Британската принцеза Евгенија и нејзиниот сопруг Џек Бруксбенк станаа родители по третпат. Двојката доби девојче, нивно прво женско дете по двајцата синови, а веста официјално ја потврди Бакингемската палата. Малечката е родена на 3 август во болница во Лисабон, Португалија, каде што семејството поминува голем дел од времето.

Во соопштението се наведува дека мајката и бебето се чувствуваат добро, а кралот Чарлс, кралицата Камила и останатите членови на кралското семејство биле пресреќни кога ја добиле веста. Принцезата Евгенија радосната новост ја сподели и на социјалните мрежи, објавувајќи ја првата фотографија од новороденчето, но името на девојчето засега не е откриено.

 

View this post on Instagram

 

A post shared by Princess Eugenie (@princesseugenie)

Евгенија и Џек Бруксбенк се во брак од 2018 година, а нивната љубовна приказна започнала уште во 2010 година, кога се запознале на зимување во швајцарскиот Вербие. Нивниот прв син Август е роден во 2021 година, вториот син Ернест во 2023 година, а сега семејството доби и ќерка.

Иако е член на британското кралско семејство, принцезата последниве години води помирен живот, далеку од кралските должности. Таа и нејзиното семејство живеат меѓу Велика Британија и Португалија, каде што Џек Бруксбенк работи за компанија поврзана со бизнисменот Мајк Мелдман. Принцезата е активна и како директор во уметничката галерија „Hauser & Wirth“, а е и коосновач на хуманитарната организација „The Anti-Slavery Collective“, која се бори против трговијата со луѓе.

Принцезата Евгенија е помладата ќерка на принцот Ендру и Сара Фергусон и внука на покојната кралица Елизабета Втора. И покрај контроверзиите што во последните години го следат нејзиниот татко, таа успеа да го зачува имиџот на една од најомилените членки на кралското семејство.

The post ПРИНЦЕЗАТА ЕВГЕНИЈА СТАНА МАЈКА ПО ТРЕТПАТ На новото бебе му се израдува и чичкото, кралот Чарлс appeared first on plusinfo.mk.

Најмалку 15 лица загинаа, а 18 се повредени откако познатиата историска жичница „Глорија“ во Лисабон излета од шините, пренесуваат странските агенции. Петмина од повредените се во сериозна состојба, додека 13 се здобиле со полесни повреди.

Несреќата се случила околу 18 часот во близина на авенијата Либердаде, една од главните улици во португалската престолнина. Се верува дека 43 лица биле во возилото во тој момент. Сè уште не е познато дали загинатите биле португалски државјани или туристи.

Вкупно 59 спасувачи со 21 возило биле испратени на местото на несреќата, соопшти Цивилната заштита.

Од Јавното транспортно претпријатие „Карис“ од Лисабон за Си-ен-ен Португалија изјавиле дека нивните тимови се на терен и дека „сите ресурси се активирани“ за справување со последиците од несреќата.

– Приоритет е да се следи ситуацијата – изјави официјален извор, без да даде детали за можната причина за излетувањето на трамвајот од шините.

Во Лисабон е прогласена тридневна жалост за да се оддаде почит на жртвите и да се изрази сочувство до нивните семејства.

Градоначалникот Карлос Моеда изрази длабока тага поради несреќниот настан.

– Ова е трагедија. Лисабон е во жалост, ова е ситуација каква што никогаш порано не се случила во нашиот град – рече Моедас.

Канцеларијата на португалскиот претседател издаде соопштение во кое изразува „сочувство и солидарност со семејствата погодени од оваа трагедија“.

Во тек е истрага за да се утврдат сите околности на несреќата.

Португалскиот весник „Обсервадор“ објави дека има сомнежи оти еден кабел на трасата пукнал, поради што вагонот изгубил контрола и удрил во зграда.

Според очевидците ударот на вагонот во зградата бил многу силен.

Жичницата „Глорија“, е една од најпознатите знаменитости и туристички атракции во Лисабон. Оваа линија, долга 275 метри, го поврзува плоштадот „Рестаурадорес“ со живописниот кварт Баиро Алто за само три минути. Ја користат и локалното население и туристите.

The post НАЈМАЛКУ 15 МРТВИ, 18 ПОВРЕДЕНИ ВО УРИВАЊЕТО НА ЖИЧНИЦАТА „ГЛОРИЈА“ Во Лисабон е прогласена тридневна жалост appeared first on plusinfo.mk.

Епицентарот на земјотресот бил на длабочина од седум километри.

The post СИЛЕН ЗЕМЈОТРЕС ГО СТРЕСЕ ЛИСАБОН Потресот бил со јачина од 4,8 степени appeared first on plusinfo.mk.

Туристите се забавуваат со „чудото” од манастирот „Св. Јероним“ во Лисабон, Португалија.

Имено, дел од релјефот отсликува лице кое многу наликува на новоименуваниот претседател на САД, Доналд Трамп.

Инаку, според Википедија, манастирот „Св. Јероним“ е поранешен манастир на Редот на „Свети Јероним“ во близина на парохијата Тагус, општината Лисабон во Португалија. Манастирот станал некропола на португалската кралска династија Авиз во 16 век, но бил секуларизиран на 28 декември 1833 година со државен декрет и неговата сопственост била пренесена на добротворната институција „Реал каса пија де Лисбоа“ (Real Casa Pia de Lisboa).

Оваа градба е еден од најистакнатите примери на доцниот португалски готски мануелински стил на архитектура во Лисабон. Манастирот е изграден во раните 1500-ти, во близина на местото од каде што почнал да патува Васко де Гама, а неговата изградба е финансирана од данок на добивката на годишните португалски индиски армади.

Во 1880 година, посмртните останки на Де Гама и на поетот Луис де Камиес, кој го прославил првото патување на Де Гама во неговата епска поема од 1572 година, „Лусијада“, биле преместени во нови врежани гробници во манастирската црква, на само неколку метри од гробовите на кралевите Мануел I и Јован III, на кои Де Гама им служел.

Во 1983 година, манастирот „Св. Јероним“ е класифициран како светско наследство на УНЕСКО, заедно со блиската кула Белем.

The post 📷 КАКО МОЖЕЛЕ ГРАДИТЕЛИТЕ НА МАНАСТИРОТ „СВ. ЈЕРОНИМ” ВО 16 ВЕК ДА ЗНААТ ЗА ТРАМП?! Еден мал детаљ од релјеф во Лисабон станува туристичка атракција appeared first on plusinfo.mk.

Неидентификуван маж со голем нож влегол во Шиитскиот муслимански центар во околу 11 часот денеска, и почнал да ги боде присутните. Напаѓачот бил застрелан од полицијата, откако одбил да го фрли ножот, и тргнал кон полицајците со цел да ги повреди – соопшти полицијата, пренесе Ројтерс. Сепак, напаѓачот не бил мртов, туку бил уапсен и пренесен во болница.

Си-Ен-Ен Португалија објави дека осомничениот за тој напад е авганистански државјанин, но тоа уште не е потврдено од полициски извори.

Голем број вознемирени луѓе стоеја денеска пред Центарот во Лисабон, обиколени од припадници на специјалната полиција под полна опрема, а подоцна беа вратени во просториите, јавува Ројтерс.

Португалскиот премиер Антонио Коста изјави дека станува збор за изолиран инцидент и дека е преурането да се извлекуваат пошироки заклучоци за природата на нападот.

Исмаилитите се малцинска заедница меѓу Шиитските муслимани, чии припадници се изложени на напади од останатите муслимани на разни места во светот, а особено во Пакистан. Исмаилитите живеат во повеќе од 25 земји низ светот. Нивниот духовен водач, Принцот Карим Ага Кан, го отворил центарот во Лисабон во 1998 година. Во него има училници, сали за молење, изложбен простор и сали за состаноци.

„Главната цел на исмаилистичките центри е да поттикнат меѓусебна соработка и разбирање меѓу различните народи, заедници и религии“, се наведува на нивната веб-страница.

The post ВЛЕТАЛ СО НОЖ МЕЃУ ВЕРНИЦИ И ЗАКЛАЛ ДВАЈЦА! Напад во Исмаилистички центар во Лисабон appeared first on plusinfo.mk.

Локалните власти во португалскиот главен град Лисабон синоќа прогласија состојба на тревога и ги повикаа луѓето да останат во затворени простории бидејќи обилните дождови предизвикаа поплави, однесоа автомобили и влегуваа во згради, при што загина најмалку едно лице.

Португалската метеоролошка агенција IPMA го стави Лисабон, како и соседната област Сантарем и јужниот регион Алгарве, на „црвено“ метео предупредување поради интензивните врнежи и силните ветрови кои се очекуваат до петок.

Во Лисабон, цивилната заштита извести за стотици инциденти, од поплавени улици, железнички станици и театри до болници, а властите мораа да ги затворат патиштата и тунелите.

Фотографиите објавени на социјалните мрежи, исто така, покажаа поплави во делови од аеродромот во Лисабон, поради што два лета беа пренасочени.

Командантот на Цивилната заштита, Андре Фернандес на прес-конференција изјави дека 55 годишна жена загинала во поплавен подрум во Алгеш, во близина на Лисабон. Нејзиниот сопруг, кој исто така бил во подрумот, бил спасен и преживеал.

„Апелираме до луѓето да не ги напуштаат своите домови за време на овие периоди на обилни врнежи“, рече Фернандес, повикувајќи ги оние што живеат во ниските области да „бараат засолниште“ на побезбедни места.

Кабинетот на градоначалникот на Лисабон, исто така, побара од луѓето да останат внатре, а градоначалникот Карлос Моедас посети некои поплавени подрачја, најавувајќи дека наскоро ќе започне клучната работа за изградба на одводен тунел долг пет километри.

The post СТРАШНИ СЦЕНИ ВО ЛИСАБОН Улиците претворени во реки, поплавата носи возила, има загинати (ВИДЕО) appeared first on plusinfo.mk.

Во разговор со неговиот домаќин, шефот на португалската дипломатија Аугусто Сантош Силва, Шаленберг се заложи проширувањето на Унијата кон Западниот Балкан да биде на агендата на претседавањето на Португалија со ЕУ, во првата половина на следната година.

Шалленберг изјави дека е штета што останатите членки на ЕУ не успеале да ја убедат Бугарија да се откаже од блокадата на европскиот пат земјава, но нагласи дека сепак на одлагањето на процесот на проширување на Унијата свое влијание имала и пандемијата на коронавирусот.

The post Австриски министер: Проширувањето на ЕУ со Западен Балкан да биде на агендата на португалското претседателство appeared first on plusinfo.mk.

Членот на хрватската фудбалска репрезентација, Симе Вршаљко, е позитивен за коронавирусот, објави шпанскиот весник „Марка“.

Неговиот клуб Атлетико Мадрид во неделата откри дека двајца играчи се позитивни на вирусот, а другиот играч е Анхел Кореја, што секако е голем удар за „јорганџиите“ пред четвртфиналниот натпревар од Лигата на шампионите против Лајпциг.

Според неофицијалните информации, двајцата играчи се изолирани и без симптоми. Останатите од тимот исто така биле тестиран и сите играчи се негативни.

Тимот ќе тренира уште еднаш пред утрешниот лет за Лисабон. Тие се очекува да играат во Лигата на шампионите против РБ Лајпциг в четврток.

The post Двајца играчи на Атлетико се заразени со корона appeared first on plusinfo.mk.

Владата го врати карантинот за повеќето делови од таканаречениот „Голем Лисабон“. Мерката е потребна заради вознемирувачкиот бран на нови случаи на позитивни тестови во предградијата на градот.

Мерката сè уште не се однесува на центарот на Лисабон. Зафатени се 19 од 24 окрузи на „Голем Лисабон’. Во нив, луѓето ќе можат да ги напуштат своите домови само за основни потреби, како што се храна и лекови, како и да патуваат на работа.

УЕФА на 17 јуни потврди дека Лисабон ќе биде домаќин на финалето на новиот формат на Лигата на шампионите. Четвртфиналето, полуфиналето и финалето се очекува да се играат во Лисабон.

Финалето е предвидено да се одржи на стадионот „Да Луж“ на Бенфика на 23 август.

The post Финалето на Лигата на шампионите неизвесно appeared first on plusinfo.mk.

-Сите  од хостелот беа префрлени денеска во централната џамија на тестирање, изјави градскиот советник.

Оние кои не се заразени ќе бидат вратени во хостелот, кој во меѓувреме, е деконтаминиран.

The post Во хостел во Лисабон заразени дури 138 од 175 лица, се тестирале во џамија appeared first on plusinfo.mk.