Фотографија од лична карта за наводна работа во црква се претворила во долг од 215.731 денари за 18-годишно момче од демиркаписко. Наместо ангажман и заработка, тинејџерот добил писмо за отплата на кредит од околу 3.500 евра, подигнат на негово име.

Според информациите од ОВР Неготино, пријавата била поднесена на 17 февруари 2026 година во 09:45 часот. Момчето изјавило дека во периодот октомври – ноември 2025 година, во Неготино било контактирано од машко лице кое побарало да ја фотографира неговата лична карта.

Непознатото лице му објаснило дека документот е потребен за постапка поврзана со ангажман за делење пакети во црква, за што наводно требало да добие паричен надомест. Момчето се согласило и ја дало личната карта за фотографирање.

По настанот, никогаш не било повикано за работа. Не добило ниту исплата.

Сомнежите се појавиле кога момчето добило писмо од финансиско друштво со известување за отплата на кредит подигнат на негово име. Станува збор за 215.731 денари, односно околу 3.500 евра.

Оштетениот се сомнева дека кредитот бил подигнат со злоупотреба на неговите лични податоци и фотографијата од личната карта.

The post „ЌЕ ДЕЛИШ ПАКЕТИ ВО ЦРКВА“ Им дал лична карта, му стигнал долг од 3.500 евра appeared first on plusinfo.mk.

Дваесет и деветгодишен државјанин на Камерун бил уапсен на Граничниот премин Табановце откако се обидел да ја напушти државата со туѓа француска лична карта, која била евидентирана како предмет на потрага од Интерпол.

Инцидентот се случил на 25 јануари 2026 година во 18:12 часот, при излез од Македонија. При редовна гранична контрола, полициските службеници забележале сомнеж во документите што ги приложил П.М.Ф.Б. (29). По проверката било утврдено дека француската лична карта не му припаѓа нему и дека се води како предмет по кој трага Интерпол.

Дополнителните проверки покажале дека мажот бил регистриран во Прифатниот центар Визбегово. Тој пред полицијата изјавил дека спорната француска лична карта ја купил од лице од Скопје за сума од 1.000 евра.

По лишувањето од слобода, Камерунецот бил предаден на полициски службеници од СВР Куманово. По целосно документирање на случајот, против него ќе биде поднесена соодветна кривична пријава.

The post СКОПЈАНЕЦ МУ ПРОДАЛ НА МИГРАНТ ОД КАМЕРУН ФРАНЦУСКА ЛИЧНА КАРТА Платил 1.000 евра, го уапсиле на Табановце appeared first on plusinfo.mk.

На барање на бројни граѓани и поттикнати од интересот на медиумите, Министерството за дигитална трансформација ја информира јавноста дека електронската апликација за закажување термин за издавање на лични документи повторно е достапна преку националниот портал за е-услуги, uslugi.gov.mk.

Граѓаните сега можат брзо и лесно, без чекање и без гужви, да закажат термин за следните услуги:

Издавање на лична карта
Издавање на пасош
Издавање на возачка дозвола

„Процедурата е едноставна и достапна од било кој електронски уред. Со оваа иницијатива, Министерството продолжува со својата мисија да ја дигитализира јавната администрација и да обезбеди поквалитетни, побрзи и поефикасни услуги за сите граѓани, соопшти Министерството за дигитална трансформација.

The post ЕЛЕКТРОНСКИ ЗАКАЖЕТЕ ТЕРМИН ЗА ЛИЧНИ ДОКУМЕНТИ Повторно е достапно онлајн аплицирањето за лична карта и за пасош appeared first on plusinfo.mk.

Министерството за дигитална трансформација работи на дигитална апликација преку која граѓаните ќе имаат лична карта и возачка дозвола во електронски облик, а ќе имаат пристап и до најновите услуги или најбараните услуги, најави министерот Стефан Андоновски.

Андоновски, во интервју за „360 степени“ вели дека станува збор за „дигитален паричник“, што многу наликува на „Гугл волет“ или „Епл волет“, што значи дека електронската верзија на личната карта и возачката дозвола ќе бидат спакувани во апликацијата и ќе може граѓаните да ја покажат за да се легитимираат. Во втора фаза на проектот, како што најави, ќе биде овозможено и електронско потпишување и целосна биометриска верификација.

– Добивме позитивен одговор од програмата „Дигитална Европа“, реализацијата требаше да започне во јануари 2025 година, но поради интерни процедури во Европска Унија почетокот беше највен за јуни 2025 година и ние подготвувајќи се, ја имаме модел-верзијата на апликацијата – изјави Андоновски, посочувајќи дека станува збор за проект што е меѓународно партнерство со Министерството за дигитална трансформација на Украина, заедно со програмата „Дигитална Европа“ од којашто добивме грант од над еден милион евра.

Андоновски, најавува дека на дигиталниот самит што ќе се организира во Скопје на 1 и 2 октомври годинава ќе биде промовирана тест-верзијата или демоверзијата на апликацијата за првите корисници да можат да ја симнат на својот мобилен телефон и да ја користат.

Апликацијата, посочи Андоновски, засега ќе чини бесплатно затоа што добивме грант од над еден милион евра од „Дигитална Европа“ од ЕУ и дополнително средства за развој на порталот за услуги, на којшто оваа апликација му е практично близнак.

Во првата фаза, според Андоновски, граѓаните нема да имаат никакви трошоци, додека во следната фаза кога ќе се вклучи дигиталниот потпис, биометриската верификација, може да се појавуваат некакви трошоци.

Андоновски, меѓу другото, посочува дека новиот закон за сајбер безбедност ќе ги зајакне институциите во превенција од хакерски напади, посочувајќи дека законот предвидува формирање неколку тела – Национален координативен совет за сајбер безбедност, Сектор за сајбер безбедност (во МДТ) и владин центар за одговор на инциденти.

Прашан дали Владата планира носење регулатива за криптовалути, Андоновски, вели дека иднината на финансискиот сектор се криптовалутите и доколку светот се движи во оваа насока, земјава нема друга опција освен да размислува за регулација.

Според министерот, земјава е соочена со два предизвици во моментов – едниот е да се прифати реалноста и да се признае дека криптовалутите постојат и се тргуваат во Македонија, а другиот е дека преку исполнувањето на целите на Реформската агенда се движи кон Европската Унија и оти треба да се следи регулативата на Унијата.

The post ЛИЧНА КАРТА И ВОЗАЧКА ДОЗВОЛА ВО „ВОЛЕТ“ На 1 октомври ќе биде претставена демо верзија на апликацијата appeared first on plusinfo.mk.

Жител на Тетово останал без правото на социјална сигурност за стари лица откако бил злоупотребен неговиот идентитет. Без да знае, некој ги употребил неговите лични податоци од изгубената лична карта и исплатил добивка од речиси 5.000 денари во правен субјект во Скопје. Поради тоа социјалната служба му го укина правото на помош, сметајќи дека остварил приход.

Полицијата открила дека зад овој срамен потег стојат 22-годишниот Д.И. од Тетово и 38-годишниот К.К. од Скопје, кои добија кривични пријави за злоупотреба на лични податоци и несовесно работење во службата. Д.И. бил вработен во правниот субјект кој ја извршил исплатата, а К.К. е негов управител.

Според информациите на Министерството за внатрешни работи, на 15 март 2024 година, првопријавениот Д.И., кој бил вработен во правен субјект од Скопје, заедно со К.К., управител на истиот правен субјект, ги злоупотребиле личните податоци на лице од Тетово кое претходно ја изгубило личната карта.

„Со податоците од изгубената лична карта тие извршиле исплата на добивка од 4.800 денари во правниот субјект“, информира МВР.

Но, вистинската жртва од случајот претрпела далекусежни последици. Во август истото лице добило решение од Јавната установа Меѓуопштински центар за социјална работа Тетово за престанок на правото на социјална сигурност за стари лица – најверојатно поради наводна исплата на приход што не ги остварил.

The post ОСТАНА БЕЗ СОЦИЈАЛНА ПОМОШ ЗАРАДИ ТУЃ КРИМИНАЛ Некој му ги искористил податоците од изгубената лична карта и наплатил добивка во негово име appeared first on plusinfo.mk.

Тошковски нагласи дека граѓаните не треба да трпат штета поради, како што ги нарече, „погрешните политики на претходната власт.“

– Огромен број од возачките дозволи се веќе заменети. Еднаш упатив јавен апел до сите полициски службеници дека не треба македонските граѓани да бидат казнувани заради тоа што во минатото имало политичари коишто не си ја сакале државата. Упатувам апел да ги применат законските одредби за опомена и укажување на сите оние кои во овој адаптибилен период сè уште користат возачка дозвола која е важечка според рокот, но не е усогласена со законот – изјави Тошковски.
Тој додаде дека полициските службеници треба да постапуваат внимателно, применувајќи ги одредбите за опомена, за да не се казнуваат граѓаните поради минатите пропусти.

Министерот ги појасни и правилата за користење на старите лични карти.

– Врз основа на важечка лична карта, граѓаните може да ја напуштат земјата и да се движат во државите со кои имаме билатерални договори. Личната карта може да стане неупотреблива само ако тоа го констатира државата соодветно на закон. Во моментот таков акт не постои, па сите важечки лични карти ќе може да се користат во рамки на нивниот рок на важност – објасни Тошковски.

Министерот оцени дека огромен дел од пасошите се издадени согласно новото уставно име. Тој додаде дека процесот на издавање на документи се одвива без метеж и поголеми проблеми.

The post ГРАЃАНИТЕ ЌЕ СЕ ОПОМЕНУВААТ, НЕМА ДА СЕ КАЗНУВААТ Тошковски со апел до полицијата за возачките дозволи и личните карти appeared first on plusinfo.mk.

– Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 24.04.2024 ќе работат за издавање на лични документи со работно време од 08 до 19 часот, соопштуваат од МВР.

Исто така, граѓаните на Скопје, ќе можат своите лични карти да ги подигнат во полициските станици во Скопје.

The post ЛИЧНАТА КАРТА МОЖЕТЕ ДА ЈА ПОДИГНЕТЕ И ДЕНЕСКА Шалтерите ќе бидат отворени од 8 до 19 часот appeared first on plusinfo.mk.

Финансиските друштва кои што работат на територијата на Северна Македонија од почетокот на овој месец имаат обврска да воспостават систем за управување со кредитен ризик за идентификување, мерење, контрола и следење на кредитниот ризик кој што вклучува меѓу другото процедура за процена на кредитната способност, како и процедура за идентификација и ажурирање на податоците на клиентите, соопшти Министерството за финансии.

Начинот на управување со кредитниот ризик е пропишан со новиот Правилник кој е донесен од Министерството за финансии и кој претставува основа за системска контрола во работењето на финансиските друштва.

„Со примена на Правилникот се оневозможува финансиското друштво да одобри кредит на барател кој не е кредитоспособен, односно финансиското друштво пред склчување на договорот за кредит треба да ја процени кредитната способност на барателот на кредит врз основа на информации од страна на барателот и релевантна надворешна база на податоци. Доколку од проценката на кредитната способност финансиското друштво утврди дека вкупните месечни обврски на барателот на кредит надминуваат 70 проценти од неговите вкупни месечни приходи, финансиското друштво нема да може да одобри нов кредит. На овој начин ќе се спречи презадолженоста на граѓаните“, соопштија од Финансии.

Покрај проценувањето на кредитната способност, со Правилникот се обезбедува поголема заштита на потрошувачите на услугите на финансиските друштва од злоупотреба на личните податоци, на начин што се доуредува постапката по која финансиските друштва треба да вршат идентификација и ажурирање на податоците на клиентите и кредитобарателите.

„Финансиското друштво при идентификација треба да обезбеди податоци од клиентот наведени во Правилникот кои што стануваат дел од кредитното досие и истите задолжително се наведуваат и во апликацијата за кредит, како и во договорите за потрошувачки кредит. Притоа, финансиските друштва нема да можат да одобрат потрошувачки кредит по електронски пат на физичко лице доколку кој било податок во апликацијата или доставените докази се разликува од податоците коишто се дел од кредитното досие“, дополнуваат оттаму.

Воспоставувањето на системот за управување со кредитен ризик, пропишан со овој Правилник, произлегува од последните измени и дополнувања на Законот за финансиските друштва, кои беа донесени со цел поголема заштита на граѓаните кои ги користат услугите на финансиските друштва и зголемување на довербата во финансиските друштва.

Во таа насока со Законот се постави максимален износ на сите трошоци поврзани со кредитот, се укина можноста за земање кредит за затворање на претходно.

The post НЕМА ВЕЌЕ ДАВАЊЕ БРЗИ КРЕДИТИ НА СЛЕПО Ќе се одобруваат само со лично присуство и ако има можност да се отплатат appeared first on plusinfo.mk.

Министерството за внатрешни работи во сабота (06.04.2024) во периодот до 08.00 до 15.00 часот ќе организира фотографирање за лични документи без закажан термин во подрачните канцеларии за управни работи низ државата за граѓаните кои наполниле 18 години, а немаат никаков биометриски документ, ниту лична карта ниту пасош.

„Ги повикуваме граѓаните кои наполниле 18 години, а немаат никаков биометриски документ, да дојдат во сабота во подрачните канцеларии за управни работи низ државата (за Скопје во пунктот „Пролет”), за да бидат фотографирани и навремено да им биде изработен личниот документ, со цел да можат да го остварат своето право на глас на претстојните избори, информираат од МВР.

The post МВР ИМ ИЗЛЕГУВА ВО ПРЕСРЕТ НА ТАЗЕ ПОЛНОЛЕТНИТЕ Сите граѓани кои наполниле 18 години, а немаaт лични документи, в сабота сликање без термин appeared first on plusinfo.mk.

Бојмацалиев информираше дека со министерот Нешиќ разговарале во насока на тоа во Босна и Херцеговина да може македонските граѓани да патуваат со лични карти со старото име, почитувајќи ја Спогодбата помеѓу Владата на Република Северна Македонија и Советот на Министри на Босна и Херцеговина за условите за патување на државјаните на двете земји, потпишана во 2018 година.

„Во оваа прилика Бојмацалиев го истакна значењето на градење мостови со пријателските земји, и рече дека оваа можност е во рамките на засилената соработката и унапредените односи помеѓу Република Северна Македонија и Босна и Херцеговина во изминатиов период, како и тоа дека истата пракса е веќе воспоставена и со, Република Србија, Албанија и Косово каде што се дозволува влез со лична карта со старото име на државата. Воедно, Бојмацалиев потенцираше дека МВР е подготвено да стори се’ што е потребно за да им се овозможи на граѓаните да ги остварат сите свои со Устав и со закон загарантирани права“, информираат од МВР.

The post СО СТАРИТЕ ЛИЧНИ КАРТИ И ВО БИХ Заменик министерот Бојмацалиев доби одобрување од колегата Нешиќ appeared first on plusinfo.mk.