На денешната прес-конференција во Владата, портпаролот Марија Митева одговарајќи на новинарски прашања информираше дека на денешната седница Владата разгледала информација и донела одлука за одземање на 6 лиценци за одгледување на канабис.

– Денеска имаше 6 точки од Министерството за здравство и 6 лиценци Владата денес ги одзема. За подетални информации кои се фирмите, ве молам да се обратите до Министерството за здравство каде што и практично е оваа Комисија. Од она што можев да го видам од информацијата која што помина на Владата, станува збор за законски пропусти при извршена проверка од страна на Комисијата која што е надлежна да ги провери сите услови што треба да ги поседуваат. И да, Владата донесе одлука за одземање на уште 6 лиценци – истакна Митева.

The post ВЛАДАТА ОДЗЕДЕ УШТЕ 6 ЛИЦЕНЦИ ЗА ОДГЛЕДУВАЊЕ КАНАБИС Се работи за законски пропусти при извршена проверка appeared first on plusinfo.mk.

Лидерот на СДСМ Венко Филипче да каже зошто со неговиот претходник Зоран Заев дозволиле одгледување на канабис на отворено спротивно на закон, кои им биле мотивите и кој и колку профитирал, бара ВМРО-ДПМНЕ во соопштение.

„Филипче жестоко се обидува да го одбрани својот ментор Заев и поврзаноста на луѓето блиски до СДСМ во последниот скандал со запленетата марихуана.

Филипче и кланот Заеви, Македонија ја претворија во Балкански „нарко-центар”, каде наместо медицинска се произведувала марихуана за црниот пазар. Запленетите 40 тони марихуана, директно водат до фирми блиски до Заев и Филипче.

Венко Филипче е без кредибилитет. Нема афера и скандал, а тој и Заев да не се вплеткани. Филипче и Заев се синоним за криминал, корупција, импровизации, нетранспарентни одлуки и контроверзи. Филипче е човекот кој го уништи здравствениот систем во државата.

Македонија во време на владеењето на СДС, Зоран Заев и Венко Филипче, наместо строго контролирано производство на канабис за медицински цели, беше претворена во балкански нарко центар за шверц на марихуана на црниот пазар.

Факт е дека темелите на бизнисот за марихуана ги постави владата на Зоран Заев во 2020 година, додека Филипче беше министер за здравство.

Владата на СДСМ делела лиценци на фирми поврзани со Зоран и Вице Заев, а резултат на тоа, денес се тони дрога и сериозни безбедносни последици за државата. Факт е и дека околу 70 проценти од запленетата дрога деновиве е на фирма во сопственост на луѓе на Заев. Медицинската марухуана била параван за организиран криминал во огромни размери.

Зошто Заев лично се интересирал за случајот со петте тони марихуана запленети во Србија? Зошто Заев и Филипче дозволиле одгледување на канабис на отворено спротивно на закон, кои им биле мотивите и колку профитирале? Дали измените на правилникот се донесени по конкретна насока од Заев, и дали со нив се отворил простор за можни злоупотреби и незаконска трговија?

ВМРО-ДПМНЕ останува посветена на борбата против криминалот и корупцијата. ВМРО-ДПМНЕ останува посветена на изградба на стабилни институции, владеење на правото и подобар животен стандард на граѓаните.

Одговорност мора да има“, велат од ВМРО-ДПМНЕ.

The post ЗОШТО ДОЗВОЛИЛЕ ОДГЛЕДУВАЊЕ КАНАБИС НА ОТВОРЕНО? Филипче жестоко го брани менторот, обвинува ВМРО-ДПМНЕ appeared first on plusinfo.mk.

Зоран Заев и Венко Филипче имале цел Македонија да ја претворат во светска туристичка атракција за канабис, соопшти ВМРО-ДПМНЕ.

„СДСМ на чело со Зоран Заев и Венко Филипче го злоупотребиле процесот за регулирање на медицинскиот канабис во Македонија. Во 2020 година Заев и Филипче смислиле план како енормно да заработат од бизнисот со марихуаната и сакаа целосно да ја легализираат, но тоа не им помина. Затоа лиценците за одгледување на медицински канабис биле резервирани исклучиво за луѓе блиски до кланот Заеви и Филипче. Обичните граѓани и компании немале никаква шанса да добијат дозвола“, се вели во соопштението.

Поради фаворизирањето на тоа кој ќе добие лиценци, се додава, Струмичкиот регион се претвори во центар за производство на марихуана за медицински цели.

„Доказ дека сè било смислено однапред е подзаконскиот акт на правилникот за одгледување на канабис за медицински цели, донесен во време на СДСМ каде постои неусогласеност, затоа што се дозволува да се произведува цвет од канабис кој не ги задоволува ГМП нормите. Производството на канабис кој не ги исполнува ГМП нормите го прави маслото од канабис нелегално за лиценцирање и промет. Токму поради ова се отвора сомнеж за криминални мотиви. Со ваквиот начин на производство и складирање се отвора сомнеж дека канабисот бил за продажба на црниот пазар“, соопшти ВМРО-ДПМНЕ.

Зошто е направен подзаконски акт кој е во колизија со законот и со самото тоа овој процес е незаконски, прашува партијата.

„Дали на Заев и Филипче целта им била продавање на канабис на црниот пазар? Дали Заев и Филипче ја туркале промената на правилникот? Јавното обвинителство мора да интервенира итно. Граѓаните заслужуваат правда и одговорност за незаконското работење на овој картел. Време е Заев и Филипче да одговорат пред законот и јавноста. Ниту еден привилегиран апликант, ниту еден нелегален процес, не смее да остане без казна“, се вели во соопштението на ВМРО-ДПМНЕ.

The post ЗАЕВ И ФИЛИПЧЕ САКАЛЕ МАКЕДОНИЈА ДА БИДЕ СВЕТСКА ТУРИСТИЧКА АТРАКЦИЈА ЗА МАРИХУАНА Време е да одговараат за злоупотребите на регулацијата за медицински канабис appeared first on plusinfo.mk.

Македонија во време на владеењето на СДСМ, Зоран Заев и Венко Филипче наместо да има строго контролирано производство на канабис за медицински цели, беше претворена во балкански нарко центар за шверц на марихуана на црниот пазар, соопшти ВМРО-ДПМНЕ.

„Последната заплена од околу 40 тони марихуана јасно покажува дека таканаречениот медицински канабис бил само параван за организиран криминал и за нелегална трговија со дрога. Овие количини се запленети од компании со лиценци за производство на канабис за медицински цели, токму оние лиценци кои беа издавани во времето на Заев и Филипче. Околу 70 проценти, односно околу 30 тони од запленетата марихуана потекнуваат од фирмата ЦБД Медплант од Ново Село, компанија која во јавноста се поврзува со лица блиски до СДСМ, Зоран Заев и Венко Филипче. Основач на фирмата е Христијан Котев, син на Тони Котев М’гчев, поранешен претседател на општинскиот одбор на СДСМ во Ново Село и човек близок до Заев“, соопшти ВМРО-ДПМНЕ.

Лиценците за производство на канабис во тоа време не се издавале според јасни и строги критериуми, туку според партиска и лична блискост со СДСМ, Заев и Филипче, се додава во соопштението.

„Паничните реакции на Заев и на Филипче по откривањето на случајот, дополнително ја потврдуваат нивната вмешаност. Нервозата кај Заев, паничните јавувања, објавите на социјалните мрежи и сомнителните движења на Филипче даваат дополнителен сомнеж. Сето тоа личи на гасење пожар, а не на однесување на луѓе кои имаат чист образ“, се вели во соопштението.

Сите овие индиции, се додваа, укажуваат на сериозна поврзаност меѓу поранешната власт и криминалот со марихуана.

„Јавното обвинителство темелно, целосно и неселективно да го истражи случајот. Како се издавале лиценците, кој стои зад компаниите, каде завршувала произведената марихуана и кој ја штител нелегалната трговија? Кој и колку профитирал? Законот мора да важи за сите подеднакво. Јавноста очекува одговори, а институциите мора да покажат дека никој не е над законот. Законот мора да важи и за Заев и за Филипче и за нивните соработници. Одговорност мора да има“, соопшти ВМРО-ДПМНЕ.

The post НЕРВОЗАТА И ПАНИЧНИТЕ РЕАКЦИИ НА ЗАЕВ И НА ФИЛИПЧЕ ДАВААТ ДОПОЛНИТЕЛЕН СОМНЕЖ Обвинителството да истражи кој и колку профитирал од марихуаната appeared first on plusinfo.mk.

Сè со цел да се спречи индустриско нелегално производство на медицински канабис и пласман кон нелегалниот домашен и меѓународен пазар, Владата на денешната 149 седница ја разгледа информацијата во врска со лиценци за производство на канабис за медицински цели, ги донесе следните заклучоци:

„Владата ги задолжи институциите во рамките на своите надлежности да ги преземат сите законски утврдените мерки и активности и да извршат вонредни контроли на сите правни лица, кои имаат одобрение за одгледување и производство на канабис за медицински цели на цела територија на Република Северна Македонија и во рок од 45 дена да достават извештај до Владата.

Исто така, Влада ќе ги именува членовите на меѓуресорската државна комисија за борба против недозволено производство, трговија и злоупотреба на дроги. Напоменуваме дека од 2017 година откако е формирана комисијата, истата воопшто не била активна и нема резултат. За таа цел, Владата во иднина ќе бара редовни извештаи.

Владата исто така донесе одлука за конечно решавање на паркирањето во Клиничкиот кампус ‘Мајка Тереза’ со која се затвораат административните прашања што со децении го попречуваа уредувањето на паркирањето во Клиничкиот кампус ‘Мајка Тереза’. Со оваа одлука се создава правна основа за потпишување договор меѓу Министерството за здравство и Градот Скопје. Министерството за здравство, во рок од три месеци, го заврши процесот на регистрација на парцелите во Катастар и изработка на соодветните елаборати, со што се отвора патот за изградба на модерен и функционален паркинг, вклучително и катни гаражи, како и воведување софтверско решение за ефикасно управување. Проектот ќе обезбеди подобри услови за пациентите, здравствените работници и граѓаните кои ги користат услугите на кампусот.

Воедно, сакаме да ја информираме јавноста дека на владината седница се усвои Предлог-законот за Советот на Јавни Обвинители, кој заедно со предлог законот на Јавно обвинителство доби позитивно мислење од Венецијанската комисија. Усвојувањето на овие два закони од страна на Собрание значи исполнување на чекорот од Реформската агенда.

Нашата цел како Влада е да воспоставиме неселективност во постапувањето и да преземаме политики во интерес на граѓаните.

Продолжуваме со реализација на програмата на Влада, а тоа е обезбедување на подобар, поквалитетен и побезбеден живот за сите“.

The post ВЛАДАТА ПРЕСЕЧЕ, ТРГНУВА ВО КОНТРОЛА НА МЕДИЦИНСКИОТ КАНАБИС Фирмите имаат рок од 45 дена да изготват извештај appeared first on plusinfo.mk.