изборниот штаб на Трамп, пренесуваат британските медиуми.

„Ние, исто така, бараме да се прегледаат оние гласачки ливчиња што беа отворени и преброени пред да имаме пристап“, се додава во соопштението на кампањата на Трамп.

Победата во Мичиген носи 16 електорални гласови, а за победа на изборите се потребни еден од кандидатите да освои најмалку 270 вакви изборни гласови

The post Трамп преку суд побара да прекине броењето на гласовите во Мичиген appeared first on plusinfo.mk.

Моментално полицијата се наоѓа во просториите на Општинската изборна комисија во Подгорица, која по увидот зема изјави од нејзините членови, потврдено е за црногорски „Вијести“.

Во службената забелешка за работата на изборната комисија на Подгорица пишува дека на 2 септември во службените простории на Советот на главниот град при контрола на изборниот материјал на избирачкото место 63 од страна на овластен претставник на Демократската партија на социјалистите се отстранети кочани со гласачки ливчиња.

Членот на комисијата Никола Терзиќ (УРА) во тој момент станал од своето место и гласно кажал пред присутните виделе како Милена Орландиќ (ДПС), една од овластените претставнички, како при броење на кочаните со гласачки листови свесно отстранувала некои од нив.

Терзиќ се доближил кон Орландиќ и пред сите присутни извадил еден кочан од под нејзините нозе, а потоа било пронајден и друг кочан под столицата на која седела таа.

ОИК потоа веднаш ја прекинала постапката на контрола на овластените претставници на ДПС.

Потоа на инсистирање на членови на комисијата за претседателот на Комисијата да поднесе кривична пријава, тој ги упатил членовите тие да го направат тоа. Потоа комисијата едногласно донела одлука на сите претставници да им се укине понатамошен увид во контролата на изборниот материјал.

Кандидатот за пратеник на „Црно на бело“ Милош Конатар апелираше денеска ДПС да ги почитува законите и да не пробува со кривични дела да ја промени изборната волја на граѓаните. Тој рекол дека нема цена која не се подготвени да ја платат за да ги одбранат изборните ставови на граѓаните на Црна Гора.

– ДПС имаше мотив при прегледот да отстрани кочани со гласачки ливчиња. Со тоа се создаваат услови да се поништи гласањето на тие места – рекол Конатар.

– Немојте на овој начин да се обидувате на останете на власт, да се одржите со кршење на законот. Ги повикувам претставниците на ДПС во овој момент да го сочуваат мирот и да бидат достоинствени за да овозможат мирна транзиција на власта – рекол Конатар.

The post Изборен скандал во Црна Гора: Претставничка на ДПС криела ливчиња под нозе и под задникот appeared first on plusinfo.mk.

По вчерашните предвремени парламентарни избори, Државната изборна комисија регистрира 31.107 неважечки ливчиња од обработени 3.421 од 3.480 избирачки места.

Бројот на важечки ливчиња изнесува 869.533.

Гласале 927 640 граѓани или 51 отсто од вкупно запишаните 1 814 263 во Избирачкиот список.

The post 31.107 неважечки ливчиња на вчерашното гласање appeared first on plusinfo.mk.