Основниот суд во Свети Николе изрече едногодишна затворска казна за 21-годишен маж од селото Сарамзалино, кој брутално ја претепал својата бремена партнерка и ја држел заклучена во соба со часови.

Според судската пресуда, насилството се случило во семејниот дом во градот, кога напаѓачот ѝ го одзел телефонот и клучевите од автомобилот и ја затворил во просторија каде ја држел околу 15 часа. Во текот на нападот ѝ нанел повеќе телесни повреди. Кога жената се онесвестила, тој ја разбудил со студена вода и продолжил со физичкото малтретирање.

Судот го прогласил за виновен за телесна повреда и противправно лишување од слобода, по што му била изречена единствена казна затвор во траење од една година.

Од Основен суд Свети Николе информираат дека пресудата засега не е правосилна, а обвинетиот останува во притвор до нејзиното конечнo потврдување, но не подолго од 60 дена.

The post ЈА БУДЕЛ СО ВОДА ЗА ДА ПРОДОЛЖИ БРУТАЛНО ДА ЈА ТЕПА Една година затвор за насилникот кој нападна бремена девојка appeared first on plusinfo.mk.

Во село во општина Центар Жупа, 48-годишен маж ја нападнал својата малолетна ќерка со тврд предмет, по вербална расправија со сопругата. Напаѓачот беше приведен од полициски службеници од ОВР Дебар.

Во Градско, 26-годишник физички ја нападнал својата 20-годишна сопруга, по што настанала турканица со неговиот татко и таткото на сопругата. Тој е приведен и задржан во полициска станица.

Во штипско, 34-годишен маж нападнал 28-годишна жена во семејниот дом. Жената веднаш пријавила и се преземаат мерки за расчистување на случајот.

Во Радовиш, 54-годишен маж физички ја нападнал својата мајка, нанесувајќи ѝ повреди. Напаѓачот е задржан во полициската станица.

Исто така, во Скопје, 33-годишен маж се заканувал на сопругата од странство, а во Прилеп 45-годишна жена физички го нападнала своето малолетно дете.

Случаите ја нагласуваат сериозноста на семејното насилство и важноста на навремена реакција. Полицијата апелира до граѓаните да пријавуваат секоја форма на насилство и да ги штитат најранливите членови на семејството.

The post СЕМЕЈНИТЕ НАСИЛСТВА НИЗ ДРЖАВАТА НЕ СТИВНУВААТ Тројца насилници приведени, нападнати малолетници, родители и жени appeared first on plusinfo.mk.

Млад маж од тетовско Порој завршил во полициска станица откако на кружен тек во центарот на Тетово со своето возило удрил во полициски службеник и потоа се обидел да избега.

Министерството за внатрешни работи информира дека на 19 декември околу 12:50 часот, кај крстосницата на улиците Илинденска и Маршал Тито,  28-годишниот Е.А. од село Порој, управувајќи „ауди“ со тетовски регистерски ознаки, не застанал на знак даден од сообраќаец и го удрил полицискиот службеник кој бил на должност.

По ударот, возачот не застанал, туку продолжил во бегство. По кратка потрага, полицијата го пронашла и го уапсила.

На повредениот полицаец во болницата во Тетово му биле констатирани телесни повреди.

The post НЕ ЗАСТАНАЛ, УДРИЛ ПОЛИЦАЕЦ СО „АУДИ“, БЕГАЛ Уапсен 28-годишник од Порој appeared first on plusinfo.mk.

Велешанец рано наутро возел со 94 километри на час низ градот. Полицијата го привела 40-годишниот Т.М. од Велес, откако, кон 06:45 часот на улицата Вардарска во населбата Шорка дивеел со возилото.

Портпаролката на СВР Велес го потврди идентитетот на лицето. Освен пријавата,  возилото е задржано за дополнителна проверка на техничката исправност.

The post ДИВЕЕЛ СО 94 КИЛОМЕТРИ НА ЧАС НИЗ ГРАД ЗА „ДОБРО УТРО“ Велешанец заработи кривична пријава appeared first on plusinfo.mk.