Пораката на пратеникот Фатмир Битиќи дека критиката во партиите не смее да се третира како предавство доаѓа во вистински момент, но и отвора многу подлабока рана во македонската политика, проблемот не е само во односите меѓу партиите, проблемот е што сè почесто несогласувањето внатре во партиите се доживува како закана, наместо како потребен коректив.

Во демократски систем, различното мислење е знак на живот, кај нас пречесто е сигнал за прогон. Штом некој ќе се осмели да постави прашање, да укаже на погрешна одлука или да понуди поинаков правец, следува добро познатата шема, наместо расправа за аргументите почнува расправа за мотивите, критичарот станува „непријател одвнатре“, „човек на други центри“, „предавник“, со тоа дебатата умира уште пред да почне.

Видовме што им се случи и што им се случува на Шилегов, Деспотовски, Куновска, но и на сите други во СДСМ што се осмелија јавно да го критикуваат и поранешното и сегашното раководство, наместо аргументите да им се слушнат, тие беа јавно жигосани, прогласувани за проблем, а не за совест на партијата, не беа третирани како луѓе што предупредуваат, туку како луѓе што треба да се замолчат, тоа не беше политичка дебата, туку дисциплинирање преку страв, јасна порака до сите останати, секој што ќе крене глас, ќе биде ставен на столбот на срамот, во таква атмосфера различното мислење не се побива со аргументи, туку се казнува со изолација и етикети.

Ова не е идеолошки проблем, ова е проблем на политичка култура.

Кога лидерот се поистоветува со партијата

Коренот на оваа појава лежи во моделот на лидерство што доминира со децении, лидерот не е прв меѓу еднаквите, туку станува мерка за лојалност, кога една партија ќе се сведе на волјата на еден човек или на тесен круг околу него, секоја критика на одлука автоматски се толкува како напад врз авторитетот.

Но, партиите не се приватни фирми, тие се организирани заедници на луѓе со различни искуства, ставови и визии, обединети околу заеднички политички цели и идеологија, во кои внатрешниот дијалог и различното мислење се природен дел од демократското функционирање, кога тие разлики се замолчуваат, партијата престанува да се развива и почнува да стагнира, нема ништо поштетно од моментот кога лојалноста кон една индивидуа ќе стане поважна од компетентноста, а дисциплината и покорноста поважни од вистината.

Стравот зад тишината

Зад задушувањето на критиката ретко стои сила, почесто стои страв, страв од губење контрола, од внатрешна конкуренција, од можноста дека некој друг можеби има подобар аргумент, наместо да се соочи со тие аргументи, лидерите односно раководството избираат полесен пат, дискредитација. Но. да не заборавиме дека заканите од ,,анонимни’’ сопартијци се составен дел на оваа одамна вткаена патрица.

Така се создава атмосфера во која луѓето не молчат затоа што се согласуваат, туку затоа што се плашат, таму каде што владее страв нема искрен совет, нема предупредување дека нешто оди во погрешна насока, нема корекција на време, партијата почнува да живее во сопствена реалност.

Етикетата како средство за контрола

Етикетирањето не служи само за да се замолчи еден глас, тоа служи како порака до сите останати, кога ќе видат што му се случува на оној што зборувал гласно, другите учат лекција, „подобро да молчам“, така постепено се губат најискрените и најкритичките луѓе, токму тие што најмногу ѝ се потребни на една организација.

Околу лидерот остануваат тие што никогаш не поставуваат незгодни прашања, на краток рок тоа создава привид на единство, а на долг рок тоа е рецепт за сериозни грешки и тешки порази.

Лично искуство со двојни аршини

Ова не го зборувам како апстрактна анализа, ова сум го почувствувал лично, во периодот кога ВМРО-ДПМНЕ беше под раководство на Никола Груевски, само затоа што имав поинакви ставови и укажував на одредени погрешни политики и незаконити дејствија на дел од првите чуѓе во партијата. Тогаш бев изложен на обид за нестатутарно исклучување од партијата, не поради штета што сум ја направил, туку поради став што не се вклопуваше во тогашната линија. Пораката беше недвосмислена, критиката е непожелна, а лојалноста кон првите луѓе е над сè.

Кратко време по овие ,,демократски изливи на партиски вредности и правила’’ јавноста сведочеше на сериозни политички потреси, поделби и историски одлуки што доведоа пратеници од нашите редови да гласаат за промена на името на државата и за Преспанскиот договор. Дел од луѓето што имаа надреална моќ во тие процеси и кои беа креатори, мотиватори и наредбодатели за гласањето на пратениците, никогаш не беа јавно етикетирани како „предавници“ од сопствените редови. За нив важеше молк или внимателно одбирање зборови. Одговорноста на поранешните први луѓе на партијата за жал не беше именувана со истата жестина со која се напаѓаа внатрешните критичари, иако за воља на вистината извршителите и наредбодавачите на одлуката за гласање за промена на името и за Преспанскиот договор го извршија најголемото предавство не само на партијата, туку пред сè на државата и народот.

Од овој пример јасно може да се види и заклучи дека суштина на лесно залепливата етикета „предавник“ не се дели според тежината на последиците, туку според степенот на послушност.

Молкот како најголема опасност

Задушената дебата може краткорочно да донесе мир во „куќата“, нема јавни судири, нема отворени расправии, сè изгледа под контрола, но цената се плаќа подоцна, кога никој не смее да каже дека стратегијата е погрешна, дека луѓето се оддалечуваат или дека теренот испраќа лоши сигнали, грешките стануваат системски. Тогаш поразите доаѓаат како „изненадување“, иако предупредувањата одамна постоеле, но биле замолчени.

Критиката може да биде непријатна за лидерот и раководството, но молкот е опасен за иднината на партијата.

Демократијата почнува во сопствениот двор

Партиите често повикуваат на дијалог во општеството, на толеранција и почитување различни мислења, но тие вредности не можат да се бранат надвор ако не се живеат внатре, ако во партиските простории владее страв од збор, тогаш повиците за демократија звучат празно.

Вистинската зрелост на една политичка организација и нејзиниот лидер не се мери по тоа колку силно сите аплаудираат, туку по тоа колку слободно и гласно некој може да каже „Не се согласувам“ без да биде прогласен за непријател.

Во здрава партија, критичарот не е предавник, тој е сигнал дека сè уште постојат луѓе што размислуваат, што се грижат и што сакаат работите да бидат подобри, мудрите лидери не го казнуваат тој сигнал, тие го слушаат.

Досегашната историја на политичките партии недвосмислено покажа едно правило без исклучок, партиите не се распаѓаат од премногу зборување, туку од предолго и недозволиво молчење. Вистинската критика, онаа што предупредува и укажува на грешки, не е закана за партијата, туку нејзина крв и душа, без која секоја организација станува мртво тело. Лидерството без способност да слуша забелешки и аргументи е рецепт за побрзо фаќање удолница. Вистинската моќ не се мери со тоа кој молчи, туку со тоа кој има храброст да зборува и кој е спремен да ги слушне тие гласови, дури и кога тие гласови се непријатни, но неопходни.

The post Кога критиката станува „предавство“, а молкот – доблест appeared first on plusinfo.mk.

Телохранителите на рускиот лидер се подготвени во секунди да направат формација околу него. Не чекаа да се подредат додека Владимир Путин излегуваше од автомобилот на црвениот тепих во Киргистан.

Watch Putin’s Elite PROTECTION Snap Into Formation!

Witness the professionalism as his security detail instantly forms a perimeter the moment he exits the car at the Kyrgyz capital’s airport.

These FSO men make instant coordination and iron resolve look effortless. pic.twitter.com/vTDbXdSjl8

— RussiaNews (@mog_russEN) December 1, 2025

The post 📽️ ЗА МИГ СЕ НАРЕДИЈА ОКОЛУ ПУТИН Дури и на црвен тепих, рускиот лидер има штит appeared first on plusinfo.mk.

Градоначалникот на Чаир, Изет Меџити денеска во гостувањето во емисијата „Директно“ на Телма изјави дека меѓу него и градоначалникот на Тетово, Биљал Касами ќе се избира идниот лидер на Вреди.

– Тука некаде е. Тој е повеќе фактор во Тетово, јас во Скопје. Ова се два главни града каде се концентрирани Албанците и затоа работиме на креативни решенија. Има повеќе решенија низ партиите во Европа, разгледуваме модели од Германија – рече Меџити.

The post ВРЕДИ ЌЕ ИЗБИРА ЛИДЕР МЕЃУ МЕЏИТИ И КАСАМИ Коалицијата разгледува креативни решенија по европски модел appeared first on plusinfo.mk.

Лидерот на Левица, Димитар Апасиев, синоќа на прес-конференција изјави дека неговата партија станува новиот лидер на опозицијата во Македонија, нагласувајќи го континуираниот раст на поддршката од граѓаните во последните изборни циклуси.

– Од 8 кандидати за градоначалници во 2021 година, сега имаме 20. Од 38 советнички листи – 53, во вкупно 80 општини. Од 50.000 гласови пораснавме на над 75.000. Од 48 советници, сега имаме над 70 советници. Тоа покажува стабилен раст и јасен сигнал дека Левица е сериозен политички фактор – изјави Апасиев.

Кандидатот за градоначалник на Град Скопје од Левица, Амар Мециновиќ, исто така се обрати пред јавноста, нагласувајќи дека Скопје покажало храброст и подготвеност за промена.

– Левица испиша историја, првпат во независна Македонија, кандидат за градоначалник на главниот град кој не е поддржан ниту од ВМРО-ДПМНЕ ниту од СДСМ успеа да влезе во втор круг. Тоа е доказ дека постои надеж и дека граѓаните веруваат во нова визија за Скопје – порача Мециновиќ.

Тој додаде дека во вториот круг граѓаните ќе избираат меѓу „две јасно различни визии, едната застарена и обременета со криминал, а другата, нивната, составена од љубов, чесност и верба во сопствениот град“.

The post АПАСИЕВ ТВРДИ ДЕКА ЛЕВИЦА СТАНУВА ЛИДЕР НА ОПОЗИЦИЈАТА Амар Мециновиќ во вториот круг од трката за Скопје appeared first on plusinfo.mk.

По подолга постапка, новинарот Љупчо Златев, уредник и сопственик на Радио Лидер, денеска е ослободен од обвинението за одавање службена тајна, според член 360 од Казнениот Законик, објави самиот Златев на својот профил на Фејсбук.

„Имено, по 5 години кривичен прогон кој беше нарачан, оркестриран и спроведен од Виктор Димовски (кој на телевизија излажа дека сум осуден), Зоран Заев и длабоката држава во ОЈО – ова утро сум ослободен! Соочени со фактите, на рочиштето утрово, од ОЈО Скопје се повлекоа од обвинувањата за одавање службена тајна по член 360 од кз на РМ.

Поучени од одлуките на Европскиот суд за човекови права, извештајот на Стејт Департментот во кој бев споменат, и фактичката состојба презентирана од мојот генијален адвокат – обвинителите одлучија да го повлечат обвинението. Им благодарам на сите за поддршката“ – напиша Златев во објавата,

Тој додава дека „како вистински патриоти, се откажуваме од трошоците за постапката“.

„Парите ќе му ги барам лично на Виктор Димовски. Не е народот виновен што тој го злоупотребуваше системот за политички прогон“ – напиша Златев.

The post ПРОГОНОТ НАРАЧАН ОД ЗОРАН ЗАЕВ ЗАВРШИ БЕЗ УСПЕХ Отфрлено е обвинението дека сум одал службена тајна, објави новинарот Љупчо Златев appeared first on plusinfo.mk.

Седиштето на Хамас се наоѓа во центарот на градот Газа, каде што живеалниот центар и тунелските мрежи му даваат можност да оперира и да се крие, а лидерот на воените сили, Иза ед‑Дин Хадад, според израелските власти, се наоѓа во тие тунели.

Операцијата „Гидеонова кочија II“ може да трае 2 до 3 месеци, но „чистењето на областа од терористи може да потрае подолго“, велат израелските власти.

Израелската одбранбена сила (ИДФ) утрово го започна вториот ден од офанзивата. Две редовни дивизии влегоа во Газа од различни насоки, додека стотици илјади Палестинци остануваат во градот. Во наредните денови ќе се приклучи и 36‑тата дивизија, и кога операциите ќе се завршат со нивните тековни задачи, градот Газа ќе биде речиси целосно опколен, јавуваат израелските медиуми.

Претходно ИДФ процени дека таму има околу 2.500 борци на Хамас, но сега тврди дека нивниот број се зголемил по пристигнување на дополнителни. ИДФ им соопшти на жителите дека отвора втора рута за евакуација крај улицата Салах ал‑Дин во јужниот дел на Појасот Газа, и тоа од денеска напладне до петок напладне, пренесе портпаролот Авичај Адрае на неговиот „X“ профил.

Околу 400.000 Палестинци веќе се евакуирани, а според проценка на ИДФ, отприлика милион луѓе живееле во градот пред почетокот на нападите.

The post ЛИДЕРОТ НА ХАМАС СЕ КРИЕ ВО ЦЕНТАРОТ НА ГРАДОТ ГАЗА Офанзивата на Израел може да трае со месеци appeared first on plusinfo.mk.

После оној смешко Шолц и неговите јавни и најбезобразно изразени предизборни „поздрави“ и поддршка до криминално-коруптивната коалиција сдсм-дуи (малите букви се…) којашто, за среќа, доживеа вистинска катастрофа, еве сега уште една екс-еу шушумига вкалупена во чевлите на бившиот италијански министер за надворешни работи го поздравува „пријателот на Европа“ олицетворен, ни помалку ни повеќе, туку – во ликот на „славниот“ Бујар Османи како претставник на нивното старо пријателство.

А со тоа веројатно ѝ посакува успех и на целата бивша мафијашка коалиција на претстојните локални избори. Зашто, се разбира, старите европски пријателства, особено кога се втемелени на секакви заеднички интереси, не се забораваат. И – се поддржуваат. Бидејќи „нашиве“ се осведочените „почитувани пријатели на Европа и на Европската унија“.

Ние останатите, за среќа, тоа не сме!

Само неколку дена претходно, преку „лидеро“ на куќниот совет и македонската политикантска опозиција, поздрав ни испратија и други „сериозни“ фаци, овојпат од Франција среде парламентарната криза: пратеничката и потпретседателка на групата за пријателство Франција – Северна Македонија во француското Собрание, шефот на Канцеларијата за соседство, проширување и одбрана при Генералниот секретаријат за европски прашања, директорот за Континентална Европа при Министерството за Европа и надворешни работи и специјалниот претставник за Балканот.

Сите, што би рекла скопската улица, „кој до којега“, со едно малку безобразно дополнување коешто сепак ќе го изоставам! И со сиот ум, „лидеро“ им отиде на поклонение, сосе „линиите“!?

И ќе остане забележано во историските анали на евроинтегративниот процес на Македонија: пред кој и да е во државава да го види предлогот за „црвените линии“ – или, што би рекол Геровски, „червените линии“ – на оној Филипче и на друштвото на мртви политиканти што глуми политичка партија, „лидеро“ прво оди во Париз на консултации, барајќи поддршка за „неговите решенија“ за деблокирање на евроинтеграцискиот процес! Да не е вистина, ќе умревме од смеење. Вака, ни останува само да се чудиме на димензиите на глупоста на таканаречената македонска опозиција.

Зашто, што ако еднакво мртвите француски политиканти во овој миг речат дека „червените линии“ на Филипче&компани се тоа што ѝ треба на еу (малите букви се…) сега? Ние – поточно власта – ќе потрча да ги усвои и да постапува по нив? Може ли некој да биде толку лесен (ајде да не речам малоумен и политички неписмен)? Или овде „квака 22“ е нешто друго, нешто што рибарите го знаат под името „фрли рипче, фати крапче“? Впрочем, имајќи го предвид потеклото на „лидеро“, логична е асоцијацијата, нели?!

И тука, би рекол, престануваат, или застануваат, сите мајтапи со оваа група „рибари во матно“ која би сакала (повторно) да биде власт во земјава. Но и сериозните потенцијални размислувања за некаков нивен можен придонес за развојот на земјава во вистинска насока, за демократски поместувања, за отворање на евроинтегративниот процес во вистинските насоки… итн. Таа група на политички отпишани луѓе очигледно нема капацитет да размислува во сериозни насоки во вакви кризни времиња, ним постојано им треба ментор со којшто како со „баба рога“ – ете, пак јас со „српскиот свет“! – ќе го плашат народот и ќе му мафтаат пред нос со француската поддршка на нивните глупости. Зашто, зарем Франција, особено во овој миг и со оние спомнати „политички фактори“ навистина би можела разумно да процени нешто?

Згора на тоа, фантастично е што воопшто некој во оваа и ваква Европа – а особено во оваа и ваква еу! – се чувствува подготовен и компетентен да се плетка во внатрешни работи на суверена држава, па нека се тоа и нејзините проблеми со евроинтегративниот процес. Во таа насока, Филипче можел комотно да појде и до Софија наместо да „тепа“ онолкав пат до Париз – или требало малку да си го прошета задникот на сметка на партијата? – при што одговорот односно резултатот би бил идентичен: „червените линии“ ви се фантастични!

Не сум сигурен дека луѓето од оваа криминално-коруптивна групација – сега повторно „од некого“ осоколени дека можат пак да дојдат на власт – не знаат која е и каква е оваа еу последнава деценија, па и подолго. Тие не знаат многу работи, но ова сигурно го знаат. Не само нејзиниот тотален морален распад, недемократскиот однос внатре во „семејството“ кон помалите членки и особено изразениот „неоколонијализам“ (Слапшак), растечкиот неофашизам и премолчената поддршка на геноцидни политики итн. Таа и таква еу, онака скршена и понижена со наметнатиот договор на Трамп, може да се сили само на држави како Македонија.

Зошто? Затоа што, не само со последниов потег на „лидеро“ туку и со многу други веќе очебијно проѕирни манифестации, идните проучувачи на современата македонска историја нема многу да се двоумат околу внатрешната поддршка на културната војна што ја води еу против Македонија. И дека голем дел од потезите односно „решенијата“ што овде некој ги предлага се „надворешна кујна“ со пресметани долгорочни дејствија. А тие не се секогаш, или воопшто не се – добронамерни! Целиот македонски „демократски“ пат од онаа 1991 година наваму „мириса“ на мемливо (про)европско политикантство зачинето со типични македонски мирудии.

И затоа, не е точна констатацијата дека сега времињата се многу сменети, дека ова не е веќе 1991 година, дека ние сами си ги решаваме проблемите. Тоа, едноставно, не е точно! Прво, ние не можеме сами да си ги решиме проблемите сѐ додека кај нас превладува онаа веќе смирисана „стратегија“ дека ние без еу сме ништо. Но таа е на сила бидејќи ние не сакаме да размислуваме за нови хоризонти. Или не можеме, не сме способни? Впрочем, историјата покажува дека „се лепиме“ за најблиските решенија, оние што ни изгледаат најлесни и најбезболни – а не се – како впрочем и дамнешната „приврзаност“ на дел од македонската историска интелигенција кон источниот сосед. Тие им биле, што се вели, „при рака“. Но потоа тие „приврзаности“ некој ги трансформира во трајни од коишто подоцна не можеме да се „одлепиме“!

И понатаму, сѐ додека низ земјата неодговорно и непречено роварат разноразни „групации“ со нивни „решенија“, сѐ додека кај нас некои самопрогласени елити за секоја запирка трчкаат во Брисел, Париз, Софија…, што пак други „сили“ го поздравуваат како обид „да се покрене закочениот механизам кој ќе не движи напред“, ние нема да мрднеме никаде и ќе се истоштуваме во бескрајни јалови „дискусии“ – попрво кавги – без видлив резултат. Ако пак онаквите политикантски „еу екскурзии“ на опозицијата и нивната евидентна неспособност и поддршката на културната војна некои ги прогласуваат и поздравуваат како “нормално и потребно за државата и за народот“, тогаш излезот од овој еу лавиринт не е ни на повидок.

Извор: Теодосиевски уметност

The post Политикантски „еу екскурзии“ appeared first on plusinfo.mk.

Израел денеска изврши напади врз Сана, главниот град на Јемен, додека лидерот на Хутите, Абдул-Малик ал-Хути, држеше говор, наведува израелскиот Канал 12, повикувајќи се на израелски извори.

Според извештаите, израелската авијација ја нападнала областа Ас-Сабаин во Сана, која вклучува претседателски комплекс и главниот воен камп на Хутите.

Израел потврди дека нападите биле насочени кон високи функционери на силите на Хутите.

Извор наведе дека елиминациите биле планирани уште на почетокот на неделата во рамките на претходниот бран напади, а дека одлуката за нивна реализација е донесена дури сега.

Yemen

More than 10 Israeli airstrikes targeted Sanaa, during Houthi Leader Abdul-Malik al-Houthi’s speech. pic.twitter.com/TysNueI2sz

— Thomas Keith (@iwasnevrhere_) August 28, 2025

– Како што ги предупредивме Хутите во Јемен, кој ќе крене рака на Израел, раката ќе му биде отсечена – рече израелскиот министер за одбрана Израел Кац.

Високиот функционер на Хутите, Наср ал-Дин Амир, ги негираше тврдењата за напад врз високи функционери, обвинувајќи го Израел за напади врз цивилни цели поради поддршката на Јемен за Газа. Тој додаде дека воените напори на Јемен и помошта за Газа ќе продолжат, освен ако не престанат нападите и блокадата на Газа.

Претходно, во неделата, израелски авиони нападнаа низа инфраструктурни објекти во Сана.

Guys..
The Red Wedding strike in Sanaa is looking very promising.

I don’t believe Abdul al-Malek will be amongst the names, but the Chief of staff might.. pic.twitter.com/6ZNkMM0wNw

— Voice From The East (@EasternVoices) August 28, 2025

Според портпаролот на израелската војска, целите вклучувале воена база во која се наоѓа претседателската палата, електричните централи Асар и Хизаз, како и складиште за гориво, со цел да се наруши инфраструктурата на Хутите и нивните линии за снабдување. Според извештаите, во нападот загинале 14 лица, а повеќе од 50 се повредени, од кои некои се во тешка состојба.

The post ИЗРАЕЛ ЈА НАПАДНА САНА ДОДЕКА ЛИДЕРОТ НА ХУТИТЕ ДРЖЕШЕ ГОВОР Во главниот град на Јемен биле гаѓани цивилни цели appeared first on plusinfo.mk.

Алпскиот бренд на чоколадо Милка доби медал за „најдрска рекламна лага“ на годината во истрагата на организацијата за заштита на правата на потрошувачите Фудвоч (Foodwatch).

„Чоколадото Милка е школски пример за таканаречена „скратена инфлација“ и токму затоа потрошувачите ја прогласија за најдрска рекламна лага на годината“, се вели во соопштението на организацијата Фудвоч.

„Скратена инфлација“ се користи за случаи кога цената на производите не се зголемуваат по секоја цена, туку се намалува нивната содржина, а се одржува истата цена.

34% од анкетираните гласале за негативната награда „Goldener Windbeutel“ да му се додели на производителот на чоколадото Милка. Windbeutel е вид десерт, а во буквален превод значи „кеса воздух/ветар“.

Производителот на чоколадото,„Монделез“ (Mondelez) ја зголеми цената на алпското млечно чоколадо од 1,49 на 1,99 евра, а кратко потоа ја намали тежината на чоколадото од 100 на 90 грама. Ова, како што објави Foodwatch, претставува зголемување на цената од 48%.

Мултинационалната компанија Mondelez го објасни зголемувањето на цената со зголемувањето на цените на какаото на светскиот пазар, како и со други фактори што влијаат на конечната цена на производот.

Фудвоч, од друга страна, го критикуваше недостатокот на транспарентност, особено кога станува збор за намалување на тежината.

-На предната страна на чоколадото пишува дека станува збор за плочка од 90 грама, но етикетата е мала и често е покриена на полиците во супермаркетите – појаснуваат оттаму.

Оваа организација за заштита на потрошувачите укажува на статистички податоци, според кои, цената на чоколадото во Германија се зголемила за околу 8% минатата година, додека во исто време „Монделез“ ги зголемил цените на чоколадото за некои производи за 64%.

На второто место на озлогласената листа на заведувачки потрошувачи е пушениот лосос на норвешката компанија, кој беше критикуван поради непочитување на законот за заштита на животните.

На третото место се најде чоколадото наречено „Менстру Чокобар“, кое им се допаѓа на жените за време на менструацијата со тврдењето дека чоколадото содржи состојки како железо и витамин Б6, кои, како што се тврди, ги ублажуваат менструалните проблеми. Според Фудвоч, нема научни докази за ова тврдење.

На четвртото место се најде популарниот маргарин Рама произведен од Флора Фуд Груп, на кој потрошувачите се противат бидејќи на пакувањето пишува дека е „100 проценти природни состојки“ иако, според Фудвоч, производот е полн со дополнителни индустриски произведени состојки.

The post ЧОКОЛАДОТО „МИЛКА“ ЛИДЕР НА РЕКЛАМНА ИЗМАМА НА ГОДИНАТА Потрошувачите тврдат дека купуваат кеса со воздух appeared first on plusinfo.mk.

Првото јавно обраќање на ајатолахот Али Хамнеи по прогласениот прекин на огнот со Израел упати силна порака до Вашингтон и Тел Авив. Иранскиот врховен лидер изјави дека нападот врз американската воздухопловна база во Катар е јасен сигнал дека Исламската Република е подготвена да реагира секогаш кога ќе се почувствува загрозена.

Хамнеи, во пораката што беше емитувана преку државната телевизија, првпат се појави по речиси две недели отсуство. 86-годишниот духовен водач изгледаше изморено, зборуваше со пресечен тон и неколкупати запна додека го искажуваше својот став.

– Исламската Република победи. Му удривме шлаканица на Америка – и ако е потребно, тоа ќе го направиме повторно. Ако следи нова агресија, противникот ќе плати цена каква што досега не видел – рече Химнеи, а пренесува Асошијтед прес.

Тој го минимизираше ефектот од масовниот воздушен напад на САД од пред неколку дена врз три ирански нуклеарни локации, тврдејќи дека не е постигнато „ништо значајно“. Нападите, кои Вашингтон ги оцени како „целосно уништување на нуклеарната програма“, Иран ги гледа како израз на слабост.

Во исто време, портпаролот на иранското МНР, Есмаил Багаеи, призна дека штетата на нуклеарните капацитети е „сериозна“, додека шефот на МААЕ, Рафаел Гроси, ја оцени како „многу значителна“.

САД соопштија дека иранскиот напад врз базата во Катар бил ограничен и без човечки жртви, но Техеран го претстави како „одлучен одговор“. Според Хамнеи, Америка се вмешала во војната за да го спаси Израел од целосен колапс.

– Ако не се вмешаа, ционистичкиот режим ќе исчезнеше. Но влегувањето на САД во конфликтот не им донесе ништо – изјави ајатолахот.

По американските напади, ситуацијата на Блискиот Исток влезе во фаза на привремено смирување. Прекинот на огнот, во кој посредуваше претседателот Доналд Трамп, стапи на сила во вторникот. Во Иран веќе се чувствуваат знаци на нормализација – повторно се отвораат продавници, а воздушниот простор делумно е оспособен за домашни и меѓународни летови.

Министерството за патишта потврди дека источниот коридор над земјата е отворен за транзит. Животот во Техеран и другите поголеми градови се стабилизира.

Според податоците од иранските власти, во конфликтот загинале 606 лица, а над 5.300 се повредени. Паралелно, организацијата „Human Rights Activists“ јавува дека израелските напади предизвикале над 1.000 жртви, од кои речиси половина се цивили.

Израел, од своја страна, соопшти дека загинале најмалку 28 негови граѓани, додека над 1.000 се ранети. Иран испукал повеќе од 550 ракети, а Израел возвратил со удари врз 720 цели, меѓу кои и нуклеарни објекти.

Американската страна, пак, најави можни директни преговори со Иран. Претседателот Трамп изјави дека таква средба може да се случи веќе следната недела. Иако Техеран сè уште не го потврди тоа, неофицијално постои дипломатска комуникација меѓу двете страни.

Преговорите за нуклеарната програма, кои требаше да продолжат во Оман во јуни, беа откажани по нападот на Израел од 13 јуни.

Во знак на одлучност, иранскиот парламент веќе донесе предлог-закон со кој се предвидува ограничување на соработката со МААЕ, што може дополнително да го усложни патот до долгорочно решение.

The post ХАМНЕИ СЕ ВРАТИ СО ЗАКАНИ Шлаканица за САД и за Израел во првиот говор на ајатолахот appeared first on plusinfo.mk.