Главниот осомничен за синоќешниот терористички напад на Берлинската парада на гордоста е застрелан денеска за време на полициска операција. Мажот бил застрелан од полицијата, а подоцна починал од повредите, јави ДПА.

За време на нападот во саботата навечер, една жена беше усмртена, а 29 лица беа повредени, некои сериозно, кога напаѓачот со комбе влета во толпата на Берлинската парада на гордоста во паркот Тиергартен.

Како што информира германскиот министер за внатрешни работи Александар Добриндт, по нападот со комбе следел напад со оружје, за кое се верува дека е мачета, по што напаѓачот избегал.

Според полицијата, ниту еден од повредените не е во животнозагрозувачка состојба.

„Билд“ и „Ди Велт“ објавија дека напаѓачот е Абдул Балут, 21-годишен маж роден во Берлин, кој има германско државјанство и либанско потекло. Тој неодамна бил осуден за подготовка на сериозно кривично дело против државната безбедност. Неговото семејство е по потекло од Либан, а неговата мајка добила германско државјанство во 2002 година.

НАПАД ВРЗ ПАРАДАТА НА ГОРДОСТА ВО БЕРЛИН? Комбе влета во толпата, еден мртов, најмалку 15 повредени

The post УБИЕН НАПАЃАЧОТ НА БЕРЛИНСКАТА ПАРАДА НА ГОРДОСТА Со комбе влета во масата, па побегна appeared first on plusinfo.mk.

Блискиот Исток останува на работ на нова ескалација откако САД и Иран втора ноќ по ред разменија напади, а израелскиот државен и воен врв порача дека конфликтот е далеку од завршен. Во центарот на вниманието денеска беше пораката од Тел Авив дека Иран нема да добие нуклеарно оружје и дека израелската армија се подготвува за нови операции.

„Војната не е завршена“

Израелскиот премиер Бенјамин Нетанјаху порача дека кампањата против Иран продолжува и дека Тел Авив нема да дозволи Техеран да дојде до нуклеарно оружје.

– Со или без договор, Иран нема да има нуклеарно оружје – изјави Нетанјаху.

Тој истовремено најави дека израелските сили ќе останат во јужен Либан колку што е потребно и дека Израел ќе ја зачува својата воздушна супериорност во регионот.

Втора ноќ напади, 14 загинати

Според ирански извори, во последните два дена загинале најмалку 14 лица. Вашингтон соопшти дека погодил околу 90 воени цели, дел од нив во близина на Ормускиот Теснец, додека Техеран возврати со напади врз американски цели во Кувајт, Бахреин и Катар, а подоцна беа пријавени удари и во Јордан и во Ирак.

Паралелно со воените дејства, набљудувачите предупредуваат на драматично намален сообраќај низ Ормускиот Теснец, еден од најважните енергетски коридори во светот.

„На маса се нови големи планови“

Уште подиректна порака испрати началникот на Генералштабот на израелската армија, генерал-потполковник Ејал Замир.

– На маса се нови планови. Сè уште има големи операции пред нас. Бидете подготвени – рече Замир пред новата генерација пилоти на израелските воздухопловни сили.

Тој откри дека армијата и понатаму е во состојба на висока борбена готовност и внимателно ги следи случувањата во Иран и во Либан.

Арагчи ги предупреди САД

Од иранска страна, министерот за надворешни работи Абас Арагчи побара Вашингтон да се воздржи од нови воени „авантури“. Во разговори со претставници на Пакистан, Оман и Турција, Арагчи ги осуди американските напади и повика на дипломатско решение за кризата.

Иранското Министерство за надворешни работи соопшти дека сите соговорници ја нагласиле потребата од користење дипломатски канали за да се спречи понатамошна ескалација.

Ормускиот Теснец пак главна тема

Додека политичарите разменуваат закани и предупредувања, загриженоста расте и поради состојбата во Ормускиот Теснец. Според поморски набљудувачи, бројот на бродови што минуваат низ теснецот нагло се намалил по последните напади.

Токму овој воден пат е клучен за глобалната трговија со нафта и течен природен гас, па секое ново влошување на безбедносната состојба може да има последици далеку надвор од Блискиот Исток.

The post ЗА ИЗРАЕЛ ВОЈНАТА НЕ Е ЗАВРШЕНА Додека САД и Иран разменуваат напади, генерал најави „големи операции“ appeared first on plusinfo.mk.

Израелската војска уништи голем подземен тунел на Хезболах во јужен Либан, изјавија премиерот Бенјамин Нетанјаху и министерот за одбрана Израел Кац во заедничка изјава, пренесува ДПА. Либанците изјавија дека земјата се тресела за време на огромната експлозија.

Во заедничкото соопштение се наведува дека тунелот бил дел од „терористичката инфраструктура“ на либанската милиција во близина на селото Мајдал Зун.

Израел ги информирал САД однапред за операцијата за уништување на инфраструктурата, се додава во соопштението, наведува ДПА.

Во соопштението се наведува дека тунелот бил долг повеќе од 200 метри и длабок повеќе од 25 метри. Во него биле пронајдени стотици парчиња оружја и неколку силоси за лансирање наменети за напади врз израелска територија, наведоа двајцата.

Војската соопшти дека тунелот бил на околу 10 километри од израелската граница.

Tsahal détruit un tunnel du Hezbollah de 200 m au sud-Liban.

Selon l’armée israélienne, le tunnel, situé à une profondeur de 25 m, contenait des centaines d’armes et plusieurs rampes de lancement de roquettes.

Entretemps, l’accord américano-iranien stipule que la guerre… pic.twitter.com/afTjQ1qjSH

— Sputnik Afrique (@sputnik_afrique) June 29, 2026

Во јужен Либан и натаму е тензично и покрај официјалното прекин на огнот и договорот за рамковен договор меѓу Израел и Либан.

Двете земји во петокот се согласија за патот кон мир и безбедност по децении војна. Хезболах, меѓутоа, го отфрли договорот. Милицијата не беше вклучена во преговорите и цврсто го отфрли разоружувањето предвидено со договорот, потсетува германската агенција.

За разлика од барањата на раководството во Техеран и Хезболах, рамковниот договор бара од Израел целосно да се повлече од јужен Либан само откако недржавните групи како што е Хезболах ќе бидат разоружани. Договорот исто така предвидува израелската армија постепено да се повлече од две зони, кои потоа би биле под контрола на либанската армија.

The post 📽️ УНИШТУВАЊЕ НА ТУНЕЛ НА ХЕЗБОЛАХ ГО СТРЕСЕ ЈУЖЕН ЛИБАН Внатре биле најдени стотици парчиња оруже и силоси за ракети appeared first on plusinfo.mk.

Либанскиот претседател Џозеф Аун го повика американскиот претседател Доналд Трамп да изврши притисок врз Израел да ги повлече своите вооружени сили од окупираните области во јужен Либан, соопшти кабинетот на либанскиот претседател.

Во телефонски разговор, претседателот Аун го повика Трамп да помогне во спречувањето на можни прекршувања на рамковниот договор меѓу Либан и Израел, како и да го гарантира спроведувањето на договорените обврски, што вклучува повлекување на израелските сили од областите во Либан.

Аун, исто така, му рече на Трамп дека Либан ќе ги преземе своите одговорности во спроведувањето на рамковниот договор.

Израел и либанската влада завчера се согласија израелската армија да се повлече од две области во јужен Либан со посредство на САД. Се очекува либанските вооружени сили да ја преземат контролата врз нив, а според рамковниот договор, Израел и Либан, исто така, се обврзаа да го прекинат нивниот децениски конфликт.

Во меѓувреме, Обединетите Арапски Емирати ја потврдија својата поддршка за Либан и понудија помош во надминувањето на тешкотиите со кои се соочува земјата. Претседателот на ОАЕ, шеикот Мохамед бин Зајед, ја потврди поддршката во телефонски разговор со либанскиот претседател Џозеф Аун.

Бин Зајед, исто така, ја потврди својата лична поддршка за позициите на либанската влада и претседателот Аун и ја изрази подготвеноста на неговата земја да помогне во областите на политиката, економијата и општеството.

По потпишувањето на рамковниот договор меѓу Израел и Либан во Вашингтон, поддржувачите на движењето Хезболах, поддржано од Иран, го блокираа центарот на Бејрут, главниот град на Либан, и предизвикаа немири.

Генералниот секретар на Хезболах, Наим Касем го отфрли договорот, велејќи дека е неважечки и претставува понижување и предавање на суверенитетот. Во соопштението што го објави, Касем го нарече договорот „ништовен“ и ја обвини либанската влада дека прави еднострани отстапки на штета на либанскиот суверенитет. Тој ги критикуваше одредбите од договорот што го поврзуваат повлекувањето на Израел со разоружувањето на Хезболах.

„Групата ќе продолжи со својот вооружен отпор. Никогаш не сме го напуштиле бојното поле и под најтешки околности, нема да го сториме тоа сега“, рече Касем.

Израел вчера изврши напад во јужен Либан, во областа на градот Набатија. Израелската армија соопшти дека користела дрон, бидејќи немала сили во областа и дека цел на нападот било лице кое претставувало закана за Израелските одбранбени сили (ИДФ), но не се дадени дополнителни детали или докази.

The post ЛИБАН БАРА ТРАМП ДА ИЗВРШИ ПРИТИСОК ВРЗ ИЗРАЕЛ Израелската армија да се повлече од окупираните територии appeared first on plusinfo.mk.

„Ќе направиме што мора ако Иран не се држи до својата страна од договорот“.

Вака изјави претседателот на САД Доналд Трамп предупредувајќи дека договорот мора да се почитува од двете страни.

САД и укинаа санкциите кои со горини го притискаа Иран на 60 дена, додека Вашингтон и Техеран се обидуваат да постигнат траен договор по средбите во Швајцарија.

САД дозволија до 21 август Иран повторно да продава нафта и сродни производи и да добива плаќања за нив. Одлуката претставува прв чекор од пакетот економски олеснувања предвидени со привремениот договор.

Пат кон траен договор

Потпретседателот на САД Џеј Ди Венс изјави дека разговорите поставиле добра основа за конечен договор, иако Техеран негира дека преговарал за својата нуклеарна програма.

„Поставивме многу добра основа за успешен конечен договор“, изјави Венс.

Според медијаторите, двете страни се согласиле во рок од 60 дена да изработат рамка за траен договор.

Ормускиот Теснец повторно во фокусот

Договорен бил и механизам за безбеден премин на комерцијалните бродови низ Ормускиот Теснец, еден од најважните светски енергетски коридори.

Сообраќајот на танкери низ теснецот веќе почнал да расте, додека Оман ја потврдил поддршката за слободна и безбедна пловидба.

Паралелно со разговорите за Иран, договорено било и продолжување на затишјето во Либан. Израел, кој не е дел од мировниот договор меѓу Вашингтон и Техеран, се согласил на нов прекин на огнот во јужен Либан.

Пазарите го следат развојот

Војната меѓу Израел и Иран предизвика силни потреси на светските пазари и раст на цените на нафтата. По најавата за договорот и за намалување на тензиите, цените на суровата нафта почнале да се стабилизираат.

Во наредните два месеца вниманието ќе биде насочено кон тоа дали привремениот договор ќе прерасне во трајно решение за една од најголемите кризи на Блискиот Исток.

The post „НЕ СОРАБОТУВААТ? ЌЕ НАПРАВИМЕ ШТО МОРА“ Трамп вели дека санкциите за Иран можат да се вратат appeared first on plusinfo.mk.

Израелскиот премиер Бенјамин Нетанјаху изјави дека израелската војска ќе остане во безбедносната зона во јужен Либан „колку што е потребно“ за да ја заштити безбедноста на Израел.

– Воспоставивме безбедносна зона во Либан и ќе ја задржиме онолку долго колку што е потребно за да го заштитиме нашиот народ – рече Нетанјаху на конференција во Ерусалим.

Претходно, лидерот на Хезболах Наим Касем изјави дека Израел нема да остане во Либан и порача дека неговото движење ќе одговори на секое израелско прекршување.

Изјавите доаѓаат и покрај прекинот на огнот кој стапи во сила во петокот, додека израелските власти тврдат дека нивните сили и натаму можат да дејствуваат против заканите во Либан.

Во меѓувреме, американскиот претседател Доналд Трамп му се закани на Иран со нови напади доколку не го спречи Хезболах да „предизвикува проблеми“, а иранската делегација која преговара со САД во Швајцарија официјално протестираше поради тие закани.

The post ЌЕ ОСТАНЕМЕ ВО ЈУЖЕН ЛИБАН КОЛКУ ШТО Е ПОТРЕБНО Нетанјаху не планира повлекување на израелската војска appeared first on plusinfo.mk.

Израел и Хезболах се согласија на прекин на огнот, а примирјето стапи во сила во 16 часот по локално време (15 часот по средноевропско време).

Примирјето го договорија преговарачите на САД и Катар, со помош од Иран.

Договорот за прекин на огнот уследи по новиот бран насилства во јужниот дел на Либан.

Либанската Национална новинска агенција (ННА) јави дека во израелските воздушни напади загинале најмалку 18 луѓе, а повеќе од 30 се повредени.

Додека четворица израелски војници загинаа при операција во јужен Либан.

The post ИЗРАЕЛ И ХЕЗБОЛАХ ДОГОВОРИЈА ПРИМИРЈЕ Посредуваа САД, Иран и Катар appeared first on plusinfo.mk.

Израелскиот министер за национална безбедност, Итамар Бен-Гвир, повика на жесток одговор откако четворица израелски војници загинале во борбите во јужен Либан. Неговата изјава предизвика шок во медиумите:

„За секоја солза на израелска мајка, илјада либански мајки мора да плачат“, напиша Бен-Гвир на платформата Икс.

Израелската армија соопшти дека војниците загинале кога нивниот тенк бил погоден за време на операција во близина на Кфар Тебнит, во јужен Либан. Меѓу жртвите бил и потполковникот Дор Гедалија Бен Симхон, командант на 52. баталјон на 401. оклопна бригада.

Мирот е потпишан, борбите продолжуваат

Инцидентот се случил само неколку дена по привремениот договор меѓу САД и Иран, кој предвидува деескалација и прекин на воените активности на повеќе фронтови, вклучително и во Либан.

Но, Бен-Гвир јасно порача дека Израел не смее да попушти.

– Со сето должно почитување кон Американците, Израел мора да му покаже на светот дека крвта на нашите синови и безбедноста на нашите граѓани не се предмет на преговори. Цел Либан мора да гори – изјави министерот.

Стари контроверзии, нови реакции

Бен-Гвир и претходно предизвикуваше бурни реакции со своите настапи.

Во мај објави видео во кое им се потсмева на активисти од меѓународната иницијатива „Глобална флотила Сумуд“, кои се обидувале да достават хуманитарна помош во Газа.

На снимката тој мавта со израелско знаме пред приведени активисти со врзани раце.

„Добредојдовте во Израел, ние сме господари тука“, порача тогаш Бен-Гвир.

Премиерот на Израел Бенјамин Нетанјаху тогаш оцени дека таквото однесување „не е во согласност со израелските вредности и норми“.

The post „ДА ГОРИ…ИЛЈАДА МАЈКИ ДА ПЛАЧАТ“ Израелскиот министер реагира на нападот во кој загинаа израелски војници appeared first on plusinfo.mk.

Нови судири меѓу Израел и Хезболах ја зголемија неизвесноста околу мировниот процес меѓу САД и Иран. Израелската армија во текот на ноќта гаѓала цели во јужен Либан.

Хезболах, пак, соопшти дека неговите борци уништиле три израелски тенкови и дека судирите се во тек, неколку часа откако либанските државни медиуми објавија дека во израелските напади на југот загинале 4 лица.

Израелските одбранбени сили потврдија дека во нападот на Хезболах загинале 4 израелски војници и ги објавија нивните имиња.  На социјалните мрежи се појави снимка од напад со дрон.

Според либанските медиуми, пак, во нападите на Израел врз цели во Јужен Либан загинале најмалку 16 лица.

Продолжувањето на борбите во Либан може сериозно да го искомплицира новопотпишаниот договор меѓу САД и Иран, кој предвидува деескалација. Договорот предвидува прекин на воените операции на повеќе фронтови, вклучително и во Либан.

Нетанјаху не најавува повлекување

Премиерот на Израел, Бенјамин Нетанјаху, порача дека израелските сили ќе останат во Либан сè додека не бидат отстранети заканите од Хезболах.

Неговата позиција дополнително ги продлабочува разликите со администрацијата во Вашингтон, која последните недели вложува дипломатски напори за стабилизација на регионот.

FOUR IDF soldiers killed after Hezbollah struck IDF tank in southern Lebanon

Including 52nd Battalion Commander who assumed command only days earlier after his predecessor was seriously wounded

Hours later, five more wounded, including SERIOUSLY, in drone strike in same area pic.twitter.com/RQBjyKoxme

— RT (@RT_com) June 19, 2026

Откажан летот на Ди Венс за Швајцарија

Во меѓувреме, потпретседателот на САД, Џеј Ди Венс, го откажал планираното патување во Швајцарија, каде требало да учествува на разговори поврзани со мировниот процес.

Белата куќа како причина навела логистички проблеми, но одлуката уследила откако иранската делегација го одложила своето доаѓање поради развојот на настаните во Либан.

Вашингтон стравува од нова ескалација

Претседателот на САД, Доналд Трамп, неодамна потпиша мировен меморандум со Иран, кој веднаш стапи во сила и треба да биде основа за поширок договор меѓу двете држави.

Во изјавите по потпишувањето, Венс упати јасна порака до Израел.

– Она што понекогаш го фрустрираше претседателот е што изгледа дека сме на чекор до голем дипломатски пробив, а потоа одеднаш се случува голема експлозија во центар на цивилно население во Бејрут – изјави потпретседателот на САД.

Развојот на ситуацијата во Либан сега се следи со особено внимание во Вашингтон и во Техеран, бидејќи секоја нова ескалација може дополнително да ги искомплицира преговорите за траен мировен договор.

The post 📽️ НОВА ЕСКАЛАЦИЈА ВО ЛИБАН, МИРОТ НА КОНЕЦ Дрон погоди тенк, четворица израелски војници загинаа appeared first on plusinfo.mk.

Американскиот претседател Доналд Трамп изјави дека САД очекуваат „целосен прекин на огнот на сите фронтови“ меѓу либанското шиитско движење Хезболах и Израел, вклучително и во Либан.

Во објава на својата социјална мрежа „Трут сошл“, Трамп ги повика сите актери на Блискиот Исток да останат посветени на дипломатскиот процес.

„Ги охрабруваме сите во регионот на Блискиот Исток да ја задржат својата посветеност и да овозможат нашите преговори да се развиваат на прекрасен начин“ – напиша американскиот претседател.

Тој додаде дека финансиските пазари позитивно реагираат на актуелниот развој на настаните.

„Пазарите го сакаат она што се случува – цените на нафтата значително паѓаат, а акциите силно растат“ – наведе Трамп.

Изјавата доаѓа еден ден откако Трамп потпиша меморандум за разбирање за ставање крај на речиси четиримесечниот конфликт меѓу САД и Иран.

The post ОЧЕКУВАМ ЦЕЛОСЕН ПРЕКИН НА ОГНОТ Трамп со порака до Израел и до Хезболах appeared first on plusinfo.mk.