Владата предводена од ВМРО-ДПМНЕ останува посветена на создавање нови работни места со цел младите да останат во државата, соопшти владејачката партија.

„Грижата на Владата за младите продолжува преку сеопфатна стратегија и оперативен план од 40 милиони евра кој ќе опфати над 16.000 граѓани. Се објави јавниот повик од Оперативниот план за вработување за 2025 година, кој се однесува на 2 нови мерки наменети за невработени лица кои сакаат да започнат сопствен бизнис. Преку мерката 1.1 се доделува грант од 430.500 денари (околу 7.000 евра), за граѓаните над 29 години, а преку мерката 1.2 се доделува грант до 615.000 денари (10.000 евра) за започнување сопствена дејност за лицата до 29 години“, соопшти ВМРО-ДПМНЕ.

За лицата со попреченост се предвидени до 250.000 денари над основниот грант, со цел да се создадат еднакви услови за сите заинтересирани, се додава во соопштението.

„Двете мерки вклучуваат и целосна поддршка преку обука за претприемништво, изработка на бизнис-план и шестмесечно менторство, со цел граѓаните не само да добијат финансиска поддршка, туку и знаење и насоки за успешно водење на сопствен бизнис. Преку мерките и проектите владата ја потврдува посветеноста на создавање на инклузивен пазар на трудот и зајакнување на поединецот како клучен актер во економскиот развој на земјата. Преку овие мерки се создаваат реални улови за развој, вработување, самовработување, како и развој на претприемништвото и долгорочен економски раст“, се вели во соопшрението на ВМРО-ДПМНЕ.

The post ДО 250.000 ДЕНАРИ ПЛУС ЗА ЛИЦАТА СО ПОСЕБНИ ПОТРЕБИ Почнете сопствен бизнис со 10.000 евра од Оперативниот план за вработување appeared first on plusinfo.mk.

Министерпт и градоначалникот на Општина Гостивар, Валбон Лимани го посетија Здружението на родители на деца со аутизам „Блуе Пазл“, кое е давател на услугата дневен престој за лица со попреченост.

– Лицата со попреченост често се соочуваат со различни бариери – не само физички, туку и социјални, емоционални и економски. Овие бариери не само што ги ограничуваат нивните можности, туку ја попречуваат нивната интеграција во општеството. Но, денес, да не зборуваме само за проблемите и  тешкотиите на лицата со попреченост. Овој ден е и повод да ја славиме нивната храброст, издржливост и неверојатните достигнувања – порача Лимани.

Овие лица, рече министерот, не треба да се перцепираат по нивата  попреченост, туку по способностите, талентите и потенцијалите.

– Единствениот начин да се создаде инклузивно општество е ако сите заедно работиме на тоа. Затоа, како поединци, како заедници и како институции, треба да направиме напори за отстранување на физичките бариери и за подобрување на воспитно-образовниот систем, така што ќе гарантираме дека сите деца и лица, ќе имаат еднакви можности – рече Лимани.

До денес во системот на социјалната заштита има 133 лиценцирани даватели на социјални услуги, кои овозможуваат на корисниците да водат независен живот, информираше министерот.

– Во текот на 2024 година, споредбено со претходните години, Министерството освен давателите на услугата дневен престој, кои во голема мера се под центрите за социјална работа, ја прошири мрежата на лиценцирани даватели на социјалната услуга – дневен престој со индивидуален третман. Само со оваа услуга имаме околу 396 корисници. Услугата лична асистенција, која се обезбедува од страна на четири лиценцирани даватели во повеќе општини, ја добиваат 880 корисници. Како најразвиена услуга во системот на социјалната заштита со најголема опфатеност на корисници е услугата помош и нега во домот, која ја користат 2.073 корисници – потенцира министерот.

Лимани информираше дека интензивно се работи на воведување тело кое ќе користи единствена методологија за проценка на попреченоста, заради остварување на правата од пензиското и инвалидското осигурување, како и правата од социјалната и детската заштита врз основа на функционалност.

– Исто така, работиме на воведување и одржување на регистар на лица со попреченост, во кој ќе бидат сите податоци за лицата со попреченост кои се во системот на проценка, работно оспособување и професионална рехабилитација и корисниците на субвенции за вработување. Со ова ќе се овозможи лицата со попреченост да бидат конкурентни на отворениот пазар на труд и во таа насока е воведувањето на центри за професионална рехабилитација за работно оспособување на лицата со попреченост – рече Лимани.

Тој повика денешниот ден да биде поттик за конкретни промени во инфраструктурата и свеста која ќе создаде општество во кое сите ќе бидат еднакви.

– Денот на лицата со попреченост е настан и момент на соединување, за солидарност и за заедничко движење напред кон едно инклузивно и праведно општество – потенцира министерот Лимани.

The post СЕ ИЗГОТВУВА РЕГИСТАР НА ЛИЦАТА СО ПОСЕБНИ ПОТРЕБИ Лимани повика на конкретни промени за инклузивно и праведно општество appeared first on plusinfo.mk.

Не баш многу, нели?

Се проценува дека 1,3 милијарда луѓе доживеале значителна попреченост. Ова претставува 16% од светското население, или 1 од секои 6 од нас.

Некои лица со попреченост умираат и до 20 години порано од оние без попреченост.

Лицата со попреченост се во двојно поголема опасност да развијат состојби како депресија, астма, дијабетес, удари, обезност, или лошо орално здравје.

Здравствените неправди се резултат на нефер условите  со кои се соочуваат лицата со попреченост, вклучувајќи ги стигматизирањето, дискриминирањето, сиромаштијата, исклученоста од образованието и вработувањето и пречките со кои се соочуваат во самиот здравствен систем.

И додека во држава како нашата им е колку толку добро на оние кои барем имаат некој свој што се грижи за нив и за нивните потреби, се поставува прашањето, што со оние кои немаат никого освен државата?

Повеќе за ова прочитајте ТУКА.

The post ДАЛИ НАВИСТИНА ПРАВИМЕ ДОВОЛНО? Меѓународен ден на лицата со попреченост appeared first on plusinfo.mk.

Од страна на тимот на „Sport Life“ во празнична атмосфера и заедничка дружба, беа поделени вкупно 114 пакетчиња, во ЈУ Меѓуопштински центар за социјална работа, Куманово, во Здружение регионален центар за лица со интелектуална попреченост „Порака наша“, Куманово, како и во ЈУ Детски дом „11 Октомври“- Скопје.

– За нас посетата и грижата за дечињата од ранливите категории и за лицата со интелектуална попреченост претставува благородна традиција и дел од нашата визија за општествена одговорност и поддршка на сите ранливи категории во општеството. Им благодариме за топлиот прием и нивните драги насмевки, кои навистина многу ни значат. Воедно им ја честитам Новата година и им посакувам многу здравје, радост и среќа на сите дечиња и на сите наши граѓани во името на „Sport Life“ обложувалници – изјави Петар Поцков, маркетинг директор на „Sport Life“.

The post ПАКЕТЧИЊА ЗА ДЕЦАТА ОД РАНЛИВИТЕ КАТЕГОРИИ И ЗА ЛИЦАТА СО ПОСЕБНИ ПОТРЕБИ Новогодишни подароци од „Sport Life“ appeared first on plusinfo.mk.

„Секое погрешно паркирање значи прекршување на законот и загрозување на безбедноста на учесниците во сообраќајот. Покрај тоа, паркирањето е одраз на личната култура, етика и одговорност на возачот. Доколку возачите покажат повисоко ниво на толеранција и култура во паркирањето барем делумно ќе бидат надминати проблемите и нервозите со кои се сочуваат самите тие, бидејќи нередот создава дополнителен неред и хаос, а редот и дисциплината значат еднаква можност за сите. Секое погрешно паркирање е опасно и недозволено, но паркирањето на местата резервирани за возилата на лицата со посебни потреби покрај тоа што е незаконски акт, тоа е истовремено нехуман, неетички, нечовечки, себичен и безобзирен чин кој заслужува највисоко ниво на морална осуда. Затоа, РСБСП апелира возачите да покажат повисоко ниво на култура, етика и одговорност, да паркираат совесно и свесно и да не ги зафаќаат местата резервирани за возилата на лицата со посебни потреби.  Оставете ги слободни паркинг места на оние на кои им се најпотребни. Проблемите со кои се соочуваат лицата со посебни потреби се доволни и не дозволувајте вие со вашето однесување дополнително да им го отежнувате  нивното  секојдневно  функционирање. Тоа е ваша хумана и ваша законска обврска“, наведено е во соопштението.

Според Законот за безбедност на сообраќајот на патиштата, посочено е таму, возачот не смее да запре или паркира возило на места предвидени за движење и паркирање на лица со посебни потреби и на паркинг место кое со дополнителна табла, сообраќаен знак или ознака на коловозот е обележано како место за паркирање на возила за лица со посебни потреби.

The post РСБСП: Не го зафаќај местото резервирано за возилата на лицата со посебни потреби appeared first on plusinfo.mk.