Ние од самиот почеток рековме дека секаде каде што постои основано сомнение за криминал, кое е поткрепено со докази, ние како влада ќе делуваме, рече денеска премиерот Христијан Мицкоски во врска со истргата против 8 вработени во Општина Сарај и во Градот Скопје, меѓу кои и против поранешниот градоначалник на Сарај, Блерим Беџети. 

– Ќе делуваме, ама од тоа нема да правиме естрада, нема да упаѓаме по дома со специјални единици. Едноставно, правдата е наш императив, без разлика дали тој што сторил неправда е сегашен или поранешен финкционер. Да ги оставиме органите, обвинителството и судството да ја заврши работата – рече Мицкоски на почетокот на изградбата на спортска сала во училиштето „Блаже Конески“ во Аеродом. 

Во врска со барањето на в.д. градоначалникот на Гостивар, Ваљбон Лимани да остане на должноста до изборот на нов градоначалник, согласно Законот за локалната самоуправа, а да не се именува владин повереник, Мицкоски рече дека Лимани требали и други работи да сподели со медиумите.

– Не знам дали сподели со вас дека тој усвоил на Совет два детални урбанистички плана без да добие мислење на институциите, а тоа е кривично дело. Претпоставувам дека не споделил. Треба и тоа да го сподели до медиумите кога дава какви било сугестии – рече Мицкоски.

Тој доаде и дека со коалициските партнери во Владата ја отвориле темата за именување владини повереници во четирите општини каде не беа избрани градоначалници и ќе разговараат.

8 ВРАБОТЕНИ ВО ОПШТИНА САРАЈ И ВО ГРАД СКОПЈЕ ФАЛСИФИКУВАЛЕ ДОКУМЕНТИ На фирма од Глумово ѝ овозможиле да стекне имот вреден 1,7 милиони евра

The post В.Д. ГРАДОНАЧАЛНИКОТ НА ГОСТИВАР НАПРАВИЛ КРИВИЧНО ДЕЛО Усвоил два детални плана без мислење од институциите, откри Мицкоски appeared first on plusinfo.mk.