Во повеќето европски престолнини, сообраќајот е синоним за метеж, долги редици и постојано чекање на зелено светло. Семафорите станаа неизбежен дел од урбаниот пејзаж и секојдневниот живот на граѓаните.

Сепак, постои еден главен град кој целосно се одвојува од овој образец и докажува дека сообраќајот може да функционира и без семафори. Тоа е Вадуц, главниот град на Кнежевството Лихтенштајн, единствениот главен град во светот без ниту еден семафор.

Овој мал, но добро организиран град, сместен помеѓу Швајцарија и Австрија, има само неколку илјади жители, а сообраќајот е поставен на начин кој првично ги изненадува посетителите. Наместо семафори, возачите се потпираат на сообраќајни знаци, кружни текови и јасно дефинирани правила за приоритет на минување.

Клучно е правилото за десна страна – возилото што доаѓа од десно има предност, освен ако раскрсницата не е означена поинаку. Иако ова правило е познато во многу европски земји, често се игнорира во големите градови поради доминацијата на семафорите.

И покрај отсуството на семафори, сообраќајот во Вадуц се одвива изненадувачки непречено. Причината не е само малата густина на сообраќај, туку и високото ниво на сообраќајна култура. Возачите се внимателни и одговорни, а пешаците се чувствуваат безбедно затоа што правилата се доследно почитуваат.

Овој сообраќаен систем го одразува карактерот на Лихтенштајн – една од најмалите, но и најуредните земји во Европа. Земјата е позната по висок квалитет на живот, безбедност и силно чувство на заедница. Вадуц можеби нема семафори, но има она што сè поретко се среќава во големите метрополи: сообраќај базиран на меѓусебна доверба, почитување и одговорност.

Лихтенштајн е четвртата најмала земја во Европа и една од најбогатите во светот, иако нема свој аеродром. До него може да се стигне преку Цирих, кој е околу еден и пол час возење. Економијата на кнежевството се потпира на специјализирана индустрија; земјата е светски лидер во производството на забни протези, а компанијата Ивоклар Вивадент држи околу 20% од глобалниот пазар.

Работната култура во Лихтенштајн исто така е уникатна: паузата за ручек трае дури еден и пол час, од 12:00 до 13:30 часот, што е меѓу најдолгите во Европа.

Сепак, историјата на оваа земја има и свои контрасти. Лихтенштајн беше последната европска земја која им додели право на глас на жените, дури во 1984 година. Претходните референдуми од 1970-тите не поминаа, а конечната одлука беше донесена со тесно мнозинство, што е еден од највпечатливите примери на бавни општествени промени во модерна Европа.

Вадуц е доказ дека сообраќајот не мора да значи хаос и црвено-зелено трчање. Понекогаш доволна е културата, довербата и јасните правила за приоритет, за да се создаде ред каде што многумина би очекувале метеж.

The post ЕДИНСТВЕНИОТ ГРАД ВО СВЕТОТ БЕЗ СЕМАФОРИ Нема сообраќаен хаос, тука довербата и правилата победуваат appeared first on plusinfo.mk.

Фудбалерите на Велс вечерва го победија Лихтенштајн со 1:0 на гостувањето во Вадуз. Велшаните се надеваа на триумф со најмалку шест голови разлика, но едвај стигнаа и до минимална победа.

По овој резултат, на македонската репрезентација во Кардиф во вторник доволно ќе и биде и реми за да го освои второто место во Ј-групата и да оди во бараж за СП 2026 преку квалификациите.

Во случај на чудо, односно Белгија да загуби од Лихтенштајн дома, тогаш нашата репрезентација со победа над Велс ќе избори директен пласман на Мундијалот 2026 што ќе се игра во САД, Мексико и Канада.

The post МАКЕДОНИЈА СО РЕМИ ВО КАРДИФ МОЖЕ ДА ОДИ ВО БАРАЖ Велс минимално го совлада Лихтенштајн appeared first on plusinfo.mk.

Македонската фудбалска репрезентација вечерва во Скопје го совлада Лихтенштајн со 5:0. Со новите три бодови македонскиот национален тим се врати на првата позиција на табелата во групата Ј од квалификациите за СП 2026.

Македонските репрезентативци беа расположени за игра, а серијата голови ја отвори Елиф Елмас откако мина пет противнички играчи. Официјално голот е запишан како автогол на голманот на Лихтенштајн Бенџамин Бухел.

На овој дуел сите пет голови ги постигнаа пет различни играчи. На почетокот на вториот дел нашиот тим зголеми на 2:0, а стрелец беше капитенот Енис Барди. На 3:0 четири минути подоцна зголеми Дарко Чурлинов, а четвртиот гол го постигна Лирим Ќамили во 86.минута. Конечните 5:0 ги постави Лука Станковски во 90.минута.

–  Среќен сум за победата. Најважно е што ги освоивме бодовите на овој натпревар и заслужено победивме со 5:0. Ние секогаш кога играме, играме да победиме и со тоа да го оствариме нашиот сон. Сакам да играме на Европско првенство, на Светско првенство, да напредуваме и да бидеме идоли на некои нови млади деца и да бидеме поттик за нив – изјави стрелецот на првиот гол на денешниот дуел Елиф Елмас.

Следен противник на нашата репрезентација е Белгија на 10.октомври на гостински терен.

Вечерва во терминот од 20:45 часот играат Белгија – Казахстан.

Избраниците на селекторот Благоја Милевски се на првата позиција со 11 бодови од 5 натпревари, Велс е втор со 10 (5), Белгија има 7 на третото место (3), Казахстан е на четвртото место со 3 бодови (4), а Лихтенштајн е последен без бодови од пет натпревари.

Македонија следниот натпревар го игра на 10.октомври на гости против Белгија.

The post ЗАСЛУЖЕНА ПОБЕДА, 5 ГОЛА ОД 5 ИГРАЧИ ПРОТИВ ЛИХТЕНШТАЈН Играме да го оствариме нашиот сон, вели Елмас appeared first on plusinfo.mk.

Во свечена церемонија во Вадуц, што ја спои традицијата со современиот сјај, 27-годишната принцеза Мари Каролина од Лихтенштајн, внука на принцот Ханс-Адам Втори и често опишувана како „најбогатата принцеза во Европа“, се венча со 34-годишниот Леополдо Мадуро Волмер.

Невестата блескаше во лелеава венчаница од фина чипка, дополнета со луксузна круна што ја нагласи кралската силуета. Церемонијата се одржа во катедралата Св. Флорин, а приемот во историскиот семеен замок над Вадуц, каде што гостите уживаа во класичен кралски амбиент.

Младоженецот Леополдо Мадуро Волмер е инвестициски менаџер со корени од Венецуела. Неговиот професионален бекграунд и меѓународен профил совршено се вклопуваат во космополитскиот дух на лихтенштајнската династија.

Кралската куќа на Лихтенштајн важи за исклучително богата, со значајни имоти и удели во банкарството и шумарството. Свадбата го потврди континуитетот на една од најстабилните европски династии, која успешно ги спојува традицијата и модерниот развој.

The post СЕ ОМАЖИ НАЈБОГАТАТА ПРИНЦЕЗА ВО ЕВРОПА Лихтенштајн во бело за свадбата на Мари Каролина appeared first on plusinfo.mk.

Македонскиот фудбалски репрезентативец Јован Манев, кој е роден во Кочани, во емотивно обраќање денеска рече дека двата претстојни натпревари во мундијалските квалификации доаѓаат во тешки денови за него лично и за целата нација, откако 59 лица загинаа во пожарот во дискотеката „Пулс“.

– Загубивме многу блиски пријатели, но знам дека тие би сакале да продолжиме да се бориме за нашата земја и за репрезентација. Ќе ми фалат секогаш, никогаш нема да бидат заборавени и доколку ми се укаже шанса заедно со моите колеги, ќе го дадеме максимумот во чест на сите нив – порача Манев во изјава за ФФМ.

Македонската репрезентација в сабота му гостува на Лихтенштајн во Вадуз по што идниот вторник во Скопје ќе го пречека Велс во двата воведни натпревари во квалификациите за пласман на Светското првенство 2026.

– „Ова е шанса да покажеме карактер и сплотеност, сите заедно да постигнеме резултати, најпрво за сите оние кои го загубија животот – изјави Манев.

The post КВАЛИФИКАЦИИТЕ ЗА СВЕТСКО ДОАЃААТ ВО ТЕШКИ ДЕНОВИ Воведните натпревари ќе ги играме со Лихтенштајн и со Велс appeared first on plusinfo.mk.

Токму затоа бодови се потребни од секој и на секој меч, а до нив се стигнува и со поддршка од навивачите.

Па така, предмалку ФФМ објави дека во продажба се пуштени билетите за мечот кој што се игра следниот месец, и детални инструкции како да се купат истите.

Поддржувачите на македонската репрезентација можат да купуваат билети за мечот од квалификациите за СП 2026 во секторот од стадионот за гостински навивачи (вкупно 1.232 места) по цена од 15 швајцарски франци.
Билетите од прва категорија (вкупно 200 за македонски поддржувачи) чинат 35 швајцарски франци.

The post БОДРЕТЕ ЈА МАКЕДОНИЈА ВО ЛИХТЕНШТАЈН Пуштени во продажба билетите за квалификацискиот натпревар appeared first on plusinfo.mk.

За жал, надлежните државни институции за оваа дејност не извлекуваат поуки од европските пракси. Крајно апсурдна изгледа информацијата дека на предложените законски измени е ставено европско знаменце за да се забрза постапката за нивно усвојување во парламентот. Ваквите ригидни политики кон игрите на среќа воопшто не се европски.

На почетокот на 2023 година привлече внимание веста дека 40.000 жители на малото Кнежевство Лихтештајн на 29 јануари ќе одлучуваат на референдум за иницијативата за затворање на казината во оваа европска земја. Главниот аргумент на иницијаторите за затворање на игрите на среќа беше дека Лихтештајн станал „Лас Вегас Алпа“. Застапникот на референдумот Гидо Мајер изјавуваше дека не сака Лихтештајн да се етаблира како казино и жариште за покер во Европа. Вицепремиерката Сабине Монуани објаснуваше дека приходот од 50 милиони швајцарски франци на годишно ниво е многу важен за буџетот на Лихтештајн и дека радикалниот пристап со затворање на казината не го решава проблемот од зависност од игрите на среќа.

На референдумот високо мнозинство од 72 проценти од жителите на Лихтештајн со гласање против ја отфрлија иницијативата за затворање на казината. Претходно и принцот Ханс Адам Втори заедно со Парламентот на Кнежевството Лихтештајн се изјасни против забраната за казината, оценувајќи дека негативно ќе влијае врз домашната економија. Во Лихтештајн до 2017 имаше забрана за игрите на среќа. После укинувањето на забраната се отворија шест казина, кои редовно се посетуваат од жители на соседните Германија, Швајцарија и Австрија.

Во Тетово има безмалку 85.000 жители. Речиси двојно повеќе од Лихтенштајн. Движењето „Антикоцкање“ чии претставници се од Тетово, со години критикуваат дека Тетово личи на Лас Вегас и се залага за целосна дислокација на објектите за игри на среќа надвор од урбаните места. Дури во декември минатата година ја промовираа идејата за локален референдум во Тетово на кој наводно ќе бараат граѓанска поддршка за нивната иницијатива. Оваа иницијатива „де факто“ е предлог за целосно гаснење на индустријата за игри на среќа. Како што секогаш бива со гласноговорниците на Антикоцкање кои се појавуваат периодично (како некој да ги контролира со далечинско), од локалниот референдум се уште нема ништо. Иако немаме ниту одговор дали и чии бизнис интереси штити Движењето „Антикоцкање“, добро би било да го кажат своето мислење за фактот дека сите ригидни иницијативи за затворање на игрите на среќа во Европа доживуваат порази.

Не треба да се гледа дури до Лихтенштајн, доволно да се погледне во соседството. Во октомври лани, албанската Влада соопшти дека после четири години откако ги забрани ги враќа игрите на среќа. Образложението на албанскиот премиер Еди Рама беше дека после забраната, игрите на среќа продолжиле да се одвиваат на црно и дека повторното легализирање на оваа дејност ќе ѝ помогне на албанската економија во време на енергетска и економска криза.

Исто како во Албанија и Лихтештајн и во Грција децении наназад беа забранети објектите за игри на среќа. Бројот на казина на целата нивна територија не надминуваше повеќе од 10, кои претежно беа насочени кон туристите. Но, тоа сепак не ги спречува Грците да играат. Податоците укажуваат дека, во одредени периоди меѓу 3.000 и 5.000 Грци само во еден ден ги посетуваат казината во Гевгелија. Локалните власти тврдат дека економскиот развој на општината веќе 15 години се темели на работењето на казината и хотелскиот бизнис. Тука треба да земе предвид дека и домашните нафтени компании, стоматолозите, трговците имаат полза. Ова ги принуди грчките власти да ја менуваат ригидната политика и со нов закон во 2018 дозволија нивната државна лотарија да отвора објекти со VLT апарати. Во Грција веќе се инсталирани 36.000 апарати за игри на среќа за да се спречи одливот на финансиски средства надвор од нивните граници.

Во објектите на сите категории игри на среќа во Северна Македонија се вработени речиси 10.000 луѓе, а индиректно се засегнати најмалку 23.000  граѓани, кои токму преку овие работни места обезбедуваат егзистенција. Дополнително оваа дејност индиректно поддржува и помага речиси 54.000 работни места, а целиот економски сектор придонесува во годишниот државен Буџет финансиски средства во износ од 280 милиони евра.

Очигледно е дека процесите во Албанија, Лихтештајн и Грција ги рушат аргументите на противниците на игрите на среќа во Северна Македонија. Никој во Европа не ја прифаќа тезата дека потенцијалната зависност од игрите на среќа се решава со затворање на казината, автомат клубовите и обложувалниците, како што ни потенцијалната зависноста од алкохол и никотин никаде не се решава со затворање на кафулињата, тобаката и продавниците на алкохол. Подигнувањето на општествената свест се прави со јавни кампањи и организиран пристап за насочување на младите генерации кон спорт и култура. Постоечката и важечка законската регулатива за игрите на среќа кај нас е најстрогата во регионот.

Асоцијацијата на приредувачи на игри на среќа – АПИС, застапена од Групацијата Новоматик и Апекс Македонија со целосно право предупредува дека евентуалните законски измени за дислокација на објектите ќе предизвика затворање на легална економска дејност и отворање на играчници на црно, на кои државата ќе нема никаква контрола.

Аргумент за тоа е аферата „Детонатор“ од 2011 кога на истокот на земјата, беа конфискувани 1.500 нелегално поставени покер апарати. Всушност, предлозите за дислокација на објектите нема да ги спречи граѓаните да играат игри на среќа и нема да ги задоволат дежурните критичари. Искушувањето на среќата е дел од човечкиот карактер, затоа игрите на среќа ги имало и ќе ги има секогаш, сѐ додека постои цивилизацијата.

Ние како асоцијација сме принудени со демократски средства да се бориме да ја докажеме праведноста и исправноста на нашите ставови. Пред сѐ имаме одговорност да ги заштитиме нашите вработени, огромните инвестиции кои ги имаме направено во Северна Македонија, но и македонската економија која ќе доживее сериозен удар ако поминат законските измени. Кога надлежните институции не сакаат да ги слушнат нашите аргументи ние имаме обврска да бидеме гласни на масовни протести. Пред целата јавност ќе покажеме дека и во оваа економска гранка работат луѓе од крв и месо, родители на малолетни деца кои чесно си ги заработуваат платите и не сакаат да бидат избркани од сопствената држава.

Горан Стоименов, претставник на АПИС

The post Лихтенштајн виа Тетово appeared first on plusinfo.mk.

Застапникот на референдумот Гидо Мајер изјавуваше дека не сака Лихтенштајн да се етаблира како казино и жариште за покер во Европа. Вицепремиерката Сабине Монуани објаснуваше дека приходот од 50 милиони швајцарски франци на годишно ниво е многу важен за буџетот на Лихтенштајн и дека радикалниот пристап со затворање на казината не го решава проблемот од зависност од игрите на среќа.

Што се случи на референдумот во Лихтенштајн?

На референдумот во неделата, високо мнозинство од 72 проценти од жителите на Лихтенштајн со гласање против ја отфрлија иницијативата за затворање на казината. Претходно и принцот Ханс Адам Втори заедно со Парламентот на Кнежевството Лихтенштајн се изјаснија против забраната за казината, оценувајќи дека негативно ќе влијае врз домашната економија. Во Лихтенштајн до 2017 имаше забрана за игрите на среќа. После укинувањето на забраната се отворија шест казина, кои редовно се посетуваат од жители на соседните Германија, Швајцарија и Австрија.

И Албанија ја напушти радикалната одлука за затворање на игрите на среќа

Во октомври лани, албанската Влада соопшти дека после четири години откако ги забрани, ги враќа игрите на среќа. Образложението на албанскиот премиер Еди Рама беше дека после забраната, игрите на среќа продолжиле да се одвиваат на црно и дека повторното легализирање на оваа дејност ќе ѝ помогне на албанската економија во време на енергетска и економска криза.

Процесите во Албанија, Лихтенштајн и Грција ги рушат аргументите на противниците на игрите на среќа во Северна Македонија

Исто како во Албанија и во Лихтенштајн, и во Грција децении наназад беа забранети објектите за игри на среќа. Бројот на казина на целата нивна територија не надминуваше повеќе од 10, кои претежно беа насочени кон туристите. Но, тоа сепак не ги спречува Грците да играат. Податоците укажуваат дека, во одредени периоди меѓу 3 000 – 5 000 Грци само во еден ден ги посетуваат казината во Гевгелија. Локалните власти тврдат дека економскиот развој на општината веќе 15 години се темели на работењето на казината и хотелскиот бизнис. Тука треба да земе предвид дека и домашните нафтени компании, стоматолозите, трговците имаат полза. Ова ги принуди грчките власти да ја менуваат ригидната политика и со нов закон во 2018 дозволија нивната државна лотарија да отвора објекти со VLT апарати. Во Грција веќе се инсталирани 36 000 апарати за игри на среќа. Очигледно е дека ниту една држава не сака нејзините граѓани да ги трошат своите пари во соседството.

Македонските асоцијации на приредувачи на игри на среќа бараат нивниот глас да се уважи

Македонските асоцијации кои ги застапуваат корпорациите кои се занимаваат со игри на среќа постојано предупредуваат дека евентуалните законски измени за дислокација на објектите ќе предизвикаат затворање на легална економска дејност и отворање на играчници на црно, на кои државата ќе нема никаква контрола. Како аргумент ја користат аферата „Детонатор“ од 2011 кога на истокот на земјата, беа конфискувани 1500 нелегално поставени покер апарати. Тие сметаат дека предлозите за дислокација на објектите нема да ги спречи граѓаните да играат игри на среќа и нема да ги задоволат дежурните критичари. Според нив искушувањето на среќата е дел од човечкиот карактер, затоа игрите на среќа ги имало и ќе ги има секогаш, се’ додека постои цивилизацијата.

Во објектите на сите категории игри на среќа во Северна Македонија се вработени речиси 10 000 луѓе, а индиректно се засегнати најмалку 23 000 граѓани, кои токму преку овие работни места обезбедуваат егзистенција. Дополнително, оваа дејност индиректно поддржува и помага речиси 54 000 работни места, а целиот економски сектор придонесува во годишниот државен Буџет финансиски средства во износ од 280 милиони евра.

The post ЖИТЕЛИТЕ НА ЛИХТЕНШТАЈН ПРОТИВ ЗАТВОРАЊЕТО НА КАЗИНАТА Од 3 000 до 5 000 Грци дневно ги посетуваат казината во Гевгелија appeared first on plusinfo.mk.

Првото полувреме мина во целосна доминација на македонскиот состав и откако Милан Ристевски и Елиф Елмас за малку биеја непрецизно, Дарко Чурлинов ја погоди пречката, а голот на Александар Трајковски беше поништен поради офсајд, водството дојде во 39 минута преку Дарко Велкоски.

Теренската иницијатива на Македонците продолжи во вториот дел и донесе на крајот убедлив триумф со головите на Езѓан Алиоски од пенал (66 мин), Бобан Николов (74) и Чурлинов (83) за прва победа под водство на новиот селектор Благоја Милевски.

Во преостанатите два натпревари вечерва во групата Ј, Германија со пресврт ја совлада Романија на домашен терен со 2:1, додека Исланд и Ерменија одиграа нерешено 1:1.

По седум одиграни натпревари, македонската репрезентација е второпласирана со 12 бодови, идентично колку и третопласираната Ерменија, а шест помалку од лидерот Германија, која гостува понеделник во Скопје.

The post ТРИУМФ НА МАКЕДОНСКИТЕ ФУДБАЛЕРИ Нашата репрезентација е второпласирана со 12 бодови appeared first on plusinfo.mk.

– Најбитен е натпреварот со Лихтенштајн. Нè очекува најтешкиот меч во досегашниот тек од квалификациите. Станува збор за селекција која константно напредува во последните години. Не е истата селекција од пред десетина години. Имаат одличен тим, пред сè на колективно ниво, тоа го докажаа на натпреварите со Ерменија и Германија. Очекувам да го дадеме максимумот на тој натпревар, да дадеме сè од себе за да ги освоиме трите бода од тоа гостување. Фаворити сме, но тоа мора да го покажеме и на терен. Очекувам од моите фудбалери да бидат во подобра форма од натпреварите во септември. Сите се во тренажен и натпреварувачки ритам – изјави Милевски.

Мора да бидеме подобри во реализацијата, вели Милевски, тоа ни недостигаше во септември.

– Секој фудбалер треба да биде максимално сконцентриран, јас немам замерки за тоа што го пренесоа на терен од тоа што го баравме на последните натпревари. Не сакам да правам калкулации, мора да дадеме максимум да го добиеме првиот дуел, а за сè останато ќе зборуваме подоцна – додаде предводникот на македонскиот национален тим на денешната прес-конференција во Скопје.

The post ВО ОКТОМВРИ ИГРАМЕ СО ЛИХТЕНШТАЈН „Ќе биде досега најтешкиот меч во квалификациите за светско“ appeared first on plusinfo.mk.