– Тие беа со крв во очите и се удираа во градите кој е поголем Македонец, кој Албанец, а сето тоа беше за власт, пари и моќ. 30 години никој не носеше одлуки, но ние имавме храброст и носевме одлуки. Не само за договорите со Грција и Бугарија, туку и за Законот за употреба на јазиците, за зголемување на социјалната помош, за поголеми пензии, за поголема минимална плата, за 12. 000 стечајци, за повисока просечна плата, за воведената државна социјална пензија – рече Заев, од предизборната трибина во Гостивар, на која беа промовирани носителите во шестата изборна единица.

Тој додаде дека како власт покажале дека водат грижа за сите, најмногу за сиромашните.

Тој ги повика граѓаните да гласаат за европската и демократската опција на 15 јули.

– Покажавме дека сите политичари не се исти, не калкулиравме со личниот и партискиот рејтинг. Кога се исправивме пред вистината, знаевме зошто 30 години не се носеле одлуки, се плашеле за политичката кариера. Ама ние не се плашиме, зарем има поважно нешто од нашите деца и нашите внуци. Носевме одлуки и ги затворивме комплетно сите важни прашања – истакна Заев на трибината.

The post Заев: 30 години не се носеле одлуки, се плашеле за политичката кариера appeared first on plusinfo.mk.

Тој посочи дека преку оваа бомба од друга страна, опозицијата се обидува со разговори помеѓу трети лица да го инволвираат.

– Заев работел чесно, Заев работел поштено, Заев покажал комплетна посветеност за својот народ, за својата земја. Уште еднаш ќе испратам порака до сите дека сето ова што власта го правеше во целиот овој период е конкретно видливо и докажливо. Сето она што го зборува опозицијата е бла, бла, ништо повеќе. Требаше храброст за да падне режим – 2015 видоа храброст, требаше храброст да го обединиме нашето мултиетничко општество, да го создадеме концептот „Едно општество за сите“ за да денеска имаме мирни духови – еве им храброст – вели Заев.

Тој додаде дека требаше храброст да се решат споровите со Грција и Бугарија, кои 30 години беа отворени и на тој начин, како што рече, покажавме храброст.

– Требаше храброст за стратешките цели на државата, членство во НАТО и одлука за почеток на преговорите – покажавме храброст. И додека сите овие стратешки прашања ги решававме ја кренавме економијата од  минус 1,8 на 3,6 – рече Заев.

Лидерот на СДСМ, Заев денеска од Штип порача дека како партија покажале и докажале оти има пари за сите, и како што рече  инвестираат во човечкиот капитал, во човечките ресурси, а не во споменици, стиропорни фасади, жални врби, музеи и што ли уште не од глупости на кои што се нагледавме.

– Ја дигнавме слободата, слободата на говорот, ја вративме демократијата во нашата земја. Само тоа е важно и тоа е видливо и тоа се факти. Додека опозицијата може да го обноват само режимот, треба да си ја обноват својата партија, наместо да се трудат да  ја обноват татковината – вели Заев.

The post Заев: Чуден е овој Мицкоски, се што зборува опозицијата е бла, бла appeared first on plusinfo.mk.

– Поради глобалната пандемија од коронавирусот, оваа година, Денот на трудот го одбележуваме во несекојдневни, вонредни околности, во кои солидарноста, тој взаемен однос кон другите, кон работниците е темел на нашиот морал. Целиот свет покажа солидарност, ретко видена досега – тоа се случува и кај нас. Пред се’, граѓанките и граѓаните со почитување на мерките за заштита се солидаризираа со сите оние кои се во првите линии на борба со вирусот. Многумина изнајдоа креативни начини како да изработат заштитна опрема за нашите здравствени работнички и работници и многумина од нив тоа го направија бесплатно. Голем број индивидуаи и компании донираа храна за најзагрозените семејства.  Државата се погрижи секторите кои беа најмногу погодени да добијат директна финансиска помош со која ќе се задржат работните места – вели Заев во честитката.

Порачува дека фер и праведно е сега фирмите да им обезбедат достоинствен приход на своите работници и да ги задржат на работа, преку помошта обезбедена од државата.

– Оние компании кои непречено функционираа и за време на кризата, фер и праведно е да ги наградат своите вработени кои и во вонредни околности посветено работеле и создавале.
Тоа е солидарност, тоа е праведност. Напредокот ќе го обезбедиме само ако работниците во нашата земја се вреднувани, мотивирани и почитувани, работници кои се сигурни и заштитени на своите работни места – истакнува Заев.

Со порака дека работниците се моторот на македонската економија, Заев им се заблагодарува за напорите што ги правиле и за покажаната солидарност.

– Да продолжиме заеднички да се справуваме со кризата што го опфати целиот свет и сигурно ќе ја извојуваме најголемата победа со тоа што ќе ги задржиме работните места – вели Заев во честитката испратена по повод 1 Мај.

The post Заев: Сите да вложиме напори за зачувување на работните места appeared first on plusinfo.mk.