Апелациониот суд Скопје ја укина првостепената пресуда против Лидија Димова и предметот го врати на повторно судење пред Основниот кривичен суд Скопје.

Како што информираат од судот, по одржаната јавна седница на 11 март годинава, уважени се жалбите и на одбраната и на обвинителството, по што пресудата е укината поради суштествени повреди на кривичната постапка. Предметот со сите списи е вратен на првостепениот суд на 30 март 2026 година, каде ќе треба повторно да се разгледа.

Според Апелација, во пресудата не било јасно утврдено за кои конкретни дејствија обвинетата е прогласена виновна, а за кои е ослободена, што претставува сериозен пропуст во постапката.

Основниот кривичен суд ја осуди Димова на две години затвор за злоупотреба на службената положба и овластување, како и обврска да надомести штета од 22,7 милиони денари на Националната агенција за европски образовни програми и мобилност.

The post АПЕЛАЦИЈА ЈА УКИНА ЗАТВОРСКАТА КАЗНА ЗА ЛИДИЈА ДИМОВА Предметот е вратен на повторно судење appeared first on plusinfo.mk.

Основниот кривичен суд Скопје ја прогласи за виновна поранешната директорка на Националната агенција за европски образовни програми и мобилност, Лидија Димова за кривичното дело злоупотреба на службена положба и овластување и ја осуди на казна затвор од две години.

Димова треба да плати и судски паушал од 10.000 денари и да ги покрие судските трошоци, како и во рок од шест месеци да ја надомести штетата од 22,7 милиони денари на Националната агенција.

Судијката Фанка Јанчулева Михаиловска, ja ослободи Димова за делото измама, како и третообвинетата Ана Павлиду за „несовесно работење во службата“.

Димова со нестручно и несовесно постапување овозможила противправна имотна корист на трети лица со што е направена штета од 2.818.000 денари на Европските фондови.

– Во делот на измама на штета на европски фондови не е опишан начинот на кој е извршено делото и не е јасно наведено на кој начин, дали и како биле искористени лажните податоци. Без вакви елементи недостига основ на делото измама и судот беше спречен објективно да оцени дали обвинетата пропуштила и дала невистинити податоци и со тоа предизвикала штета на фондови на ЕУ. Судот во тој дел беше должен да донесе ослободителна пресуда – рече судијката.

Застапник на обвинението е обвинителката Сузана Мирческа Кузмановска.

Обвинението против Димова е поднесено во јуни 2022 година.

Според Обвинителството, Димова во периодот од 2018 до 2020 година, како одговорно лице – директор на Национална агенција за европски образовни програми и мобилност, со намера за друг да прибави значителна имотна корист, ја злоупотребила својата службена положба и овластување и постапила спротивно на одредбите од Законот за јавни набавки, Законот за основање на Национална агенција за европски образовни програми и мобилност. Непочитувајќи ги начелата на законитост, еднаквост и јавност, без да објави јавен конкурс, не постапила совесно, стручно и непристрасно и ги дискриминирала потенцијалните кандидати, овозможувајќи повластување на повеќе надворешни лица со кои склучила поединечни договори и ги ангажирала како соработници, експерти, обучувачи и др.

The post ЛИДИЈА ДИМОВА ОСУДЕНА НА 2 ГОДИНИ ЗАТВОР Треба да врати 22,7 милиони денари на Агенцијата за европски образовни програми appeared first on plusinfo.mk.

ВМРО-ДПМНЕ остро реагираше на последните обвинувања од СДСМ и ги повика да ги проверуваат своите редови пред да зборуваат за криминал. Во соопштението, партијата ја истакна аферата со Лидија Димова, која беше разрешена како директорка на Агенцијата за европски образовни програми и мобилност поради злоупотреба на финансиски средства.

Димова, заедно со уште две лица, според ВМРО-ДПМНЕ, проневерила околу 20 милиони денари од европски фондови, за што беше обвинета од ОЈО ГОКК. Случајот бил во целосна координација со канцеларијата на Европската Унија, а партијата апелира СДСМ да ги сподели тие забелешки и со ЕУ.

„Пред да излезат со прес-конференции и соопштенија, СДСМ прво нека си го погледнат својот двор. Тие се полни со луѓе поврзани со сомнежи и криминали“, наведуваат од ВМРО-ДПМНЕ.

Посебно внимание се посветува на притисокот што го вршел тогашниот премиер Заев врз Димова да не поднесе пријава за криминал вреден 2,2 милиони евра, средства што Европската заедница подоцна ги побарала назад.

Според ВМРО-ДПМНЕ, овие пари завршиле кај блиски лица и фирми поврзани со нив, преку тендери кои биле фаворизирани.

„Оваа криминална мрежа имала свои влијанија во Националната агенција, а првопријавеното лице било поврзано и со кабинетот на премиерот“, потенцираат од партија.

На крајот, од ВМРО-ДПМНЕ повикуваат Јавното обвинителство да ја заврши својата работа и ги предупредуваат СДСМ треба да престане да ги критикува другите додека има нерасчистени криминали во своите редови.

The post ПРВО ПРОВЕРЕТЕ ВО СОПСТВЕНИОТ ДВОР, ПА ОБВИНУВАЈТЕ Лидија Димова злоупотреби 20 милиони, им одговори ВМРО-ДПМНЕ на СДСМ appeared first on plusinfo.mk.

Поранешната директорка на Националната агенција за европски образовни програми, Лидија Димова во изјава за „Фокус“ обзнани дека тогашниот премиер Зоран Заев ѝ вршел притисок да ја повлече пријавата што ја поднесе за проневера на 2,2 милиони евра европски пари.

– Во април 2020 година, од владата ми беше доставен „поздрав“ со листа на проекти што требаше да ги „пуштам“. Во јуни 2020 година, тогашниот премиер Зоран Заев, во присуство на Нола Исмајлоска,  од мене побара да ја повлечам кривичната пријава. Во октомври бев разрешена поради „неетичко однесување“ (прашајте го Љупчо Николовски што значи тоа), а во јули 2021 година, Нола беше именувана за регионален координатор за ЕУ, се разбира, откако гласаше за промена на името на државата. Во следните неколку месеци, новиот директор на Националната агенција, Марко Ѓоргиевски ги доисплати сите спорни проекти од шемата вредна 2,2 милиони евра – вели Лидија Димова за „Фокус“.

Поранешната директорка на Националната агенција за европски образовни програми и мобилност, Лидија Димова, беше обвинета за  „злоупотреба на службена положба и овластување“ и „измама“ на штета на средства на Европската заедница.

The post ЗОРАН ЗАЕВ ЗАМЕШАН ВО ПРОНЕВЕРАТА НА 2,2 МИЛИОНИ ЕВРА ЕВРОПСКИ ПАРИ? Лидија Димова директно го посочува поранешниот премиер appeared first on plusinfo.mk.

На судењето не присуствуваше адвокатот Петре Шилегов, бранител на Гочев. Судијката му посочи дека со оглед на казната што му се заканува за делото, има право да даде изјава во присуство на бранител. Ова е второ рочиште што се одржува за овој случај.

Обвинителката Сузана Мирческа-Кузмановска поднесе обвинителен акт против Димова, против Гочев, тогашен нејзин близок соработник, и Павлиду, пензионира благајничка во институцијата. Според обвинението, сите тројца проневериле пари од европската заедница.

Димова се гони дека со намера за друг да прибави имотна корист, спротивно на Законот за јавните набавки, ангажирала соработници во Агенцијата без да објави оглас, а меѓу нив е и ангажирањето на Зоран Златковски. Истовремено, Димова се гони и за исплаќањето издатоци за службени патувања. Обвинителката бара одговорност од Димова и за склучени договори за јавни набавки без објавен оглас.

Судењето за случајот со „злоупотреба на службена положба и овластување“ и „измама“ на штета на средства на Европската заедница продолжува на 3 март.

The post СОРАБОТНИКОТ НА ДИМОВА ПРИЗНА ВИНА, ТАА НЕ Ќе им се суди одвоено appeared first on plusinfo.mk.

Судењето претходно беше одложено, бидејќи првообвинетата не се појави под оправдување дека имала влошена здравствена состојба.

Поранешната директорка на Националната агенција за европски образовни програми и мобилност, Лидија Димова, се гони за кривично дело „злоупотреба на службена положба и овластување“ и „измама“ на штета на средства на Европската заедница. Александар Гочев за кривично дело „измама“, исто така, на штета на Европската заедница и Ана Павлиду за „несовесно работење во службата“.

Процесот го води судијката Фанка Јанчулева Михаиловска, а застапник на обвинението е обвинителката Сузана Мирческа Кузмановска.

The post ДАЛИ И КАКО СЕ ИСПУМПУВАЛЕ ЕВРОПСКИ ПАРИ? Почнува судењето на Лидија Димова appeared first on plusinfo.mk.

Првообвинетата во периодот од 2018 до 2020 година, како одговорно лице – директор на Национална агенција за европски образовни програми и мобилност, со намера за друг да прибави значителна имотна корист, ја злоупотребила својата службена положба и овластување и постапила спротивно на одредбите од Законот за јавни набавки, Законот за основање на Национална агенција за европски образовни програми и мобилност. Непочитувајќи ги начелата на законитост, еднаквост и јавност, без да објави јавен конкурс, не постапила совесно, стручно и непристрасно и ги дискриминирала потенцијалните кандидати, овозможувајќи повластување на повеќе надворешни лица со кои склучила поединечни договори и ги ангажирала како соработници, експерти, обучувачи и др.

Воедно, не практикувајќи ги Анексот II од Водичот на Европската комисија и Планот за јавни набавки на Националната агенција за европски и образовни програми и мобилност за 2018 година во пет наврати постапила спротивно на начелото за економичност, ефикасност и ефективно користење на парични средства сопственост на Буџетот на РСМ или средства со кои управува Европската заедница или се управува во нивно име, не објавила оглас за јавни набавки, не ги почитувала општите правила и не спровела постапки за јавни набавки од делокругот на тековното работење на Агенцијата, туку склучувајќи договори со четири правни лица им овозможила на истите да се стекнат со имотна корист, соопшти Обвинителството.

Во исто време, првообвинетата постапила спротивно и на Уредбата за изменување на Уредбата за издатоци за службени патувања и селидби во странство и спротивно на одредбите од подзаконските акти со кои е прецизирано работењето на Националната агенција за европски образовни програми и мобилности.

Второобвинетиот, според обвинението, времено ангажиран како надворешен соработник, заедно и по претходен договор со првообвинетата, во временскиот период од почеток на 2019 година до месец април 2020 година употребувајќи факсимил што му го дала првообвинетата изготвил десет обрасци за „каса исплати“ и прикажал невистинити податоци дека наведениот износ на парични средства претставува аванс за негово службено патување, без притоа да приложи соодветна документација пропишана во подзаконските акти. Врз основа на овие обрасци од страна на третообвинетата – благајник во Националната агенција за европски и образовни програми и мобилност му биле исплатени парични средства во вкупен износ од 943.757 денари.

Третообвинетата, како службено лице, благајник во Националната агенцијаза европски и образовни програми и мобилност пропуштила должен надзор и несовесно постапила при вршење на своите овластувања и должности и со тоа за друг прибавила поголема имотна корист. Таа, обрасците со невистинита содржина ги примила од второобвинетиот, иако немале оригинален потпис на првообвинетата, ниту пропратна документација и спротивно на работните обврски на нејзиното работно место не изготвила благајнички дневник и касов извештај од благајната и на второобвинетиот му ги исплатила паричните средства за наводните службени патувања, се наведува во обвинението.

Со опишаните дејствија обвинетите предизвикале штета на други средства на државата – средства со кои управува Европската заедница или се управува во нивно име во вкупен износ од 19.945.731 денари или околу 320.000 евра, при што првообвинетата сторила две кривични дела и тоа кривично дело Злоупотреба на службена положба и овластување од член 353 ст.5 в.в ст.3 в.в ст.1 в.в чл.45 од Кривичен законик и кривично дело Измама на штета на средства на Европската заедница од член 249-а ст.2 в.в ст.1 в.в чл.22 од Кривичен законик; второобвинетиот сторил кривично дело Измама на штета на средства на Европската заедница од член 249-а ст.2 в.в ст.1 в.в чл.22 од Кривичен законик и третообвинетата сторила кривично дело Несовесно работење во службата од член 353-в ст.2 в.в ст.1 од Кривичен законик, се додава во обвинението.

The post ОБВИНЕНИЕ ЗА ЛИДИЈА ДИМОВА И ЗА УШТЕ ДВАЈЦА Злоупотребиле 320.000 евра европски пари appeared first on plusinfo.mk.

– Како што знаете, во изминативе четири години, од самиот момент на доаѓање на власт на СДСМ, па сѐ до денес, за  најголемиот дел од аферите кои што ги извадивме нема никаква завршница, со поднесени кривични пријави. Значи, не се тоа афери коишто само се извадени во јавноста, туку и се поднесени кривични пријави. бидејќи сите веруваме дека еден ден Македонија може да биде правна држава којашто навистина ќе ја носи правдата – истакна Арсовски.

Портпаролот на ВМРО-ДПМНЕ спомна неколку крупни афери и скандали на функционери од СДСМ изминативе години, за кои што немаат никаква судска разрешница.

– Би сакал да потсетам на неколку крупни работи. Случајот „Рекет“, вистинските нарачатели, како и главата на рекетот, се уште не се во затвор. Знаеме сите кои се на Илинденска бб, во Владата. Случајот со Ден Дончев исто така, рекет човекот кого што јавно, на социјалните мрежи, го видовме како многу лагодно и комфорно си зема купчиња пари, си ги става во својата торбица, се уште нема никаква разрешница. Напротив, човекот не само што не е тука, не е присутен во правосудните простории на судот, туку според нашите информации веќе и е отселен чинам во Австралија, заедно со фамилијата – нагласи Арсовски.

Тој потсети и на скандалите и аферите за функционерите на СДСМ во изминатите четири години, како случајот со Фондот за иновации и случајот „Драги Рашковски“.

– Фондот за иновации, каде што за четири години се сменија тројца директори, практично кој како доаѓа се повеќе и повеќе краде, се повеќе и повеќе излегуваат афери за случаи каде што се делат по 50.000 евра за пица, која што е далеку позната во светот, оние случаеви на грантови од 11 милиони евра во 2018 година што ги поделија на свои високи функционери од СДСМ, каде што исто така нема разрешница. Pотоа директорката Лидија Димова, која што беше во Nационалната агенција за мобилност и европски фондови, каде што се даваа пари на фризерница за едукативни грантови, се даваа грантови за тренирање магариња, се уште нема никаква разрешница од обвинителството и од судот. Напротив, сега таа бара оштета од институцијата, што е навистина смешно. Случајот со Драги Рашковски, каде што целата јавност ја навредува интелигенцијата со оние изјави дека неговите деца собрале, замислете, 300.000 евра на мекици и за родендени, што е навистина смешно и само ја покажува забеганоста на оваа гарнитура на СДСМ. Сите овие случи се заташкани од страна на власта и има обид да бидат ставени во фиока, за да не го видат лицето на правдата и никогаш никој да не одговара за целиот овој криминал што го имаат правено и се уште го прават, но набрзо ќе биде прекинат по доаѓањето на ВМРО-ДПМНЕ на власт – заклучи Арсовски.

За целиот овој криминал којшто го правеле СДСМ, најпозитивната работа е што ќе имаат и добро потковани адвокати, кои можеби нема да им наплатат за нивните услуги кога ќе ги бранат за кривичните дела, бидејќи во изминатиов период навистина добро наплатиле од државните институции по основ на паушали, додаде Арсовски.

– Пратеничката Снежана Калеска-Ванчева, која е и претседател на форумот на жени на СДСМ, е долгогодишен адвокат која е добро позната на јавноста, патем, со тоа реноме можеби и влезе во политиката. Истата таа госпоѓа, која секојдневно говори насекаде дека Македонија треба да почива на столбот на правдата и да биде правна држава, е основач на друштвото „Дeлеге”, каде што има и партнерка. Истото тоа адвокатско друштво, во изминативе две и пол до три години, инкасирало 55.000 евра по основ на паушали од пет државни институции. Петте државни институции се раководени од кадри на СДСМ. МОН, таму беше Мила Царовска во тоа време, потоа таму каде што беше Лидија Димова за европските фондови и мобилност, Агенцијата за странски инвестиции, за енергетика и студентскиот центар каде што беше Дарио Николовски, исто така нивни близок човек до СДСМ. И замислете, еден човек одел на три позиции и си го ангажирал истово друштво. Никој не може да ми каже дека е случајно и дека тука нема никаква ургенција од страна на Калеска-Ванчева – заклучи Арсовски.

The post КУП АФЕРИ И СКАНДАЛИ БЕЗ ФИНИШ Главните рекетари сѐ уште се недоприливи appeared first on plusinfo.mk.

Ништо од тоа за што ние приговараме не се ефектуира како што си замислуваме.

Сите поместувања се единствено резултат на внатрешни триења.

Засега тројца капиталци книжи за победа едната страна (Анѓушев, Ден Дончев и Рашковски), а ситна боранија за победа книжи другата страна (Манчевски, Лидија Димова итн).

Па вие видете.

Не само поради злоупотреби, туку и поради неспособност, сè уште е нејасно што прават многуте советници и национални (ко)ординатори.

(ФБ статус на авторката)

The post Капиталци и ситна боранија appeared first on plusinfo.mk.

 На поранешната директорка Лидија Димова и на Александар Гочев, поранешниот надворешен соработник во Националната агенција за европски образовни програми судот им ги одзеде патните исправи, а имаат обврска за повремено јавување во судот и забрана за вршење на одредени работни дејствија.Тие имаат право на жалба пред Кривичниот совет.

Ваква мерка на претпазливост на разрешената директорка на Националната агенција за европски образовни програми, поради опасност од бегство побара обвинителството за гонење организиран криминал и корупција.

The post Димова и нејзин поранешен соработник останаа без пасоши, ќе мора редовно да се jавуваат во судот appeared first on plusinfo.mk.