Актуелниот американски претседател Доналд Трамп за време на погребот на републиканскиот сенатор Линдзи Греам во Вашингтон во неколку наврати ги затворал очите, по што на социјалните мрежи се појавија тврдења дека задремал.

На снимките од Националната катедрала се гледа 80-годишниот Трамп како седи во првиот ред и повремено ја наведнува главата, држејќи ги очите затворени подолг период. Не може со сигурност да се утврди дали навистина спиел, но снимките предизвикаа бројни реакции на социјалните мрежи.

„Да, луѓе, тоа е човекот кој има пристап до шифрите за нуклеарното оружје. Размислете за тоа“, напиша еден корисник на платформата Икс.

Други потсетија дека Трамп со години неговиот претходник Џо Бајден го нарекуваше „Поспаниот Џо“ и го обвинуваше дека заспива за време на извршувањето на претседателските должности.

„Да беше Бајден тој што заспал на погребот на свој пријател, ќе слушавме за тоа уште десет години“, напиша друг корисник. Дел од коментаторите, пак, застанаа во одбрана на Трамп, оценувајќи дека „не е тешко човек да задреме во црква“.

Белата куќа ги отфрли тврдењата дека Трамп заспал.

– Претседателот Трамп размислуваше за загубата на својот драг пријател Линдзи Греам, за кого непосредно пред тоа одржа прекрасен говор. Секој што тврди поинаку е изопачен идиот – изјави портпаролот на Белата куќа, Дејвис Ингл.

Трамп и претходно беше во центарот на вниманието поради снимки на кои изгледаше како тешко да останува буден за време на официјални настани. Медицинскиот аналитичар на Си-Ен-Ен, Џонатан Рајнер, во мај изјави дека претседателот покажува знаци на изразена дневна поспаност, иако никогаш лично не го прегледал.

– Претседателот има сериозна дневна поспаност. Многу често заспива. Повеќепати задремал и во Овалната соба додека луѓе разговарале со него – рече Рајнер.

Тој додаде дека хроничните нарушувања на спиењето можат да го зголемат ризикот од проблеми со меморијата и други когнитивни способности.

Trump Appears Completely Passed Out at Lindsey Graham’s Funeral

The president kept his eyes shut for an extended stretch as the service continued around him.

This did not look like a quick blink or moment of reflection, he appeared fully asleep. pic.twitter.com/oAfjjSaHqd

— Brian Allen (@allenanalysis) July 28, 2026

Белата куќа и претходно ги отфрлаше ваквите проценки, тврдејќи дека Трамп е исклучително енергичен и целосно ментално способен за извршување на претседателската функција.

На погребот Трамп одржа говор во кој Греам го нарече сакан пријател, истакнат државник, великан на американскиот Сенат и вистински американски оригинал.

Тој призна дека Греам не бил омилен кај сите, па се пошегува на сметка на неговата силна поддршка за американските воени интервенции.

– Никогаш не видел војна што не му се допаднала – изјави Трамп.

Trump can barely keep his eyes open
Is this your president ? pic.twitter.com/DPXprdebr1

— Atheistboi (@athiestboi) July 29, 2026

Греам почина на 11 јули, на 71-годишна возраст, поради пукање на аортата поврзано со кардиоваскуларно заболување. Тој беше еден од највлијателните републикански сенатори и силен поддржувач на американската воена помош за Украина и Израел.

На погребот присуствуваа бројни американски функционери и странски лидери, меѓу кои украинскиот претседател Володимир Зеленски и израелскиот премиер Бенјамин Нетанјаху.

The post 📽️ ТРАМП ЗАСПАЛ НА ПОГРЕБ? Не спиел, размислувал за својот пријател, тврдат од Белата куќа appeared first on plusinfo.mk.

Американскиот сенатор Линдзи Греам, долгогодишен сојузник на Доналд Трамп, повика на радикално заострување на односите со Москва доколку рускиот претседател Владимир Путин го отфрли предлогот за мировно решение. Во интервју за Ен-Би-Си, тој рече дека „ако Путин каже не, мора драстично да ја смениме играта“.

Греам бара тотален притисок врз Москва

Греам истакнал дека досегашните дипломатски обиди само му овозможуваат на Кремљ да добие време.

– Ако Путин повторно каже не, Трамп треба да го потпише мојот закон со 85 ко-спонзори. Ќе воведе царини за држави што купуваат евтина руска нафта, ќе ја прогласи Русија за држава спонзор на тероризмот поради киднапирањето на 20.000 украински деца и ќе заплени бродови што превезуваат санкционирана нафта, како што тоа се прави во Венецуела – рекол тој во емисијата „Meet the Press“.

Греам предложил и нов чекор: снабдување на Украина со крстосувачки ракети „Томахавк“ за уништување на фабрики за беспилотни летала и ракети во Русија.

– Би одел до крај ако Путин каже не – нагласил тој, додавајќи дека Русија „ќе продолжи со нападите врз Донбас сè додека не почувствува вистински притисок“.

Вашингтон меѓу мир и конфронтација

Идеите на Греам се дел од пошироката дискусија во САД околу тоа дали администрацијата на Трамп треба да примени „план Б“ доколку мировниот процес пропадне. Американските извори наведуваат дека Вашингтон и европските партнери нудат рамка која вклучува повлекување на руските сили и безбедносни гаранции за Украина.

Во меѓувреме, специјалниот пратеник на американскиот претседател, Стив Виткоф ги нарече мировните преговори за Украина кои се одржаа во Мајами „продуктивни и конструктивни“. На слично мнение е и неговиот руски колега:

„Дискусиите меѓу украинските и американските преговарачи опфатија мултилатерални безбедносни гаранции, како и американски безбедносни гаранции“, напишааВиткоф и главниот украински преговарач, Рустем Умеров, во идентични објави на Икс.

Украински, руски и европски делегации беа во Мајами во текот на викендот за да ги продолжат преговорите за прекин на војната што Русија ја почна пред околу четири години, иако не беа одржани директни разговори меѓу украински и руски претставници.

Преговорите во Мајами за конструктивни ги оцени и главниот руски преговарач, специјалниот пратеник на рускиот претседател, Кирил Димитриев.

The post 📽️БИ ОДЕЛ ДО КРАЈ АКО ПУТИН КАЖЕ „НЕ“ Сенаторот близок до Трамп испрати студена порака appeared first on plusinfo.mk.

Заменик-претседателот на Советот за безбедност на Русија, Дмитриј Медведев, одговори на објава на социјалната мрежа Икс од американскиот сенатор Линдзи Греам (републиканец од Јужна Каролина, ставен на црната листа во Русија како терорист и екстремист), велејќи дека ни тој ни претседателот на САД, Доналд Трамп, не се тие што ќе одлучуваат кога е време за преговори околу конфликтот во Украина, објави руската агенција ТАСС.

„Не сте вие, ниту Трамп, оние што ќе диктираат кога да се ‘седне на мировна маса’. Преговорите ќе завршат кога сите цели на нашата воена операција ќе бидат исполнети. Работи на Америка, дедо!“, напиша Медведев на мрежата Икс.

Претходно, тој го предупреди Трамп да не заборави дека секој нов ултиматум е чекор поблиску до војна.

Сенаторот Греам во својата објава на Икс напиша:

„До оние во Русија кои мислат дека претседателот Трамп не е сериозен во врска со прекинување на крвопролевањето меѓу Русија и Украина: Вие и вашите соработници наскоро болно ќе се уверите во спротивното. Наскоро ќе видите и дека Џо Бајден веќе не е претседател. Седнете на мировната маса“.

The post НЕ Е ТРАМП ТОЈ ШТО ЌЕ ДИКТИРА КОГА РУСИЈА ЌЕ ПРЕГОВАРА СО УКРАИНА Преговорите ќе завршат кога Кремљ ќе си ги оствари целите, посочи Медведев appeared first on plusinfo.mk.

Портпаролот на Кремљ, Дмитриј Песков, денеска изјави дека оние – кои го поддржаа предлог-законот на американскиот сенатор Линдзи Греам, со кој се воведуваат нови строги санкции кон Русија и кон нејзините трговски партнери – треба да се запрашаат како тоа ќе влијае на напорите за воспоставување мир во Украина.

Изјавата на Песков уследи откако Греам во вчерашното телевизиско интервју наведе дека има дозвола од американскиот претседател Доналд Трамп предлог-законот да се стави на гласање.

– Русија е свесна за ставовите на Греам и го смета за непоправлив русофоб – истакна Песков.

Доколку биде усвоен предлог-законот ќе бидат воведени царини од 500% за земјите што купуваат руски производи како што е нафтата, која Кина и Индија ја увезуваат во големи количини.

The post САНКЦИИТЕ НА САД ЌЕ ГО САБОТИРААТ МИРОТ ВО УКРАИНА, А СЕНАТОРОТ ГРЕАМ Е РУСОФОБ Вашингтон со царини од 500% за купувачите на руска нафта? appeared first on plusinfo.mk.

Руската амбасада во Вашингтон побара од САД официјално да ја објаснат и да ја осудат изјавата на сенаторот Линдзи Греам со која тој повика некој да го убие рускиот претседател Владимир Путин.

Сенаторот Греам, републиканец кој ја претставува Јужна Каролина во американскиот Сенат, претходно на Твитер праша дали Русија го има Брут или има поуспешен полковник Стауфенберг во руската армија, познат по обидот да го убие Хитлер.

„Дали има Брут во Русија?“, прашал сенаторот, мислејќи на еден од убијците на римскиот владетел Јулиј Цезар.

Поранешниот претседателски кандидат исто така се запрашал дали постои „поуспешен полковник Штауфенберг“ во руската војска, алудирајќи на германскиот офицер чија бомба не успеа да го убие Адолф Хитлер во 1944 година.

„Единствениот начин да се стави крај на ова е некој да го отстрани тој човек (Путин). Ќе си направиш голема услуга на себе и на целиот свет“, напишал Греам.

– Како завршува ова? Некој во Русија мора да скокне… и да го убие овој човек – изјави сенаторот за „Fox News“.

Тој го повтори повикот во серија твитови, велејќи дека „единствените луѓе кои можат да го поправат ова се Русите“.

Сенаторот, кој служеше во Конгресот повеќе од 20 години и повремено беше близок соработник на поранешниот претседател Доналд Трамп, вчера претстави резолуција со која се осудува рускиот претседател и неговите воени команданти за „воени злосторства и злосторства против човештвото“.

The post ДАЛИ ИМА БРУТ ВО РУСИЈА? Американски сенатор повика да се убие Путин appeared first on plusinfo.mk.