Конзорциум од Саудиска Арабија за сума од 303 милиони фунти претходно овој месец го купи Њукасл, и покрај загриженоста во меѓународната јавност поради состојбата со човековите права во таа арапска земја.

Клоп оцени дека во рок од неколку години Њукасл ќе има загарантирано место во Лигата на шампиони, мислејќи притоа на финансиската моќ на новите сопственици.

– Што значи тоа за фудбалот?. Пред неколку месеци имавме голем проблем во светот на фудбалот со 12 клубови, кои се обидоа да формираат Суперлига. Тоа не се случи, но ова е своевидна креација на супер-клуб. Тоа е приближно исто. На навивачите на Њукасл тоа ќе им се допадне, но за нас тоа значи дека постои нова суперсила во името на Њукасл – изјави Клоп.

Германскиот стратег го опиша Њукасл како трет клуб во светот, кој е во „државна сопственост“, алудирајќи притоа на инвестициите на заливските земји во Манчестер сити и ПСЖ.

– Колку што јас знам, тоа е трет клуб во сопственост на една земја. Не сум сигурен колку земји имаат финансиска моќ и интерес за такво нешто – додаде Клоп.

The post ЊУКАСЛ ЌЕ СТАНЕ ФУДБАЛСКА ВЕЛЕСИЛА Загарантирано е местото во Лигата на шампиони appeared first on plusinfo.mk.

Од македонските екипи прва на европската сцена ќе настапи Шкендија, која на 6 јули од 20 часот на Арената во Скопје ќе биде домаќин на словенечка Мура во рамки на 1. квалификациско коло во Лигата на шампиони.

Два дена подоцна, на истиот стадион, поддршка до 11.000 гледачи ќе може да има и вицешампионот Шкупи на натпреварот од 20 часот против Љапи од Косово, на стартот од квалификациите во УЕФА Конференциската лига.

Екипата на Струга на 15 јули од 20 часот на арената „Тодор Проески“ ќе биде домаќин во реваншот против латвиската екипа Лепаја.

Третиот македонски претставник во Конференциската лига, освојувачот на националниот куп Силекс, ќе биде домаќин во првиот натпревар против молдавски Петрохуб на 8 јули на тренинг центарот „Петар Милошевски“ во Скопје од 16 часот.

The post УЕФА дозволи да има навивачи на арената „Тодор Проески“ appeared first on plusinfo.mk.