Од денеска, 1 февруари, еврото станува единствена официјална валута во Бугарија, додека левот повеќе нема да биде прифатлив за плаќање на стоки, услуги и обврски, соопшти Министерството за финансии на Бугарија.

Според законот за воведување на еврото во Бугарија, цените на стоките и услугите и понатаму ќе бидат истакнати во двете валути до 8 август 2026 година, со цел да се обезбеди транспарентност и да се спречат шпекулативни практики, јавија бугарските медиуми.

Граѓаните на Бугарија кои и понатаму поседуваат левови можат бесплатно да ги заменат во банките и во „Бугарски пошти“ до 30 јуни 2026 година, додека Националната банка на Бугарија (БНБ) ќе обезбеди бесплатна и неограничена замена на левовите во евра и по тој датум.

Министерството за финансии потсетува дека трговците веќе немаат обврска да примаат левови, а кусурот во секоја трансакција се враќа исклучиво во евра.

Бугарија на 1 јануари 2026 година официјално го воведе еврото и стана 21-ва членка на еврозоната, точно 19 години по влезот во Европската унија.

The post ЛЕВОВИТЕ ЗАМИНАА ВО ИСТОРИЈАТА Од денеска еврото е официјална валута во Бугарија appeared first on plusinfo.mk.

Претседателката на  бугарското Собрание и поранешна советничка на претседателот, Наталија Киселова, го врати барањето за референдум за еврото на претседателот Румен Радев.

Како резултат на тоа, Народното собрание нема да го разгледува барањето на Радев за гласање на предлогот за одржување на референдум за воведување на еврото од 2026 година. Со ова се исклучува можноста претседателот подоцна да го повика Уставниот суд, бидејќи без одлука на парламентот нема што да се испрати до Судот.

Од прес-службата на Собранието соопштија дека предлогот за референдум е вратен како недозволен. Во образложението на Киселова се наведува дека предлогот е спротивен на Уставот, на Договорот за функционирање на Европската Унија, на Договорот за пристапување на Република Бугарија во ЕУ и на Законот за директно учество на граѓаните во државната власт и локалната самоуправа.

Исто така, во образложението се наведува дека предлогот на претседателот и мотивите не се усогласени со одлуката на Уставниот суд по иницијативата на „Преродба“ за референдум по прашањето за еврото.

Во меѓувреме, премиерот Росен Желјазков и гувернерот на Бугарската народна банка Димитар Радев потпишаа став за поддршка на воведување на еврото во Бугарија од 1 јануари 2026 година.

Синоќа Радев изјави дека „во стравот од гласот на бугарските граѓани за подготвеноста на Бугарија да воведе евро во 2026 година, новото мнозинство во парламентот ги прекрши Уставот и законите, злоупотребувајќи ја претседателката на Собранието“.

Според претседателот, одлуката на Киселова „ја урива и она малку преостаната доверба во институциите и ги разобличува нивните претензии дека работат во интерес на граѓаните и ја почитуваат нивната волја“.

The post БУГАРСКИОТ ПАРЛАМЕНТ ГО ОДБИ РЕФЕРЕНДУМОТ ЗА ЕВРОТО Пропадна иницијативата на Румен Радев appeared first on plusinfo.mk.

Почнувајќи од јули, сите трговци на мало во Бугарија ќе бидат обврзани да ги прикажуваат цените во левoви и во евра, објави Новините.

Оваа мерка ја потврди заменик-министерот за економија Николај Павлов кој нагласи дека конверзијата мора да се базира на фиксен девизен курс од 1,95583 лева за едно евро.

Според законот за воведување на еврото двете валути мора да бидат јасно и прецизно претставени на сите ценовници, при што ниту едната не е визуелно истакната во однос на другата.

Барањето за двојно прикажување на цените е дел од пошироките подготовки за планираното усвојување на еврото во Бугарија, со официјален целен датум поставен на 1 јануари 2026 година.

Властите очекуваат дека поволна одлука за влез на Бугарија во Еврозоната ќе биде донесена веќе на почетокот на јуни.

Воведувањето на објавувањето на двојни цени ќе се совпадне со врвот на летната туристичка сезона.

Павлов истакна дека законските обврски за трговците се наведени во Законот за воведување на еврото.

The post ИСКАТЕ ЛИ ДА ПЛАТИТЕ В ЛЕВА ИЛИ ЕВРО? Од 1 јули во Бугарија ќе важат двете валути appeared first on plusinfo.mk.

Важни вести за парите ги возбудија Бугарите во минатата недела. Во средата пратениците конечно го изгласаа Законот за воведување на еврото во Бугарија. Целта е да се воведат правила според кои земјата ќе ја усвои единствената европска валута. Законот ќе стапи на сила веднаш штом Бугарија добие датум за усвојување на еврото. Се претпоставува декапогодни датуми се 1 јули 2025 година или 1 јануари 2026 година.

Владата веќе ги објави сите технички детали околу преминот од лев во евро, а објавена е и стратегијата како да се избегнат зголемената инфлација и други дисторзии на финансискиот пазар.

Новиот закон предвидува создавање правило за автоматска конверзија на износите од лева во евра по датумот на усвојување на единствената валута. Таканареченото „општо правило“ се однесува на конвертирање на вредностите со одредената стапка и заокружување на добиениот резултат на второто децимално место врз основа на третото децимално место во согласност со правилото за математичко заокружување. Се утврдува и стапката по која ќе се усвојува еврото, повторувајќи ја одлуката на Националното собрание. Неговата вредност во моментов е фиксирана на 1,95583 лева за 1 евро.

За една година во Бугарија има 271 нов милионер!

Накусо, одбројувањето до влезот на Бугарија во еврозоната веќе почна. Но, граѓаните на оваа земја, која во минатото преживеа големи турбуленции во економијата, си градат своја стратегија како да го преживеат и ако може, дури и да ќарат од промената на валутата. А стратегијата е едноставна и добро позната од минатото – што повеќе левови да се „затворат“ во имоти и во други вредности за кои Бугарите веруваат дека во иднина ќе „прават“ пари.

Првиот чекор е парите скриени „под перница“ да се внесат во банките. Најновата статистика на Бугарската национална банка од крајот на јуни покаќа дека во Бугарија се множат милионерите – и во депозити и во заеми. Главната причина е тоа што парите што се чуваат во банките автоматски ќе се конвертираат во евра. Но, доколку парите се скриени „под перница“, што е вообичаено секаде на Балканот, за конверзија на поголеми количества левиови во евра ќе се бара доказ за потекло. А тоа во „европска“ Бугарија не е баш лесно…

Така, за само 3 месеци, бројот на луѓе кои имаат седумцифрени суми на сметките се зголемил за 77. Тоа значи дека секоја недела седум нови Бугари можат да се пофалат дека имаат депозит во банка повеќе од 1 милион левови. За една година Бугарија има повеќе од 271 милионер. Вкупно, во банките има 1.595 милионери, а вкупните депозити се повеќе од 4,235 милијарди лева. За споредба, пред една година имало 1.324 милионери и депозити од над 3,628 милијарди левови.

Кој има „легализирани“ левови, тој ќе има и евра!

Но, не се само милионерите тие што си бараат чаре за парите. Депозитите над 1 милион лева се на трето место по раст во рок од една година. Најбрзо пораснале депозитите на граѓаните со суми од 200.000 лева до 500.000 лева, покажуваат податоците на БНБ. Тие пораснаа за над 26% за една година. Од друга страна, статистиката повторно регистрира пад кај најмалите депозити, оние до 1.000 лева. Станува збор за близу стотина илјади банковни депозити, во вкупна вредност од близу 766 милиони левови.

Заклучокот е јасен – од конверзија на левовите во евра најмногу ќе ќарат богатите, оние што ќе успеат да стокмат повеќе пари на своите банкарски сметки. Времето кога речиси сите банки даваа нула камата на депозитите на граѓаните, а некои финансиски институции дури и престанаа да нудат орочени депозити за домаќинствата, помина. Последните трендови покажуваат дека каматите се одлепија од нулата и тргнаа нагоре.

Земаат кредити, удрија јајца на масло…

Интересен податок е дека има голем пораст кај седумцифрените кредити. Тие се зголемени за дури 52%, при што 258 луѓе сега имаат заеми над 1 милион лева – 88 повеќе отколку во истиот период од 2023 година. Просечниот износ на овие заеми е 1,5 милиони лева. Заеми од 500.000 лева до 1 милион лева зеле 2.308 Бугари, што за една година претставува пораст од над 65%.

Што прават Бугарите со кредитите? Најчесто ваквите суми се повлекуваат за купување луксузни имот или скапи автомобили, велат експертите.

Сега му е мајката да се купи стан!

На ова му погодува и фактот што хипотекарните кредити, според податоците на БНБ, се поевтини од лани. Така, во јуни, просечната стапка на нови кредити за купување станови и куќи изнесувала 2,52%, наспроти 2,57% пред една година. Годишната процентуална стапка (АПР) на станбените кредити, која покрај каматата ги вклучува и сите банкарски провизии, во јуни во просек изнесувала 2,82%, што се смета за поволно.

Истовремено, каматните стапки на потрошувачките кредити за домаќинствата се повисоки од оние на станбените, па се забележува тренд како и кај депозитите – се намалуваат малите кредити. Така, кај кредитите до 1.000 лева има намалување, а кај замите за домаќинствата меѓу 10.000 и 25.000 лева, кои најчесто се за купување автомобил, за поправка на домот или за опремување, зголемувањето е 5,6%.

Со еден збор, Бугарите еврото го дочекуваат со смели потези и игри на финансискиот пазар. Ионака левовите наскоро ќе станат бескорисна играчка…

The post БУГАРИТЕ ЗЕМААТ КРЕДИТИ И КУПУВААТ ЛУКСУЗНИ ИМОТИ И КОЛИ КАКО ДА ИМ Е ПОСЛЕДНО Еднаш се воведува евро, ама и еднаш се живее! appeared first on plusinfo.mk.